انا حامل او لا ...؟!؟

منوووووووره دلع ... الله يسمع منك يارب
سويت بس مافي حمل لكن ماجتني الدوره و عندي اعراض ... يااارب
 
عيل نطري جي جم يوووم وسيري اعملي تحليل دم وان شاء الله يبين وياج ويرتاح بالج ​
 
ان شاء الله تكوني حامل والله انا زيك بس مبان الا بعد موعد الدورة ب6ايام
لاني سويت تحليل دم وماطلع شي وكان معي صدااااع مو طبيعي ورفضت الدكتورة
تعطيني علاج حتى تتاكد اني مو حامل بس سويت تحليل دم ومابان شيء وبعده
ب6ايام رحت وسويت تحليل دم وبشرنتي ونسيت الم الصداع من الفرحة
وخبريني اذا انتي حامل 00000
 
الف الف مبروووك قلبووو ... والله الحين لايعه كبدي و احس برجع و بطني ثقيله لما اتقلب ع جنب

ان شاءالله بس اعرف ببشركم بس انتم ادعوا لي
 
الله يرزقك بالذرية الصالحة وانشالله تكوني حامل
ولاتنسي تطمنينا عليك واستغفري كثير لحد مايمر عشر ايام من موعد الدورة
وجربي مرة ثانية تسوي تحليل
 
هلا عبوووووره .. امين الله يتقبل ه الدعاااء
و بعمل بنصيحتك ( الاستغفار) و جزاك ربي خير
 
صبااااااايا ... بطني احسها تقطعت من المغص والله اصحى من نومي و السبب المغص .. نفس مغص الدوره و الله توني صحيت من شدته ع بالي نزلت الدوره بس رحت الحمام ( اعزكم الله ) و لقيت مانزل شي بس سائل ابيض خفيف

طمنوني تكفوووووووووون هذا طبيعي .. يعني عادي الوحده تحس بالمغص و هي حااامل او هذا دليل ع اني مو حامل ؟!؟
 
الا ياقلبي هذي كل اللي جاك من اعراض حمل
يااااارب تكوني حامل وتفرحين انتي ووزوجك
 
شوفي عوراض الحمل تكون حاسه الشم عندك قويه جدا ويصير عندك صعوبه في التبرز عذرا على الكلمه يعني يجوز كل يومين مرة وتحسين بتغيير حجم الثدي يعني انا قبل لا تفوتني الدورة باسبوعين قلت لنفسي يمكن حامل لانه تغير حجم الثدي عندي بس بعدين نسيت الموضوع وتميت انتظر الدورة تيجي وما اجتي وبعدين عمتي فالت انتي حامل روحي حللي وانا بعين قويه لا انا موب حامل هههههههههه بعدين طلعت الا حامل ونص ان شاء الله تطلعين حامل وترزقين بالطفل الصالح
 
هلا نحمده و نشكره ... منوره قلبووو
ماشاءالله الله يصلح لك ذريتك .. امين
من ناحية حجم الثدي ايه احسه كبران حتى الصدريه احسها ضاقت علي بس مااعتمد عليها لان دايما انا قبل الدوره كذا يتغير حجمه
اما عن التبرز ( الجميع بكرااامه) مو كل يوم و احيانا يكون اسهال و احيان لا (( اسفه )) و معي غازات كثير و بطني منفوخه

يارب و الله شفقانه عالحمل بس المغص ذبحني و ربي
 
يارب تكونين حامل احس الاعراض الي قلتيها نفس الاعراض الي جتني وانا حامل بس كان معي افراز الله يكرم الجميع بس ماعليه ارجعي سوي تحليل منزلي ولازم يكون الصباح قبل ماتاكلي ويكون الله يعزك البول مركز
ولاتشربي نهائيا قرفة او حلبه او كمون او عسل او اي شي ينظف البطن انتبهي لحد ما تتاكدي من الحمل
الله يرزقك الذريه الصالحة المعافاه عاجلا غير اجل
 
زحل .. مشكوره قلبي و ان شاءالله اكون حامل
انا سويت التحليل ذاك اليوم بعد صلاة العشاء مباشره .. له دخل الوقت ؟!؟

يارب يارب يارب اكون حامل ... الله يسعدك و يوفقك بكل خطوه
 
حياتي انا نفسك

جاتني اعراض الدوره وع بالي انها هي وجالسه انتظر متى تنزل

وماطلعت دوره وطلع حمل

ربي يرزقك بالطفل السليم المعافي يااارب
 
هلا اختي غلا الجنوب .. نورتي
الله يطمن بالك .. انا اخاف افرح و افز اني حامل و بالاخير تجيني الدوره
قولي امين ... الله يرزقك الذريه الصالحه المعافاه
 
لا الوقت ماله دخل بس اول ماتصحين وتروحين الله يعزك دورة المياه يكون البول مركز بهرمون الحمل الي يخف ويقل مع كل روحة تروحينها لدورة المياه فهمتي علي؟
يعني لازم التحليل يكون بعد ماتصحين من النوم واول مرة تدخلي الحمام يومها
الله يعزك والسامعين
 
سبحان الله ...
مشكوره يالغلا و الله يرفع قدرك بالدنيا و الاخره
الحمدلله احس المغص خف عني .. دعواتكم
 
ان شاء الله حاااااامل

والله يرزقك يااارب بالذريه الصالحه

بشرينا اذا طلعت النتيجه :)
 
مبروك حبيبتي انتي حامل وكل الاعراض اللي قلتيها اعراض الحمل
وتحليل البول احيانا مايعطيك النتيجة الصح في ناس مايبان معهم بالبول ويبان بالدم مثلي
قبل اسبوع عملت تحليل حمل منزلي وطلع لي خط واحد بس لاني اعراف اعراض الحمل رحت عملت تحليل دم امس وطلعت حامل
الله يسهل لك يارب
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل