انا مو طبيعيه انا فيني شي .. تتوقعون في جن حولي

الحالة
مغلق و غير مفتوح للمزيد من الردود.
ياقلبي والله اني حااااسة فيك الله يشفيك ويبعد عنك ك حاسد وسااحر صدقيني اللي فيك سحر وانتبهي من الشغالات والله هم الساحرات المفرقات الله ياخذهم البنات ماقصروا مدام طرحتي مشكلتك اتجااوبي معاهم عشان يساعدونك وبالذات الاخت رازيا تكفين طمنينا عنك
 
حبيبتي انا كنت مثلك بس بدون دم ماحب زوجي يقرب لي عصبيه فوق ماتتصورين ماشوف قدامي اذا عصبت حتى اهلي تطولت عليهم وهم كلهم شاكين بوضعي زوجي نفس الشي تغيرت 360 درجة ابكي واصيح اذا بدت ارقية احس بتوتر وخوف ماكنت انام الليل صرت زي الموسوسة صلاتي مررررة ثقيلة اي عبادة اقوم فيها احس بثقل وترى اهملت نفسي مرررررررة لدرجت ان صحتي تدهورت مرة الم في جنبي اروح اسوي تحاليل مافيه شي مرة طحت 40 يوم مقدرت امشي تخيلي الحمام ماوصله مرة صابني العصب السابع وتعالجت في اقل من شهر الحمد لله مرة شعري يطيح ويتساقط بشكل غريب المشكلة اني كنت اقعد بالشهور عند اهلي اتعالج وكل الي احس فيه وقت الرقية تمغط بايدي بس يعني مافيه اعراض معينه الين ماجاء رمضان الي فات وصلت حالتي لدرجة ان قلبي مات اضرب بنتي اتكلم على اهلي اتفل عليهم زوجي ماني طايقته اصرت انطوائية حتى اهلي ماجيهم المهم راح زوجي وجاب الراقي الي كنت اروح له تخيلي اسوي الاشياء وانا في كامل وعيي بس احسني كذا بحلم كاني مو انا لما جابه زوجي وبدا يقرا كنت ابكي واصيح واغمي علي او نمت مدري بس صحيت وانا زي الماء مكبوب علي بعدها ارتحت تعرفين وش لون ارتحت كذا صدر وسيع وقلبي خالي من كل شي زي الصفحة البيضاء كاني كنت بحلم صرت احافظ على الاذكار والنوافل والقران دايم شغال بالبيت والحمد الله رب العالمين

نصيحتي لك لا تهملي نفسك روحي لراقي التزمي بالعلاج الي يقوله لك وضعك ماينسكت عنه ابدا حصني نفسك والبقرة دايم شغاله بالبيت

المرة الي جاب زوجي الراقي فيها للبيت قرا على انا وزوجي وهي المرة الي تاثرت فيها وبدية ابكي واصيح فيها فاخلي الشيخ يقرا عليك انتي وزوجك
الله يشفيك يارب
 
أسأل الله العظيم رب العرش العظيم أن يشفيك

اللهم اشفها شفاء لا يغادر سقما

طبقي كلام أختي رازيا وأخبري عمك بكل ما حصل معك من أول ماتزوجتي وابحثي عن راقي ولو تذهبين أو تتصلين بالشيخ عادل المقبل في هيئة الشفا عندكم في الرياض

وان شاء الله البنات يعطونك رقم التواصل معه
 


انا مانمت من البارح الى هذي الساعه ولاغفت عيني لي 3 ايام ماكلت ولاشي ابد

راح اقولكم وش صار لي اليوم واذا خبطت في كلامي او اخطت بكتابتها صدقوني غصب لئني تعبانه احس بدوخه جسمي يعورني واحس بتنمل في راسي

اليوم الصباح ماصار شي لئني مشغله القرءان ومافيا شي جت خالتي قالت انتي مانمتي قلت لا مانمت

قالت بروح اجهز الفطور تفطرين قلت لا مابي مالي نفس جلس عمي طبعا وجاء قال لا اليوم خميس نبي نفطر سوا

قلت مابي افطر طبعا لي فراشي بصاله الي نجلس فيها ماقمت منها ابد والقرءان شغال ماطفى

كنت هاديه بس احس بشياء تركض حولي والوان واشكال بعيوني كني ماشوف الي جالسين تمت معاي نص ساعه

بعدين اختفى هشي
وصرت اشوفهم طبيعي حطو الفطور جت الساعه 10 ونص او 11 شوي الا باب البيت ينفتح جاء زوجي
من سمعت صوته ينادي امه يقول يمه يمه جسمي بداء ينفض كن ملك الموت هو الي جاي قمت واقفه بسرعه عمي وخالتي صارو يطالعون بي

قلت بطلع بطلع اقولها لنفسي بصوت عالي لا مايجي مايجي وارجف وارجف اول مافتح باب الصاله ودخل صرخت قلت ياويلي بصوت عالي اطلع اطلع تكفى عمي خله يروح خله يذلف انا مقدر اجلس مقدر مقدر

قعد يقول وش سويت فلانه ليش تسوين كذا شفيك تعالي والله ماراح اوذيك ولا شي تعالي طبعا انا رحت ركض ورا ظهر ابوه وشبصت بثوبه قلت قله يطلع قله يطلع بصوت عالي
دخيلك ابوس رجولك قله يروح قله قله هم وراه قال من هم الي وراي تخيلو صرت اشوف حريم وراه وهو واقف
قلت وراه شوفهم وراه قال مافي شي وش اشوف قلت اه خلوه يطلع ابوه قال اطلع خلاص رح اطلع من صاله

وقفت امه قالت هذا ناقص البيت بيت ابونا والقوم حاربونا انتي الي طلعين مو ولدي قال عمي شفيك انهبلتي خلاص خوذي ولدك وروحي برا انا بكلمها

طلعو هداني عمي وجاب لي ماء قال شفيك يابنتي قولي لي

قلت اقولك وتصدقني بلي اقوله قال قولي والله اصدقك لئن انا بعد بقولك كلام

بس انتي تكلمي قبلي

قلت تدري اني احبه قال ادري هشي الي تسوينه غصب

قلت مدري عمي انا مو طبيعيه السالفه ومافيها اني صرت اشوف كذا احس بكذا هذا شي جاني بعد اخر عزيمه عندنا بلبيت

قال انا ادري وقلت لخالتك امس قلت البنت مسحوره ولا ماستفرغت دم

طبعا عمي دارس وفاهم وانسان متدين لابعد الحدود ويروح ويختلط بمشايخ ويروح يحظر مع مشايخ ويسولفون المشايخ بهشي

قال انتي صح تشوفين جن

جسمك يعورك تحسين بتنميل تخيلو وصف كل شي فيني يقول امس انت حاطه راسك بحضني حسيت بهشي

يقول طول منتي على حضني احس احد يشدني بقوه معاك وكنت استغفر وهلل وكبر واقرا بصدري اية الكرسي

انتي تفكرين البارح نمت انا مانمت انا طول البارح مانمت افكر بك لئن انا بس مسكتك حسيت بشي غريب حولنا


وكنت اقرا عليك وعلي وكن احد جاء جلس على كتوفي ويضغط عليها


بس انا بقولك الي عندي انا اليوم كلمت واحد من اصدقاي شيخ طبعا ويقرا ويرقي

ويوم قلت له عنك
قلت بنتي تحس وتحس وتحس وانا الي اعرفه هذي اعرض سحر قلت تستفرغ دم وتصارخ وحالتها حاله

قال دامك تستفرغين هشي بداية الخير لها وانا ادري ليش انتي تسوين هشي ادري غصب عنك

قلت انا لمن اجلس بروحي اقول بنفسي انا ليش اسوي كذا واتذكر كل الي سويته فيكم يعني مانسى

قالي من اخر من كلتي عنده وقلت بس هذيك ليله الي جونا هلك

فتحت الباب خالتي قالت فلان يبيك تقصد ابوه

قام ابوه وراح تخيلو تقولي اذا بتتمين كذا بخليه يطلقك ولدي مو عندك جزمه شوفي نفسك وش انتي عايشه فيه

قصر هنا وبشرقيه خدم ماتشيلين العود جولات من الى الهديا

انا صبرت عليك واجد وعلى دلعك البايخ >> هذي خالتي اخت امي من ام وابو تكلمني كذا


ماخلت لي مجال اتكلم قالت اعتقد كلامي وصلك وصكت باب الصاله

قعدت ابكي خالتي اخت امي المفروض تجيني وتقولي شفيك وش تبين اذا في شي تستحين من عمك تقولينه قولي لي


المهم اذن العصر صليت العصر وقريت لاذكار وشغلت رقيا وكنت حاسه بستفرغ دم الله يكرمكم وكان جسمي يعورني حيل حيل وراسي حيل يعورني

المهم زوجي درى من ابوه راح علم امي وخواتي امي انخرعت جت هي وخواتي الكبار مدري وش صار فيني

كان عمي وخالتي جالسين بنفس الغرفه قامت خالتي فتحت الباب لامي الي هي اختها باب الصاله ودفته بقوه يعني شوفي بنتك امي سلمت عليها انا حسيت شي يخنقني قربت امي بتسلم علي قلت نعم وش تبين وش تبون حسيت اني اول مره اشوفهم


قالت ماودك تسلمين علي فزيت من الكنب رحت لاخر الصاله قلت وش جابك قالت جايه اشوفك قلت انا مابي اشوفك روحي لبيتك روحي

قالت امي لا مو رايحه شفيك صحيح الي سمعته قلت روووووحي بصوت عالي وصرت اطول صوتي عليها قلت روحي الله ياخذك روحو عني الله ياخذكم الله يشيلكم جتني حاله غريبه قلت ذلفو برا طلعو برا جتني الحاله

نفس حالتي يوم جاء اخوي واختي

انا سبيت امي وتكلمت عليها وعلى خواتي امي قامت تصيح قالت خالتي بنتك ذي ماتحترم احد خلاص حسيت نفسي بذبحها يعني بذبحها تخيلو اخذت تحف الي على الدولاب وارميها فيهم ابيها تسكت راحت نادت
ولدها الي هو زوجي

قالت هلحين طلقها

قال ابوه انتي انهبلتي قامت امي تصيح قالت يفلانه ماكنت ذي بنتي الي عطيتك عطيتك ايها ورده وبترجعينها لي كذا

قلت طلعو وقعدت اصارخ ماحسيت الا صرت استفرغ دم الله يكرمكم جاء زوجي بيمسكني ابوه عيا قال لا اتركها طبعا ابوه صار يقرا علي بصوت عالي

ويكبر بصوت عالي ويقرا بصوت عالي وانا احس هو يقرا ازيد بتعب ويقراء بصوت عالي وهو ماسكني امي انهبلت قامت تصيح وتصارخ اكثر امي مسكينه ماطلعت من المستشفى الا قبل يومين

والدكتور قايل لا تخلونها تنفعل ولا تنتكس حالتها




وامه تقول طلقها على هلي يصير تقول طلقها قام ابوه وصفق امه كف قال كله منك ومن حريمك كله منك يوم اقولك لاتدخلين حريم بيتنا يوم اقول لاتجيبين حريم غرب لبيتنا

لاطلع الي مسوي لها هشي من حريمك والله لاطلقك ب3 وهي تقعد ترادد مع عمي وامي تصيح اختي جت وسمت عليا هذي اختي متدينه
والحمدالله قامت ترقيني والله اشوفها ترقيني وهي تصيح طبعا كل هذا شي وعيون زوجي عليا شي كنت اشوف عيونه تدمع

من بعد ماستفرغت الله يكرمكم حسيت اني هديت شوي عليه يعني كان واقف وكنت اشوفه بس ماصارخت ولاصار بي شي وانا كنت حاطه راسي بحضن اختي


قام عمي وقال لرجلي تعال ابيك وطلعو

جلسنا وخالتي قامت باست راس امي الي هي اختها الكبيره واعتذرت قالت انا ماقصدت مدري ايش

بعد الكف الي جاها صارت تعذر


عمي كلم واحد من المشايخ الي يعرفهم ومن اصدقاه ويثق فيه عمي حيل وصديق عمي الروح بروح وكم مره جانا وتعشى مع عمي واكون انا الي طابخه لهم يعني اقرب اصدقاء عمي

بس مايقرا على احد من برا يقرا على اهله وناسه اما احد برا لا مايقرا


عمي طلبه قال ابيك تجي بعد صلاة العشى طبعا ماحد قالي اشوفهم كل شوي طالعه وحده وراجعه الثانيه رجلي نادا لامي وقالها

كنت هاديه وعادي حتى اختي جلست تسولف معاي شوي بس كنت ارد عليها بس مو كثير بس احسن من اول

جاء عمي قال انا بناديلك صديقي الشيخ فلان بيقرا عليك وترتاحين انا ماثق في غيره صراحه وانسان معروف عند هله لاقراء عليهم

قعدت ابكي قلت مابي اروح قال مو مسوي شي بس بيقرا عليك رجعت ضيقتي عليا وقعدت ابكي بصوت علي قلت لوتغليني لاتخليني اروح الله يخليك ابوس ايدك ماني رايحه


قال انا اتصلت على الرجال وخلاص الرجال بطريق وبيجي بيجلس بلمجلس وقعدت اصيح وابكي قال


لاخالتي جهزي عباتها

بعد نص ساعه جاء عمي جلسوه بلمجلس وشوي الا عمي جاء قال تعالي واقعد اصيح تكفون مابي اروح والله مافيني شي
لئن وقتها حسيت برجفه غير طبيعيه وقالي معليش تعالي والله غصب طلعت من الغرفه طبعا

وانا امشي شابصه بعمي حسيت اني شوي بطيح من الخوف والرهبه


دخلنا المجلس انا وهو وشبص فيه بقوه جلسنا قال وين ولدك يابو فلان قال اعتقد انه برا عند امه قال اتصل فيه خله يجي قلت لاعمي لا لاتتصل به تكفى بصوت واطي

قال عمي الشيخ يبيه قعدت ابكي قلت لاتنادي له الله يخليك
قال الشيخ يابنتي معليش ابي اقراء عليكم يمكن فيكم شي انتي وهو قلت لاتكفى انا مافيني شي هو فيه

اقراء عليه هو انا مافيني شي


اتصل به عمي ودخل والله كن فيني حريقه بداخلي يوم دخل وحسيت اني بستفرغ يوم دخل وانتم بكرامه

قال الشيخ وش تحسين فيه قلت مابي شي قال

الا فيك قولي وش فيك قام عمي وقاله قال فيها وفيها وفيها

قال صحيح قلت اي قال بعد قلت يوم دخل رجلي شفت وراه حريم وشف جن بعد

وقبل شوي في شي قوي شد شعري واذوني تصيح بقوه وكنت اسمع اسم رازيا واصراخ بذوني

صدقوني اسئل نفسي وبيني وبين نفسي منو رازيا رازيا منو ماتذكرت ولاعرفت

المهم قال بقراء
عليه وعليك الي تحسون فيه قولوه لي لاحسيتي بشي او حاجه قوليها


المهم انا من قرا خلاص انواع الصياح والبكاء ودموع والله يكرمكم صرت استفرغ دم رجلي يقول عمي
لامي انو تغير وصار يعرق كنه مكبوب عليه ماء

ونزل شماغه وصار حالته حاله

المهم انا ماكنت احس بشي الا احس بشي كابت عليا الشيخ صار يقرا بصوت عالي ويقرا ويقرا لمن خلص

اخذت شوي وطلعني عمي من المجلس خلاص كنت احس بس بي نوم جسمي يعورني راسي

طبعا الشيخ قال لاعمي

زوجتك ولدك مسقيه سحر وفي لها كم عمل اما ولدك نفس زوجته بعد بس هو مو مسقي هو مربوط عنها


انا بجي كل يوم وارقيهم هو ومرته وقال لاعمي جب لهم زيت وماء وسدر وانا بقرا لهم فيهم وبجيب لهم اشرطه لازم تحطونها

ودامها تستفرغ هذا شي زين يعني بذن الله بتتخلص من هشي


اما على لاشياء الي تشوفها من جن من حركات شي طبيعي قال بسبب العمل الي مسوا لها طلع الشيخ من هنا رجلي طلع من البيت كله مادري وين راح والى هساعه عمي يقول مدري وين راح


وهذا الي قاله لي عمي يوم طلع الشيخ


مشوين كنت اقول لوحده من البنات كنت افكر من رازيا

بعدين تذكرت رازيا الي هنا لئنها كانت بالي قبل لا يصير فيني شي اليوم كنت اقول رازيا قالت لي اسوي واسوي


عشان كذا كنت اسمع اسمها


كل الي اقوله حسبي الله ونعم الوكيل بلي سوته لي واسقتني اياه

صدقوني انا حيل متضايقه يوم عرفت قعدت ابكي بحياتي ماعزمت صديقات ولاحتى جوال ماعندي ارقام صديقاتي كله تجنب لهلاشياء

ماحب الزيارات ابد لئن على طول انا اتعب من هشغلات يجني صداع
احب بس اجلس بيتي

ادري طولت عليكم بكلامي لكن من شي انا شفته وتعبانه منه






















 
الله يشفيك يااااااااارب والله بكيت لمن شفتي امك وقلتيلها هذا الكلام
امااااااااااااااانه عليك دقي عليها واستسمحي منها
ياااااااااااااااااااارب ترجعين زي اول واحسن ويرزقك الذريه الصالحه ياااااااااااااااااااااااااااااااارب
 
يالله تدرين عزيزتي من يومين من كتبتي انت قصتك هنا وانا ما انام
تدرين من يوم نزلت لك القصة هذي اللي في اول صفحة وانا جسمي كله تعبان وحاسة ثقيل
والله العظيم ما امزح لدرجة حكيت خلاص ما راح ادخل موضوعها ومالي دخل فيها
انا ساعدتها باللي اقدر عليه
تدرين ليش انزعج الخبيث وجاب اسمي وقت كان الشيخ يرقيكي لاني حذرتك منهم ومن الاعبيهم وخليتك تعرفي مكائدهم وطلبت منك انك تخبري زوجك وتروحي شيخ وترقي نفسك
الحين استمري على كلام الشيخ والرقية والزيت اهم شي وكل يوم خليه يجي يرقيكم لين تخف الاعراض
الحمد لله انه زوجك عرف كان لازم من اول ما صارت الاعراض عندك خبرتيه لانه المقصود بكل هذا انت وهو
 
لاحول ولا قوة الا بالله
استمري مع الشيخ ..الله يشفيك ويشفي زوجك ..
ماشاءالله ع عمك انسان متفهم بارك الله فيه.
اسأل الله العظيم ان يشفيك شفاء لايغادر سقما .
 
كان عمي وخالتي جالسين بنفس الغرفه قامت خالتي فتحت الباب لامي الي هي اختها باب الصاله ودفته بقوه يعني شوفي بنتك امي سلمت عليها انا حسيت شي يخنقني قربت امي بتسلم علي قلت نعم وش تبين وش تبون حسيت اني اول مره اشوفهم


قالت ماودك تسلمين علي فزيت من الكنب رحت لاخر الصاله قلت وش جابك قالت جايه اشوفك قلت انا مابي اشوفك روحي لبيتك روحي

قالت امي لا مو رايحه شفيك صحيح الي سمعته قلت روووووحي بصوت عالي وصرت اطول صوتي عليها قلت روحي الله ياخذك روحو عني الله ياخذكم الله يشيلكم جتني حاله غريبه قلت ذلفو برا طلعو برا جتني الحاله

نفس حالتي يوم جاء اخوي واختي

انا سبيت امي وتكلمت عليها وعلى خواتي امي قامت تصيح قالت خالتي بنتك ذي ماتحترم احد خلاص حسيت نفسي بذبحها يعني بذبحها تخيلو اخذت تحف الي على الدولاب وارميها فيهم ابيها تسكت راحت نادت
ولدها الي هو زوجي

هذي مو تصرفاتك هذي تصرفات الخبيث
اذا استمريتي على الرقية الشرعية وسورة البقرة والزيت سيضعف العارض , وسيقل تأثيرة عليك , وستبتم لكِ الدنيا وينشرح صدك
فقط طبقي وسترين الكثير من الأمور الجميلة ستحدث
 
انا سمعت ان اللي فيه جن لمى تجيه الحاله يكون مو بوعيه وبعدين اذا راحو عنه يقولوله الناس انت سويت كذا وكذا يقول لا ماتذكر بس انتي ماشاء الله متذكره كل الاحداث بالتفصيل

طيب انتي يصير في بطنك انتفاخ كان فيها شي يتحرك يقولو لو كان كذا معناها سحر ماكول

وبعدين ايش الجهل اللي في خالتك يعني بالله كل الاحداث اللي صارت لك ومنذو اكثر من كم يوم وللحين مو مستوعبه انك مريضه كل الناس تعرف العين والسحر والبلاوي هاذي وهي اش فيها
تقول طلقها وهاذي تتدلع ليه ماساعدتك بدل ماتلومك غريبه كيف البيت عندكم مافهمو على طول انك فيك شي مو طبيعي الحالات هاذي على طول يعرفها الانسان من التصرفات وبعد استفراغ دم وساكتين ويتفرجون فيك ماستوعبو انك مريضه ويسالون اش فيها من جد شي غريب المفروض على طول يودوك شيخ يقرا عليك وتدري ليه تصارخي بزياده لما تشوفي اهلك وزوجك لان الجن يخشاهم كثير يحس انهم هم اللي بيخلصوك منه بعد الله سبحانه وتعالى عشان كذا يتكلم على لسانك ليبعدهم عنه خلي اهلك وزوجك يساعدوك بسرعه عشان اذا توالت الضربات على الشيطان وبتركيز بالرقياء والذكر وكل الامور التي تساعدك للتخلص منه يضعف ويضعف حتى يحترق ويخرج
وهذا عن تجربة وحده جاره كانت لنا كانت نفاس وجاتها خالت زوجها ومعها حلى وحاطه لها سحر فيه كان الهدف تفرقها عن زوجها وتزوجه لبنتها لانها من قبل كانت حاطه عينها عليه لكنه ماخطب بنتها
المهم هم جوها الصباح والمغربيه الحرمه صار وضعها مو طبيعي قالت لزوجها احسني مكتومه وديني لبيت اهلي وداها بعدين رجعت اتصلت عليه قالت تعال خذني طلعني برا شوي ضايقه
بعدين بعد العشاء كان فيه عزيمه عند اخت زوجها قالهابنروح لبست ومادري كانت تحس بشي مو طبيعي قالت مابمشي الا معي جدتك وجدته لابوه حرمه تقيه قالت روحي معي ارتاح معك لكن ماكانت تعرف ان فيها شي وماراحت معها بعدين راحو عادي ورجعو في الليل مانامت تقول احس بطني يصير كبير واقول اش فيني تخنت بعد النفاس وشوي شوي الاحداث تزيد عندها شكلها صارت تقرا اكار ورقياء وتحركو عليها بزياده لان الرقياء تحرقهم وتعصبهم المهم الصباح جاء زوجها لاهله يبكي يقول زوجتي مو طبيعيه كلمو اهلها جاو وهي قامت تصارخ بقوه بتطلع الشارع وتقول مابغى اشوف فلان وفلانه تقصد زوجها وامه تقول اطلعو عني اكرهكم وتصارخ وبطنها يصير كبير لكن اهلها واهل زوجها ناس صح من اول مالاحضو عليها الاعراض قالو لها بنروح شيخ يقرا عليك قامت تصارخ ورفضت مسكوها بالقوه زوجهاواخواتها وامها وام زوجها وابو زوجها كلهم معها مسكوها بالقوه واخذوها للشيوخ يقرو عليها وضلو يوميا ليل ونهار وبشكل متواصل يودوها لاكثر من شيخ ماخلو شيخ ماراحو له اتوقع استغفر الله حتى اللي يشك انهم يتعاملو مع الجن راحو لهم المهم في غضون اسبوع واحد راحو لشيخ قال لهم ان قريبه لكم وضعته في الطعام وهو ماكول المهم بعد تحريات وتلميحات فهمو انها هي وواجهوها واجهتها اختها اللي هي ام الزوج وانفك عنها السحر مادري كيف شكلها اختها كانت تعرف انها تتعامل بالسحر وهددتها تفكه وانفك مادري الشيخ هو اللي فكه الاحداث والوقائع وكيف فكوه غامضه مابينوها لنا وبعد اسبوع الحرمه عادت طبيعيه لليوم الحمد لله ماتشتكي ابد من شي لكنها كرهت خالات زوجها وصارت اي شي منقول من برا او يجيبوه حريم لها وهي نفاس مسسسستحيل تاكله تعقدت يعني من خلال هذه القصه اتمنى تعرفي ان الحزم من اهلك معك مطلوب لان انتي يردوك عن العلاج الجن فلازم احد يساعدك ويركز معك حتى يحرقهم بالرقيه وروحي شيوخ في المدينه ومكه كثير كويسين لكني ماعرف اسماء روحي هناك وتلقي اللي يفيدك واذا كان سحرك مره قوي مالك الا الله ثم عادل المقبل اكبر واحد على مستوى المملكه في فك السحر وهو بالرياض اتوقع حتى في خارج المملكه يطلبوه لمساعدتهم حاولي تتواصلي معي باي طريقه والله هو وحد الشافي والمعافي وابعدي عن السحره والدجالين لانه حرام فك السحر بالسحر روحي المقبل وان شاء الله تلاقي كل خير اهم شي كوني عندك همه كبيره مو تقولي كيف اروح له وين القاه باي طريقه حاولي تتواصلي معه وياليت لو احديعرف هنا يفيدك كيف تتواصلي مع مشائخ مثل عادل المقبل
 
رازيا قال:
يالله تدرين عزيزتي من يومين من كتبتي انت قصتك هنا وانا ما انام
تدرين من يوم نزلت لك القصة هذي اللي في اول صفحة وانا جسمي كله تعبان وحاسة ثقيل
والله العظيم ما امزح لدرجة حكيت خلاص ما راح ادخل موضوعها ومالي دخل فيها
انا ساعدتها باللي اقدر عليه
تدرين ليش انزعج الخبيث وجاب اسمي وقت كان الشيخ يرقيكي لاني حذرتك منهم ومن الاعبيهم وخليتك تعرفي مكائدهم وطلبت منك انك تخبري زوجك وتروحي شيخ وترقي نفسك
الحين استمري على كلام الشيخ والرقية والزيت اهم شي وكل يوم خليه يجي يرقيكم لين تخف الاعراض
الحمد لله انه زوجك عرف كان لازم من اول ما صارت الاعراض عندك خبرتيه لانه المقصود بكل هذا انت وهو
أنقر للتوسيع...




رازيا الحمد لله ع السلامه..
اعاذنا الله منهم ..
 
عزيزتي حبيت انبهك انه انت موضوعك سهل باذن الله وعلامات الشفاء قريبة منك والدليل الاستفراغ اللي يصير عندك يعني امرك سهل باذن الله إنتي لو قدر الله إذا ما إنتبهتي لنفسك وصحتك راح يتطور معاك الوضع و يتأزم فلازم تعالجي نفسك واستمري على كلام الشيخ ونفذيه بالحرف الواحد و بقوتك وإرادتك التي وهبك الله ولاتجعلين الشيطان يضعفك ويستعبدك ويدمر حياتك الزوجية ولا تصدقينه في ما يقول ولا تجلسين بخلوه لحالك ولو سمعتي صوت يكلمك لا تردين عليه ولاتصغين له بل إستعيذي بالله من الشيطان الرجيم من نفثه وهمزه ولمزه وإفزعي لقرأءة
القرآن الكريم أو توضئي وصلي لله أشغلي نفسك بذكر الله ولاتستسلمين وحطي في بالك إن الشياطين والجن هي أعداء لإبن آدم وهما سبب في خطيئة أبونا آدم وإخراجه من الجنة ونحن أبناء آدم مستهدفون من هاذي المخلوقات تريد تدميرنا وتدمير حياتنا وتريد إبعادنا عن طاعة الله وتبغانا نموت عاصين لربنا وكافرين بما أنزل الله وهاذي غايتها ورغبة سيدهم إبليس وربنا عز وجل خلقهم وعصوه لأجل إن الله خلقنا وكرمنا وفضلنا عليهم تفضيلا ولو تعودي لنفسك وتتذكري السبب الرئيسي إللي عصى إبليس رب العالمين من أجله وربنا غضب عليه ولعنه وطلب من ربنا أن يبقيه إلى يوم البعث فلما ربنا أبقاه وش قال إبليس في إبن آدم قال لأغيونهم هاذي كلمة من كلماته ولآامرنهم طبعا إبليس ماطلب من الله البقاء في الأرض إلا لفتنة إبن آدم في دينه ونفسه وحياته فإذا إنتي تعاملتي معاه كعدو لك وحاربتيه بكل الوسائل الممكنة اللي ربنا سخرها وخلقها لنا فبإذن الله إنك راح تنتصري عليه أي شئ يضايقهم ويحرقهم إعمليه من قول أو عمل ليش تسلمي له نفسك هاذا القذر وتطيعينه وتستمعين له في كلامه خليك قوية بربك وإيمانك بالله حتى وإن تألمتي
تذكري إن هاذا إبتلاء من ربك وعليك مجاهدة نفسك بكل الوسائل والطرق وأي شئ تحسين فيه روحي عند زوجك وخليك قريبه من زوجك هاذا شئ يحرقه ويعذبه بالنسبه لتهديده لك ببنفسك او زوجك يمكن يجلس يهددك ترى والله إنه كذاب إبن كذاب إذا حصنتي نفسك وزوجك بذكر الله ماعاد يقدر يمس شعره من راسه ولو قرأتي آيات الكرسي
في اليوم 7مرات والله إنها لتكفيه من كل شر وأنتي بنفسك إقرإيها في قارورة موية
مع المعوذات والفاتحه والإخلاص والكافرون وإنفثي في الماء ثلاث مرات وإشربي منه والباقي خليه لباقي اليوم كل ماعطشتي إشربي منه وإجمعي كف يديك بعد القرأءة وإنفثي فيها ثلاث مرات وإمسحي جسمك بها كاملا إبدئي من رأسك مرورا بوجهك وصدرك وذراعيك وبطنك إلى أخمس قدميك ومن ثما مع فتحة الثوب من عند صدرك وإنتي واقفه إرفعي فتحة الثوب وإنفثي على صدرك من الداخل ثلاث مرات وخذي لك عسل إذا لم تجدي عسل أصلي يوجد عسل إسمه لنجنزا ألماني الصنع
وإقرئي عليه آيات الرقية وأذكار المس والسحر والعيين وخذي لك يوميا في الصباح على الريق منه ملعقه مع 7حبات البركة وعليها كوب ماء دافئ من الماء المقروء فيه ويفضل تستخدمين هالأشياء عقب صلاة الفجر مباشرة بعد ماتتوضئ وتصلي تاخذينها وتروحي للعطار عنده وصفه إسمها خلطة إبن الرومي هيه في كيس كبير توجد داخل الكيس 7 أ كياس في كل كيس سدر مطحون وأنتي تاخذين لك منها كل ليلة كيس وتخلطينه مع موية في سطل كبير وتتروشين فيه قبل غروب الشمس لمدة 7 أيام وإذا حسيتي بتحسن كرري العمليه لمدة 7أيام أخرى وحصني نفسك قبل ماتنامي وعند ماتصحين من النوم وعند دخولك الحمام وبعد خروجك منه وعند خروجك من بيتك وحتى عند لبسك لملابسك أوخلعك لها وأهم شئ لاتجلسي في أي مكان لحالك
وغرفة النوم قللي تواجدك فيها لأن المرايات أ كثرها داخل غرفة النوم فحاولي لاتدخليها إلا
لضرورة أثناء غياب زوجك وفي اليل إدخليها مع زوجك ونامي بقرب زوجك ولا تخلين بينك وبين زوجك مسافة في السرير
خلي جسدك يلامس جسد زوجك لأن هاذا الشئ يضايقه ويقهره ويخليه يبعد عنك وأخير يا أختي جاهدي نفسك جاهديها بقدر ماتستطيعي مادام إن فيك إحساس بنفسك وحالتك بإذن الله إنك تقدري تتغلبي عليه وربنا ينصرك عليه ويحررك من قيوده اللهم إني أسألك ياكريم ياودود ياذا العرش المجيد إن تشفي أختنا فيك من ما أصابها وأبتلاها يارب ياحي ياقيوم إرحمها برحمتك وإشفيها وعافيها وإصرف عنها كيد كل شيطان مريد أن يفتنها في دينها ونفسها وبدنها يارب إنك حكيم الحكماء وإن مرضها إستعصى شفائه على أيدي حكماء البشر ولاكنه لا يستعصي عليك ياخالق البشر يارب إنك تعلم بما أصابها وأنت علام الغيوب يارب إنا نسألك بعزتك وجلالك وقدسيتك بأن تشفيها وتعافيها يارب نحن عبادك إذا لم ترضى علينا ولم تقبل دعائنا فمن لنا سواك إلى من نلتجئ بعدك يارب لامفر ولا ملجأ لنا منك إلا إليك فأنت ربنا وخالقنا ورازقنا فإرحم ضعفنا وإشفي مريضنا وإرزق فقيرنا وأنصرنا على القوم الظالمين يارب إشفي أختنا وعافيها من ما أنت تعلم به عندك في علم الغيب إنك القادر على ذلك سبحانك عما يصفون ياذا الجلال والإكرام
اللهم آمين اللهم آمين .​
 
رندا كوول تسلمي يالغالية والله يكفينا شرهم امين
 
انا أعلم ان ردودنا تزعج الخبيث
وأنزعاج الخبيث يترتب عليه انزعاجك انت ايضاً , مثل علاقتك مع زوجك فهي تزعج الخبيث وانت تنزعجين وهكذا ..
, يجب أن تتقبلي انك مريضه وأن شفائك الوحيد هو " الله " فقط ففري الى الله
عزيزتي قد يوهمك الشيطان ويقول لك لن تشفي ولن ولن ولن ويعمل لك احباط
والله لايوجد حاله مثل حالاتك او حالات السحر لم يقل فيها الشيطان " لن اخرج واذا خرجت سأرجع , سأقتلها وساطلقها وووو وووو من الكلام الفارغ " ! , ما أن يبدأ المريض بالتمسك بالله والتوكل عليه والمحافضه على الأذكار والرقيه وغيرها من الامور التي تتعب الشيطان , حتى يبدأ بالبكاء والترجي بإيقاف الرقيه , اتعلمين لماذا لأنهم ضعفاء ! نعم ضعفاء
السؤال : هل طبقت شئ من الذي قلناه لك ؟ هل أنت محافظه على الاذكار ؟ هل تتسترين في بيتك وحال خلوتك مع نفسك ؟
اللهم أدم علينا حفظك , أتمنى ان من البنات الأتعاظ من حذه الحاله ,
والسبب الوحيد الذي أتى بالمشكله هو : عدم ذكر الله وترك الأذكار !
كيف تتركونها وانتم تعلمون ان هنالك أعداء ازليين لنا , ينتظرون اللحظة التي يضعف فيها المسلم للأنقضاض عليه !
ولقد قال أهل العلم لحظات الضعف هي :
1- الخوف الشديد , كأن يسقط ابنك الصغير , وانت من شدة الخوف لاتذكرين الله بل تشهقيين , وتلك الشهقه تسبب فراغ في روحك يستطيع أن يلج منه الشيطان بسهوله ! ولو أنك ذكرتي الله عندما وقع لن يستطيع اقوى شيطان أن يفعل شئ
2- الحزن الشديد , الذي يترتب عليه انعزال ووو الخ يضعف من حصانة المسلم
3- الفرح الشديد
4- الأنغماس بالشهوات 5-
هذه لست متأكد أن قالها اهل العلم ام لا ! ولكن هي تعتبر لحظة من لحظات الضعف وهي :
النوم! , نعم عندما يكون الأنسان نائماً ومسترخياً , ونام وهو لم يذكر اذكار النوم تعتبر لحظه يستطيع ان يلج منها الشيطان


​
 
اختي اوراق اعتذرت منها وهي قالت بتجلس معاي يومين لئن عمي يوم قالت أمي بأخذها قال لا هذا بيتها انتي اجلسي عند بنتك وهلحين هي نايمه اما اختي حجازيه أنا مايغمى علي زي الباقي او يجي حاله أطيح ويغمى علي أنا استفرغ وانتي بكرامه واعصب ولمن اجلس بروحي اقول وش الي أنا سويته وأتذكر كل شي يعني بوعي أنا واسمع والشيخ قال لاعمي هي شاربه لئن لو ماكله اكل يطلع هشي بدم بس هذا الي تستفرغه دم يعني شي مشروب اما اختي رازيا أنا اسفه والله مدري وش اقول ماقصرتي والله صدقيني أني ندمت أني كتبتها عشانك توذيتي من هشي وصرتي ماتنامين زيي وجسمك يعورك احس أنا سبب **
 
*حبيبة الغالي* قال:
اختي اوراق اعتذرت منها وهي قالت بتجلس معاي يومين لئن عمي يوم قالت أمي بأخذها قال لا هذا بيتها انتي اجلسي عند بنتك وهلحين هي نايمه اما اختي حجازيه أنا مايغمى علي زي الباقي او يجي حاله أطيح ويغمى علي أنا استفرغ وانتي بكرامه واعصب ولمن اجلس بروحي اقول وش الي أنا سويته وأتذكر كل شي يعني بوعي أنا واسمع والشيخ قال لاعمي هي شاربه لئن لو ماكله اكل يطلع هشي بدم بس هذا الي تستفرغه دم يعني شي مشروب اما اختي رازيا أنا اسفه والله مدري وش اقول ماقصرتي والله صدقيني أني ندمت أني كتبتها عشانك توذيتي من هشي وصرتي ماتنامين زيي وجسمك يعورك احس أنا سبب **
أنقر للتوسيع...
عزيزتي لا تعتذري ولا شي احنا خوات هنا ونحس ببعض والله يسرني اني اساعدك باللي اقدر عليه
توكلي على الله واحسني الظن فيه واهم شي تلتزمي على العلاج والرقية واسمعي كلام الشيخ
عزيزتي هل قرئتي القصة مرة ثانية ارجوكي تقرئيها لانها راح تساعدك في حالتك وارجعي اكتبي لي شو استفدتي لما قرئتيها
والله ياأختي حنا ننصحك لأنك أخت لنا في الإسلام ونريد لك الخير , ونريد أن الله يبعد عنك الخبيث الكااافر, أشغلنا الخوف عليك , مع أني اجزم أن كل وااحد فينا عنده من الهم مايكفيه , ومع ذلك مانسينااك .
الخبيث الي معك ضعيف وأن شاء الله مع الرقية والإلتزام التاام بالبرنامج العلاجي لي رااح يعطيك أياه الراقي راح يضعفه بإذن الله , أهم شي زوجك يسااعدك وأنت كذلك قوي إيمانك بالله وثقتك فيه .
وتخيلي لو شخصك يعطيك كل يوم مبلغ معين من المال أكيد رااح تحبينه , فكيف بصبرك على الإبتلاء والرضا بقضاء الله كم كل يوم راح يعطيك من الحسناات وكم من السيئاات راح يقذف بها الكافر , لأنه كافر فماله حسناات تاخذينها منه .
, ولو ذهبتي لرااقي أؤمني أن الراقي ماهو إلا سبب فقط والله وحده الشاافي والقرآن فيه شفاء من الله .
وأعلمي الأذان له دور كبير في طرد الشيطان وعن تجربة التكبير أيضا حمليها على جهازك وشغليها معظم الوقت .

الله يشفيك ويشفينا وجميع مرضى المسلمين .​
 
والله بكيتيني ياااااااختي يااارب يشفيكم قريب بس واصلي
طمنينا عليك يااختي اسألك بالله تطمنينا لاننا راح نكون مشغولين عليك
 
الله يشفيك..
والله أوجعني قلبي عليك .
حسبي الله علىى من أذآك ,اللهم أجعل كيدهم في نحورهم.
 
يلزمك اختي تحصين جيد ، انتِ لاتتحصنين بالشكل المطلوب
سأعطيك رابط لــ شيخ يطرح نظرية تحصين البيوت! ، تحصين بيتك مهم جداً - في حالتك -
http://www.rc4js.com/vb/t12603/

هذا هو الرابط ، اطلعي عليه وافهميه جيداً وطبقي الخطوات التحصينه للبيت

نأتي اليك الآن ::
اولاً : طهري - غرفة النوم - من
1) الصور الفوتغرافية
2) المجسمات او الألعاب القطنية مثل الدبب والقطط وغيرها

وضعي ::
1) مسجل ، وشغلي عليه القرآن - خاصة - البقرة بشكل لايتوقف ابداً ( اضبطيه على اذاعة القرآن ).بالاظافة الى قراءة البقرة انت اقرئيها بنفسك
2) روائح طيبة ، فالشياطين لاتحب الروائح الطيبة.


وفي هذه الفترة يجب ( يجب ) المحافظة على الأذكار ومنها
- اذكار الصباح والمساء ( بتوقيتها تُقرأ )
- اذكار النوم
- الدخول والخروج من الخلاء
- تغيير اللباس / اذا اردت تغير لباسك قولي : بسم الله الذي لا اله الا هو ، فإنها تمنع الجان من رؤيت عورتكِ.
- الدخول والخروج من المنزل .
 
الحالة
مغلق و غير مفتوح للمزيد من الردود.
عودة
أعلى أسفل