انا في ورطه

[Amo mio marito]

السلام عليكم
مرحبا خواتي
انا في ورطه زواجي يوم الجمعه 22-7 القادم بإذن الله والمشكله انه امس جتني الدوره وانا مااخذت حمام مغربي ولا حمام بخار رحت امس علشان بأخذ قالت لا احتمال يجيك نزيف لان الغرفه راح تكون حاره جدا وانتي في بدايه الدوره لا تقولون توك تفكرين تأخذ حمام وينك من زمان انا كنت مااقدر لاني 4 اسابيع الماضيه كانت عندي امتحانات
فا ماحبيت اشغل نفسي عن دراستي وخاصه انا موعد الدوره مو مع موعد زواجي لكن قدر الله وماشاء فعل وجات اللي ابه منكم ايش البديل عن الحمام المغربي ويعطي نفس النعومه وخاصه ان المحروس مررررررره دلع وناعم فاتخيلوا انا خشنه وهو ناعم
لالالا
الله لايقوله
امانه ساعدوني :8:

 

[&هــنــو&]

يووووه الله يعينك :4:
اتوقع بكرة بيكون عادي لو تسوينة لان صار لك 3ايام
ان شاء الله البنات يفيدونك
الله يوفقك ويتمم لك على خير :5:

 

[مهره أصيلة]

ألف مبروك ربي يتمم عليك يارب ويجمعكم ع خير ويبارك لكم ويرزقكم بالذرية الصالحة

زواجك الجمعه ومتى طهرك بيكون ؟
لو طهرك الخميس أعملي الحمام المغربي صباح الجمعة ممكن ترفض العامله بس أنتي بقششيها بكم ريال وبتوافق بأذن الله
بس حاولي من اليوم تكثرين من شرب المويه واهم شي الهدوء وعدم التوتر لانه بيتعب لك البشرة كثير وقد ما تقدرين تسترخين كثير وتنامين كويس
حاولي ترطبين جسمك خلال هاليومين باستخدام المقشرات الممتازة واستخدمي ماسك للوجه في انواع كثيرة وممتازة وفيك تعملينها بالبيت وكلها طبيعية ​

 

[أنامل أنوثه]

الله يسهل لك بعد ماتخلص الدوره قولي لي موعد مع الكوفيره وروحي وخوذي حمام مغربي
اما اللحين تنظفي وبس وشيلي بالحلاوه

 

[ياربي أسعدني]

الله يوفقك يالغلا ويسعدك معاه..ماحبيت اطلع من دون دعوة حلوة..

 

[مجنونة هواك]

اذا خلاص خلاص مافي امل تسوين حمام مغربي استخدمي خلطة العرووووسه اللي فيهااا فكس ووصابوون غاار والبسي بدلة السووونا سااعتين بسس بشرررط كثرري شررب موويااااااااااا راح تعطيك نفس نتيجة الحمام المغربي ان شاء الله ربي يووفقك ان شاء الله

 

[Amo mio marito]

هنو الله يسعد يارب
يا مهره أصيلة اشكرك ان شاء الله تخلص يوم الثلاثاء دعواتك
أنامل أنوثه اشكرك عسي ربي يهنيك تكون الدور مو عليك بيوم زواجك قولي امين
ويا(ياربي أسعدني) الله يسعدك ومشكوره

امانه دعواتكم

 

[Amo mio marito]

يامجنونة هواك وين احصل علي هذه البدله إيش مكونات الخلطه بضبط الله يسعدك دنيا واخره
انت وجميع المسلمين

 

[ابتسامتها عذاب]

تيب دامهاا تخلص يوم الثلاثاء يمديك تسوي عاتي ....!!!
بالتووفيق ياااقلبي وحياااة سعيدة ان شاء الله

 

[njoud]

سوي تقشير بزيت الزيتون وملح خشن ونشا وليمون وموية ورد وشوفان

وادخلي الحمام وافرديها على جسمك
وجيبي الليمون اللي عصرتيه وافركي فيه جسمك
هذا وانتي مشغله المويه الحااااره
يعني افركي والمويه الحاره شغاله عشان تطلع بخار بعدين
خلي الخلطه شوي ع الجسم وانتي هنا ادعكي ونظفي رجلينك
وبعدين غسلي جسمك وحطي سكرب بالمشمش
وبعدين اطلعي وادهني جسمك بزيت اللوز المر والجليسوليد السائل

والله هذي الخلطه اعشششششقها اشوف النتايج من يوم ما اطلع تظااااره وشرااااقه ونعوووومه

ومبروكين حبيبتي وبالتوفيق

 

[Amo mio marito]

الله يحميك ياnjoud ويحفظك ياااااارب
ياابتسامتها عذاب يكون مررر علي زواجي 5 ايام وراح اسافر علي طول يعني السبت بإذن الله ماراح يمديني اخذ حمام مغربي
بس إن شاء الله اسوي طريقه اختي njoud وبإذن الله اكون ناعمه
دعواتكم

 

[سسساره]

ماعندي اي خلفيه والله ..
الله يوفقك ويريح باااااااالك . .

 

[انسه طفشانه]

ماقدررر افيدك لان مالي خبره
مبروووك

 

[أحاسيس ناعمه]

لا الفككس مظظر انا قرات انه مظر جدا بالخلطات بس يمديك ع الحمام المغربي او اي خلطه
الله يوفقك ويسعدك

 

[مجنونة هواك]

اسفه تاخرت بالرد ..

البدله تحصلينهاا عند محلات الريااضه

1- صابون الغار
2-ماءورد
3- علبتين جلوسليد الاحمر حجم صغير
4- علبة جليسرين السائل
5- فنجال قهوه من ( زيت الزيتون + زيت الخروع + زيت اللوز المر )
6- ملعقتين كبيره كركم للجسم مو للطبخ (وهذا بتلقونه عند العطار قولو كركم للجسم وهو بيعرف وش تبون )
7- علبة فكس صغيره

واليكم الطريقه :

تبشرون الصابونه برش ناعم وبعدين تحطونها في كاس ماء ورد عشان يذوووووب الصابون في المويه وبعدين تضيفون الجلوسليد والجليسرين السائل والزيوت وملعقتين كركم وعلبة الفكس الصغيره واخلطو المقادير جميعها في خلاط كهربائي عشان تختلط زين بعدين تحفظونها في علبه زجاج عشان تبقى نظيفه وتستخدمونها اطول فتره ممكنه وبعد كذا تحطونها على جميع مناطق الجسم ) وتخلونها ساعتين وبعد كذا تجيبون ليفة الجسم اللي من بودي شووووووووب صايره على شكل قفازات احسن من الليفه المغربيه ويالله تبدأون بفرك الجسم فرك جيد والله يطلع لكم كل شي وتحسون بالنظااافه من اول استخدام وبعد كذا يبدأ التفتيح يوم ورى يوم وطبعا هذي الخلطه بشكل يومي واكيد اللي بيتزوجون مهتمين اكثر واهم شي تكثررين شرب موويااااااا سويهااا اليوم وبكرره الصبااح ان شااء الله قبل العرررررررس ربي يووقفك ان شااء الله

 

[مجنونة هواك]

حبيبتي انا استخدمت هالخلطه قبل زوااجي بشهررين ولاااا شفت ضررر من الفكسسس بالعكس حتىىىى الفلبييينيه اللي جت تشيل لي قالت واااااو لووون جسم انتي هلوووه ..

 

[شايله همي بروحي]

الله يسعدك ويتمم ع خير

 

[jj jj]

من تخلص دورتك الشهرية اعملي الحمام المغربي لسة بكير ع زواجك والف مبروك

 

[nosa6-1]

الف مبروك مقدما