انا محتاره بين زوجي واهلي

[سلام محمد]

يسعد مساكم بالخير والمسرات انا عندي مشكله ابغكم تساعدوني في حلها انا حامل وبكريه ودخله ع الشهر الثامن ..وان اشالله اذا ولدت بالسلامه ابروح عند اهلي اقضي نفاسي والمشكله وهي عاده عند اهل نجد اذا الوحده ولدت وراحت عند اهلها بعد اسبوع المفروض الزوج يجيب اغراض من ذبيحه واكياس رز وسكر وووووو يعني يكمل ..خواتي الي ولدو قبلي ازوجهم كذا يجبون ..انا زوجي ماعنده خوات اخاف مايعرف هالشيء وبصراحه اخاف ما يجيب شيء وانحرج من اهلي كمان زوجي ولله الحمد غني يعني اغنى من ازوج خواتي ..وشلون اقوله بصراحه محرجه منه ومن اهلي واخاف اقوله يجيب اشياء مختصره لانه رجل اقتصادي مره ويقوم يجيب اغراض شويه ويفشلني عند اهلي من جد محتاره وش اسوي وبصراحه بعد ما عندي الجراءه اقوله ترى لا رحت لاهلي لازم كذا وكذا لانهم اهلي اسالكم بالله ايش اسوي
اللهم اغفر وارحم كل من ترد ع موضوعي ويسر امورها وارزقها بكل ماتتمنى يارب
بنت الرياض ..سلام محمد

 

[فتاة هادئه]

الله يهون عليك ويقومك بسلامه انتي والبيبي
شوفي ياقلبي قولي لزوجك انه من عداتكم انكم اذا ولدت الوحده يجيب زوجها اغراض عادي مااشوف فيها شي اذا انتي مانبهتيه ماراح يعرف هشي من نفسه والله يسهل امرك

 

[دايم الذكر]

تقوميين بالسلامه .
حبيبتى قوليله جذى (حبى ترى من عاداتنا اذا الوحده انفست عند اهلها زوجها لازم يجيب اغرااض وقولى الاغراض كلها والكميه بعد..
.... وشوفى رده

 

[سبحان الله ..]

عادي قلبو سولفي له عن خواتك ورجالهم وش يجيبون إذا ولدو وقولي عاد أنت لازم تبيض وجهي

مع انه عادي لو تقولينها صريحه

الله يفرج همك

 

[أحلى برنسيسه]

مافيها شي حبيبتي عاااادي كلميه وبصراحه
انا حتى الشغااله يتكفل هو بمصروفها خلال الشهر
مو عيب
العيب لو ثقلتي على اهلك فهميه بالسياسه
الله يسهل ولادتك على خير.

 

[ام غدوووو]

مافيها شي حبيبتي قوليله هذا النفاس طبعه كذا لازم الرجال يجيب الاغراض يمكن لوفيه خواتك كان عرفت ياقلبي

 

[تفــآصيلـ]

جيبيها لهـ بين الســوالف
يعني سوي نفسج تسولفين عن اختج يوم ربت عندكم
وكيف الأمور صاارت .. والتفاصيل
وصليها له بطريقه ملتويهـ

بس سوري عندي تعليـــق !!
يعني انتو ليش تروحون عند الأهل وقت النفـــآس !!
والزوج تخلونه لميــن!!

فكريـ

 

[الامل باالله]

عاااادي قولي له مادام ربي معطيه ويقدر الحمدلله
انا عن نفسي مافيها شي والله لو قلتي له معروف هاالشي
وأنا من رايي تعلمينه اكيد هو رجال وبعض الرجال مايعرفون
فقولي له وان شاءالله مايصير الاالخيير يارب

 

[آصآآيل]

حبيبتي ما فيها اي احراج انتي قوليها لزوجك ولا تنحرجي من اهلك

واكيد زوجك راح يتفهم الموضوع ....وانتي بنفسك حددي له الكميه

الي المفروض يجيبها افضل من انك تندمي في نفاستك

الله يهون عليك وييسر لك ولادتك يا رب العالميييين

 

[انتوا سموني]

عاااااااادي اختي قولي له ليش مستحيه هذا زوجك

وبعدين ياأختي فكري في زوجك لا تفكرين في نفسك

انك تستحين

فكري فيه هو كيف راح يكون وضعه قدام أهلك وكيف راح تتغير صورته عندهم

وبياخذون عنه فكره شينه هذا مو عند اهلك حتى عند انسباه (( أزواج اخواتك ))

وبينقدون عليه وهو ياعمري <<<<< حلوه ياعمري وحده قاطه :e136:

مو داري عن شي ///// ونا متأكده انه راح يتقبل هذا الشي وبيشكرك عليه لأنك

حافظتي على صورته الحلوه قدام أهلك ولا أنك تسكتين وتشوهين صورته عندهم

 

[سلام محمد]

مشكوره ع الرد والله يسهل امورك

 

[سلام محمد]

مشكوره

 

[وحيده في دنياي]

انا حددت لزوجي يعطيني مبلغ محدد
ويكون في يد امي وياخذها للاماكن الزينه
وهي تشتري وهو يجيب الاغراض
وبذات انك تقولي ماقاصره شي
يعني لاتستحين منه

 

[رومانسية أنثى]

والله حبيبتي تنحرجين من زوجك احسن من ان تحرجينه عند اهلك عادي قوليله