انا مو طبيعيه انا فيني شي .. تتوقعون في جن حولي

الحالة
مغلق و غير مفتوح للمزيد من الردود.
المنتدى اول احلا لونا وخطا صار يوجع العيون

رجعوه زي اوووووول
 
أول شيء اختي اسأل الله العظيم رب العرش العظيم أن يشفيك .... ثانيا وضعك الان ليس طبيعي لكن ثقي بالله تمام الثقة أن الله قادر على أن يبدل حالك انت وزوجك لخير حال ... لا تجزعي مما انت فيه كل ما تصرفتيه ليس بإرادتك فلا تحزني ... اطلبي من عمك اليوم أن يذهب بك لراقي معروف واجعلي القران شغال في البيت لا يغلق اطلاقا واقرأي وردك كل صباح ومساء تكفين كلمي عمك أن يذهب بك لشيخ معروف مثل الشيخ علي آل ياسين والشيخ عادل المقبل الشيخ عادل في الرياض والله ليتني اعرف رقمه فأرسله لك ... لا تجلسي لوحدك كوني مع عمك وخالتك ... في كل وقتك ادعي واستغفري واطلبي من الله الفرج ...ان كنت تستطيعي ان تقرأي القران فأقرأيه كل ما استطعت وادعي .... حتى زوجك يُقرأ عليه مثلك ... ومادام استفرغت فبإذن الله قرب الشفاء فأبنت خالي مثلك قبل الشفاء بوقت قريب كانت تستفرغ لكنها استمرت بالذهاب للشيخ ليقرأعليها والحمدلله شفيت بأذن الله ... ان لم تستطيعي ان تكلمي عمك فأريه ما كتبت وما رددنا عليك فيلزمك على الذهاب معه لشيخ ... أسأل الله أن يعجل بشفائكم ويجمع بينكم على خير ... ​
 
اتذكر قصتك ان كنت انت التي لم يدخل زوجها عليها وكان يقول يستحي وخجلان وبعدين في الفندق قالها بكل قوة ما اقدر وكسر اشياء ... قد يكون معمول له والان انت ... والله يصعب علي أن أقول لأحد انت فيك وفيك وانا لست متيقنة لكن والله ما قرأته جعلني أطلب منك الذهاب لشيخ يرى حالتك ويقرأ عليك ... اذهبي لعمك واخبريه بأمرك وبأنك تريدين شيخ يقرأعليك وممكن هو يكلم امام مسجدكم ليساعده والشيخ يراكي ويحكم بأمرك انت وزوجك ... توكلي على الله فهو خيرٌ حافظا وهو ارحم الراحمين ...
 
حسبي الله ونعم الوكيل
انا مع رازيا
والله القصه فتحت عيني على اشياء كنت غافله عنها
 
يا حبيبتي والله بكيتيني لما قرات ردك الثاني لالزم احد يدري بكل شي الله يفرج همك ويشفيك ويعافيك وترجعين لزوج زي اول واحسن ياااااااااااااارب
 
انا قريت قصة الي كتبتها رازيا وماقصرت اما الي يسئلوني انا وش كليت صدقوني انا ماكليت شي عند احد انا افكر انا وين رحت وش كليت ماكليت شي عند احد انا مالي احد يجيني للبيت بس قبل اسبوع سيرو علينا بنات عمه بليل وعماته وكل بنات عمه هوو انا ماحد جاء من طرف هلي
وسوو عشى عادي وبنفس الصحن الي حطو للحريم منه انا كليت منه الحلى عماته جابو حلويات وبنات عمه الي متزوجات جابو شي من البيت شي من برا

القهوه والشاهي نصهم جابو ونصهم لا بعدين مو انا الي قهويت الحريم بنات عمه الصغار هم مسكو الدلال وصار يقهون ويصبون ويوزعون الحلى

صج وانا كليت من الحلويات بس موكثير لئن انا كنت منغثه بوقتها ولا احب الجمعات على طول يجيني صداع نصفي من لازعاج
كنت اتمنى بس يمشون
بعد العشاء استئذنت منهم وطلعت غرفتي وغيرت وجاء هو جلسنا نسولف انا وهو ولافيا شي ابد

 ولاهم جلسو للفجر متجمعين يسولفون ويضحكون ويصارخون

بس هذي اخر عزيمه انا توجدت فيها



​
 
*حبيبة الغالي* قال:
اه اليوم وش اليوم والله ابكي انا لاجلست بروحي اقعد اقول ليش اسوي كذا وليش واتذكر الي سويته لكن لمن اكون معهم ماتذكر شي الا ان هناس اكرهم واقط عليهم من هلكلمات انا مو انا

البارح نمت بصاله على الكنب والقراءن شغال وانا على بداية نومي في الصاله بين النوم وصحوه يعني توي

اشوف الباب انفتح ودخلت مره لابس عباه ومتغطيه جت ومسكتني اشوف بصيح بصارخ مو قادره ضغطت على صدري تقولي
انتي لازم تموتين اشوف صرخت بعالي قلت والله اعلم فلان >> الي هو زوجي

وخري عني واشوف صرت اصيح واصارخ بقوه مسكتني وصرت اصارخ وقمت مفزوعه من هشي

شوي الا عمي فتح الباب قال صباح الخير قلت هلا قال ليش نايمه هنا فيك شي قلت لا مابي شي

قال روحي غرفتك اريح لك قلت طيب فقلت لازم اتشجع واطلع لغرفتي خلاص الناس مو ليل وبعدين لازم اقوي نفسي ولا اخليهم يسيطرون علي ومافي شي ابد

اول ماطلعت غرفتي الغرفه حوسه حيل كن قوم حايسين فيها مدري وش حايسها استغربت وش هلحوسه المهم

قعدت ارتب وصوت قلبي وربي اسمعه من الخوف

وانا ارتب احس في احد ينزل مع درج البيت بصوت كعب بلبيت مافي غيري انا وخالتي وعمي والشغاله خالتي والشغاله نايمين عمي تحت معقوله بيلبس كعب وينزل بهصوت العالي

مافي غيري يلبس كعب قلت اكمل الغرفه

صحت خالتي والشغاله قامت خالتي وطلبت غدا من برى جت الشغاله قالت يقولون لك غدا قلت بس امشط شعري انزل
طلعي برا قالت طيب وسكرت الباب مدري وش جاني قعدت اصارخ بسم الشغاله افتحي الباب لاتسكرينه ارجعي افتحيه انا عجزت اقوم من الكرسي تخيلو بعد نص ساعه من صراخي
رجعت فتحت باب الغرفه ودفته بقوه وراحت قلت هين واقعد اسبها بصراخ و انواع المسبات الي بحياتي ماقلتها وانا معصبه مدري من وين اجيب هلكلمات

وأول مرضى باب الغرفه يتم مفتوح دايم اسكره


ونزلت ويوم وصلت لحد الدرج الا كعبي موجود تحت وش جابه هذا صوت الكعب الي اسمعه مشوين من الي لبسه

مسكته ورميته تحت الدرج

المهم عمي وخالتي ينتظروني قالو تعالي حنا نتظرك وقلت اساس من قال تنتظروني تغدو بروحكم

عمي قعد يطالع بي قلت استغفرالله وجلست على الكنب وهم يتغدون من متى انا اطول لساني على عمي

هنا الي محزني ومبكيني لمن اجلس بروحي ارجع انا واقول ليش انا تصرفت بهشي معهم وليش وليش
يوم اجلس بروحي احس مابي شي واحبهم ونفسي انزلهم واسولف معاهم بس من انزل اطول لساني واقط كلامي
واكرهم

دق جرس البيت الا اخوي واختي متزوجه اقرب خواتي لي بكل شي

داخلين مسيرين على قولتهم لئن خواتي متجمعات بيت هلي المهم مدري وش جاني قعدت اصارخ قلت اطلعو برا وش جابكم الله ياخذكم الله لايخليكم الله يشيلكم برا وانواع الشتايم لهم

قال اخوي شفيك فيك شي قعدت اصارخ بصوت عالي اطلعو قال عمي يابنتي عيب قلت انت ولاكلمه مابيهم قلهم يطلعون قالت خالتي انتي انهبلتي

قلت ااه اطلعو اطلعو قامت خالتي ترددني بلكلام مالقيت الا الطاوله قدامي وامسك كل شي عليها من صحون قزاز وارميها على اخواني وخالتي معاهم وامسك لا كواب وعليهم وهلحين اقول لنفسي ليش ضربتهم مدري تخيلي لو جاء احد منهم صحن ومات


اختي يوم شافتني قالت شفيك انا مازعلتك قلت اطلعو قولو لهم يطلعون الله ياخذكم يجعلكم تحت التريلا يعلكم بلحادث

قال عمي استغفري ربك شفيك ماحسيت بروحي الا صحن الرز رميتهم به والرز والحاله حاله وامسك الي على طاوله عليهم ويجي عمي ويمسكني قال بسم الله عليك شفيك خلاص وش تبين نسويه قلت قلهم يطلعون قلهم يطلعون

قال اخوانك ذولا قلت مالي اهل مو اخواني قال اهدي

ماحسيت نفسي وانتم بكرامه الا صرت استفرغ دم قدامهم عمي يوم شافني كذا مسكني بقوه لئن حسيت روحي بتطلع اختي قامت تصارخ اخوي جاء بيمسكني عيا عمي قال وخر اتركها
عمي انسان طيب اطيب من خالتي بواجد ماعتبره الا ابوي واغلى من ابوي بعد يقول اول ايام زوجنا وجيت على بيتهم مسك راسي وباسه قال انا الله مارزقني الا بولد واحد وانتي هلحين صرتي بنتي واغلى من ولدي هذا

اليوم يوم مسكني حسيت روحي بتطلع وهو وماسكني والله ماتركني ابد طول ماستفرغ دم وانتم بكرامه وهو يسمي
علي ويقرا وينفخ
ويمسك المناديل ويمسح شفتي من دم ويحط راسي على حضنه ويسمي علي ويقرا علي حسيت انو فني شي
يرجف بداخلي وهو يسمي ويكبر ويقرا علي

قال لاخالتي في مويا روحي جيبيها مقري بغرفته وراحت جابته واسقوني منه ماشربت من الا شوي وارجع استفرغ دم واقعد اصيح بطني يعورني اه يبطني بموت من الم قال مافي شي شويات وبيروح وانا عمك

بعد شوي كذا قمت مافيني شي وجلست هاديه هم كلهم ساكتين ادري انهم يطالعون بي بس انا كنت حاطه راسي بحضني ومغبيه وجهي عنهم وكان جالس عمي جنبي على طول

تلفوني فوق يدق يدق اسمعه جت الشغاله قالت لاخالتي تلفونها يدق يدق
قالت خالتي بروح اجيبه تخيلو دخلت الغرفه الجوال لايدق ولاهم يحزنون ولا في مكالمات لئن انا نغمتي غير في البيت اذا سموعها يعرفوةن ذا جوالي الي يدق


جت خالتي قالت ماحد دق خوذي جوالك قمت وقفلته دق زوجي على امه وردت عليه يوم قالت هلا فلان حسيت بشي بداخلي زي نار زي الرجفه قالت امه فلانه تعبانه امه قامت وراحت بلممر تكلمه واسمعه تعلمه تقوله واحس بشي يقول قومي

اذبحيها قومي كفخيها بتخرب بيتك هي ماتبيك ولقتها فرصه
ويوم قالت فلان انت لازم تجي اسمعها قالت خلاص متى تجي قالت تجي بكرى الصبح وانا جاني شي غريب

قعدت اصيح اقول لاتكفون لايجي الله يخليكم لايجي الله يخليكم لايجي قام عمي قال ليش ذا فلان
مو غريب لازم يجي

قلت لا مايجي تكفون لا واقعد اصارخ واصيح قلت لاتخلينه يجي تكفين لاتخلينه يجي هو شكله سمعني وقفل بوجهه امه واسمعها تقول الو الوو مارد عليها

وقعدت اصيح واصارخ بصوت عالي لا مايجي تكفون مايجي قال اخوي مو جاي قلت انت وخر وخر هناك مابيك

وجت امه قالت يجي غصب عنك قلت لا مايجي واناقز واصارخ وافتح باب البيت الي يطلع على مزرعة البيت واطلع فيها واقعد اصارخ قلت لاجاء بطلع لايجي مايجي وراحو يركضون وراي

قال عمي مو جاي خلاص تعالي تكفين ادخلي قلت كله منكم انتم تبون تذبحوني تروحون تجيبونه لي مابيه مابيه
جاء عمي ومسكني وقال انا اتصل به مو جاي والله مو جاي
مادخلت البيت الا بعد المغرب وهم جلسو معاي بلمزرعه
جاء عمي جلس جنبي وقعد يقرا علي ويسمي قال شرايك نروح انا وعمك بروحنا للمستشفى بعد المستشفى امشيك
واعشيك ونروح للي تبينه قلت لا قال طيب بس نفر شوي قلت لا

قال خلاص ريحي يوم دخلت جلسنا داخل البيت عمي يفر بلقنوات وحط على قناه قراءن وجلسنا ساكتين
وهو يقرا القراءن حسيت بي نوم قلت ابنام قالت اختي قومي اوديك غرفتك قلت لا ابي هنا انثبري انتي بمكانك مابي منك شي وصارت تطالعني
ونمت بعد المغرب والقراءن شغال لين جت قبل شوي صحيت قال عمي تبين اجيب لك عشاء او اي شي اجيب لك قلت مشكور عمي مابي عشى اخواني سئلت عن اخواني قال راحو يوم نمتي قال يالله قولي لي وش تبين اجيب لك قلت مابي شي عمي والله

قال ليله انا وعمك نومي على هذيك الكنبه لو تبين قلت اي بتنام هنا قال اي لين تصيرين احسن احس بداخلي فرحت



رحت وتوضيت وصليت ودعيت ربي وقريت سورة البقره وانا ارجف بداخلي كن الموت بعد دقيقه بيجيني

وخلصت وقريت اذكار
هلحين انا تحت وخالتي وهو يسولفون ويتابعون التلفزون


بكرى رجلي بيجي مدري وش راح اسوي معاه واذا شفته بكون طبيعيه اولا مدري

هلحين احس اني مرتاحه واحس براحه يوم نمت

خايفه من بكرى وش يصير لاشفته اخاف يصير بي شي معاه انا لاشفته اقلب هلحين حتى

اهلي نفس الشي
اخوي واختي قالبه عليهم كيف الباقي اخاف اروح لبيت اهلي ولاقي نفس الشي مع الباقي
أنقر للتوسيع...
انا من امس قلت لك هذي مو تصرفاتك هذي تصرفات الخبيث المس اللي فيكي
عزيزتي خلاص يكفي تضيع وقت خذي اغراضك وروحي بيت اهلك اذا كان زوجك غير موجود عندك وابدئي مرحلة العلاج والحرب على الخبيث اليوم ضروري تروحي راقي شرعي ثقة وروحي مع اخوكي او ابوكي وامك وكوني متسترة كامل ولابسة بنطلون علشان اذا اشتد الموضوع عليك ما تتكشفي
 
استمري يا أختي ولاتجزعي من رحمة الله ,هم عرفوا انك قوية علشان هيك لا تستسلمي وتعطيهم الفرصة يتقوى عليك انت قوية بالله انت معاك الله اقوى منهم وكل ما تصير اي حركة منهم تعوذي منهم بصوت عالي والاذان مهم
بالنسبة لإتعاب الجان , قلتها لك على حسب ايمان الشخص بالله وقوة توكله + تطبيق اسباب العلاج واخلاص النيه لله
اسألي نفسك ::
هل انت حقاً متوكله على الله ؟ , وهل انت فعلاً تطبقين اسباب العلاج ؟ ,
وقتها ستعرفين السبيل للشفاء ,
تشجّعي..تشجّعي..تشجّعي.
لا عليك فالأمر في طريقه للزوال.
أنت الآن على وشك دخول مرحلة النهاية فاستبشري خيراً.
ثم استمري على المنهج الحالي لأنك ستدخلين مرحلة الوقاية بالاستمرار على التحصين والقراءة.
إن رأيت شيئاً فاستعيذي من الشيطان ثلاثاً+انفثي على يسارك.
بيتك الآن أصبح رعباً لمن يريد بكم الأذى؛ لأن القرآن يصدح في جنباته.
واعلمي أن الملائكة تستمع لذكرك وأورادك.
صدقيني انت الآن تمشين بخطوات ثابته ولله الحمد وكل العلامات التي تكتبينها تدل على قُرب اجل ذلك الخبيث
فلا تلتفتي لأذيته , فكري قليلاً انت محصنه نفسك وزوجك والله معكم وذلك الخبيث لايقدر الا على تحريك الكراسي وماشابهها
والثرثرة فقط! , مالذي يخيفك ؟ ان كان لن يستطيع الحاق الضرر بك , فليتكلم الى الغذ ولاتلتفتي الى الأصوات التي يخرجها
فهي بالنهاية مجرد اصوات , يحاول احباطك بها , وانت مدركه لهذا الأمر ولن يضرك ان شاء الله
اسمري على برنامجك العلاجي + اكثري من السجود فإنه مؤذي جداً للجان وايضاً اكثري من الدعاء
اذا احسست بان نفسيتك تحسنت اقرئي في وقت فراغك
سيرة الرسول + كتاب " عدة الصابرين وذخيرة الشاكرين " لأبن القيم + كتاب روضة المحبين ونزهة المشتاقين لابن القيم
اقرئيها فأنت بحاجه الى تقوية توكلك على الله وزيادة حبك لله وبإذن الله ستجدين ظالتك في هذه الكتب
ان لم يستطع زوجك شرائها فحمليها عن طريق الأنترنت ( سهل جداً التحميل )
استمري واكثري من الطاعات واسثمري وقت فراغك + تجاهلي ذلك المخلوق التعيس تجاهلا تاماً , ( دعية يثرثر كيفما يشاء )
نسأل الله ان يحفظك من كل سوء انت وزوجك وان يشفيكم جميعاً عاجلاً غير آجر
​
​
​
​
​
 

أنتي تقرعين باب الملك، ومن يقرع باب الملك يفتح له .
ربِ
آرزقها رآحه لآ علآقَة لِـ مخلوقْ بهآ
تَنبع ِمن آعمَآقها ،
. . . . . . . . . . بِقدر رحمتكْ و لُطفكْ ،
آللهُم انفِث فِ صَدرهاالإنشِرآح ،‘
وآكتب لها ّ السَعادة و الرضا
تنير بها هدآيتكَ ​
 
لماذا يا ترى يكره الجن والشياطين العجوة والتمر بأنواعه؟
ولماذا أوصانا رسولنا صلى الله عليه وسلم
بأن نأكل 3-5-7 تمرات في الصباح؟
وأن الأفضل أكل 7 تمرات
مؤخرا كان الاكتشاف التالي ..
فمنذ وقت قريب اكتشف أن أكل التمر أو البلح
يولد هالة زرقاء اللون حول جسم الإنسان،
ووجد أن تلك الهالة الطيفية ذات اللون الأزرق تشكل درعا واقيا وحاجزا مانعا لعديد من الأمواج الكهرومغناطيسية اللامرئية من الجن والحسد والسحر والعين الحاسدة وخلافه ..
والجن يصبحون غير قادرين على اختراق هذا الحاجز الذي ولدته الطاقة المنبثقة من العناصر الموجودة في التمر،
وخاصة عنصر الفسفور الغني بالالكترونات والتي تزيل الشحنات الموجبة التي يحبها الجن ومظهرها الاثارة والتهيج لدى الانسان ..
ومن المعروف ان لمركبات هذا العنصر اشعاعات تألقية فوسفورية تدعم الطيف الأزرق وتمنع اختراق الجن لهذا الحاجز الطيفي
في حين أنهم قادرون على اختراق كافة الأطياف والتعامل معها.
صح عن النبي صلى الله عليه وسلم
أن من اصطبح على الريق سبع تمراتٍ عجوة لم يضره ذلك اليوم سمّ ولا سحر،
فقد أخرج الإمام البخاري
عن النبي صلى الله عليه وسلم أنه قال: من تصبح سبع تمراتٍ عجوة لم يضره ذلك اليوم سُمٌّ ولا سحر.
وفي رواية لـ البخاري عن عامر بن سعد عن أبيه قال: قال رسول الله صلى الله عليه وسلم: من اصطبح كل يوم تمراتٍ عجوة لم يضره سمٌّ ولا سحر ذلك اليوم إلى الليل. قال البخاري وقال غيره: سبع تمرات .
وأخرج الإسماعيلي : من تصبح بسبع تمراتٍ عجوة من تمر العالية. والعالية هي القرى التي في الجهة العالية من المدينة وهي جهة نجد.
وأخرج مسلم عن رسول الله صلى الله عليه وسلم: من أكل سبع تمراتٍ مما بين لابتيها حين يصبح لم يضره سمٌّ حتى يمسي. لابتيها: أي لابتي المدينة، وهما الحرتان اللتان تحيطان بها.
فهذه الأحاديث يبين بعضها أن من اصطبح بسبع تمرات عجوة لم يصبه في ذلك اليوم سمٌّ ولا سحر إلى الليل، وبعضها يقيد التمر بتمر العالية،
وبعضها يقيده بتمر المدينة،
ولذلك قال العلماء: إن من أراد الوقاية من السحر فعليه أن يصطبح بسبع تمرات عجوة من تمر المدينة،
فإن لم يجد تمرًا من المدينة فليستخدم أيَّ تمرٍ،
والظاهر من الحديث أنه إن لم يأكل التمر ولم يصطبح به في أي يومٍ فإن السحر قد يصيبه،
فلذلك الذي يأكل التمر قبل أربعين يومًا فقط من الزفاف لا ينجو من شر السحر قبل ذلك،
والظاهر من الحديث أنه ينبغي أن يواظب على هذا الفعل إن أراد النجاة من شر السحر.
وقد قال الإمام القرطبي : ظاهر الأحاديث خصوصية عجوة المدينة بدفع السم وإبطال السحر، والمطلق من الأحاديث محمول على القيد. لكن قد قال علماءُ آخرون أنه إن لم يجد تمرًا من تمر المدينة فليستخدم من أيِّ تمرٍ عنده حملاً للمقيد على المطلق، وهي قاعدة أصولية رجح الكثير من العلماء العمل بها
من ايميلي​
 
رازيا انا مقدر اروح بيت هلي الا اكون مسيره بس اما اطول وانام واجلس لا مقدر من قبل لامرض انا ماروح بسبب خلافات
من قبل حتى لامرض وبعدين بيت هلي مليان خواتي كلهم الي برا الرياض عندهم ومو رايحين الا بعد العيد انا مقدر اروح لئن بيتنا بعد صغير

لاتقولين لي اتركي الخلافات وروحي صدقوني مقدر ابد
 
عزيزتي رددي هذه الأدعية

اللهم انى أعوذ بك اليوم ...فأعذنى , و أستجيرك اليوم من جهد البلاء .. فأجرنى , و أستغيث بك اليوم فأغيثنى ...و أستنصرك اليوم فانصرنى .. و أتوكل عليك فاكفنى ... و آمن بك فآمنى .. و أدعوك فاذكرنى , واسترحمك فارحمنى .
0 اللهم انى أسألك بأن لك الحمد لا اله الا أنت الحنان المنان بديع السموات و الأرض ذو الجلال والاكرام
0 لا حول و لا قوة الا بالله العلى العظيم , أنجو بها من ابليس و قبيله , و رجله و شيطانه و مردته و أعوانه , و جميع الأنس و الجن و شرورهم
0 لا حو ل و لا قوة الا بالله ......أستدفع بها شر من أرادنى بشر من جميع خلق الله
0 لا حول و لا قوة الا بالله ...... أحصن بها روحى و أعضائى , و شعرى و بشرى
0 باسم الله أعوذ بكلمات الله التامات من غضبه و عقابه , و من شر عباده و من همزات الشياطين و أن يحضرون
0 قل اللهم فاطر السموات و الأرض رب كل شئ و مليكه , أشهد أن لا اله الا أنت , أعوذ بك من شر نفسى , و شر الشيطان و شركه مرة عند الصباح و مرة عند المساء

* * *

اللهم انى أسألك بأسمائك الحسنى وصفاتك العلي وباسمك الأعظم الذي اذا دعيت به أجبت
اللهم أن أختنا تحت رحمتك فأرحم بها يارحيم ياغفار ياودو
اللهم أشفها وألبسها ثوب الصحه والعافيه يارب يا كريم ..
الله متعها بالصحة .. وقر بها عين زوجها واعدها اليه بثوب العافيه وأرزقهما رزقا حلال من عندك
يارب العالمين يامجير المستجيرين ويا سامع أصوات السائلين اشفي أخيتنا الغاليه وجميع مرضي المسلمين ..
لك الحمد مهما استطال البلاء و استبد الألم ..
وصلى الله على نبينا محمد وعلى آله وصحبه أجمعين
عزيزتي شو برنامجك اليوم قصدي شو ناوية تعملي من الحين للين في الليل ممكن تكتبي لي برنامجك
هل بدئتي بالعلاج
اكتبي لي ماذا فعلت
وراح ارجع اقرء ردك
 
هلا رازيا جدولي شناويه اسوي مدري من هلحين ليل مادري وش بيكون وضعي

بس انا اسوي زي ماقلت لي اقراء ومشغله قرءان ومعاي مسبحتي واستغفر انا مانمت من البارح ماجاني نوم بس برقد شوي وبعدها يمكن لاكنت احسن بروح اسلم على امي لئن طلعت من المستشفى
ومارحت لها

وزوجي بيجي اليوم انا متوقعه وهشي اكيد دامه عرف اني مريضه بيجي وبحاول اصارح عمي لئن صراحه عمي اقرب لي من خالتي


لئن اذا جاء زوجي اخاف يجيني شي لاشفته وعلى لاقل عمي يكون عنده خبر بهشي

 
طلبتك
طلبتــــــك
يابعد روحي
الحين روحي لعمك وعلميه بكل السالفه
لايردك احد
اغصبي نفسك
الله يكتب شفاك
وربي القلب داعي لك وطمنينا عنك حياتي
 
ياعمري لا تخافي ولا ششي هم اصلا مايقدرو يسون شي الا ب اذن الله مدام انتي متوكله ع ربك وتسمعي القران وتقرااي اذكارك ان شاء الله مابيضرك شي ..زبس لازم تتحركي وتخبري احد ب الموضوع اخاف يتطور الوضع ويفكر زوجك انك تسوي ه الشي عشان ماتبيه ويوصل الموضوع لا سمح الله للطلاق عشان كذا ادحري الشيطان وخبري عمك وعطيه الرقيه الشرعيه وخليه يرقيك ..وصدقيني انتي تقدري تعالجي نفسك بنفسك بس لازم تقوي ايمانك وتوكلك ب الله ولاتهملي الموضوع بعدين بيكبروبيصعب عليك ومابتقدري تصيطري ع نفسك .زوارجعي اقري القصه للي نزلتها الخت رازيا ربي يجزاها الجنه وبتعرفي انه الموضوع ب اذن الله سهل بس يباله صبر وعزيمه ...ربي يشفيك ودايما طمنينا عليك
 
غاليتي.... التزمي بكلام رازيا لااااااااازم ترقين عمرج..... وتنحصنين عمرج ...

اعراض سحر وانا عشتها وللحين اعيشها وبديت سورة البقره لي سبوعين واتعب منها ولله الحمدل قاعده اكمل...

انا كنت متزوجه ونفس اللي صار فيج وأكثر بكثير صار فيني وافترقنا بهالسحر وماحملت بهالسحر والخوف مسبب لي قلق لين اليوم بهالسبب ......
لاتخافين لان ربي معاج لاتخافين من اهم شروط الرقيه انج تتيقنين ان ربي معاج وهو اللي بيشفيج وترى ماضرونا الا بأمر من الله .... لان احنا اهملنا التحصينات واغوتنا الدنيا واهلها ......
اي واحد يبتعد عن الدين وعن التحصينات والقرآن والصلاااااه والصلااااه والصلاااااااااااه لا يستغرب لو انسحر او انصاب بعين او حسد وترى العين مب بس من البشر ترى حتى من الجن يصيبوننا بالعين لو ماتحصننا بالحصن اليومي.... والاذكااار...
غاليتي.... تأكدي ما اصابنا الا ابتلاء من ربي.... والقصه اللي حطتها لج رازيا فيها من الفائده مالله به عليم..... ساعدتني كثير ف امووووور حياتي وديني....

سوي اللي تقول لج عليه وتأكدي ان ما اصابنا الا من حبيبنا وخالقنا اللي ماعرفنا حقه علينا.. لهالسبب ضرونا .... يعني اللي جاننا من اهمالنا من انفسنا ....

التزمي بالاذكاااار والتحصين والصلاه .... ترى اللي يأخر الفرض عن وقته لايستبعد يصير له سحر او ابشع لا تاخير اي فرض معناها ان احنا سوينا فرجه او فتحه كبيره لهم يدخلون منها علينا... بحط لج قصه عن فائده الصللاااه وبتفهمين قصدي...


http://www.niswh.com/vb/showthread.php?t=332962

ربي وقلبي معاج...​
 
الحالة
مغلق و غير مفتوح للمزيد من الردود.
عودة
أعلى أسفل