انا موظفه وزوجي مستغلني ومجنني تكفون شوروا علي ارجوووكم

[شموخ جنتي]

انا معلمه كنت اعيش عند زوحه ابوي بتعا سه انخطبت وتزوجت فرحت باطلع عم زوجه ابوي وعذابها المهم طلع العريس مدمن حشيش وجنني علي راتبي وغير متحمل للمسوليه يخلص حليب بنتي وهو نايم يومين المهم بيعني ذهبي واخذ راتبي وانا صابره عشان بنتي بس يوم بنتي ارتفعت حرارتها وتشنجت ودوني جيراني للمستشفي وتنوم بالاسابيع وهو بالبيت عند الشغاله اللي انا ادفع راتبها امرض ما يوديني المستشفي يبرد الشراب في ثلاجه عندي يجمع اصحابه يحششوا عندي انا عنده فالمدينه واهلي بالقصيم والمهم كرهته وطلبت الطلاق وطلقني وطلق بنتي معي لان البنت طلع عندها توحد وتخلف عقلي بسبب الحراره الشديده وان لحالي وقت ما فيه جولات وغريبه ماعندي احد من اقرباي بس الجيران باخر لحظه استنجدت فيه المهم بعد سبع سنوات تزوجت رجل اخر كان دخله علي قده قلت مو مشكله اهم شي الاخلاق والمعامله وانه ما يدخن ولا يشرب ويصلي طبعا في البدايه كان طيب بس بعد ما جبت ولد وبنت طلع عصبي وعنده وسواس قهري وشكاك ويدقق علي كل شي ويزعل طبعا انا عشان بنتي معي اشتريت بيت وطلبت منه يدفع لي ايجار رفض وحتي الكهربا ء والهاتف رفض يسددهم صار يتلفظ علي ويضرب واذا زعل اخذ عيالي للزوجته الثانيه مع انهم صغار ثلاث سنوات وسنتين عشان يقهرني استغل وجود بنتي معي واستغل كوني موضفه وعرف نقطة ضعفي انها اطفالي وطبعا زوجي راعي بر وكشتات ومو فاضي اي موعد للبنتي اخواني يودون المهم جبت سياره وسواق وجنن السواق وطفشني وبعت السواق والسياره واذا وداني اي مشوار لازم يسوي مشكله واذا صار موعد للبنتي قال استاجري سياره عشان اوديك المهم ما ارتحت معه كل ليله تصير مشكله بنتي توحد يه احياناا تكون مزعجه وتصيح وهو يرفع ضغطي يقول سكتيها انا بين نارين ناره ونار بنتي تعبت اعصابي ان مو ناقصه تكفين بنتي ومشاكلها نسيت اقولكم انه بخيل حتي علي عياله المهم انه نزل اسمه بالبنك العقاري وبني دور للزوجته الاولي والدور الثاني شقتين عشان ياجر ويستثمر طبعا ان رافض يوفر سكن يقول ماني حاط بنتك المجنونه علي راسي تزعجني واخر مه وصلني مشوار وقال ليه مت تسولفي وانت حاقرتني ما تريني شي والله اني اوقف واتوطاك بالسياره واذبحك واطلقك واخذ عيالي وطردته من البيت

 

[الدنيا دنيئة]

الله المستعان اقولها من قلب الله يفرجها عليك

 

[شموخ جنتي]

• الله ينتقم من كل رجل يتزوج الثانيه وهو غير مقتدر بس يجمعون الحريم لا صرف ولا تعامل ولا اخلا ق ظلم وليته يتركني بحالي لا مطلق ولا فاكني من شره ولا معطيني حقوقي شفتو ظلم زي كذا انا لو اخلاقه طيب معي مو مشكله المصاريف انا اذا ما صرفت علي اولادي علي مين اصرف بس شكاك ولسانه متبري منه وهو يعاكس ويتحرش بالشغاله ولو اوجه ينكر ويحلف انها تكذب انا خلاص كرتها تكفون ابي اعرف هو من اي بوصله بالشخصيه
  

 

[ثنائية البصمة]

الله يكون بعونك أختي ويفرج همك

 

[هلكني الحب]

حسبي اللة ونعم الوكيل
اللة ياخذ حقك منة

 

[شموخ جنتي]

ابي وحدها حكيمه تقولي هالاشكال كيف نتعامل معها الان رافض يطلقني ويههدني ما اطلع من بيتي بدون شوره كيف اخلص منه اطلب منه بيت لاني اعرف انه بخيل مو مسوي لي بيت ويطلق ولا يدفع ريال بس جنني علي عيالي ياخذهم من الضهر الي ساعه عشر بالليل عند زوجته وعيالع

 

[عصير فرواله]

ربي يفرجها عليك

مدري شقول الوحده تبغا رجال يساعدها بالهزمن الصعب لكن مدام مافي خير استخيري

ونتي موظفه الحمدلله ربي مغنيك عنه وعن اشكاله ولك بيت الحمدلله

 

[شموخ جنتي]

بيت دورين وطلبت كم اخوي يسكن بالدور الثاني عشان اتخلص منه والان ابي اقدم علي سايق واشتري سياره ل

 

[عصير فرواله]

اذا اخذ عيالك طنشي لاتدقين ولا تسالين عنهم

هو بيقهرك بس بيطفش منهم وان ماطفش زوجته بتطفش وبيرجعون لك

 

[شموخ جنتي]

مشكلتي واللي مخليه مستقوي علي اكثر انه انا معلمه وناقله عنده بالمدينه اللي هو فيه واهلي بمنطقه ثانيه ودوامي ما اقدر اخذ اجازه والنقل صعب جدا وانا مرتاحه بمدرستي وفي بيتي بس هو منكد علي بس انا خايفه يسويها وياخذ عيالي ويتعقدون مابي العذاب اللي شفته يشوفونه عيالي ما ابيهم يتمنون ينادو يمه مثلي

 

[خلآص...!]

تطلقي ولاتجيبي لنفسك الامراض كافي بنتك المريضه اشتري صحتك عشان تقومين لبنت بنفسك
ودام عندك بيت الحمد لله بوسي يدك وجه وظهر هذي بحد ذاتها نعمه كبيره اهم شي السكن
واذا هددك بعيالك قوليله عند ابوهم ماراحو عند غريب خلي قلبك واعصابك باردين حتى لو تمثلين البرود
اذا انقلع من حياتك بترجع المياه لمجاريها ان شاء الله ..الله يعينك ويوفقك ويسدد خطاك

 

[شموخ جنتي]

حظي ردي من يوم ولادتي وهمي معي ما شفت يوم هني من طفولتي وانا محمله بالهموم والمسوليه كنت ام لاخواني وعمري سبع سنوات تصدقون حتي الاكل يقفل عني المطبخ والفاكهه من المحرمات في طفولتي والخادمه تمنع من خدمتي حقد زوجة ابوي لايوصف

 

[غاية في الأنوثه]

كرري دعاء اللهم اكفنيه بماشئت

عسى ان يشغله الله عنك

وبالنسبه لعيالك وين بيروحون اكيد في بيت ابوهم حطي نفسك مومهتمه دام هذا قصده وحاولي ماتراددينه علشان يغلط اكثر مما غلط وادعي ربك يحفظ عيالك وانشغلي بالصلاة فترة غياب عيالك وقراءة القرآن علشان مايوسوسلك الشيطان ويخرب توكلك ىعلى الله


لي سؤالي متى بدت المشاكل مع زوجك برغم انك تقولين كانت معاملته طيبه

مالك أحد يكلمه لو بموضوع العيال ؟؟ظ

لاتطلبين طلاق يكفي بنتك البكر مالها اب تبين تحرمين الصغار بعد صدقيني أحيانا الاطفال يخلون قلب الاب يحن بشرط تربينهم تربيه ترضي الله وماتشحنينهم ضد ابوهم



إختي الغاليه إنتي الحين علاقتك مع زوجك متلخبطه فوووق تحت شلون تطالبينه في بيت وانتي اصلا تقولين بخيل (وهل البخل شي مستجد عليه ولا من اول زواجك لاحظتي هالشي )؟

اههم شي لاتتجادلين معاه خليكي جدا هاديه هو يبي يمسك عليك اي شي بس علشان يغلط

أدري صعب بس صدقيني بمعية الله بتهون الامور

حاولي تصلحين علاقتك مع زوجك بالهدوء بداية ثم بالخدمه العاديه الواجبه عليكي فقط (لا اقصد هنا الرومانسيات لان مووقته)

حبيبتي لابد يحصل بين الزوجين نفور وتلقين الزوج يهدد بالطلاق هذا وهو عنده زوجه وحده فما بالك باللي عنده ثنتين

لو تقولين له حقوقي من الحين لي السنه الجايه ماراح يرد عليك

اهم نقطتين الحين تسوينهم الطناااااش والعيال اذا اخذهم كثري صلاة وقراءة قرآن وقد قيل إن الله يحفظ الابناء بصلاح الوالدين

واذا خلااااص عاااايفته (ولا الومك هنا )برغم تفكيري بعيالك استخيري اذا تبين الطلاااااق


فقط استخيري



اعانك الله

 

[شموخ جنتي]

ادعوا لي اني اخلص منه تكفووون ابي ارتاح ما بقي من عمري اه ليت الرجل الطيب الحنون الشهم الملتزم يعرف باخطبه وادفع له مهر بس ابي انسااااان يواسيني بحياتي يساندني قبل اشكي وابكي

 

[غاية في الأنوثه]

طيب لو تطلقتي وين بتروحين مويمكن ياخذ عيالك وينحرمون منك وتكون زوجة ابوهم تعاملهم مثل ماسوت زوجة ابوك يعني بتعيشينهم بنفس الحرمان اللي عشتيه طيب وبعدين

انا ام مثل ماإنتي ام ونعرف غن ضحكة ضنانا من قلب هي ضحكه لنا صح ولا لا؟؟

 

[شموخ جنتي]

تحملوني اكتب وانا مهاره ارججوكم يسعدني سماع اقتراحاتكم انا بانتظاركم

 

[غاية في الأنوثه]

احنا معاك اختي الغاليه

طيب متى كانت بداية خلافك معاه وايش السبب؟؟

 

[شموخ جنتي]

اشكرك جميع الردود سبق انه اخذ ولدي وهو رضيع رحت واشتكيت علي المحكمه وعطوني موعد شهرين وطلعت علي امارةالمنطقه وقابلت لامير واشتكيت عليه وبامر الامير رجع لي ولدي بس اهلي زعلو مني قالو فشلتيني ما عندنا بنات تتردد علي المحاكم بس ما علي حضانة عيالي مجامله بس ما تاب الحيوان

 

[يالبى راشد وبس]

حبيبتي مالك الا تفرشي سجادتك وتطلبي رب العباد الحي القيوم
الذي لا ينام واستنجدي به واطلبيه العون
الله يفرج همك

 

[قمر @]

عامليه كانه مو موجود فحياتك بس خذي الأذن منه منعا للمشاكل فقط
واشغلي نفسك بعملك واطفالك وعبادة ربك
والاستغفااااااااار وذكر الله هوا الدوا والراااااحه يا اختي
هذا انسان مايخاف ربه الله يكفيكي شره يارب ويريح بالك**