انا في بيت اهلي واليوم بكلم زوجي الشمالي ساعدوووني

[غجريه]

اخواتي اليوم بيكون فيه مكالمه بيني وبين زوجي الشمالي واللي مجنني جفافه و تطنيشه بفتح معاه الموضوع وش اقول تكفوووون المساعده.. ما عندي اسلوب مواجهه..

 

[في عالمي]

لا تكلمينة ولا تردين عليه

ولا تعتذرين حتى

واذا سال وينك وشكو مادقيتي بالموعد

قولي له كنت نايمة وماصحيت

خله يحس انه ماله ذيك الاهمية عشان يركض وراك

 

[بنت المجد]

طنشيييييييييييييييييييييييييييييييه وادعي الله انه يسخره لك ويرده ردا جميلا

 

[عنقود عنب]

اختي غجرية يا ريت تفصلي لنا شوي مشكلتك عشان نعرف نساعدك

الله يهدي سركم

 

[ميوسه]

مااعرف بس لازم توضيح للمشكله

لان ساعات تكون المكالمه فاتحة خير


وتحنون لبعض


موفقه

 

[حب عذري]

السلام عليكم ورحمة الله

الله يهدي سركم ويجمعكم على خير ويسخركم لبعض .......

حبيبتى لازم توضحين المشكله يمكن تحصلي مساعده من البنات وتفيدك

.........................................................

 

[غجريه]

امس كلمني وقلت له عن اسلوبه الجاف معي و قال اني مقصره في شغل البيت وانا مو مقصره دائما له ملابس جاهزه والطبخ اطبخ والبيت مرتب بس انا عارفه هو يبي درجة فنادق خمس نجووووم وانا ما اقدر واللي يقهر قلت له شف الناس عايشين مرتاحين مع ان الحريم ما يطبخون وازواجهم ملابسهم عند الغسال قال ايه جيبي لي مثل واحد قلت له اختي ما عمرها طبخت بالبيت قال ايه معليش عادي عشان هي منتجه مو عاله !!!! حسبي الله ونعم الوكيل وقال انتي اصلا يايش متميزه عن غيرك؟؟ وش فيك زود؟؟؟ قلت مو انا اللي بعلمك وش ميزاتي ولا بمدح نفسي انت اللي تقول لي ولما عاد عاد علي السؤال من القهر قلت له مافيني زوووود ولا اتميز باي شي مثلي مثل الناااس..
المهم قلت له شوف خلينا صريحين وبدون اي عواطف انت اذا على كلامك انا مو متميزه وعاله ليش باقي علي ليش ما ننفصل عشان الولد؟؟ عندي ولد واحد عمره 7 سنوات.. انجن وفقد اعصابه قال انتي كل مررره تقولين نفس الكلام؟؟ يقول انا عن نفسي ماابي الطلاق لكن اذا انتي تبينه شي ثاني.. قلت له انت ما تشوف ان معاملتك للولد احسن مني؟ قال ايه فعلا انا ملاحظ بس الولد غير وانتي غير... بالمختصر يا بنات هو يبي يربيني كاني عامل او شغاله وانا فهمته اني مو شغاله عنده بس من النوع اللي يبي الوحده تركض تشتغل بالبيت ولا يحب اقعد عنده احب ما عليه يشوفني رايحه جايه اكررررف وانا احب الدلع والروقان...قلت له انا ابي ادلعك وانت تدلعني قال انا ما عندي هالكلام..
الزبده انا برجع الله يعينني عشان ولدي وبسوي اللي هو يبي واكثر عشان بشوف ابو طبيع وش يصير عليه بس المشكله ماااالي خلق اعطيه وجه من جد احس لو اشوفه بمد بوزووزي ولاني معطيته وجه عقب الكلام اللي قاله لي
المشكله انا كنت احن عليه ابي اتوظف وكان هو يرفض وابي ادرس اكمل الجامعه درست سنتين وارسب يقول انتي اصلا فاشله دايم يحطمني.. المهم قلت له امس اجل بتوظف قال ايه عادي ما عندي مشكله قلت له انت قالعني بعد في قريه وساكته وعادي وممشيه الوضع وتبيني القى وظيفه والله كل من شافني قال وشلون متحمله النقل؟؟.. الحين وش رايكم اشرط عليه اني لا رجعن ابي اتوظف وابي زود ما يوقف مصروفي عشان ينقهر ويعرف يقول اني عاله ولا اش اسوي؟؟

 

[غجريه]

وينكم؟؟ انا انتظر اراءكم على احر من الجمررررررر...

 

[ميوسه]

اهلين اختي

انتي لاتنتظرين ارء عنك منه شكلك حسا سه جدا خليه يتكلم وبيمل

انا زوجي تقريبا مثل ماقلتي عن انو يحب يشوفني اشتغل بالبيت بس مااشتغل الا بحدود قدرتي
واذا قصرت بشي وقالي قلت له ساعدني انت انا تعبانه ومافيني


ولايهمني اذا رمى كلام اهم شي النظافه وبس


وخليك تهتمين بنفسك وتدللين عمرك وخليه يلاحظ


موفقه

 

[hnooood]

مراااااااااااااااااااااااحب
الله يهديج ويهديه ويسر أموركم ان شاء الله
اذا ريلج هادي وما يمد ايده سوي هالشي : ثلاثة أيام خلي بيتتج على أحسن مايكون وكل شي جاهز بعدين يومين لا تسوين أي شي وأذا يي يتكلم قوليله (حبيت انك تحس شو يعني مقصره وشو يعني اني مسويه واجباتي على اتم وجه ) وبالنسبه للوظيفه شدي حيلج وبتحصلينها ان شاء الله (واللي يبغي الصلاة ما تفوته)

 

[الكناري]

يا اميرتنا الغاليه قريت موضوعك والل فهمته انه زوجك يتلكك يعني يبي سبه او متسبب على شي براسه
لاتخلينه يهز ثقتك بنفسك والله العظيم انا طباخه بشهاده كل اللي يعرفني من اهلي واهله وصديقاتي الا زوجي غاوي نكد يعني يطلع العذر بالاكل بطريقه التقديم بشكل حبه الرز اذا منكسره يدور على حبات الهيل بالرز اذا انا كسرتها قبل الطبخ والا حطيتها صحيحه وخذي من هالاشكال الى ان حطمني بعدها قلتله مادام انا مو عاجبتك وطباخي مو عاجبك وانت ماشالله تعرف كل شي وكانك ربه بيت اطبخ انته والا جيبلك خادم علمه على طريقتك انا اطبخ لي ولعيالي مو لك انت لان طباخي مو عاجبك
و والله يا اختي خواتي مايسوون ربع اللي انا اسويه لزوجي وهمهم طلعات وسفرات وهدايا من ازواجهم ومفاجات ا ما انا فحابسه نفسي لبيتي وعيالي وهو مونس نفسه على الاخر ولما اقوله عن خواتي يقولي عاد ازواجهم رجاجيل ؟؟؟؟؟
المهم سدي اذنك عن اللي يبي يقوله وركزي على هدف واحد وهو طلباتك اللي انتي تبينها منه ولاتتنازلين
ابدا عن طلباتك
واللي يرخص بالبدايه يرخص بالنهايه حطي هالكلمه باذونك

 

[ام الرياحين]

الله يكون بعونك حبيبتي ادعي ربك بما تريدين وانه يسخرلك زوجك

 

[ورود وبهجة]

حبيبتي الله يعينك ويصبرك
زوجك يحب يشوفك تتحركين جدامه ما فيها شي مثلي من يجي سلمي عليه وابدي الحركه يمين ويسار لا تجلسين معاه إلا لما يطلب سوي روحك دايما مشغوله ولما يطلع دلعي روحك وريحي روحك
شكلك حبيبتي مو موظفه وزهقانه من قعدة البيت والظاهر تفشين هذا كله فيه وإنتي مانتي حاسه حاولي تكونين مفرفشه وسعيده عشان ينعكس عليه وحاولي تلاقين شي يشغلك ويخلي مزاجك عال وبالتوفيق

 

[ريــحانة]

أولاً الشمالي لا يحب المرأة التي تعلم امامه من تنظيفا ت المنزل
انا زوجي شمالي
اعملي لنفسك جدول يومي جهزيه قبل النوم حتى فطوركِ اجعليه في القائمة

اعملي في البيت من تنظيفات فقط عندما يكون خارج المنزل فقط
ويفضل فقط صباحاً
وعندما يكون موجود انشغلي بنفسكِ فقط من تنظيفات من أمور نسائيه رتبي مكياجكِ تعطري ...............
الشمالي عندما تغيبين عنه يشتاق زوجكِ على مايبدوا يلهيكِ لكي يشتاق لكِ
الان دوركِ لكي تتقنيه وتجعلينه يشتاق من إرادتكِ
عندما يناديكِ يريد الجلوس معكِ تناسي وجوده قرأي كتاب مفضل لكِ ألعبي بالكمبيوتر ..........

وإذا تريدن ان تعرفي كيف يعجبه انشغالكِ عنه
أمسكِ التليفون واذهبي للغرفة اخرى وهو جالس في الصالة
تكلمي في صوت عالي لكن ليس عالي كثيراً لكن لكي يصل لمسمعه
تكلمي بأمور نسائيه عن الاسواق ......
اطيلي في المكالمه هل تصدقين انه لن يقاطعكِ يمر عليكِ كأنه يبحث عن امر اخر لكن لا اظن انه سوفه يطلبه
انظري لعينه وأكنكِ لستِ مهتمه سوى في المكالمه تكلمي بدلع اظهري مفاتنكِ وانتِ تتكلمين ................. والباقي عليكِ