انا سجلت عشان ابي نصيحه من المستشاره ناعمه الهاشمي في مشكلتي مع زوجي و القرار المصيري

[ونات القهر]

انا كتب في منتداكم عشان نصيحه من الدكتوره ناعمه الكل قال لي هي الي بتشير عليك وامشي على نصيحتها

انا تجاوزت40و طبعا كنت على علاقه برجل و رفض الزواج بصريح العباره قلت انا الحمد لله بخير و نعمه و جذابه بطريقه ما والي يشوفني يقول عمرها 25 الحمد لله بالاضافه ان امي واخوي ضيقوا علي الخناق بالبيت ... المهم خشيت نت و تعرفت على زوجي و بخلال شهر تزوجنا من اولها سلفته المهر الي مارجع و باقي المصاريف لليوم انا الي ادفعها ...عرفت ان زوجي عصبي من اول ليله لانه هاوشني بس للاسف انا رضخت له من اولها صار كل شي اسكتي لاصكك كف.. انطرد من شغله و جلست بالبيت اصرف عليه واسدد ديونه ...على قولته عجز يحصل عمل قلت له اشتغل مسوق اي شي شغل حر مارضى .. فتحت له محفظه باسمي و صار يوم يشتغل وعشره لا .. يوم يوديني العمل و ارجع بتكسي المهم اني تشحططت ...المهم اخرتها توظف ب3500 نعمه من الله طبعا شقتنا ب40الف مااقدر اسددها قلت ننقل شقه صغيره وارخص و بالفعل انتقلنا ... قال ابي سياره للاسف غلطت و قلت اوكي ... زوجي صار شخص غير الي اعرفه حتى حركات الجنس الي انا احبها وهو مايبيها صار يسويها لي ...يمسك اعصابه صار شخص ثاني ...مدري ليش قلت لا مو شاريه سياره ... رجعت ريمه لعادتها القديمه عصبيه و الكلام من طرف خشمه ... نسيت اقول لكم اكتشفت ان زوجي يحشش و سكتت ماسالته عن اي شي ...المهم صار سوء فهم و ضربني و طلقني .. جلست بيت اهلي 4 شهور خلالها حضرت دوره عن العلاقات الزوجيه و سالت المعالج عن مشكلتي واني بصراحه كان هدفي من الزواج الريسي هو الاطفال .. قال ارجعي لين تحققين هدفك خلال هالفتره تغير كان بها ماتغير خلاص انفصلي .. رجعت لزوجي بعد ماحطت امي عليه شروط الدنيا .. الي مانفذ منها غير يوديني للكوافيره بالشهر مره ... المهم اول مارجعت يعزمني بمطعم و طبعا هاوشني بالمطعم عشاني قلت للجرسون جيب ماء .. اعترف لي بالمطعم انه يحشش وانا ماكنت ابيه يعترف و طبعا سويت نفسي متفاجئه و كاني ماصدقته بس للاسف صار يحشش جنبي انا مااجلس جنبه .. صرت اصرف عليه وعلى البيت وامه و الحشيش و طبعا غير التزاماتي تجاه اهلي ...المهم زوجي طلع عنده مشكله و سويت طفل انابيب والحمد لله حملت (للحين مابين الجنين و مافيه نبض) .... جاني قبل كم يوم وقالي الايجار حل ... هو ياخذ بدل سكن و يصرفه و انا قلت ليش هو مايحس والله العظيم اول مايستلم راتبه يسدد القرض الي عليه و الباقي على طول يشتري الي يبي لنفسه من ثياب وعطورات واذا الله بيرحمه يرسل لامه كم ريال وانا اصرف طول الشهر واذا ماعطيته الله يعيني على النفس الخايسه ... نسيت اقولكم برمضان طلب مني يسدد دينه لزوج اخته قلت له ماعندي اخذ بطاقه الفيزا وراح اشترى اغراض من محل على اساس انه زوجي و سدد .. طبعا مازعلت لاني كنت اخذ الادويه حقت الحمل و قلت حرام اضيع التعب قبل ماارد عليه سكرت محفظتي و قلت له البنك يبيني اسدد الديون الي علي ... طبعا بالنسبه للايجار قلت له ماعندي كنت بسدد بالفيزا بس انت سحبت عليها وانا القيتها والحيففن مااقدر اتصرف رحت بيت اهلي للعيد كلمني قبل العيد قلت له ماعندي دبر نفسك .. المهم اتصلت فيه اعيد عليه قالي دبر نص الايجار و اخوي قالي لاتصيرين مره معه انتي ادفعي الباقي خليه يكلمني و انا اعطيكم


هذا سالفتي انا تعبيري مو لهناك لو حابين تستفسرون عن شي اسالوا وانا بجاوب ...انا مو عارفه كيف اتصرف معه ... والله الفلوس ماتهمني بس لو هو يحسسني ان فلوسنا واحد والله العظيم اوقات يخش علي البيت جاي من برا معه اكل لنفسه ... اناني درجه اولى طبعا انا ماقلت لكم اني عمري ماطلعت مع زوجي مكان رومانسي او حتى نلف بالشارع والله العظيم انه تنعد على الاصابع ... حتى العياده جلجات لكم بعد الله لاني شفت شلون اعضاء المنتدى مهتمين ببعض والمسلمين كالبنيان ... مشكلتي يخواتي بزوجي طماع درجه اولى دايم مفتكرني صراف متحرك ...طبعا انا الغلطانه من بداية زواجنا اقروا واحكموا و انصحوني

 

[ونات القهر]

بس تصحيح للموضوع انا سلفته فلوس شهر العسل مو مهري مهري كان سوره من القران .. كذلك انا فقدت الجنين ... انا بطبعي طيبه الكل يحب ياخذ مني لان هذا طبعي ... ابوي كان يعاملني كولد عشان كذا انا معتمده على نفسي حبتين ...

 

[najw2]

بصراحه الله يكون بعونك وانتي اخطيتي كثير وحسستيه ان زواجه منك كأنه سوى لك معروف
وانتي مجبوره انك تدفعين وتصرفين ولا تزعلين
والله يصبرك يالغلا

 

[رنودة**]

والله يا أختى مشكلتك غويصة مره

أعطيتيه وجه بزيادة اغلب الموظفات يساعدوا أزواجهم بطريقة غير مباشرة عشان تمشي الحياه ونعيش بسعادة

بس زوجك داخل على طمع وبقوة

لازم توقفيه عند حده كده غلط تصرفي عليه وتدفعي الايجار وكمان عنده مشكلة بالإنجاب

والله وضعك صعب استخيري في وضعك ودخلي حكم من أهلك وحكم من اهله لو حابة تستمري معاه

ورب يكتب لك الخير

 

[KaZa blaNka]

الله يفرج همك ويكون معك

شوفي موضوع بالقسم عن كيفية التواصل مع الاستاذه ناعمه .. وربنا يوفقك

 

[رفيقة الاحزان]

بصراحة انتي الغلطانة ما ابي الومج واحملج ملامة وانتي مو ناقصة لكن المشكلة انج رضختي له من اول صرخة وعطيتيه شي هو الملزوم فيه صرف البيت وغيره...

وبعدين غناتي انسان مثل هذا لازم يتوقف عند حده ويعرف التزماته الواجبة عليه ... لازم تتخذين موقف صارم...

ما اعرف شو اقولج الله يعينج ويهدي زوجج ويسخره لج ويرزقج الذرية الصالحة اللهم آآآآآآآآآمين​

 

[اصغرزوجة]

حبيبتي ارجعي لزوجك عشان تحققي الي تبغيه وتجيبي ولد او بنت يقولك ياماما وبعدها تنسي الدنيا كلها

برضوا هدفك يستاهل التضحية وانشاء الله ربنا يكرمك ويحققلك كل الي تبغيه والزمي الاستغفار ليل مع نهار

وانشاء الله تحملي بسرعه​

 

[دانة الشام]

أختي الغالية ....سأقول رأي الشخصي :استحلفك بالله هل هذا رجل يستحق أن تنجبي منه ويكون أبا لاطفالك؟؟؟اعيدي ترتيب أوراقك وفكري بنفسك خلقك الله معززة مكرمة إلى أين وصلتي بهذا الزواج ؟؟؟تصرفين على شخص (محشش)؟؟استخيري واستغفري وواظبي على الدعاء واجلسي بهدوء وفكري ألا تستحقين حياة أفضل من هذه الحياة؟؟؟أعتقد ذلك...ارجو أن لايكون ردي مصدر ازعاج لك تقبلي مروري ودعواتي الصادقة أن ينير الله بصيرتك وقلبك ويلهمك الصواب.

 

[ام الابطال999]

ما اقول الا الله يعينك لكن انتي من الاول غلطانه وانتي يمكن الى الان ما ظهرت لك كل عيوبه لانه معمي على عيونك والسبب انك تقولين ان السبب الرئيسي من زواجك الاطفال يعني لو يجيك الاطفال بتدخلين في دوامه اكبر من المشاكل والمسؤليات وهو ولا عنده احساس بالمسؤليه ولا اهتمام ليش تضغطين على عمرك كذا
ياليت تقنعيه انه يتعالج من الحشيش اول شيء ولا تفكرين في الحمل مرة ثانيه حتى تنحل مشكلتك معاه
وان شاء الله يعوضك ربي خير في جنينك

وان شاء الله تساعدك الاستاذة ناعمه وترشدك للطريق الصحيح ولا املك الاان اقول الله يهدي زوجك ويعافيه ويسخره لك ويعوضك خير في جنينك

 

[ام العنود1]

الله يكون في عونك بس انتي لك دور في الحالة الي انتي فيها انتي ما قلتي كم عمر زوجك كم بينك وبينه
ع العموم يمكن يتصلح بعضالشئ بس يبغى لك قوة في الشخصية وهذهبعض الصائح لعلها تفيدك:
1-استعيني بالله
2- توبي من معاصي قدتكونين ترتكبينها وساذكر بعض المعاصي التي تفعلها المراءة لجذب الزوج وقد تكونين لاتفعلينها انا لااعلم واعود لهذه المعاصي مثل نمص الحواجب التبرج وكشف الوجه بحجة ان الزوج لاينظر لغيري لبس العباية الفاتنه مخالطة اقارب الزوج غير المحارم لها...........الخ فكما قلت يجب الاقلاع والتوبة منها
3-الدعــــــــــــــــــــــــــــــــــــــــــــــــــــــــــــــــــــــــــــــــــــاء خاصة في الاوقات التي يستجاب فيها الدعاء وخاصة في وقت الثلث الاخير من الليل وعصر الجمعة حتى قبل اذان المغرب
4- انصحك بالتوازن في كل شئ من محبة زوجك وصرفك على البيت بحيث لايكون الاتكال عليك
5- احتسبي كل ماتصرفينه لوجه الله تعالى حتى لاتشعرين بالغبن عندما لاتجدين من يشكرك
6-لايشعر زوجك بحاجتك للجنس حتى لايضغط عليك من هذه الناحية
7- حاولي ان يترك زوجك الحشيش لانه مدمر
8-بالنسبة للانجاب وكلي امرك لله حيث انك فعلت السبب وتزوجتي فيجب ان توكلي امرك لله فان كان مكتوب لك الخلفة ستخلفين وتنجبين اولاد وان لم يكن مكتوب فلن تنجبي ولعل الخير فيما اختاره الله لك
وهكذا ترتاحين بعض الشئ

 

[الخط الفاصل]

أختي كيف جالسة مع محشش؟؟ وش جابرك؟؟
زوجك المحشش يصلي...؟؟ إذا مايصلي كيف جالسة معاه..
ثانيا أنت أخطأتي أخطاء من الناحية المادية والله أعتقد كل همك ماتخسري زوجك بأي شكل .. لو قابل عطائك بالحب والحنان وحسن العشرة لقلت لك لا تنفصلي..
لو كان راعي دين وأخلاق لقلت اصبري أنت كبيرة والفلوس مو كل شي فرصك قليلة في الزواج..المهم تنجبي وتعيشي أيامك بسعادة ..
لو بقيتي مع هذا الرجل وأنجبتي في أي جو يتربون أطفالك؟؟؟وأي نشأة سينشؤون؟؟
أنصجك بالإستخارة في الطلاق عسى الله يعوضك عن الزوج بخير.

 

[ونات القهر]

الحمد لله انه يصلي ... ان شاء الله بعد مااتطهر اروح مكه و اخذ عمره وبعدها اقرر يارب ياكريم

دام المستشاره مانقدر نوصل لها ... العون بيد الله الله الغني عن الشي الي مايجي الا بالمن والاذى

الله يعطي كل من تفاعل معي العافيه يارب و يرزقه من حيث لا يحتسب والله كريم واحصل من يقدر يساعدني بعد الله على حل مشكلتي يارب

 

[ديم1]

الله يفرجلك عاجل غير اجل

 

[شذا الليل]

بصرااااااااااااااااااااااحة الله يكون في عونك يا قلبي

انا اقول ادبيه وارجعي عند امج واتركيه شهور لحد ما يتعلم المسؤولية

 

[أم زايد1]

حبوبه مادام ماعندك منه عيال انفصلي عنه انتي مشئ مجبوره تصرفين عليه وعلى ديونه وعلى المنكر الخاص بيه وصدقيني ربي بيعوضك احسن منه بالف مره تخلصي منه قبل ماتندمين اكثر واكثر وخاصه اذا صار بينكم عيال نصيحه وعليكي بكثرة الاستغفار والصدقه ...

 

[ونات القهر]

انا رجعت لامي خاصه اني مسقطه يعني لازم ارتاح و بنفس الوقت قلت له يرسل لي عفشي بيت اهلي و بكره ان شاء الله يرسلهم

 

[خلود بكر]

الله يفرج كربتك وهك بس اذا انتي تبي الحمل فاالله يعينك وارجعي وحطي في بالك لاتشتكي انتي تبغي شئ ولازم تصبري عليه مااعرف لو انا مكانك وش اسوي بس العقل فوق كل شئ هو انسان سفيه واعلى درجات السفه ولو كنتي صغيره كان قلت لك مامنه رجاء وروحي لاهلك بس مااعرف اش فيك الا مصره على الحمل طيب واذ ماحملتي وربي مو كاتب لك عيال وش استفدتي وثاني شئ هو زوجك كفو يكون اب او احد يحمل اسمه اسمعي اختى زوجك يحشش وقدامك والي مايستحي من ربه ولامنك مايستاهل تجلسي عنده وتصرفي على امه خير ان شاءالله لاتقولي بر ومادري اش هذا اسمه هبل جالسه تصرفي وتسوي ومدري اش ليش خافي الله في نفسك تحمليها فوق طاقتها لاتزعلي بس قهرتيني وربي زعلانه عشانك ومااحب احد يستغفل الطيب وانتي جد طيبه بس لو تبغي الاولاد الله يعينك ماحد بيقول شئ غير انه يدعي لك

 

[ونات القهر]

اختي خلود بكر

كلامك صحيح ... بس مشكلتي اني ببيت اهلي مستغليني ومع زوجي مستغلين ... بقولك شي اول مره اقوله ... ام زوجي ماتخليني تتصل فيني على الكبيره والصغيره و بس تدعي لي وبين كم يوم تكتب لي رسايل تدعي لي اقلها نفع فيها الجميل والحمد لله ... تصدقيني انا صدمتي من اقرب الناس لي اهلي واخواتي الي انا عمري ماقصرت عليهم ماديا ولا معنويا و تحصليني جنبهم بكل صغيره وكبيره بمرضهم بفرحهم وانا دخلت المستشفى و طلعت بس امي الي تسال عني واختي تتصل عشان امي تقولها اتصلي على الغرفه الجوال مسكر ... تخيلي انا بالنسبه لاخواني زي امهم من كثر مااهتم فيهم و في اولادهم ... اولادهم يسموني ماما لين اخواتي او زوجات اخواني يقولون لهم هذي عمه او خاله ... قبل مااسقط .. ولد اختي يقول ابي اروح مع ماما انام كان اختي تاخذه و تقوله انا ماما بس ... عرفتي ليش انا ابي احمل ابي اسمع كلمه ماما ... مو موقت يلعب و يركض عندي و لين شافوا امهم ركضوا عليها و باخر اليوم راحوا مع اهلهم و ظليت انا بالبيت مع امي وابوي الله يخليهم ... انا خوفي اموت ببيتي لوحدي مااحد يحس في وجودي من عدمه ...

زوجي اصغر مني ب13 سنه و الكل يقولي هو معاش عيشه هنيه لانه من صغره و هو متشحطط و يشتغل حتى دراسته الثانويه ماخلصها .. بس انا مااعرف كيف اسيطر عليه شلون اتصرف معه ... تخيلي طول اليوم جالس جنبي بالبيت مايطلع الا للشديد القوي يجيب عشى و اوقات حطي اي شي من الثلاجه مو مهم .. جالس يلعب بلاي ستشن ... تصدقين يسالني الامارات فيها ملاهي يلعبون فيها الكبار ابقى اروح العب ... احسه يبي يعيش ايامه صحيح بفلوسي انا بس شكله يبي يعوض الحرمان الي عاشه اوقات احس انه الحين حاس بالامان عشان كذا مو مهتم

انا مو اقول عنه اعذار بس من جد انا مو عارفه ايش اسوي او كيف اتصرف الله يعيني ويكتب لي الي فيه الخير يارب

على فكره فكره اربي يتيم بس الشروط كانت قويه جدا ماناسبتني

دمتي بود

 

[هتووونة]

الله يعينك ان شاء الله

 

[راحة البال مهمه]

لحظه من فضلك انتي قوتك باالمااال الي معاك اصلا انتي ضعيفه جدا من الداخل حبيبتي فلوسك الي تصرفيها على هنوعيه من الرجال سوف يحاسبك الله عليها لانك وضعتيها في غير مكانها محشش وتشتري له الحشيش بعد بعدين يجيب حريم ويزني عاااادي عندك لمتى وانتي على هااااالحال حبيبتي اسمعي اطلبي الطللالالالالالاق حتى لو عنده ماااال قاروون حبيبتي عمرك اربعين عااااادي هاذا نصيب كلمي احد المشايخ وباذن الله تعالى راح يجيب لك رجل ملتزم يخااااف الله فيك اسمعي كلامي والله المستعان