انا مو طبيعيه انا فيني شي .. تتوقعون في جن حولي

الحالة
مغلق و غير مفتوح للمزيد من الردود.
استعيني بالله ثم احظري شيخ ..يقراء عليكي
 
الله يشفيك يارب ويعافيك
ياحبذا لو قلتي لزوجك لوبورقه برساله باي شي تنبهينه
عشان يتحرك وترا الشيطان يحاول يفرق بينك وبينه ادحرررررريه وتعوذي منه
وحاااااولي قد ماتستطيعين انك تقوين نفسك شوي وتحاولين تتقربين من زوجك
انا امر بشبه حالتك مع زوجي وعيالي اكثر شيئ
 
غالبا هذي سحر والشغاله هي المتهم الاول المفروض سافرتي مع زوجك حتى لو مو قادره المهم تتركي المكان باي وسيله يعني لما غيرتوا الاثاث صرتو ازينين وبعدين رجعتو ا مالك الا تصارحي ام زوجك وانتى ادرى بالي دخل مكانكم
 
حبيبتي واضح جدا ان الي فيك سحر تفريق وقد ربط بخادم جني والعياذ بالله

حبيبتي الي ودي اقولة لك والي ارجووووك رجاء انك ماتهمليه انك تبلغي

زوجك عآآآآآآآآآجلا بالي يصير فيك اتصلي فيه وخبرية فورا بكل شي صارلك

خليه في الصورة عشان يعذرك اذا تصرفتي اي تصرف مايعجبه ممكن تخبري

امك وتشوفي لك شيخ يرقيك بالرقيه الشرعية... وانتبهي من الي حوالينك

شوفي مين بمصلحته يخرب حياتك انا ماودي اوسوس بك لكن الحين النفوس

تغيرت والحسد عمى قلوب الناس حتى لواقارب ... انتبهي برضه من الشغاله

وقولي لنفسك ان الجن ضعيف جدا ومامعه غير هالحركات التخويفيه فقط

واول ماتتعوذي بالله يهربوا والزمي سورة البقرة والاذكار ورشي ماء مقري بزوايا البيت

وطمنينا عنك الاهم انك حاليااااا تخبري زوجك وحكايه الدم ممكن تفحصي طبيا لومافي

اي مرض وقتها اعرفي انه هالشي بسبب سحر ... حسبنا الله في السحرة والي يتعاملون معاهم

موووووفقه حبيبتي
 
فرج الله همك

اذا ماقدرتي تبلغي زوجك ارسلي مشكلتك الي كاتبتها لنا لزوجك بالاميل

وهو راح يفهم وضعك ويساعدك
 
عزيزتي يارب تكوني بخير طمنينا عليك شو عملتي اليوم هل قرئتي سورة البقرة وهل عملتي التحصينات وهل اخبرتي اهلك وزوجك
 
سم الله عليكي كني التفرج على فلم مرعب اسفه بس والله خفت
لا تسكتين علي نفسك لازم تروحون لشيخ اخاف انك مسحورة والله يشفيك ويرد كيد من اراد بكم سوء في نحرة امييين​
 
الله يشفيكي واختي طمنيناااااااااااااااااااااااااااااااااااااااااااا عليكي
 
اه اليوم وش اليوم والله ابكي انا لاجلست بروحي اقعد اقول ليش اسوي كذا وليش واتذكر الي سويته لكن لمن اكون معهم ماتذكر شي الا ان هناس اكرهم واقط عليهم من هلكلمات انا مو انا

البارح نمت بصاله على الكنب والقراءن شغال وانا على بداية نومي في الصاله بين النوم وصحوه يعني توي

اشوف الباب انفتح ودخلت مره لابس عباه ومتغطيه جت ومسكتني اشوف بصيح بصارخ مو قادره ضغطت على صدري تقولي
انتي لازم تموتين اشوف صرخت بعالي قلت والله اعلم فلان >> الي هو زوجي

وخري عني واشوف صرت اصيح واصارخ بقوه مسكتني وصرت اصارخ وقمت مفزوعه من هشي

شوي الا عمي فتح الباب قال صباح الخير قلت هلا قال ليش نايمه هنا فيك شي قلت لا مابي شي

قال روحي غرفتك اريح لك قلت طيب فقلت لازم اتشجع واطلع لغرفتي خلاص الناس مو ليل وبعدين لازم اقوي نفسي ولا اخليهم يسيطرون علي ومافي شي ابد

اول ماطلعت غرفتي الغرفه حوسه حيل كن قوم حايسين فيها مدري وش حايسها استغربت وش هلحوسه المهم

قعدت ارتب وصوت قلبي وربي اسمعه من الخوف

وانا ارتب احس في احد ينزل مع درج البيت بصوت كعب بلبيت مافي غيري انا وخالتي وعمي والشغاله خالتي والشغاله نايمين عمي تحت معقوله بيلبس كعب وينزل بهصوت العالي

مافي غيري يلبس كعب قلت اكمل الغرفه

صحت خالتي والشغاله قامت خالتي وطلبت غدا من برى جت الشغاله قالت يقولون لك غدا قلت بس امشط شعري انزل
طلعي برا قالت طيب وسكرت الباب مدري وش جاني قعدت اصارخ بسم الشغاله افتحي الباب لاتسكرينه ارجعي افتحيه انا عجزت اقوم من الكرسي تخيلو بعد نص ساعه من صراخي
رجعت فتحت باب الغرفه ودفته بقوه وراحت قلت هين واقعد اسبها بصراخ و انواع المسبات الي بحياتي ماقلتها وانا معصبه مدري من وين اجيب هلكلمات

وأول مرضى باب الغرفه يتم مفتوح دايم اسكره


ونزلت ويوم وصلت لحد الدرج الا كعبي موجود تحت وش جابه هذا صوت الكعب الي اسمعه مشوين من الي لبسه

مسكته ورميته تحت الدرج

المهم عمي وخالتي ينتظروني قالو تعالي حنا نتظرك وقلت اساس من قال تنتظروني تغدو بروحكم

عمي قعد يطالع بي قلت استغفرالله وجلست على الكنب وهم يتغدون من متى انا اطول لساني على عمي

هنا الي محزني ومبكيني لمن اجلس بروحي ارجع انا واقول ليش انا تصرفت بهشي معهم وليش وليش
يوم اجلس بروحي احس مابي شي واحبهم ونفسي انزلهم واسولف معاهم بس من انزل اطول لساني واقط كلامي
واكرهم

دق جرس البيت الا اخوي واختي متزوجه اقرب خواتي لي بكل شي

داخلين مسيرين على قولتهم لئن خواتي متجمعات بيت هلي المهم مدري وش جاني قعدت اصارخ قلت اطلعو برا وش جابكم الله ياخذكم الله لايخليكم الله يشيلكم برا وانواع الشتايم لهم

قال اخوي شفيك فيك شي قعدت اصارخ بصوت عالي اطلعو قال عمي يابنتي عيب قلت انت ولاكلمه مابيهم قلهم يطلعون قالت خالتي انتي انهبلتي

قلت ااه اطلعو اطلعو قامت خالتي ترددني بلكلام مالقيت الا الطاوله قدامي وامسك كل شي عليها من صحون قزاز وارميها على اخواني وخالتي معاهم وامسك لا كواب وعليهم وهلحين اقول لنفسي ليش ضربتهم مدري تخيلي لو جاء احد منهم صحن ومات


اختي يوم شافتني قالت شفيك انا مازعلتك قلت اطلعو قولو لهم يطلعون الله ياخذكم يجعلكم تحت التريلا يعلكم بلحادث

قال عمي استغفري ربك شفيك ماحسيت بروحي الا صحن الرز رميتهم به والرز والحاله حاله وامسك الي على طاوله عليهم ويجي عمي ويمسكني قال بسم الله عليك شفيك خلاص وش تبين نسويه قلت قلهم يطلعون قلهم يطلعون

قال اخوانك ذولا قلت مالي اهل مو اخواني قال اهدي

ماحسيت نفسي وانتم بكرامه الا صرت استفرغ دم قدامهم عمي يوم شافني كذا مسكني بقوه لئن حسيت روحي بتطلع اختي قامت تصارخ اخوي جاء بيمسكني عيا عمي قال وخر اتركها
عمي انسان طيب اطيب من خالتي بواجد ماعتبره الا ابوي واغلى من ابوي بعد يقول اول ايام زوجنا وجيت على بيتهم مسك راسي وباسه قال انا الله مارزقني الا بولد واحد وانتي هلحين صرتي بنتي واغلى من ولدي هذا

اليوم يوم مسكني حسيت روحي بتطلع وهو وماسكني والله ماتركني ابد طول ماستفرغ دم وانتم بكرامه وهو يسمي
علي ويقرا وينفخ
ويمسك المناديل ويمسح شفتي من دم ويحط راسي على حضنه ويسمي علي ويقرا علي حسيت انو فني شي
يرجف بداخلي وهو يسمي ويكبر ويقرا علي

قال لاخالتي في مويا روحي جيبيها مقري بغرفته وراحت جابته واسقوني منه ماشربت من الا شوي وارجع استفرغ دم واقعد اصيح بطني يعورني اه يبطني بموت من الم قال مافي شي شويات وبيروح وانا عمك

بعد شوي كذا قمت مافيني شي وجلست هاديه هم كلهم ساكتين ادري انهم يطالعون بي بس انا كنت حاطه راسي بحضني ومغبيه وجهي عنهم وكان جالس عمي جنبي على طول

تلفوني فوق يدق يدق اسمعه جت الشغاله قالت لاخالتي تلفونها يدق يدق
قالت خالتي بروح اجيبه تخيلو دخلت الغرفه الجوال لايدق ولاهم يحزنون ولا في مكالمات لئن انا نغمتي غير في البيت اذا سموعها يعرفوةن ذا جوالي الي يدق


جت خالتي قالت ماحد دق خوذي جوالك قمت وقفلته دق زوجي على امه وردت عليه يوم قالت هلا فلان حسيت بشي بداخلي زي نار زي الرجفه قالت امه فلانه تعبانه امه قامت وراحت بلممر تكلمه واسمعه تعلمه تقوله واحس بشي يقول قومي

اذبحيها قومي كفخيها بتخرب بيتك هي ماتبيك ولقتها فرصه
ويوم قالت فلان انت لازم تجي اسمعها قالت خلاص متى تجي قالت تجي بكرى الصبح وانا جاني شي غريب

قعدت اصيح اقول لاتكفون لايجي الله يخليكم لايجي الله يخليكم لايجي قام عمي قال ليش ذا فلان
مو غريب لازم يجي

قلت لا مايجي تكفون لا واقعد اصارخ واصيح قلت لاتخلينه يجي تكفين لاتخلينه يجي هو شكله سمعني وقفل بوجهه امه واسمعها تقول الو الوو مارد عليها

وقعدت اصيح واصارخ بصوت عالي لا مايجي تكفون مايجي قال اخوي مو جاي قلت انت وخر وخر هناك مابيك

وجت امه قالت يجي غصب عنك قلت لا مايجي واناقز واصارخ وافتح باب البيت الي يطلع على مزرعة البيت واطلع فيها واقعد اصارخ قلت لاجاء بطلع لايجي مايجي وراحو يركضون وراي

قال عمي مو جاي خلاص تعالي تكفين ادخلي قلت كله منكم انتم تبون تذبحوني تروحون تجيبونه لي مابيه مابيه
جاء عمي ومسكني وقال انا اتصل به مو جاي والله مو جاي
مادخلت البيت الا بعد المغرب وهم جلسو معاي بلمزرعه
جاء عمي جلس جنبي وقعد يقرا علي ويسمي قال شرايك نروح انا وعمك بروحنا للمستشفى بعد المستشفى امشيك
واعشيك ونروح للي تبينه قلت لا قال طيب بس نفر شوي قلت لا

قال خلاص ريحي يوم دخلت جلسنا داخل البيت عمي يفر بلقنوات وحط على قناه قراءن وجلسنا ساكتين
وهو يقرا القراءن حسيت بي نوم قلت ابنام قالت اختي قومي اوديك غرفتك قلت لا ابي هنا انثبري انتي بمكانك مابي منك شي وصارت تطالعني
ونمت بعد المغرب والقراءن شغال لين جت قبل شوي صحيت قال عمي تبين اجيب لك عشاء او اي شي اجيب لك قلت مشكور عمي مابي عشى اخواني سئلت عن اخواني قال راحو يوم نمتي قال يالله قولي لي وش تبين اجيب لك قلت مابي شي عمي والله

قال ليله انا وعمك نومي على هذيك الكنبه لو تبين قلت اي بتنام هنا قال اي لين تصيرين احسن احس بداخلي فرحت



رحت وتوضيت وصليت ودعيت ربي وقريت سورة البقره وانا ارجف بداخلي كن الموت بعد دقيقه بيجيني

وخلصت وقريت اذكار
هلحين انا تحت وخالتي وهو يسولفون ويتابعون التلفزون


بكرى رجلي بيجي مدري وش راح اسوي معاه واذا شفته بكون طبيعيه اولا مدري

هلحين احس اني مرتاحه واحس براحه يوم نمت

خايفه من بكرى وش يصير لاشفته اخاف يصير بي شي معاه انا لاشفته اقلب هلحين حتى

اهلي نفس الشي
اخوي واختي قالبه عليهم كيف الباقي اخاف اروح لبيت اهلي ولاقي نفس الشي مع الباقي


















 
اسأل الله العظيم رب العرش العظيم ان يشفيك

اسأل الله العظيم رب العرش العظيم ان يشفيك

اسأل الله العظيم رب العرش العظيم ان يشفيك

اسأل الله العظيم رب العرش العظيم ان يشفيك

اسأل الله العظيم رب العرش العظيم ان يشفيك

اسأل الله العظيم رب العرش العظيم ان يشفيك

اسأل الله العظيم رب العرش العظيم ان يشفيك


أسأل الله رب الناس أن يشفيك ويعافيك وينتقم من كل ساحر ومن تريد ان تفرق بين المراه وزوجها
 
اسأل الله العلي العظيم ان يلبسك ثوب العافية ويشافيك ويلهمك الصبر يا رب العالمينما حبيت اطلع من موضوعج بدون ما اردعليجوعليج اختي بالصبر وقراءة القرآن وخاصة سورة البقرة وقيام الليل وكثرة الاستغفار والله يفرجها عليجوان شاء الله دوم بدعي لج بالغيب يا اختي وخبرينا بمستجداتجوحاولي تنفذين كلام الاخوات وخاصة رازيا ما قصرت والله ولي التوفيق
 
طيب اذا خايفه من انه يصير شي اقري قبل يجي زوجك قران والاذكار وظلي على سجادتك لين يوصل وخلي لسانك رطب بذكره
وان شاء االله مايصير الاكل خير وخلي عمك هو اللي بلغه واطلب تروحين للشيخ
ترى هذا بس لين يجي زوجك لانك مستعجله عالحل بس كلام البنات فوق هو الصح
وماانا الا تلميذه عندهم
 
خبرررري عمك بكل شي شفتيييييييه
وصااااار معك وحسيتييييه وهو يخبر زوجك
عشان ترووحين لشيخ يرقييييييك
حبيبتي هم مايدروون انتي وش تشوفين
عشان كذا لاااازم يدروون ويودينك للشيخ
والله يشفيييك ويرد كيد كل ساحر في نحره
وكل من يتعامل بالسحر الله يلعننننهم ويفضحهم
 
ارسلي لزوجك رساله باللي تحسيه لاتقولي مااقدر تقدرين انتى الحمدلله مو مسحورة المسحور مايدري عن تصرفاته يعنى او اجي اقولك ليش سويتى كذا ماتكونى متذكرة
المهم ارسلي لزوجك رساله باللي حسيت فيه والغرفه لا تطلعي فيها خليك عند ام زوجك
شكل البيت مسكون من الجن يمكن الشغاله تحضر الجن فاصبح البيت مسكن لهم
فرحوي مع زوجك قبل يتلبسك الجن وشغلوا قران وطمنينا عنك
 
اه ياقلبي عليك والله بكيتينى لما شفت ردك الثاني لازم احد يقرا عليك
 
الحالة
مغلق و غير مفتوح للمزيد من الردود.
عودة
أعلى أسفل