انا متضايقه... :(

[غدير3]

السلام عليكم منتدى نسوة

انا حبيت افضفض عندكم وانا عارفه ممكن بنضرك ماهي مشكله
او شي تافه ويمكن اكون انا حساسه زياده عن اللزوم

اللي صار لي مع زوجي اني كنت بالغرفه اللي يحب يجلس فيها دائما
لوحده ويستخدم جهاز الكمبويتر وبعض الاحيان قد يغلق الباب على نفسه
وانا ما عندي مشكله بهشي ...ولكن الموقف هو انه كان خارج البيت وانا دخلت
هذه الغرفه لاشحن هاتفي (الجوال) ولمن جا دخل الغرفه وفصل الكهرب (الشاحن)
وقلت له ليه ما تكلم اخذ الفيش وشبكه في الصاله ودخل الغرفه وسكر الباب !!
بدون سبب!

انا تضايقت ليش ما يبغاني اجلس معه ؟!

الى هذي الدرجه موطايق يتحملني لما اخلص اشحن جوالي ؟!

يابنات ردو علي ابي رايكم
وجزاكم الله كل خير

 

[لوحه خواطر فنان]

طبيعي يضيق منك خذيها قاعده الرجل له عالمه الخاص مثلما أنتي لك عالمك الخاص فما يحب يسمح لأي أحد يدخل عالمه الخاص وانتي أفهميها لما الرجال يقفل على نفسه الباب مومعناته انه يسوي شيء شين لا بالعكس هو عايش عالمه الخاص ممكن عنده مشكله صايره معه أنتي لاتفرضين نفسك وتفسرين الأمور بكيفك أحسني الظن فيه وليه الزعل انا لما زوجي يفكر يقتحم عالمي برتكب فيه جريمه لكل شخص خصوصيه فلا تكبرين الموضوع انا اشوف ان مافيه مشكله ابدا الرجال يحب يختلي بنفسه مافيها شيء أحسني الظن فيه واللي بيردون بعدي رجائآ لا تخلون البنت توسوس في زوجها يمكن هو عنده مشكله ويبي يدور لها حل او انك تلحين وتسببين ازعاج لاتكبرين الموضوع لأجل مايصير عواقبه وخيمه وبالاخر المرأه هي الخسرانه ورده فعله لأنك دخلتي عالمه الخاص وهو ماسمح لك بهالأمر كبري عقلك ولاتجعلي من الأمر شيء كبير إحترمي خصوصيته ةترضين ان احد ياخذ جوالك ويحوس فيه بدون علمك لاتدخلي الشك بقلبك ولكن انا اشوف انك مكبره الموضوع بزياده لاتزعلين لكن هذا الواضح

 

[غدير3]

مشكور يا لوحه خواطر فنان

بس كتبت في كلامي اني ما عندي مشكله انه يسكر الباب على نفسه
ولا قلت اني اشك فيه ...انا بس تضايقت انه طلعني من الغرفه حسيت انه مو طايقني
هذي هي مشكلتي مو الشك فيه ...

 

[لوحه خواطر فنان]

مشكور يا لوحه خواطر فنان

بس كتبت في كلامي اني ما عندي مشكله انه يسكر الباب على نفسه
ولا قلت اني اشك فيه ...انا بس تضايقت انه طلعني من الغرفه حسيت انه مو طايقني
هذي هي مشكلتي مو الشك فيه ...

خذيها قاعده الرجال اذا عاف او كره زوجته طلقها وماعاشرها ابدآ وينام بمكان بعيد عنها هو مايكرهك بس عنده شيء يهمه او انه يحب يختلي بنفسه بعيد عن اي احد

 

[أحب حبك]

خيتو ما تفسرين الامور ع كيفك يمكن ما حاب تجلسين معاه لو ما طايقك كان لقيتيه خارج البيت ويسهر كثير ويعصب عليك بس هو كان ما يريدك تدخلين مره ثانيه الغرفه يعني تطبيق عملي مثل لما نفهم الاطفال

وانت عاد قولي له حبيبي انا خذيت في خاطري منك ما كان لازم تخرجني كذا اسلوبك قاسي وانا رقيقه وكلميه بدلع ونظرات حزن وهو مره ثانيه راح يخرجك بطريقه احسن هههه اهم شي ما تخربي عليه شغله

 

[أحب حبك]

مبين لي انكم عرسان وما معاكم اولاد وبعدك زعوله
بداية الحياة الزوجيه تتحسس المرأه من اي موقف لين تتعود ع زوجها وبعدين يقول اللي يبغاه يدخل من ذن ويخرج من ذن وتتحسس شوي بس مو اي شي

 

[مشاعر حزينه ..]

عادي حبيبتي ماعندك لامشكله ولاشي والازواج يصير بينهم خلاف كبيره وانتي ماشا الله ماتعتبر مشكله ..

 

[meforever]

انا لو كنت مكانك كنت تضايقت أيضاً. وبكيت ويمكن مت. ههههه.
كما قالوا هو عنده عالمه الخاص. انت أيضاً اعملي لك عالما خاصا بما يرضي الله. وانسي أمر زوجك. كني دائماً متزينة ورقيقة وادخلي عالمك انت.
حاولي ان لا تزعجيه ولا تحسسيه ابدا انك مهتمه بمكتبه.
وسياتي اليوم بإذن الله الذي يدخلك هو بنفسه ويحكي لك عن ما يدور.

 

[غدير3]

شكرا لكم على ردودكم ...:5:

 

[meforever]

الصبر مفتاح الفرج

 

[غ ـرامي]

انا لو كنت مكانك كنت تضايقت أيضاً. وبكيت ويمكن مت. ههههه.
كما قالوا هو عنده عالمه الخاص. انت أيضاً اعملي لك عالما خاصا بما يرضي الله. وانسي أمر زوجك. كني دائماً متزينة ورقيقة وادخلي عالمك انت.
حاولي ان لا تزعجيه ولا تحسسيه ابدا انك مهتمه بمكتبه.
وسياتي اليوم بإذن الله الذي يدخلك هو بنفسه ويحكي لك عن ما يدور.

كلام جمييل..

 

[التعيسه]

عن تجربه اخذيهة مني انتي خلي عندج اسرار مو شي لا سمح الله مو زين بس خلي زوجج يحس دائما انج كمان عندج اسرار وخصوصيات مو لازم هو يعرفهة وهذا الشي راح يخلي هو يحاول انه يتكلم عن أسراره ويجلسج معا حته انتي تكوليله اسرارج لان الزوج مايتحمل نهائيا انه زوجة تكون آلهة خصوصية او عالم خاص