انا واخوي

[الدان ـه ~]

بنات انا اخاف من اخوي الكبير ( ابوي مات الله يرحمه )

ماسويت شي

بس اخاف منه ولا اقول له لا

حتا لمن قال لي لاتعلمين ريلج انج حامل الين يثبت حملج

سويت مثل مايبي


قبل ما اعرس كان عادي يجي يهاوشني يمشينا علا كيفه بحكم انه الاكبر
يعني كان يقعدنا فالاجازه الساعه 8 ونام الساعه 10
وان سهرنا ليش سهرانين
وترا جوالاتكم مراقبه


لمن تزوجت قلت افتكيت منه وانا ف بيت بروحي
بس لمن يتصل احس بخوف ورجفه ومكالماتي محسوبه معاه مب اي كلمه اقولها يعني ررسميه

يقولي حطي ف بالج اني اجيج فأي وقت لاتحسبين اني غافل عنج
وهم يقول لا تطلعين اسرار البيت لزوجج ابد

يعني مثلا لو يسألني ريلي شخبار اخوج ما اقوله مسافر
وهم ما اقول انه يدرس ويشتغل

ماعرف شفيه



بنات


انا مااسوي شي خطأ ابد

بس هو ماعرف ليش تغير من 5 سنين ولا قبل شحلاته


هالشي مايسويه لي بروحي لا لجميع خواتي
بس خواتي يقدرون يردون بس انا اخاف


شسوي

حتا لو تكلمت معاه وناقشته بقول من متا انا اتناقش
خلي عنج سوالف التلفزيون والمسلسلات

 

[ليتك تفهميني]

نفس الوضع بس انااااااااااااااااا موووووووووو متزوجه و ابوي موجود و على قولتك يتحكم و يرااقب و----- و-------------- و .................
الله يعين ..
بس انتي متزوجه يعني خلي لك شويته شخصيه و استقلاليه ........

لا تنقلي اخبار زوجك ل اخوك و العكس .........

لا تخلينه يتدخل بحياتك الخاصه بينك و بين زوجك ..
و الله يعين عليهم يااااااااااااااارب

 

[بنية أمي2]

الدانه انتي تحت حمى رجاااااااااااااااااااال ليش تخلينه يتجرأ عليك ليش يدري بحملك قبل زوجك


كنتي متعوده بس الحين انتي غييييير أنتي بحضن رجال زوجك امانك سترك بعد ابوك الله يرحمه لاتخلين اخوك يسيطر عليك

ترا عاجل او اجل بيعرف زوجك ممكن تطيحين من عينه واعتقد اخوك موسوس لانه تحمل المسئوليه ويخاف بقووة ونقلب هالشئ للتصرفات ذي


الله يكون بعونك يارب

 

[يابعدها سماي]

فيه مثل شعبي يقول (يا فرعون مين اللي فرعنك .. قال ما لقيت احد يلمني ) ..!!​

كل متسلط في اي مكان سبب جبروتة هو ضعف من هم حولة ..!
وتاريخنا يشهد !!​

غلطتك الخوف ..!!
من الشخص اللي اوجب الأسلام وشدد على حقه بعد الوالدين ..؟!!
الزوج ..!
وخصوصاً انه ولي امرك حالياً
اخوك مالة سلطة عليك وانت متزوجة
له حق الأحترام والصلة لكن لو طلب او امر في امر ما يرضيك ناقشية واقنعية بالحسنى
او اعملي بما يرضي الله ثم زوجك فقط
اخوك شخص دكتاتوري لو تمردتي عليه رح يتبعونك كل اهلك لانهم ضحايا ويحملون الكبت​

انا مااحرضك على عداوة او مجابهته او قطع صلة الرحم !!
بالعكس اتمنى تحاورونه بالتدريج الى ان يقتنع ان نظام فرعون ولى زمنة​

لكن انا اذكرك بكونك إنسانة اعطاها الله حقوق ولها ارادة وقدرة ومو من حق اي شخص يسلبها حقها ويزرع فيها الخوف بغير خطيئة بسبب عقدة يعاني منها هو ..!
ذكروه بكونكم أمانة بين يدية وهو لازم يكون امانكم وملجئكم بعد الله
مو سبب خوفكم ونفوركم !
الكلمة الطيبة لها تأثير السحر !
,​

 

[الدان ـه ~]

بنات انا احب اكون مرتاحه
مابي شي يضايقني

يعني لو ادف راتبي كله بس ارتاح ف بيت هلي
لو اعطيه اخوي ويفكني والله عطيته

بس !!!!!

 

[بنية أمي2]

هذا الضعف بعينه عمر البكاء والفلوس ماحلت مشاكل

الحل بيدك انتب تسببتي لنفسك بهالشىء وانتي تطلعين نفسك من هالشىء ترا دنيتك مب كلها اخوك ولا زوجك انتي انسانه من حقك الراحه ورضى نفسك وبالك

امسحي اخوك من الذاكرة لاتردين عليه لا اتصل ولا تفتحين بابك مو قطع للرحم بس متى ماحسيتي انك تقدرين تواجهينه وتكونين قويه ردي عليه وافتحي بابك

خلاص انتي انسانه لك كيان ترا لو صرتي بهالضعف زوجك بينفرر منك لان معروف الرجال مايحبون الحرمه الضعيفه

ممكن انا شوووي كلامي قاسي بس لازم تتغيرين لازم تقوين لازم انا مريت بتسلط لاخوان اصغر مني سنين ويالله قدرت اتحرر منهم بس بنقطتين خليت مالهم دخل فيني

اول نفطه انهم مايعرفون اي خصوصيه لي ولا اتكلم الا بالرسميه قدامهم لو يجي اوقات اسكت احسن بس ماسكت بنظرات ضعف اسكت بكل قوة

ثاني شىء ماطلبهم اي شىء حتى مستشفى ماطلب منهم مب بحاجتهك انا ولو طلبت منهم بيكون مدخل لهم ويرجعون مثل قبل

 

[lmis]

الله يكون في عونك

لازم تتعلمي كيف تتعاملي معاه بدون خوف

الاخ سند ظهرك في هذي الدنيا لكن مو يكسر ظهرك انتبهي

انتي الان في عصمة رجل وهذا الرجل بينك وبينه مثياق الزواج

هو الان مسؤل عنك وانتي في حماه كوني له الزوجه وصديقه وكل نساء العالم

ولا يقدر اخوك ان يتدخل ابدا بينكم وهذا شي اخوك يعرفه زين لكن يستقوي عليك

ربي كتب عليك طاعة هذا الزواج والاخ يظل اخ له المحبه والاحترام والتقدير

 

[ابا اعلن جنوني]

فيه شي ببالي كذا ,, ودي اعطيه كف على خده يمسط فيه خمس ايام عقب الضربه ممكن؟؟<<امزح بس انفعلت بقوه
تدرين قولي له وش تحس فيه؟؟ من جد حيرني وش يحس فيه؟؟<<لا لا امزح برضو منفعله

الحين انتي شرعا وعرفا على ذمه زوجك اخوك ماله دخل ابد يعني هو ما عنده الا خرط ما يقدر يسوي شي وش حقه تخافين منه ؟؟بس اهم شي زوجك لا يدري عن الاشياء هذي لان مو من صالحك,,,
وانتي لا تعذبين حالك يعني مثلا لو قالك انا مو غافل عنك انتي قولي لنفسك خليه لا يغفل عنك وانتي وش مسويه عشان تخافين خليك واثقه وقوي قلبك وما عليك منه
وبالتوفيق