حياتي بوجودك
New member
- إنضم
- 2011/02/10
- المشاركات
- 881
السلام عليكم
كيف حالكم ياربي انكم بخير
انا راح ادخل بلموضوع على طول
انا دائما مع خلاف انا وزوجي والمشكله هي ان زوجي مو همه اله نفسه واهله وهنا المشكله
وانا بغبائي لان احبه واموت فيه تنازلت عن كثير اشياء تحت اسم الحب
وقدمت تنازلات كثيرة بس ما اضم عليكم
انا من يوم دخلت المنتدى وشفت كيف انكم تنصحون وتساعدون استحيفت على كل يوم مر بحياتي وانا نايمه بغبائي مو حاسه بشي
الله يخليكم حبيباتي هذا زوجي مجنني:25: احنا عايشين مع اهله وعيشه تقصر العمر مع العلم هو مقتدر مقتدر مقتدر ماديا والحمد لله
وكلما اطلب منه نعيش انا وياه ببيت وحدنا يوافق بس شرطه ان واحد من اهله يعيش معانا مثل اخوة الكبير او الاصغر
وانا من افهمه وجهة نظري يكون جوابه لي تخلصي من الانانية الي عندك:4:
وتمر ايام وانا افكر اعلمه درس باني اتركه واروح عند اهلي بس مو كادره اتحمل فراكه
<<<<<<<<<
وبعدها سافر وتركني بيت اهله ورفض اني اروح لبيت اهلي وانا وافقت لان خفت يزعل وما حبيت يروح وهو زعلان وضل اسبوع ورجع مبسوط وانا بيت اهله اجرع المر
<<<<<<<<<<
وبهاي الايام هو له ايفاد لمدة 20 يوم وهو حجز خلاص وقرر يسافر والاحلى ان موعد سفرة مع موعد ولادتي بطفلي الثالث
قلت له : ما يصير تسافر بموعد ولادتي
يقول : عادي هيه كم ساعه وتعدي
بقول له : وشخبار بيتنا شنو صار منه
يقول لي : خلال هلاسبوع بننتقل
وطلع من الغرفه ونزل جلس مع اهله ودار بينهم حديث وكلمه والده وقال له : اذا مفكر تطلع بيت بروحك انا بزعل عليك لان ما يصير تتركني انا والدك الي تعب عليك ورباك
وهو بكل سرور يجاوبه ومنو الي قال لك اني بتركك انته تاج راسي وانا ما افارقكم
انا متت قهر :4:ودقايق وصعدت غرفتي ابكي من شدة القهر
وهو صعد بعد وشافني ابكي وقال لي : لا حبيبتي لا تبكين اذا مو رايده اسافر خلاص مراح اسافر
قلت له : اي ما رايده انك تسافر
قال لي : وليش انتي تحرميني من حلم جميل وهو اني ازور هلبلاد الحلوة
قلت له : لا اتصير اناني وفكر اشوي فينا لا احنا بكعده زينه ولا بسفر ولا طلعه وانته تتركنا واتروح تسافر تنبسط وحدك انا لازم اروح معك
وهو رفض وكال ما اطول كم يوم وراجع وبعدين راح يرحون معايا 30 شخص من جميع المحاافظات فمو حلوة انا الوحيد الي باخذ زوجتي معاي
انا سكتت وما رديت عليه وهو بعدها طلع وراح شغله
فالي اريده منكم الله يخليكم انا مستعده اسوي الي تكولون عليه
كيف اتصرف بهل موقف ؟؟؟
انا محتارة وهو ما يفكر فينا ابد
كيف احاورة ؟؟؟ او ازعل واروح بيت اهلي واخلي احد منهم يكلمه ويبين له تقصيرة
لان جربت اكثر من مرة وكلمته بس هو يوعدني بدون تنفيذ
سااااااااااااااااااااااعدوني جزاكم الله الجنة
جاوبوني باي كلمه مو بس الله يهديه وخلاص اريد نصيحتكم باي حرف الله يعطيكم الصحه والعافية
