يانفس توبي
New member
- إنضم
- 2007/04/20
- المشاركات
- 31
السلااام حبيباتي
انا والله حدي مقهوره بس والله من اشوف رودودكم على البنات حلوه ودي اقولج مشكلتي اذا ماعندكم مانع؟؟؟؟؟؟
انا ابكتبها وكلي امل اني القى عندكم حل
؟؟؟؟؟
المهم انا وزوجي عندنا بيت مساحته 500 متر والبيت بيت زوجي ملكه
والبيت مقسوم بالنصف بيني وبين خالتي ام زوجي ....
احنا جذيه شارينه جاهز تصميمه
المهم يعني المساخه اللي انا ساكنه فيها 250 دورين
تحت صاله وغرفه جلسه ارضيه ومطبخ وحمام ومخزن والدور الثاني
فيه 4 غرف و2حمام ونفس التصميم عند خالتي المهم ادري بتقولين
هذي قصة قصة حياتها ....انا اول ماسكنت استانست لان اعيالي اصغار
ومو حاسه بالضيقه بس الحين صارلي عشر اسنين واليهال اكبروا وحسيت ان البيت ضاق علي
وابو زوجي متوفي من زمان وخالتي ساكنه معانا البيت القسم الثاني
واهي متزوجه سعودي وعندها بنت منه وعندها ولد من عمي الله يرحمه
عمره 30 سنه ومطلق وساكن بره مع رفيجه واغراض بيته عند بيت خالتي في غرفتين ومقفلين الحين مضى عليهم 3سنين والغرفه مسكره
لا تزوج ولا باعهم ولا اهو ساكن عندنا ....
ادري لخبطت السالفه بس يلليت تفهميني اللي بقوله خالتي طبعا زوجها
السعودي تعب من السفر واخذ خالتي وبنى لها بيت بالسعوديه
وبنتهم معاهم وصارلهم 3 سنين مستقرين والحين داخلين بالسنه ال4
برا الكويت وكل ماجت خالتي الكويت تروح لبيت اهلها لان عندها وحده من
خواتها ماتزوجت وتقعد معاها الاجازه كلها وبعدين ترد تسافر للسعوديه مره ثانيه يعني خير شر ماتجي البيت حتى تنظيف ماينظفونه
الحين اتمنى فهمتي الوضع الحين ابقولج المشكله اللي باطه جبدي
واحس اني مقهوره والله منبطه ابنفجر اذا انا غلطانه والا لا
المشكله::: مثل ماقلتلج يعني البيت فاضي لا اخو زوجي ساكن فيه ولا
امه ساكنه فيه ولا احد ينظفه
الحين خالتي تقول لزوجي انا بنزل تحت وماعاد ابي الدور الثاني
وتبي زوجي ياجره وتقول ايجار البيت محتاجته مع العلم انها يمشيلها
معاش من الكويت 270 دينار كويتي واهي ساكنه بالسعوديه
وانا اقول حق زوجي احنا اولى انا و اعيالي نتوسع فيه يعني نفتح
الدور الثاني حقنا على دور خالتي والدور الارضي لها مثل ماتبي
المشكله زوجي مقتنع ولا يبي يقول لامه انه مايبي يأجر وكان دايما يلمح
الين قالها يمه انا افتح الدور لعيالي اشرايج بس اهي بطريقتها قالتله البيت
انا ابيه يتأجر وانا ابي ايجاره وزوجي امس مكلمها وانا قبل 4 شهور قلت
لها خاله اشرايج تعطينى الدور الثاني علشان افتحه واتوسع فيه بس قالت
لا والله بيتي وابيه اجره لغيركم ولا افتحه لكم
معن انا مابيني وبينها شي لو تشوفينها معاي وانا معاها قبل قبل قعدتنا
وحده وقهوتنا وحده واكلها عندي في بيتي ولحد الان كلامها معاي
حلو وانا ماامدحلج نفسي انا حدي على نياتي معاها بس والله حقدت
عليها ليش ولدها بار فيها وانا كتومة اسرارها وعلبالي اني مالكه قلبها
وعلبالي انها امي الثانيه بس الطمع اللي فيها حسبي الله ونعم الوكيل
فيها خلاها تطمع بإيجار البيت ولدها مو مقصر فيها حتى خدامتها يدفع
معاشها ادري بتقولين هذي امه بس انا اللي باط جبدي انها متزوجه من
19 سنه يعني زوجها شنو دوره والحين مو منحقها انها تقول لولدها
اجر البيت اهي وبنتها مسؤلين من زوجها مع العلم ان زوجي بيته ملكه
والوثيقه بإسمه يعني لو بياجر مالها حق انها تطلب منه جزاه الله خير امشيلها معاش من الشئون ومو مقصر فيها لاهي ولا بنتها
والله مقهوره لانها تناحستلي في اني اتوسع بعيالي
شوفي انا بيتي تحت ماانزله الا اذا عندي ضيوف يعني بس غرفه وصاله تحت امخليتهم حق الضيوف اتعرفين لو ابقعد اعيالي فيه جان
يصير البيت مو مرتب وانا واعيالي كلنا فوق بناتي 5 الله يخليهم في غرفتين والله مساحت الغرفه بس يدوب تكفي الكبت والسراير
يعني لو تشوفينها ضيجه
واعيالي 2 بغرفه جنب غرفتي واهما وابوهم حمامهم واحد
لدرجة والله صوت ضحكنا ومزحنا انتي تخبرين واصل عند غرف العيال
الحين الله يخليج انا غلطانه في كلامي
زوجي باط جبدي مو مشكله بر امك بس مو على حسابنا انا شسوي
الحين اسكت واخليه ياجر البيت واحنا البيت بيت اعيالي مستضيقين
والله مقهووووره حاسه ان راسي داخ اشهالقهوه اللي بامه يعني ماتستحي على وجها وتقول اولدي ومرت اولدي ماقصروا معاي
يوم كانت بالكويت ماعمري فتحت حلجي معن بس كانت اهي وبنتها
بالبيت وزوجها السعودي ساكن معاها لجى الكويت والحين سافروا وشكلهم استقروا خلاص ....
امانه انصحيني قولوا لي شي لا تخلوني
انا اللي ابيه بس افتح الدور الثاني مع دوري واتوسع والله فشله
اعيالي اكبروا مو حلو شكلنا بنتي الكبيره 15 سنه وولدي 14
وعدد اعيالي 7
مع العلم انه زوجي ماجر السرداب وانا اقوله عطها ايجار السرداب
بس اهو يقولي امي تبي ايجار بيتها ماتبي السرداب
وانا اقول بقلبي بس حسد لي ماتبني اخذ الدور الثاني تبي فيه
مؤجرين ولا انا واعيالي معن والله اكلمها عادي واهي كلامها عادي معاي
يعني ماني فاهمه انا طماعه والا اهي حسوده
فيدوني ومنتظرتكم على احر من الجمر
واعذروني اذا كلامي كثير والله مقهوووووووووووووره
