انا مشكلتي عاازفه عن الزواج ( موضوع للنقاش ) رساله لكل من تاخرت بالزواج

[عابرة في الحياة]

سلاأإم بنـأت .. كــيفـكم ؟؟

أن شأإء الله بخير ,,

المووهم اناا يا بنات عندي مشكله

اني ما ابي اتزوووج بالمرة ,,

اكيد تقولون وين المشكله

المشكله بنظرة المجتمع ليه

وخوفي من كلمة ( عانس ):30:

لان فيه بناات كثيرررر يتريقون

بكلمات تجرح زي يا عانس

ويا مطلقه ويا ويا ..الخ

ونظرة المجتمع السلبيه

لهذي الفئة

انتوا ايش رايكم تبون تتزوجون

والا لا ؟؟ صرااااااحه انا شاايله

فكرة الزواج

من كثر المشاكل اللي اشوفها

وش حقه اتزوج ؟؟

وش حقه اجيب لنفسي مشااكل

وهم وتعب ,, والله الزواج شئ يقرف

تخيلووا تعيشوون طوول العمر

معاه بشقه لحالكم

والله شئ يتعب ,,
بعدين انا بعيش لنفسي

بعيش لذاااتي ابي انبسط

واكون صداقات خاارجيه

او اصير وحده مهمه

بعدين ليه اترك

بيت ابوي وانا منبسطة فيه

افكر اني اصير ناشطة

بحقوق المرأة

(( وذا حللللمي ))

واني اتفرغ لحياتي

واعيش لنفسي فقط

حررره ,, (( وافتح جمعيه لحقوق المراة ))


يعني اسسسستغرب

من البعض يوم

تقول انا يتيمه وتتزوج !!

ليه يعني تتزوج ؟؟

ما بيساندها احد

ولو صارت مشكله بيوريها ,,,وكمانه

انا حااسه اني لو تزوجت مليوون
بالميه بتطلق

لان عندنا اشياء كثير

منفتحه وما اتوقع اخذ لي واحد

منفتح

من كثر ما اقراء تعقدت

ومن نااحيه ثاانيه المراة المفروض

تعيش لنفسها ,, مو لزوجها

وتكرررس حياتها وجهدها

وتعبها للزوج (( وهو ما درى عنها )) ... المفروض تكون

قويييه ولها جاانب مهم بالحياة



تصدقون نسبه الطلاق بالمملكة

واااصله 66 يوميا ..!

ورسالتي لكل عانس

(( وانا ما احب هذا اللفظ ابدا ))

" عيشي حياتك وكرسيها

لنفسك حققي حلمك وطموحك

الحياة ما توقفت لحد هنا ,,

هذا امر ربي كاتبه لكي

ممكن يكون خيره ,,ولا تيأسي

لان الزواج تعب ومشششقه ومو
اي وحدة تتحمله ممكن تكوني

افضل من 1000 وحده متزوجه

ممكن تكوني ببيت ابوكي

منبسطه اكثر من انك تكوني

متزوجه ))



الحين نوصل للجزء الاخير ,,

هل انتي عازفة عن الزواج ..

اما لا .. ولماذا ؟ ............

وايش رايك بالمرأة يوم تخدم زوجها ..؟؟

وايش نظرتك للمتأخرة عن الزواج ..؟؟

كلمة اخيره ؟؟

,,,,,,,,,,,,,
ملاحظة : لا تحسبوني كبيرة

بالسن وما تزوجت <<<

لان اتوقع بتقولون انها عاانس وغيرانه ,,,,


ما ابي ردود تسد الرزق

بس حبيت اخذ رااايكم ولي عوودة

واتمننننننننننى منن كل قلبي

رسااالتي وصصصصلت

ان المراة ما تسخر حياتها

ونفسها لزوجها وانها تعيش حرة ابيه وان كانت مرة تبي تتزوج

وخلاص ضاقت فيه االدنيا

وكان عندهم ضروووف مرة

قويه تجبرها ع الزواج

تعيش لنفسها وما تسمح له

بالتدخل بحياتها

انتوا ايش رايكم ؟؟
انتظر ردودكم\

ودي :21:

 

[سجينة همومي]

هل انتي عازفة عن الزواج ..اما لا .. ولماذا ؟ ............

عآزفه وبقوه عن الزواج ..واسبابي كثيره..منها..مافي رجل في العالم يستاهلني ..الزواج بيشغلني عن عبادة ربي ..الزواج مسئوليه وهمً ومشاكل .. وانا مو قد هالمسئوليه يكفي اني متحمله مسئولية اهلي ...الزواج سجن للمرأه ولسعادتها وطموحاتها ...الخ

وايش رايك بالمرأة يوم تخدم زوجها ..؟؟

الرسول عليه الصلاة والسلام ذكر ان فيه حقوق للزوج على زوجته وفي حقوق للزوجه على زوجها ..اذا الزوج قام بحقوقه كامله صدقيني الزوجه ماراح تقصر معاه بشي وراح تخدمه بعيونها ....بس حسافه وين هالزوج !

وايش نظرتك للمتأخرة عن الزواج ..؟؟

والله نظرتي لها انها ملكة معززه مكرمه في بيت اهلها بغض النظر عن ظروفها في بيت اهلها لانها لو جربت تعيش حياتها مع زوجها راح ترجع لبيت اهلها..

كلمة اخيره ؟؟

اكيد اللحين بتقولون اني عايشه مرتاحه في بيت اهلي عشان كذا كتبت هالكلام
لاوالله مو مرتاحه بس الحمدالله انا احسن من غيري و ربي عالم بالحال اللي انا فيه بس انا نذرت حياتي في طاعة ربي و البر بـ أمي وأبوي و حفظ القرآن وطلب العلم ..ومافي زواج الا اذا صار شي قوي جدا يحدني على الزواج ..
واتمنى من كل البنات انهم مايفكرون بالزواج ولايشغلون تفكيرهم بشي مايدرون اذا فيه خيره لهم ولا لا ..اقترح عليكم تشغلون اوقاتكم بعبادة ربي والتقرب له وحفظ القران وطلب العلم والبر بوالديكم اعملو لآخرتكم و ربي يعوضكم في الجنه ..وحاولو تأمنون مستقبلكم في الدنيا عشان مايجي يوم تذلون نفسكم عند احد وترو مافي احد يضمن هالدنيا ..يوم لك ويوم عليك

-----------

الله يعطيك العافيه على هالموضوع يالغلا وعسآآك على القوه ..وعيشي حياتك لـ لله ..ولا تعيشين لرجل ينظر للمرأه كــ (قضاء حاجته)

 

[عابرة في الحياة]

مشكووووووورة

اسعدني تواااجدك وررردك

وفعلاً .. نسيت النقطة المهمه

ان الرجل ما يتزوج الا ليرضي

شهواته فقط ,, يعني

يوم يقول انا ما تزوجتها الا عشا ن

(( الفراش )) ليه هيه مي بشر ؟؟

وفعلاً الحين ما نلاقي الا ذكور

وليسو رجال (( البعض طبعا ً

منوووووورة كثيرة واسعدني ردك ,,

(( 8 - 8 ))

 

[.PRADA.]

طيب طيب نشوف بكرا اذا جاء المعرس يطق الباب بتثبتون على كلامكم والا لا ^_*
هههههههههههههههههههههاااااي

​

 

[عابرة في الحياة]

باردا ,, لا والله اثثثثثبت اساسا ما فيه معاريس صااحين واتححححححححدددددى

اسعدني تواجدك..

 

[}وردة{]

حبيبتي
الزواج غريزة في الإنسان
يعني المرأة ليش تريد تتزوج؟
1) علشان تعف نفسها لأنها بشر أيضاً وعندها شهوة
2) علشان تنجب أطفال وهذي فطرة في الإنسان

والرجل يتزوج لنفس الأسباب

بنت عمتي جميلة وتقدمولها ناس كثير
بس كانت ترفض الزواج وتكول أنا مــــا اريد اتزوج :30:
وتقول للكل!

بس يوم وصلت للثلاثين تغيرت
وصارت تريد تتزوج!!
وسبحان الله تزوجت قبل سنتين
لأنه الزواج غريزة في الإنسان

أصلاً نظرة المجتمع غلط وكلمة عانس معناها اللي ما تنجب
الله يهديهم
وأنا شخصياً أكره كلمة عانس

إذا انت ما تبين تتزوجين..عادي
ما دام إنت هذا الشي مقتنعة فيه ما يهمج راي الآخرين

بس أنا متأكدة أنه في يوم من الأيام بتغيرين رايج
لأنه أمج وأبوج ما بيبقون لج للأبد
ولأنه الزواج مثل ما قلت غريزة في داخلنا
المشاكل الزوجية شي طبيعي (جزء من الحياة)
مثل أي مشكلة
ويوم بتشتغلين بتواجهين المشاكل أيضاً بس من نوع آخر

بس من قال أنه ما في عرسان صاحيين! :31:

اتمنى لج التوفيق
​

 

[رنا 200]

انا مره بفتره خطوبه تعرفين وش معنى وصلت المرحله الجنون من التفكير الانوه عرفه وش منتظرني من مشكل واشي بتحسف عليه بيت ابوي والحمد الله الحقت على روحي وانفسخت الخطوبه
وقلت ما ابي ازوج بس يوم اشوف خواتي وعيالهم اقول انا ابي ولد ابي اكون ام ولو الزوج مو مهم ما صار نص الدين والمشكل ابهارة الحياء الزوجيه بنصفي النيه وربنا كريم
ولي متاخره عن الزواج هذي حكمه من ربي فيه ان شاء الله خيره
الله يوفقناااااااااااااااااااااااا جميعاااااااااااااا

 

[عابرة في الحياة]

ورده /// اشكركي على رااايك

اما عن اجباتك على اول سؤال

البعض يريد عاائله (( بس انا ما ابي

ايش حقة اتعب بالحمل مدري

يطلع لي بالاخير ولد بار او لا ..؟

وبعدين احسه طفشش وغريزة

الزواج مي بالكل ,, اسعدني توااجدك

ورايك يا عسسل ,,

رنا 200 //م الله يرزقك ان شاء الله

بالنسبه للاولاد اتبني لك يتيم

تراا الحياة الزوجيه تعب وقررف ,,

تخيلي كيف بتكوني والبعض

(( الا االاغلب )) عندهم ممنوع

البنطلون , النت لا . الخرجه عييب

تراا لسى فيه عقليات كذاا وكثيررة

انا اايد الزواج بحاله وحده بس ,,

ااذاا كان واحد اجنبي ,,

اما سعودي مسسسسسستحيل

من كثرر ما اقراء تعقدت ,,

ما قد شفت بحياتي اسرةة سعيده

ومبسووطة بحياتها


والله والله اتمنى الاقي .....

اسعدني وجودك (( 8 - 8 ))

 

[احلم بالجنه]

والله انك صادقه ما نشوف الا اشباه رجال الا من رحم ربي واصبحو قليل شوفي المشاكل اللى نقرائها بالمنتديات والسبب الرجال الانانيين والمحرمه ما لها اي قيمه عندهم وصدقوني لو الرجال عنده ذره من شخصيه يجلس مع نفسه حيشوف انه ما في اي شي مميز يعني بالعربي لا محضر ولا منظر ستغفر الله ​

 

[عابرة في الحياة]

اسعدني توااجدك ,, والسبب

في ان الحرمة مالها اي قيمه

هيه اللي خلت الرجال يتحكم

فيها ,,و لو اني منها امثل

نفسي وانتبه لعمري واخليه

0( بقريح )0

(( 8 - 8 )) منووورة يا قمر ’’,

 

[عابرة في الحياة]

اااااااااااب

 

[سجينة همومي]

طيب طيب نشوف بكرا اذا جاء المعرس يطق الباب بتثبتون على كلامكم والا لا ^_*
هههههههههههههههههههههاااااي

هههههههههه غلاتي انا مقتنعه بكلامي وتقدمولي 5 رجال ورفضتهم و واحد في الطريق وانا اعطيت ابوي الأذن انه يرفض اي احد يتقدم لي ,,بالرغم ان ابوي مو راضي ويحاول فيني وانا ارفض ..سبحان الله حتى لمن استخير ماارتاح ابدا ..

ااذاا كان واحد اجنبي ,,

اما سعودي مسسسسسستحيل

من جد..
اعرف وحده موظفه في المستشفى كانت متزوجه من ولد عمها
وكانت حياتها دايما مشاكل معاه
وطلبت الطلاق ...

بعدين تقدم لها واحد اجنبي(سوري) ..تقول والله انه معيشني زي الملكه ويفهمني ويحترم رغباتي ..والحمدالله عايشه في احسن عيشه حتى راتبي مايطلبه وهو يصرف علي البيت وعلى ولدي ويعطيني نفقه شهريا ..تقول صح ماسلمت من كلام الناس بس ماهموني اهم شي راحتي ..
----
الاجانب احسن شي فيهم انهم مثقفين
ويفهمون الحياه الزوجيه

 

[ملكة ببلقيس]

مرحبا عزيزتي ..

صحيح .. كلامك في نقطة إن المرأة خطأ تكرّس نفسها للزوج .. و تجعله جُلّ اهتماماتها ....

...

لكن ... الزواج للمرأة فطرة / غزيرة / أصل / جبلّة ربي خالقها لها كما هو أيضاً للرجل ... !

الزواج في الأصل مشاركة بين الجنسين .. و ما هو الزواج معناه عبادة المرأة للرجل ... مثل ماهو تقريبا مفهومك له و نتيجة لاعتقاداتك الخاطئة المبنية على أمور متعقدة منها سببت لك مشكلة .... و الله أعلم ...

صحيح ! سببت لك هذي المفاهيم الخاطئة التي نظرتي لها ممن هم حولك من بعض الناس .. مشكلة .. كما أسميتيها أنتي !

لا تكابري أختي أن ما بكٍ أمراً طبيعيا سوياً .. و هو العزوف عن الزواج ..
حاولي أولاً أن تدركي جيداً أن هذا خطأ ... و مشكلة كما عنونتي موضوعك حتى تحاولي علاج نفسك له و تتهيأين لذلك أي الزواج ..

لا أحد منا ينكر فطرة حب الولد !

و لا يأتي بالعقل مطلقاً أن حب الولد و منفعته على الأم و صار قطعة من كبدك .. كما هو إذا تبنيتي يتيماً كما زعمتي .. أي ربيتي ولداً ليس من جسدك !

و بعد خمسين / ستين عاماً بإذن الله ... لا تنفعك جمعية حقوق المرأه أو ماشابه
إذا احتجتي إلى بنتاً تناولك الماء .. أو ولداً يزورك .. و بعد وفاتك يدعو لك

أبعد الله عنا و عنك كل شر و لكن فكري قليلا بأمورٍ واقعية .. حتمية .. عقلية ..

لا ينفع معها التحرر الزائد المطلق ...

قارني جيداً بين وضع البيوت المسلمة و العربية .. و بين الغربية
حتى و لو كانت بيوتنا أول حياتها مشاكلاً كما ترين بعينيك !

هل إذا انتهت صلاحية الأم من حمل و ولادة و تربية و كبرت و صارت عبئا ع الاولاد رموها بأحد الدور ... ! كما هو في الغرب .. أم تصان و ترعى !

هل ولدك اليتيم إذا تبنيتيه بيكون لك هكذا !

حبيبتي أموووووووور كثيره تترتب على عزوفك عن الزواج

و لكن أدركي أولا خطر المشكلة حتى تعالجينها

وفقك الله ..

 

[.PRADA.]

معليش حبيبتي انتي حاله شفتها كثييييييييييييييييير كم وحده زيك تقول ماراح اتزوج ومدري ايش
وحده اعرفها كانت تتعنى تلبس قصير وكعب عشان تبين للناس انها جريئه ويرفضونها وهي عمرها فوق العشرين بس الحين تزوجت ههههههه​

مافي وحده طبيعيه ماتبي تتزوج الا فيها بلا والا تبي تخفي شي >>> لاتزعلين ​

لان الانسان الطبيعي مهما وصلت انجازاته ومهما وصل من مكانه ​

مافيه شعور يحقق الذات مثل الزواج والاستقرار >>> هذي وظيفه المرأة الرئيسيه شئتي ام ابيتي هذي فطرة ربي خلقنا عليها واي احد يشذ عنها يعتبر مو طبيعي وفيه مرض ​

وبعدين اشوفك مركزة على موضوع الجنس ومدري ايش وماتبي تتزوجي واحد يتخذك عشان الفراش !! يعني تبين تقنعينا انك ماعندك رغبات زي اي بنت في العالم ؟؟ !! >>> خليني اقولها لك على بلاط ​

لو كل قصه يا حلوة بنسمعها ونتأثر فيها مافي احد بيتزوج ولافي احد بيعيش

ليه نسمح للاخرين يأثرون علينا ويسرقون زينه الحياة منا ؟؟!! ​

وعلى فكرة الان الحمدلله الناس تطورت الشباب السعودي مو زي اول يا ماما الان في وعي وفيه تفاهم وفيه انفتاح اكثر
لا تتأثري بقصص اللي تزوجوا قبلك مو شرط بيصير حظك زيهم .​

هل تفضلين ان العمر يمشي فيك وجنبك انسان يحبك وحواليك اولادك يملون عليك الدنيا ومافيها ​

والا العمر بيمشي فيك وبتنتهي صلاحيتك وبتموتين وحيده !​

اختاري ؟؟ ايهم تفضلين ؟؟​

اذا لازلتي مصرة على رايك روحي عالجي عند دكتورة نفسيه من هالعقد اللي تسمعينها >>> لاتزعلين مره ثانيه ​

قال ايش قال مابي اتزوج الزواج كخه ههههههههههههههه​

 

[ابنة الامة]

السلام عليكم
انت حطيتي بس المشاكل اللي تسمعيها من المتزوجات
طيب حطي تجربة وشعور بنات تأخر زواجهم و الى اليوم ما تزوجوا
بعدين انت تقولون الرجال انانين وانهم ما يقدرون الزوجة والخ
السبب اللي يخل الرجال كذا هو المرأ كيف؟
بعد م ثقتها بنفسها وتقديرها لذاتها تحسيسه ان هو كل شي في حياتها واسباب كثيرة اخرة ابحثي عنها بتلقينها كثيييرة في النت


ان المرأة مهمة حققت وصلت من نجاح يظل تحتاج الى بيت واسرة وزوج وابناء لان هذا شي في فطرتيها
ترى هذا مو كلامي هذا كلام استاذة في علم الاجتماع وشهادتها من امريكا و سعودية ومتزوجة سعودي

 

[عابرة في الحياة]

سجينه همومي : مشكووورة حبيبتي على متابعه المووضووع

والله يوفقها مع زوجها السوري (( صراحه الاجانب قممه

بالاحترام )) .

ملكة بلقيس : اسعدني توااجدك ,, انا اساسا
ما ابح ابني اسرة ولا احب اكون ملك لاحد ,,, اسعدني

تواجدك (( 8 - 8 )) منوورة

باردا : احترم رايك ,, بس انا ولله الحمد طبيعيه وراافضه

الزواج لان صراحه حالات الطلاق كثررت والشئ الثاني

الشباب السعودي بيكسب فكرة ابوه واخوه وهكذا ..

ومستحييييل تتغير انا الحين عندي عيال عمي واخوي

اكبررر نكديين ومعقدين حددددددددددددددددهم (( طبعا

ما اسمح لهم بالتدخل بحياتي ,, وانتي معارضه على الفكره

لانك وبكل بساطه (( متزوجه )) اكيد بتعارضين وهذا
راايي ,, زعلى قولتك لو رحت لطبيبه نفسيه وش بتقولي يعني ؟؟

بتقولي احسن اقعدي .. وياليت تاخذي لك لفه على الاستشارات

الزوجيه العامه ,, واذذا لساتك مصره جيببي لي عائله

عاايشه بسعاده .. وانتوا تقولوا المشاكل ملح الحياة الزوجيه

طيب وانا ببيت ابوي لا مشاكل ولا غيره ..!

اي له داااعي اتعب راسي بـ((ملح الحـياة )) !

وانا يعني من رايي مستحيييل اخذ سعودي يعني اذا تغيرت الفكره

ليه باخذ اجنبي ,, لان وبكل بساطه اكيد مشاكلي مع السعودي

بتكون على (( حجاب - طلعات - (( راتبي )) وهكذا ))

اما الاجنبي فهذي الاشياء عندهم عاايدي جداً جداً

وياليت تسوين مقارنه ,, اسعدني مرورك ^^

ابنة الامة : وعليكم السلام .. انا شفت شعور البنات اللي تاخروا

عن الزواج وكلللله بسبب (( المجتمع )) لانهم

ما يبون يكونون عاانس _ ولو _ ما كانت ذي الكلمه

موجودة ما كان لقيتي وحده تعيسه انها ما تزوجت ..!

ومو هذا السبب وحده انهم يبون يتزوجوا

لو انهم لقيوا لهم وظاايف ومشاريع ,, وولوو كانت الحرمه

متحرره بالمملكة ما كان فكرت بالزواج نهاااااااااااائي

في بريطانيا الحريم لسن 36 يعتبرون صغار وما بيتزوجوا ..

لان عندهم امنيات وطموحات لمستقبلهم مو مثلنا

(( معلمه - طبيبه - ممرض - ببنك ))

والثلاثه الاخيرين ما يتزوجوا ..!

عشان كذا المجتمع حطططططططم المرأة وخلاها حبيسة بيت

زوجها ما تقدر تحقق امانيها ,, انا ما احتاج لزوج وابناء

انا احتاج لام واب واخوه واخوات وصديقات .. بسسس

ذاا يغنيني عنهم ,,, (( 8 - 8 )) اسعدني تواجدك .

 

[عٌطسة نملهِ]

وش هالتفكييير ,..؟​

ليه هالتشائم..!؟​

ياماما الاُن الزمن اختلف تمامآ صارو الشباب وااااااعي فاهمِ​

مستحيل الان تقولين فيه شاب جاهل او مايعرف ​

الحياة مازالت حلووهِـ وبتضل احلى لاتزوجتي وجبتي اطفااال​

وتشوفينهم حولكِ ياحلاتهم​

اجل بالله تجلسين ببيت ابوك الين متى.؟ِ!​

اهلك ماراح يضلون لك ​

والزواج سترر للبنت ​

الله يسترنا دنيآ واخرره ياررب​

ومسألة انو تقولين ماتزوج الا عشان الفراش.؟ّ!​

ليه تفكيرين كذا​

هو تزوج عشان يستقر ويبعد نفسه عن الحرام ​

وانتي نفس الشئ​

بالنهايه انا ضد جميييييع كلامكِ وبعض من العضوات اللي نفس تفكيرك​

ايه نسيت اقولك​

اللي تقول في بيت ابوك معززه ومسعه صدري وادخل انت
والبنطلون البسه وفي البيت الرجل ماراح يحصل كل هذا​

ياحلوووووووه وينك عايشه فييييهِ.ِ.؟!؟!​

الشباب هالوقت تفتح تفتج ياماما​

كثير متزواجات وحياتهم زي ماكنت في بيت ابوها​

تطلع تدخل تلبس اللي تبي نت موجود​

مااقول الا الله يعينكم ع تفكيركم ومادري وين بيوصلكم​

من جد عندكم تشائم بالحياة فضيع​

معن الحياة مره حلو وفيها اشياء احلى واخلى

وممكن تحصلين شي ماحصلتيه في بيت ابوك
بعد الزواج

حبيبتي لاتزعلين من كلامي مجرد نقاش ​

يمكن كلامي متلخبط بس عن جد لاني مقهووره من كلامكم​

ماتوقعت فيه احد زي كذا​

موفقين ياررب :33:​

 

[عابرة في الحياة]

عطسة نملة // لا بالعكس حبيبتي انا كثييييرر متفائله

بالحياة ومتاكدة اني ان شاء الله رااح الاقي حلمي بالوظيفة ,,

وانا متأكدة كمان اني بيوم احقق حلمي واكمل مشواري بالخارج

ياارب بس التوفيق .. اما اهلي انهم ما بيضلوا لي ,,

اكيد ما بيضلوا لي بس انا بيضل لي جهدي وتعبي

وان شاء الله يوم انجح اقدؤ اكمل مشواري بالحياة

بالنسبه للشباب لا والله ما تغير تفكيرهم ولا بيتغير

انتي ادخلي منتدى عالم حواء وشوفي كيف ادخلي الاستشارت

الزوجيه العامة شوفي المصايب ,,, اما ناحية البنطلون

واللبس القصير والعريان مو كل الازواج يوافقوا عليه ,,

واساليهم كمانه مستحيييييل تلاقي الكل موافق ,,

انا قد دخلت منتدى للشباب (( طبعا ماني عضوة مجرد لقافه ))

الاقي موضوع نقاش انك تخلي زوجتك تقعد على النت او لا

اطااالع الاقي الناس كللها لا ,, واللي يقول تقعد تشتغل مثل

حريم اول وتترك الدلع وواحد ثاني يجي يقول لا ما اسمح ابداا

وكمانه قريت مشاكل من رجال يقولون زوجتي كلعت بعباية الكتف !

وواحد ثاني يقول زوجتي كشفت عيونها ..!

سبحااااااااااااااااااااااان الله بس ,, اسعدني توااجدك

واتمنى ترجعين للصفحه عشان نتناقش (( 8 - 8 ))

 

[ملكة ببلقيس]

.. سؤال لك الحرية في جوابه :

ما مفهوم التحرر عندك ؟

 

[عابرة في الحياة]

.. سؤال لك الحرية في جوابه :

ما مفهوم التحرر عندك ؟

مفهوم التحرر عندي اني اطلع وادخل بدون اذن احد (( بس طبعا مو لحالي ))

واني البس بنطلونات , واني اكشف وجهي (( بس بادب بدون تبرج ))
وكمان اسوق سيارة , ووووووووبسسسسس

اسعدني مرورك (8-8)