انا زوجي خاني بس مب مع وحدة ثانية خاني معاي بس مايدري

[umhalla]

:sadwalk:انا قصتي مب غريبة بس مادري اش اقول بس انا مرة قاعدة في الشغل جات على بالي فكرة ليش ما اعمل اميل جديد لي وادعوا زوجي للماسنجر حبيت اشوفة بقبل الدعوة من اميل غريب وبأسم سارة وكانت المفاجئة انه دخل على الماسنجر مع هاي البنت سارة الهي انا بس مايدري لمدة 10 ايام وهو يكلمها في الماسنجر ورسل لها صوره وانا طبعا رسلت صورة وهميه من النت وتحول الكلام الى شوق وحب وهيام بس ماقدرت انحمل حتى صار يكلمها عن حياتنا الجنسية متى يرقد معاي ؟؟؟؟ والمهم هو من نفسة قطع علاقتة مع سارة بس انا حبيت اروية اني اعرف وخبرتة مثل مايقولون انا اعرف الاميل مالة ودشيت لقيت اميل من سارة وفية كل شي طبعا انا المطرشة الاميل من اميل سارة الى الاميل مالة بس خاف وجاء البيت يصيح وحب ريولي ويبكي اني اسامحة انا قلت له انو هاي البنت انا حسسته ان وايد صغير في نظري وهاي الكلام من يوم الأربعاء ومع الاسف السبت كان عيد زواجنا رحنا على السينما وجاب لي هدية انا سامحتة لاني اعرف انها اول مرة وماتعدى حد الماسنجر بس مب قادرة انسى وهو يطلب مني انسى اشلون انسى ادري اني سامحتة بس مرارة الخيانة للحين في حلقي احس بجمرة مغروسة في قلبي اش اسوي قولوا لي انا احبة واموت فية وهو بعد بس انا اعرف الانسان خطاي بس يوم اتذكر الكلام الكان يقوله لها اموت من القهر سامحتة بس مب قادرة اطالعة ويهه موي قادرة احط عيني في عينة انا يشهد الله كنت اقول لو كل رجال الدنيا خاينين زوجي مايخون ابد بس صار انا حرقت يدي بنفسي انا بغيت اجرب وياريتني ماجربت الحين هو نادم ويترجى كل يوم وليلة فيني بس مب قادرة ماادري اش اسوي ارجوكم ابي انسى علشان اعيش سعيدة انا اثق في زوجي الحين تزعزعت ثقتي فية وقلت له اشلون اطلع احساس القهر من نفسي اشلون اشلون اصعب شي في الدنيا الخيانة صعب والحيت يترجاني اني انسى يقول لي ابي اسمع ضحكت مرة ثانية ابي اسمع الكلام الحلوا منك اقول له 6 سنوات وانا اقول لك الكلام الحلوا وبعد 6 سنوات دورت على وحدة تسمعه منها هو يحاول ان يكون الجو في البيت عادي بس انا ماقدر ماقدر لو شفتوا الكلام الي كان يقولة لها بتنقهرون الحين هو نادم وانا اعرف انه يحبني ويحب عياله بس اشلون اعيش عادي قلت له لانك اخطيت تابي امشي الامور عادية بس لوا كنت انا الخطيت كنت بعد راح تقول لي انسي اشلون تابيني انسى في يوم وليلة ليش هاي الانانية والحين هو مثل الطفل يبوس راسي وريولي بس انا ابيكم تساعدوني اشلون اطلع هاي الالم من صدري اشــــــــــــلون قمت اتخليه ممكن يخوني في اي لحظة ساعدوني ارجوكم ساعدوني .

 

[سندريلا زوجي]

حبيبتي فكرت اسوي نفسك واختبر زووووجي وبعدين قلت ليش افتح على روووحي باب اندم عليه لو صار شيء الرجل احيانا ينجرف............فلا تتدفيه للانجراففف وبعدين تندمي.......انتي عارفة انك انتي اللي سويتي هالشيء وكنت متعمدة....على الاقل الحين هو عارف انك انصدمتي فيه واكيد حرمممم يكررها ...حسسسيه شوي انك ما تسامحيه بسهولة لا يستسهلها وتصير عادة....بس لا تهدي بيتك

 

[abeer abdulmohs]

يا ما ما ليش هالحركات البايخه اللي ما لها فايده . زوجك انسان ماشي بالسليم الا تدورين عليه الغلط. انت اللي جبت هالشك وهالوساوس لنفسك. ومن الممكن انه انجرف معاك لان اسلوبك وطريقتك اللي متعود عليها اقصد انت عارفه كيف تجيبينه. خلي عنك وساوس الشيطان والمفروض تحسين انت بتانيب الضمير لانك دخلت بينكم الشك و اعدمت الثقه. زوجك انسان كويس ومستقيم لا تفتحين عينه على الحرام والطريق المايل.

 

[dalool_moon]

حبيبتي, أنا مو معك في الي سويتيه
انتي بهالطريقة فتحتي على نفسك أبواب مغلقة
يمكن زوجك ما كان يفكر بالعلاقات ولا كان يحبها, لكن بطريقتك بتخليه يستحلي هالشي, وبتخليه يحب يكلم بنات في المسنجر, وبتخليه يتعلق في محادثات المسنجر الغزلية وبالتالي ممكن يتغير تجاهك كزوجة
انتبهي على زوجك, وانسي تماماَ الي صار, واتذكري ان كل الكلام الي قاله كان موجه لك أولاً وأخيراً

 

[MalakAlrooh]

غاليتي انت اللي بليتي نفسك


ويقولون انه ما يحسد المال غير صاحبه


لما تتضايقين تذكري انك انتي الي فتحتي الباب
ومن فتح الباب جاه الجواب


حبيبتي احمدي الله انه قطع من عمره
ودامه يستسمح منك سامحيه وقوليله لاعاد تعيدها
ترا يروح عند غيرك اذا ضليتي قاسيه معه لها الدرجه


عوضيه عنها ليش كان متعلق فيها اكيد في جانب من شخصيتك طلع لما كنتي هيه

يمكن كان يبغي يعيش مغامره جديده

عيشيه مغامره معاكي سافرو بروحكم بدون العيال


بين فتره والثانيه غير شي من روتين حياتكم
خليه يتفاجا
ويتوقع منك كل جديد


الله يعينك

 

[broker]

الصراحه ماكملت موضوعك
انت مثل اللي يبـــــــــــط عيــــــــــــــــــــــــــــــنه باصــــــــــــــــــــــــــــــــبعه
ليـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــش ؟؟؟؟
شي غريب والله !!!!!!!!!!!
كلش مالها داعي الحركه

 

[البيت السعيد**]

شي طبيعي إن الريال بيقبل هالإيميل،

لأن يختج كل ريال يحب التجربة والغموض، فلما شاف الإيميل حصل نوع من الغموض،

علشان جذي واصل،

والحمدلله الحمد لله إنه قطع نفسه بنفسه مثلما قلتي، فهذا معناته إنه ندمان، علشان جذي تلاحق على روحه،

بس سؤال إختي:

إنتي شلون كنتي تتصرفين معاه طول هالعشرة أيام؟

هل تغير تعاملج معاه؟ هل حسسيته بالحب وخليتيه هايم فيج؟

شوفي حبابة،

هذا الدرس يفيدج، علشان تلمينه أكثر وأكثر،

والله يصبرج وترى هالشي يبي له قلب، ووايد صعب على الوحدة،

والحين دام إنه تاب وطلب السموحة،

سامحيه يا عزيزتي وإنسي الموضوع،

الحمد لله إن السالفة كانت معاج ومو مع وحدة ثانية،

إذا واصلتي في العناد وعدم المسامحة، ترى راح يطفش، وبيرجع لعالم النت ويكلم بنت ثانية علشان يرتاح من النكد،

خلااااص، إبتدي صفحة يديدة مع زوجج،

والله يخليكم إلى بعض.

 

[برآءة]

استغفرالله العلي العظيم ...

لازم يعني تخلينه ينحرف وبعدين تعاقبينه...

انا والله حاسه فيك وعارفه انو الخيانه شي يمووووووووووووووووووووت ويذبح مو يعور القلب وبس...
بس يااختي انسي اللي صار ولاتخربين حياتك....

اغلب الحريم رجالهم يبوسون رجولهم ....والمشكله زعولات وكارهات الحياه...
انا لو احصل احد يبوس رجلي كان انسطلت وسفطت الزعل على جنب...والله ماشاء الله ياانكم قويات او متعودات على حب الكراعين...

 

[جوهرة الشمال]

تعوذي بالله من الشيطان الرجيم , خلاك إبليس في البداية تقصين على روحك وعلى زوجك والحين بعد قاعد يدمر حياتك استعيذي بالله وانسي بسرعة الي صار ترى لا ينقلب عليك زوجك ويبدأ يشك فيك ويقول في نفسه أشياء من قبل ما كانت بتخطر على باله......

 

[يتيمة]

والله اختي بعض الحريم تدور على مذبحها حطي في بالك مافية انسان كامل وما فيه انسان مايخطي
اذا هو تمام معك ليش تجيبين وجع الراس لك احمدي ربك الف مرة وشوفي مصايب غيرك حتى تهون عليك مصائبك الي من صنع يدك
الله يهديك بس

 

[البسمة الخجولة]

تعوذي من ابليس وانسي الموضوع

صح بتكون عندك المساله صعبه

حاولي قدر المستطاع علشان ترجع حياتكم مثل اول واحسن انشاء الله

 

[يعشق هواي]

زوجك نازل من السماء مايغلط

الحمدلله والشكر لك يارب شفيكم انتم تدورون على انفسكم بيبان مقفله وتفتحونها بيديكم


والله اسمحو لي بس احيانا اقول حتى على نفسي صدق الرسول يوم قال ناقصات عقل ودين

 

[مرو]

لا تسألو عن اشياء ان تبدى لكم تسؤكم ....
انت اللي جبتيه لنفسك ...
دام زوجك ماشي تمام وشوله تفتحين له باب مقفل ...

 

[علاوة]

سامحيه وطردي الشيطان من حياتكم ... مثل ما دخلتي الشيطان أول مرة تقدرين تطلعينه ثاني مرة .. بس سامحيه وصدقيني لما بيشوف قلبج كبير راح ينقط قلبه دم ندم وبيكون سيدا معاج

 

[صدى الآهات2009]

الله يعينج واتحملي غلطتج الحين

 

[اشرقت الحياة]

والله ما اعرف ايش اقول لش ارجل شى عادي يشوف ايميل ويقبله
انتي فتحتي لى نفسك باب الشك لا اتخلي ابليس يخرب حياتك المهم الشى انه صار معك ولا مع وحده غيرك
الحمدالله وعيشي حياتك مثل الاول
وشكر

 

[شيك ليدي]

أختي ...انتي صاحبة الفكرة لاتلومين زوجج
سامحية ترى هو يحبج بس انتي عارفة الشيطان لازم يخرب على الانسان
والأهم فالموضوع ان هو اللي تركها فالبداية هذي دليل انه عرف بغلطلته
حاولي انج تنسين ولاتهدمين بيتج بيدج

 

[انا اخت اخوي]

الله يهديك انتي اللي فتحتي على نفسك باب وجبتي الهم لراسك

ليش هالحركات والاختبار ومدري وشو من جد مالها داعي

الله يهديكم بس

 

[AMO0ON]

سبحان الله و بحمده
الله يصلح الحال يارب

 

[كيوت تحب التوت]

الله يهديه