انا تعبت تعبانة يانااااااااااااااااااااس

[حلم المدينة]

انا تزوجت رجل متزوج وقبل الزواج حسسني انه راح يعوضني عن اللي فات لاني متزوجة قبله وعندي بنتين....وانه يقدر يصرف وينفق علي.
المهم بعد الزواج اكتشفت انه ما يقدر يصرف علي وراتبه كله لعياله من زوجته الاولىوانا لي سنتين الان ما شفت منة الا تقريبا اقل من الف ريال وفوق هذا كله ما يدفع ايجار البيت ولا فواتير ولا يسوي شي بس ياخذ وبصراحة تعبت من تحمل الاعباء هذي كلها وطفح الكيل ويوم قلت له شاركني المصروفات اخذ ثيابه وطلع وترك البيت وبعد كذا ارسل مسج وقال اذا صرت رجال رجعت لك وش رايكم بتصرفاته؟؟؟
ملاحظة : انا موظفة وعندي طفل منه وش الحل ساعدوني الله يجزاكم خير...​

 

[راجية عفو الله]

عزيزتي اعانك الله
حاولي تدخلين حكم من اهلك وحكم من اهله يبحثون الموضوع معاه
واذا ما فيه حل اصبري شتسوين بعد الله يعينك
رياييل اخر زمن

 

[قلب ذاكر]

يا عمري اصبري الزوج نعمه احرصي عليه واتمسكي فيه انا اعرف وحده زوجها زوجها ساكن بلاش عند اهلها وهي تصرف عليه حتى تلفونه ومتحمله شتسوي بعد والاخ لا مبالي وكسول وما يحب الشغل وكذا مره يطلع من الشغل ويقعد اشهر بطالي وهي تروح الدوام وهو نايم مشي الحال اختى ترى الناس مشين حالهم لا يغرج بس يغطون على ازواجهم وهو عطاني واهداني وكله كلام فاضي اهي تشتري وترقع على زوجها لا تكبرين الموضوع دام يحترمج ويحبج وعندج منه ولد انتى بعد قدري وضعه اكيد لو عنده ما يقصر عليج صح ؟؟ حرام لا تضغطين عليه وتحسسينه بعقدة الذنب وانه مو رجال بس عشان فلوس ترى هو حاس فيج ومقدر كل شي تسوينه وان شاء الله بيعوضج ادعي الله يرزقه ويخليه لج ويسعدكم واستانسي الدنيا رايحه ومحد ظامن يومه لا تنكدين على عمرج ربي يهنيج

 

[حلم المدينة]

(راجية عفو الله )(وقلب ذاكر) الله يجزاكم خير بكيتوني والله بصراحة احبة بس مقهورة
والصبر آآآآآآآآآآآآآآه يالصبر تعبت وانا صابرة متى بيجي الفرج من يوم عرفت نفسي وانا متحملة مسؤلية كل شي ويوم تزوجته قلت جاني الفرج والاقي الهم زاد عن جد تعبت وفوق هذا كلة علي ديون بسببه وبسبب اهلي فوق الثلاثمية ألف ريال.. واللي قاهرني اكثر اني ابروح الدوام بعد اسبوع وبترك ولدي وبنتي عند الشغالة بالبيت ومالي من راتبي نصيب الا اقل القليل اوفر باقي الراتب لعيالي ولايجار البيت والفواتير الله يفرجها ...
يعني تنصحوني اتصل فيه واقوله ارجع البيت والا اخلية لين يرجع من حاله؟؟؟

 

[f.moon]

قولي له البيت مفتوح لك وبأي وقت حياك الله
والله يهديك لاتعصب على اقل شي يعني اذا زوجي حبيبي ماساعدني اطلب المساعده من منو؟؟

ومثل ماقالت الاخت قلب ذاكر والله نص البنات ماكلين هوى في زواجهم بس يرقعون على ازواجهم .. الحب والرومانسيه بس في الافلام

 

[عسوله مودرن]

انا الي اقراه من قصص الدكتوره انها تنصح الزوجه ماتصرف عليه واعتقد اكثر من قصه لدكتوره فيها نفس مأساتج الفلوووس سيري اقريهن مره ثانيه وبتعرفين خلي يطلع مصيره بيرجع ليش ماخذنج علشان تصرفين عليه وهو عمره ماعطاج فلس والله رياييل اخر زمن المفروض هو يدفع الاجار مب انتي مسكي ايدج ولاتعطينه درهم

 

[قلب ذاكر]

الله يهدي بالك يارب وعسىتكون ساعة اجابه يارب يسعد كل بنات المنتدى ويحفظ ازواجهم وذرياتهم ويريح بالهم وكل مسلم ومسلمه
الغاليه استخيري ربك صلى ركعتين وقول لا اله الا انت سبحانك اني كنت من الظالمين وعقبها ادعي ربي يشرح صدرج ويكتب لج الخير

وفيه دعاء " لا اله الا الله وحده لا شريك له له الملك وله الحمد يحيي ويميت بيده الخير وهو على كل شي قدير " قولها سبع مرات والله يكفيج كل هم ان شاء الله
والله حاسه فيج وبهمج ومحاتات عيالج كان الله في عونج بس قولي يارب انت اعلم بحالي يارب انت تعلم اني اشتغل ومتحمله ديون لاهلى وبرا بهم ومساعده لهم اللهم اجعلها خالصه لوجهك الكريم واثبني على ذلك واحفظ به ذريتي من كل سوء ودائما احتسبي كل فلس تصرفينه في سبيل الله وصدقيني ان الله يحسبه لك اجرين صدقه وبر بذي القربي والله يضاعف لج ان شاء الله الاجر و يسعدج دنيا واخره وصدقيني ان شاء الله هو بجي بس عاد انسي كل شي وابتسمي وان شاء الله كل الامور تكون احسن مما تتوقعين
وما فيه مانع اذا بخاطرج شي تتكلمين بس بهدوء واسلوب حلو مو حنه وصراخ والله يسعدج دنيا واخره
ودائما حبيبتي استودعي الله عيالج بكل وقت خاصه اذا غبتي عنهم

 

[ام ناصرخطابه]

اختي انتي ادره بوظعك ان كان عيبه بس انه ما يصرف عليك والباقي زين معك
ومع اولادك يهتم فيك ((تقدري تخلي يرجع لكن بالحيله تظحكي عليه ترى الرجال مثل الطفل ينظحك عليه بسرعه
خلصت فلوسي -او فلان تكفى يالنشمي ساعدني -بالكلام الحلو يلين الحجر فكيف الرجال وممكن تكسبيه وتخليه يصير لك ولعيالك مثل قصه الاستاذه ناعمه))
لكن ان كان ماهو زين واسلوبه شين وما يهتم فيك ولا بعيالك ((فهاذا قرارك لكن انتي قادره تفتحي بيت))

اختي اقرائي قصه ام بسمه وام الوليد ضروري

 

[نفيلة]

ما الذي قصده ب اذا صرت رجال رجعت هل يقصد نفسه ام يقصدك
عزيزتي زوجك يستغلك
لا تردي عليه بولا كلمة
اذا مرك البيت احرصي تساليه ها كيف تو صرت رجال طيب خذ هل الفواتير يحتاج لها دفع و هذه قائمة بالاحتياجات البيت و هذه طلبات الاطفال .
لا تسمحي بكلمته ان تهزك فتقولي لا حبيبي انت رجال و نص بس تكفى ارجع
قوي قلبك و صدقيني ما حد ياخذ اكثر من رزقه لو الله كاتب لك تتطلقي منه ترا لو صرفتي الي قدامك و الي وراك بيطلقك و اذا كاتب لك تعيشي معاه لو عيشتيه في جحيم بيبقى معاك

يفضل تشوفي نمط شخصيته علشان تعرفي تتعاملي معاه
و ايضا انصحك بموضوع لمستغربة عن التسلط اقرئيه ايضا
و طالبي بحقوقك بادب و ثقة و اصري انه ينفق على البيت انت ما تجوزتي علشان تصرفين عليه

 

[لا مبالية]

والله ماابغى اكون مخببة واكسب اثمك بس أنا أسأل سؤال الرجال اللي ما يصرف علي ويزعل اذا أنا ما صرفت عليه ويحملني ديون لا بعد له ولأهله ، وش له لازمه بحياتي؟؟؟ الوحدة تبى الستر ولا تبى العلة ؟ تبي واحد يكون لها سند ولا واحد يطمع فيها لمجرد انها موظفة ،، لكن أختي اذا انت من قبل دارية عن ظروفه ورضيت انك تتزوجي على ضرة بمقابل انك تصرفي على نفسك فأنت المسؤولة عن وضعك ،ولابد تتحملي نتائجة، ولو ان هذا ما يعطيه العذر اللي ما يقدر على فتح بيتين لا يتزوج ، واللي ما يقدر على مسؤلية الزواج يقعد ببيت أمه أحسن .

 

[ضياء القمر]

الله ايكون بعونك يارب

بالنسبة لوضعك انتي لديك طفل وهو والدة ومن الواجب ان ينفق علية وعليك هذا شرع الله


كلمي احد من ذوي الخبرة من اهلك واذا لم يجدي ذلك

اصبري واحتسبي اجرك من رب العالمين

لا تنسي عليك بقراءة القران والادعية والاستفغار لها مردودها العظيم باذنة

 

[مؤاسم الدهر]

الله يكون في عونك

 

[الوسمى]

اسمحيلي اختي اطياف انا اشعر ان المسج جاء ردت فعل لما انتي قلتي له
فلا اظن انه يرد بنفسه ويقول ماقال فقد تكوني صبرتي كثيرا ولكن عند المصارحة
فقدتي اعصابك وقلتي كلام جعلة يلم ثيابة ويخرج من البيت كوني اكثر توضيح في طرح المشكله
حتى تتوصلي الى الحل السليم بينك وبين زوجك
كان الله في عونك وهدا الله زوجك اللهم آميين​

 

[كوكيز17]

حبيبتي
عليك بالدعاء وقيام الليل
والله انه مثل السحر ويسوي معجزات

 

[3wa9ef]

والله يا حبيبتي مثل مو انتي قادرة تحرصين على عيالج و بيتك و مصروف بيتك من غير مساعته
يعني تقدرين تعيشين من غيره
و الا بس اسمه زوج يدخل البيت ينام و يغثج و يطلع
تركيه و ريحي نفسج و اذا تبين تظلين معاه لا تحملين منه مرة ثانية حرصي على هالشي
حرام العيال يضيعون و نقصر عليهم والسبب واحد ما يقدر
الله يصلحه و ادعي له بس لا تحكمين على نفسج وانتي تبين راحة البال