متحطمه
New member
- إنضم
- 2009/10/02
- المشاركات
- 279
السلام عليكم ورحمة الله وبركاته
انا مشكلتي بنت لاب شكاك وزرع فيني وفي اخوي الشك تزوجت وصرت اشك بزوجي على الرغم اني واثقه انو مابيسوي شيء بس زي ماقالت الدكتوره ناعمه لاتثقين مره ولاتنعدم الثقه خليك حريصه واخذت بالنصحيه وصرت اشيك من فتره لفتره على جواله ودرج السياره وشنطته ومابين له اللي صار انو ربي كشفو لي وشفت عنده جوال والجوال ماكان فيه الا اسم بنتين اوثلاثه مو فاكره بس الباقي شباب المهم واجهتو واعتذر وترجاني وحرمني عليه ان اذا خانني مع بنت انو محرمه عليه يعني زي حرمه امه واخواته وقال انو مجرد شباب اقلد عليهم انا واصحابي اصوات بنات ونأخذ شحن منهم زي مايقولو<خرفنه> المهم انا اقتنعت بكلامه لانو فعلا اغلبهم شباب ودقيت عليهم وسمعت اصواتهم وقفلت وحتى وحده من البنات تكلم صاحب الرقم على اساس انها مصممه واتفجأت لمن قلت الو صارت تقول الو ريما وهي مستغربه لانو الصوت متغيره عليها يعني فعلا يكلمها على انو بنت وقالي هاذي وحده يعرفها صاحبي بس نبغى نسحبها شوي اما البنات الباقين ماردوا عليه لمن دقيت من نفس جواله المهم بعد حلفان ووعود وترجي رضيت وحمدالله امورنا ماشيه تمام والكلام هذا قبل 6 شهور المشكله جلست فتره مشغوله ونسيت الساالفه والحين صرت بس اشك فيه طبع مابين له بس بيني وبين نفس لدرجه يابنات صرته احلم انه يغازل بنات:10: وافتش من وراه ولااا صرت الحين مافتش بنفس المكان اللي كشفت الجوال فيه اقول لالا هو موغبي اكيد بيحط الجوال بمكاان ثاني يابنات وربي تعبت نفسيا زوجي عسل معايه وطيب بس مشكلتي الشك تعبت وتدمرت نفسيتي ومانام الليل اجلس بقلق افكر في كل كلمه قالها طول اليوم واقول اش قصده واستنتج واحلل تخيلو كل يوم كذا خلاص تعبت بتقولو اكثري الاستغفار وربي انو الاستغفار دايم على لساني اش اسوي انا تعبااااااااااانه ابي ارتاح ابي اعيش حياتي انا قدني من اول شكاكه ومن صارت هالسالفه وانا شكي زايد اخاف اخرب بيت انا احاول مابين لزوجي اني شاكه فيه واذا طلع لاصحابه اخليه على راحته ماادق عليه ولااجلس اقلب بجواله اشك بيني وبين نفسي بس هذا الشيء يأثر علي نفسيتي واخاف تتنقل هالمشاعر السلبيه لزوجي ويكرهني
تكفون ابي حل
تكفون ابي حل
