:questionmark:صباح / مساء الخيرات جميعا
بقول لكم قصتي يا حوامل ربي يتمم عليكم يمكن تستفيدون منها طبعا هذي السالفه من اسبوع يعني توها طازه.
انا ام عنودي عندي بنوتتين ولله الحمد عنودي ونوره 7-4:icon26: وتوني حملت في شهر رمضان وكنت بالسعوديه عندي اهلي زياره طبعا انا ما قلت لكم اني مغتربه للدراسه مع زوجي وعيالي من 3 سنوات في امريكا المهم حملت وانا ما ادري اني حامل ليش لان كان معي لخبطه في الدوره ولو تاخرت ما اشيل هم ولا اشك ابد بالحمل ومع ذلك كنت استخدم العدد او ما يسمونه العزل وفي شهر شوال نهايته توني انتبه ان الدوره ما جت ومافي اعراضها قلت بحلل طرت الصيدليه جبت الاختبار وطلع خط واضح والثاني مو مره شكيت بالوضع مع اني ما كنت مخططه ابدا بالحمل اولا عشان ظرف دراستي وبعدي عن اهلي:sadwalk: رحت الاسعاف الي في مدينتنا المعفنه لان مافي شي اسمه مستوصف هنا يا اسعاف في اي وقت او عياده في الصبح ورحت وحللو لي واشعه وحوسه وقالو واااااااااو انتي حامل صعقت الله يتوب علي وصحت خفت مدري وش اسوي ابطل دراسه اجمد البعثه وارجع لاهلي وانا اعرف نفسي فتره الوحم او ما نسميها بالسعوديه النساة متعبه لدرجه اني ممكن اعيش على مغذيات لاني ما اكل واستفراغ 24 ساعه جدا اتعب المهم هم عندهم عادي اسقاط الطفل فقالو لي اذا تبغين طبعا مستحيل الله لا يقوله وكنت في الاسبوع الثالث او الرابع ,قلت لزوجي فرح وما فرح وقال يالله الله يسهلها ومر علي كم اسبوع الي الاسبوع الثامكن من الحمل طبعا طوال الفتره تعبت بشكل وكنت اداوم من الظهر الي الساعه عشر محاضرات مقرفه من ساعه الي ساعتين وما ارتاح ابد كرف غير عاد كرف البيت والاطفال بس كل شي باجرة الحمد لله جتني حاله استفراغ رهيبه جدا ما قدرت اتوقف وانا استفرغ حسيت اني اضغط على المنطقه الي تحت وحسيت بشي ينزل طنشت قلت ما راح اشوف الي ان اروح البيت ما ابي ارتاع وانا عندي اختبار بعد ساعه وحسيت بمغص شديد ما قدرت اجلس على الكرسي استاذنت وطلعت البيت تفاجات بنقط دم الله يكرمكم خفت لا يكون اجهاض رحت الاسعاف وقالو طبيعي :1eye: هذا الشي الي مستحيل انساه متخلفين بالرغم تطورهم هالامريكان كيف طبيعي والاردى منهم الطبيب الي اتابع عنده في العياده اخترته لانه سوري قلت عربي بعرف اتفاهم معه واشكي له وش فيني والله يابنات من حملت ما شفت وجهه الا مره وصلت الشهر الرابع ما شفته حسبي الله عليهم كانت تكشف على المساعده الي عنده ومن الاسبوع الثامن الي الاسبوع الخمس طعش وانا اراجع عندهم ومعي دم وكله عادي وطبيعي حتى اني قلت لها ما اكل الفيتامينات ال ي تعطيني لانه كبيره مره تغصص فيني اي ما اقدر ابلعها من كبرها وقالت اتركيها واشتري اي نوع فيتمين من الصيدليه سكت والشكوى على الله ما بغيت اتفلسف عليها وتعصب مدري انا خبله لهدرجه او جاهله :sadwalk: ظليت انزف بس موكثير بسيط يوم يوقف وعشره لا وقعدت اكرف في هالدراسه والبيت وتناسيت نفسي الي جا اليوم الي كنت اصلح فيه عشى لصديقتي كانت ولاده قيصري وشلت همها غربه وغربله وما كان في من العوايل السعوديه الا انا وعايلتي كلهم نزلو السعوديه اجازه تحمست انا معها وهي يا عمري بكر تكسر الخاطر وشديت حيلي وتحركت كثير وكانت الحمد لله فتره اجازه عندنا وبذيك الليله وانا على الفرن جتني طلقه خبطت ظهري ومغص طبعا مو اي مغص طلق يذبح تصبرت وتصبرت طبعا انا اعتبر خبله المفروض اطير المستشفى بس للاسف جلست اتحمل لحد ما صار يقطر الدم بين رجولي الله يكرمكم ومن قوة الالم ما حسيت بالي ينزل بنتي نبهتني مما فيك بوبو رحت دوره المياه الا الدنيا تضرب دم ومعه قطع صغيره رحت الاسعاف بس مستشفى ثاني ولطعوني بالاسعاف ساعتين بغيت اموت وزاد الطلق زي الولاده ورحت الحمام اعزكم الله بشوف من شفت من هنا معاد اذكر وش صار لي الين زوجي جلس ينفضني صرت تاخرت بالحمام وشك والحمد لله ما قفلته على نفسي ولقاني طايحه والدنيا دم
الاسعاف يدرون اني حامل بس من شافو الدم قعدت الدكتوره تضغط ببطني بيدها زي الي تبي شي يطلع وانا ما اقدر احكي من التعب نسيت انها ما تدري وش اقول وانا احكي عربي اقول شوفي النبض قبل تضغطين ببطني الله ياخذك وانتبه زوجي اني اخربط عليها وقال لها قالت اتوقع انه ميت وانا اقول لزوجي شلون ميت وانا احس بحركته قبل اجيهم لا تضغطيني وما سمعت لي لحد ما اغمي علي مره ثانيه من الالم والم ضغطها طبعا طلعت المشيمه اول متقطعه وتقعد تحاول تطلع البيبي بيدها والله بيدها تبي تسحبه وانا بموت من الالم خلاص تكفون وخرو عني
وهي تحاول وقعدت انزف وخافو وعلى طلو نقلوني غرفه ثانيه واستمرو بمحاولات تطليع البيبي بيدها وانا بموت خلاص وضعف القلب عندي والدم راح مني لدرجه انهم خافوا وقالو لزوجي ترى بنحاول ان نساعدها بقدر ما نستطيع بس لا تخاف لازم توفر لها دم لان عندنا الدم مره غالي همهم الفلوس عنبو بليسهم بس الحمد لله الدوله تغطي حالتي فما خفنا من هالناحيه سوى لي عمليه تنظيف من غير بنج كانت جدا مؤلمه احس اني مت وحييت وليش من غير بنج عشان يخافو القلب يوقف عندي لانه ضعيف سبحان الله طلع البيبي متقطع من كثر ما دخلو هالمقصات والتضغيط بهذلوه وبهذلوني :tears: الشكوى على الله , وبعدها قالو لزوجي لازم تتنوم لانها بحاجه نقل دم وصل عندي الدم 7 وقعدت اهذري واتذكرالموت وقعدت اودع بناتي افكر اخر مره بشوفهم وشو شلون غربله الغربه لا اهل ولا احد طبعا ما في الا صديقتي الي والده هي كانت تعبانه بس ما قصرت جا زوجها وخذ بناتي عندهم لان طلعت الشمس وبناتي دايخين العنود ماتتت من الصياح على البيبي لا يا ماما ما مات البيبي انا ابي برذر على قولتها والله بكت الين داخت من التعب لانها كانت متشفقه على الاطفال بشكل تموت بالصغار سبحان الله وتنومت عندهم نقلو لي دم في نفس الليله لانهم لقو بعد الاشعه انه في قطع بالرحم ولازم تنظيف وعشان يرجع القلب والضغط عندي طبيعي عطوني ليله بعد نقل الدم وعشان استرجع الوعي وكنت طول الليل اون من الالم واخربط تذكرت امي واخواني واهلي يالله حسيت نفسي ضعيفه جدا وهالامريكان الدكاتره يلعبون علي مدري وسوسه الشيطان قعدت اصيح وكني طفله وراح زوجي لبناتي ينام معهم بالبيت لان نوره من النوع الي ما تنام الا بحضني صيحو ما نامو وجلست نوره تدورني بالبيت يقول ابوها حتى بدولاب الملابس تدور عليك تفكرك تلعبين معهم متخبيه وزدت زود من الحاله النفسيه وبالمهدئات نمت ما صحيت الا الطبيب يكشف علي ويقول لي بعد ساعه بنسوي لك تنظيف بس بيكون بنج كامل انا عاد قاله ولا ما قاله قعدت اصيح خلاص بروح لبيتي انا ما ابي اموت هنا ابي اموت بالسعوديه بليز لا برجع لاهلي طنشني وودى لزوجي اوراق يوقعها للعمليه وشلوني زي البزر بالشرشف ونقلوني على سرير ثاني ولغرفه العمليات وطول الطريق لحد غرفة العمليات وانا اذكر الله واقرى ايه الكرسي وادعي وكاني بندف على الموت والي يدف السرير جالس يضحك ما ادري ليش رفع ضغطي حسبي الله عليه بس وصلت لغرفة التخدير سالني قال انتي مسلم قلت ايوه قال اه انا عرفت لانك تقولي لا اله الا الله قلت بخاطري مني فاضيه لك بس لا تبهذلوني وجلسو يحطو هالاجهزه علي وانا طايره عيوني بالسقف واهلل واسبح خفت خوف احسب ما راح ارجع للدنيا استغفر الله بس خفت على عيالي بعدي وين بيروحون :icon26: وجلست اهوجس مع نفسي يالله هذي اخر لحظه اشوف فيها ناس بالدنيا واطلع بالطبيب والي معه والمس السرير واطالع كل شي بالغرفه كني اودع :questionmark: من كثر ما شفت هذيك الليله وبثواني قعد يسولف يسالني انا وش اسمي وش اسم عيالي وكم عمري وغطيت ونمت ما حسيت الا بيد ماسكه يدي وتمسح على راسي وكنت ما زلت في غرفه مابعد العمليه والله اني اطالعها اشوف امي وجلست اناديه وابوس في يدها وابكي وقعدت اقول لها ليش خليتيني ابي اروح البيت بناتي يمه لا يسون فيهم شي طبعا زوجي كان بالغرفه ويسمعني وانا اخربط واسولف واشكي لامي وهي ممرضه عجوز بس سبحان الله تهيئ لي انها امي شلون مدري ؟؟ وبعد العمليه نمت نوم عميق صحيت باالطبيب يحاول يصحيني ويحكي معي طبعا استوعب بس دايخه اشوف الشخص اثنين وما ادري انا وين بس احس بالم بطني وكان هواء في بطني وفخوذي مقدر المها من الالم شكلهم كانو ماطيني بقوه ومن قسوتهم توني مالي ساعتين من العملي تقول قومي امشي وين امشي حسبي الله عليكم ما اقدر بس قعدوني على حيلي رجعت خبطت بالسرير مره ثانيه مره دايخه ويالله بس قدرت اجلس زي الاوادم بعد ما مر 4 ساعات وقعدو يعطوني من هالثلج بغيت افطس :exclamationpoint: بارد وانا خلقه بردانه صحصحت ويالله على طول روحي لبيتك يا ناس يا عالم ما عندهم رحمه يا زين بس مستشفيات السعوديه من جد هذولا متصربعين واسالهم عن سبب البيبي ليش مات كل طبيبي له راي واخرتها استني بعد اسبوع نتيجه التحليل الحمد لله على كل حال واحمد ربي اني الي هذي اللحظه عايشه ورجعت لبناتي :icon26:
سوري على الاطاله بس حبيت تشاروكني قصتي عاد مغتربه واكسر الخاطر واحط حيلي وشكواي لكم يا بلقيسيات
تكفون يا الحوامل لا تهملون انفسكم ولا تسون زي اهمال لاخر حد وهم من عيشني على انه عادي
وربي يتمم عليكم ويسهل الحمل والولادة ويسخر لكم يارب من حولكم :in_love: وترزق البلقيسيات الي ما بعد ربي كتب لهم الحمل بالذريه الصالحه يارب.:bigsmile:
بقول لكم قصتي يا حوامل ربي يتمم عليكم يمكن تستفيدون منها طبعا هذي السالفه من اسبوع يعني توها طازه.
انا ام عنودي عندي بنوتتين ولله الحمد عنودي ونوره 7-4:icon26: وتوني حملت في شهر رمضان وكنت بالسعوديه عندي اهلي زياره طبعا انا ما قلت لكم اني مغتربه للدراسه مع زوجي وعيالي من 3 سنوات في امريكا المهم حملت وانا ما ادري اني حامل ليش لان كان معي لخبطه في الدوره ولو تاخرت ما اشيل هم ولا اشك ابد بالحمل ومع ذلك كنت استخدم العدد او ما يسمونه العزل وفي شهر شوال نهايته توني انتبه ان الدوره ما جت ومافي اعراضها قلت بحلل طرت الصيدليه جبت الاختبار وطلع خط واضح والثاني مو مره شكيت بالوضع مع اني ما كنت مخططه ابدا بالحمل اولا عشان ظرف دراستي وبعدي عن اهلي:sadwalk: رحت الاسعاف الي في مدينتنا المعفنه لان مافي شي اسمه مستوصف هنا يا اسعاف في اي وقت او عياده في الصبح ورحت وحللو لي واشعه وحوسه وقالو واااااااااو انتي حامل صعقت الله يتوب علي وصحت خفت مدري وش اسوي ابطل دراسه اجمد البعثه وارجع لاهلي وانا اعرف نفسي فتره الوحم او ما نسميها بالسعوديه النساة متعبه لدرجه اني ممكن اعيش على مغذيات لاني ما اكل واستفراغ 24 ساعه جدا اتعب المهم هم عندهم عادي اسقاط الطفل فقالو لي اذا تبغين طبعا مستحيل الله لا يقوله وكنت في الاسبوع الثالث او الرابع ,قلت لزوجي فرح وما فرح وقال يالله الله يسهلها ومر علي كم اسبوع الي الاسبوع الثامكن من الحمل طبعا طوال الفتره تعبت بشكل وكنت اداوم من الظهر الي الساعه عشر محاضرات مقرفه من ساعه الي ساعتين وما ارتاح ابد كرف غير عاد كرف البيت والاطفال بس كل شي باجرة الحمد لله جتني حاله استفراغ رهيبه جدا ما قدرت اتوقف وانا استفرغ حسيت اني اضغط على المنطقه الي تحت وحسيت بشي ينزل طنشت قلت ما راح اشوف الي ان اروح البيت ما ابي ارتاع وانا عندي اختبار بعد ساعه وحسيت بمغص شديد ما قدرت اجلس على الكرسي استاذنت وطلعت البيت تفاجات بنقط دم الله يكرمكم خفت لا يكون اجهاض رحت الاسعاف وقالو طبيعي :1eye: هذا الشي الي مستحيل انساه متخلفين بالرغم تطورهم هالامريكان كيف طبيعي والاردى منهم الطبيب الي اتابع عنده في العياده اخترته لانه سوري قلت عربي بعرف اتفاهم معه واشكي له وش فيني والله يابنات من حملت ما شفت وجهه الا مره وصلت الشهر الرابع ما شفته حسبي الله عليهم كانت تكشف على المساعده الي عنده ومن الاسبوع الثامن الي الاسبوع الخمس طعش وانا اراجع عندهم ومعي دم وكله عادي وطبيعي حتى اني قلت لها ما اكل الفيتامينات ال ي تعطيني لانه كبيره مره تغصص فيني اي ما اقدر ابلعها من كبرها وقالت اتركيها واشتري اي نوع فيتمين من الصيدليه سكت والشكوى على الله ما بغيت اتفلسف عليها وتعصب مدري انا خبله لهدرجه او جاهله :sadwalk: ظليت انزف بس موكثير بسيط يوم يوقف وعشره لا وقعدت اكرف في هالدراسه والبيت وتناسيت نفسي الي جا اليوم الي كنت اصلح فيه عشى لصديقتي كانت ولاده قيصري وشلت همها غربه وغربله وما كان في من العوايل السعوديه الا انا وعايلتي كلهم نزلو السعوديه اجازه تحمست انا معها وهي يا عمري بكر تكسر الخاطر وشديت حيلي وتحركت كثير وكانت الحمد لله فتره اجازه عندنا وبذيك الليله وانا على الفرن جتني طلقه خبطت ظهري ومغص طبعا مو اي مغص طلق يذبح تصبرت وتصبرت طبعا انا اعتبر خبله المفروض اطير المستشفى بس للاسف جلست اتحمل لحد ما صار يقطر الدم بين رجولي الله يكرمكم ومن قوة الالم ما حسيت بالي ينزل بنتي نبهتني مما فيك بوبو رحت دوره المياه الا الدنيا تضرب دم ومعه قطع صغيره رحت الاسعاف بس مستشفى ثاني ولطعوني بالاسعاف ساعتين بغيت اموت وزاد الطلق زي الولاده ورحت الحمام اعزكم الله بشوف من شفت من هنا معاد اذكر وش صار لي الين زوجي جلس ينفضني صرت تاخرت بالحمام وشك والحمد لله ما قفلته على نفسي ولقاني طايحه والدنيا دم
الاسعاف يدرون اني حامل بس من شافو الدم قعدت الدكتوره تضغط ببطني بيدها زي الي تبي شي يطلع وانا ما اقدر احكي من التعب نسيت انها ما تدري وش اقول وانا احكي عربي اقول شوفي النبض قبل تضغطين ببطني الله ياخذك وانتبه زوجي اني اخربط عليها وقال لها قالت اتوقع انه ميت وانا اقول لزوجي شلون ميت وانا احس بحركته قبل اجيهم لا تضغطيني وما سمعت لي لحد ما اغمي علي مره ثانيه من الالم والم ضغطها طبعا طلعت المشيمه اول متقطعه وتقعد تحاول تطلع البيبي بيدها والله بيدها تبي تسحبه وانا بموت من الالم خلاص تكفون وخرو عني
وهي تحاول وقعدت انزف وخافو وعلى طلو نقلوني غرفه ثانيه واستمرو بمحاولات تطليع البيبي بيدها وانا بموت خلاص وضعف القلب عندي والدم راح مني لدرجه انهم خافوا وقالو لزوجي ترى بنحاول ان نساعدها بقدر ما نستطيع بس لا تخاف لازم توفر لها دم لان عندنا الدم مره غالي همهم الفلوس عنبو بليسهم بس الحمد لله الدوله تغطي حالتي فما خفنا من هالناحيه سوى لي عمليه تنظيف من غير بنج كانت جدا مؤلمه احس اني مت وحييت وليش من غير بنج عشان يخافو القلب يوقف عندي لانه ضعيف سبحان الله طلع البيبي متقطع من كثر ما دخلو هالمقصات والتضغيط بهذلوه وبهذلوني :tears: الشكوى على الله , وبعدها قالو لزوجي لازم تتنوم لانها بحاجه نقل دم وصل عندي الدم 7 وقعدت اهذري واتذكرالموت وقعدت اودع بناتي افكر اخر مره بشوفهم وشو شلون غربله الغربه لا اهل ولا احد طبعا ما في الا صديقتي الي والده هي كانت تعبانه بس ما قصرت جا زوجها وخذ بناتي عندهم لان طلعت الشمس وبناتي دايخين العنود ماتتت من الصياح على البيبي لا يا ماما ما مات البيبي انا ابي برذر على قولتها والله بكت الين داخت من التعب لانها كانت متشفقه على الاطفال بشكل تموت بالصغار سبحان الله وتنومت عندهم نقلو لي دم في نفس الليله لانهم لقو بعد الاشعه انه في قطع بالرحم ولازم تنظيف وعشان يرجع القلب والضغط عندي طبيعي عطوني ليله بعد نقل الدم وعشان استرجع الوعي وكنت طول الليل اون من الالم واخربط تذكرت امي واخواني واهلي يالله حسيت نفسي ضعيفه جدا وهالامريكان الدكاتره يلعبون علي مدري وسوسه الشيطان قعدت اصيح وكني طفله وراح زوجي لبناتي ينام معهم بالبيت لان نوره من النوع الي ما تنام الا بحضني صيحو ما نامو وجلست نوره تدورني بالبيت يقول ابوها حتى بدولاب الملابس تدور عليك تفكرك تلعبين معهم متخبيه وزدت زود من الحاله النفسيه وبالمهدئات نمت ما صحيت الا الطبيب يكشف علي ويقول لي بعد ساعه بنسوي لك تنظيف بس بيكون بنج كامل انا عاد قاله ولا ما قاله قعدت اصيح خلاص بروح لبيتي انا ما ابي اموت هنا ابي اموت بالسعوديه بليز لا برجع لاهلي طنشني وودى لزوجي اوراق يوقعها للعمليه وشلوني زي البزر بالشرشف ونقلوني على سرير ثاني ولغرفه العمليات وطول الطريق لحد غرفة العمليات وانا اذكر الله واقرى ايه الكرسي وادعي وكاني بندف على الموت والي يدف السرير جالس يضحك ما ادري ليش رفع ضغطي حسبي الله عليه بس وصلت لغرفة التخدير سالني قال انتي مسلم قلت ايوه قال اه انا عرفت لانك تقولي لا اله الا الله قلت بخاطري مني فاضيه لك بس لا تبهذلوني وجلسو يحطو هالاجهزه علي وانا طايره عيوني بالسقف واهلل واسبح خفت خوف احسب ما راح ارجع للدنيا استغفر الله بس خفت على عيالي بعدي وين بيروحون :icon26: وجلست اهوجس مع نفسي يالله هذي اخر لحظه اشوف فيها ناس بالدنيا واطلع بالطبيب والي معه والمس السرير واطالع كل شي بالغرفه كني اودع :questionmark: من كثر ما شفت هذيك الليله وبثواني قعد يسولف يسالني انا وش اسمي وش اسم عيالي وكم عمري وغطيت ونمت ما حسيت الا بيد ماسكه يدي وتمسح على راسي وكنت ما زلت في غرفه مابعد العمليه والله اني اطالعها اشوف امي وجلست اناديه وابوس في يدها وابكي وقعدت اقول لها ليش خليتيني ابي اروح البيت بناتي يمه لا يسون فيهم شي طبعا زوجي كان بالغرفه ويسمعني وانا اخربط واسولف واشكي لامي وهي ممرضه عجوز بس سبحان الله تهيئ لي انها امي شلون مدري ؟؟ وبعد العمليه نمت نوم عميق صحيت باالطبيب يحاول يصحيني ويحكي معي طبعا استوعب بس دايخه اشوف الشخص اثنين وما ادري انا وين بس احس بالم بطني وكان هواء في بطني وفخوذي مقدر المها من الالم شكلهم كانو ماطيني بقوه ومن قسوتهم توني مالي ساعتين من العملي تقول قومي امشي وين امشي حسبي الله عليكم ما اقدر بس قعدوني على حيلي رجعت خبطت بالسرير مره ثانيه مره دايخه ويالله بس قدرت اجلس زي الاوادم بعد ما مر 4 ساعات وقعدو يعطوني من هالثلج بغيت افطس :exclamationpoint: بارد وانا خلقه بردانه صحصحت ويالله على طول روحي لبيتك يا ناس يا عالم ما عندهم رحمه يا زين بس مستشفيات السعوديه من جد هذولا متصربعين واسالهم عن سبب البيبي ليش مات كل طبيبي له راي واخرتها استني بعد اسبوع نتيجه التحليل الحمد لله على كل حال واحمد ربي اني الي هذي اللحظه عايشه ورجعت لبناتي :icon26:
سوري على الاطاله بس حبيت تشاروكني قصتي عاد مغتربه واكسر الخاطر واحط حيلي وشكواي لكم يا بلقيسيات
تكفون يا الحوامل لا تهملون انفسكم ولا تسون زي اهمال لاخر حد وهم من عيشني على انه عادي
وربي يتمم عليكم ويسهل الحمل والولادة ويسخر لكم يارب من حولكم :in_love: وترزق البلقيسيات الي ما بعد ربي كتب لهم الحمل بالذريه الصالحه يارب.:bigsmile:
