انا تعبانه منه .. ادخلو انقذوني

  • بادئ الموضوع بادئ الموضوع Ibtisama
  • تاريخ البدء تاريخ البدء
اختي ارسلي له رسالة بيني فيها وجهة نظرك من جميع النواحي باسلوب جاد ومن غيرعاطفة والله اذا كان حساس وزعول الله يعينك بتتعبين معه اساليني واكثري من الدعاءوصلاة الاستخارة اذا كان فيه خير لك بتستمرون مع بعض وان كان غير ذلك فستنفصلون عندها لاتحزني فانت استخرت رب العالمين الله يريك الحق حقا ويرزقك اتباعه ويسعدك في الدنيا والآخرة 0000استودعتك الله الذي لاتضيع ودائعه0
 
حبيبتي الله معك بس تذكري دئما قوله تعالى( عسى ان تحبو شيى وهو شر لكم )الايه
 
كلمة الخيانه ما هي سهله ,, والغريب انك ما بينتي اي ردت فعل تجاه الكلمه هذي

خطيبك عارف انك تحبينه ولا تقدرين تفارقينه عشان كذا يضغط عليك ... انتبهي ولا تخلين له مجال يطري الخيانه بينكم
المفروض اذا طراها تقولين له احنا في البداية وكلمة مثل هذي تخليني صعب اوثق فيك ,,

الله يهديك لطريق الصواب ... استخيري
 
انا ما ابغى اكرهك في الزواج تراه شيء ثاني علشان كذا خليك قوية ماعليك لازم يتعدل من الان
الله اللي يهددك بالخيانه خليها في باللك اذا قالك ليش مااتصلتي قولي انك زعلتي انه يهددك بالخيانه
انت اللي بتنطش في النار ليش تخوفني وووووي رجال اخر زمن
الله بس ماابغى ادعي لاني مقهورة من زوجي كل شوي بادعي بس امسك لساني
 
انا نصيحتي انج ماتذلين روحج اولا ثانيا اتمنى ان اذا صار لج رجعه له حاولي تذبين حياج وياه على جنب لانج اذا سويتيله كل الي يبيه طبعا بحدود الشرع وربي انج بتكسبينه سوي كل شيء وبادري فيه لان الرجال يسعده هل الشيء وفاجيه دائما بكلام وتصرفت رومنسيه بس انصحج ماتكلمينه ولا ترسلين اي احد انتي حاجيتيه كم مره وهذا يكفي واذا قدر الله طلاق لا تتضايقين ولا تتحسفين الحمدلله مابينكم لا عيال ولا دخل عليج والله يصبرج والله يكون بعونج...........
 
هلا حبيبتي كان الله في عونج
جداااااااا ضايقني تصرف خطيبج بعدين ياقلبي لاتعلقين نفسج فيه هالكثر راح تتعبييييين وصدقيني انا جربت الخطوبه مرتين.....اهم شي الأحترام وأحترام المشاعر بالذات وأسمحي لي خطيبج اسلووبه جدااا يجرح ومافيه احترام ابداا لمشاعرج...وبعدين مو من حقه يفكر في البوسات الحين
حبيبتي رايي
أولا داااومي علا الأستخاااره حتى لو يوميا
ثانيا الأستغفار بنية ان الله يتمم لج بخير اذا هالشخص فيه خير لج ويصرفه عنج اذا فيه شر لج
ثالثا التصدق يوميا ولو بالقليل
والدعااااء اخر الليل
وصدقييييييييني ماافي مثل رب العالمين تلجأين له وخلييييييييييه اسفهيه ولا تتصلين ولاترسلين اي مسج خليه يخااف ومايعرف انتي ش ناويه عليه؟؟؟؟؟؟
واذا كلمج كوني وااضحه جدا معاه وعلميه ويين حدوده بالضبط ومايتعداها ومو معناته ملكه خلاااااص لا قولي وراج اهل واخوان وسمعتج اهم من كل شي وان اخلاقج ماتسمح لج تسوين اللي يبيه واذا مو عاجبه
اسمحي لي ولاتفكرين ثانيه بشي اسمه حب........خليه وكوني جدااا سعيده ان الله كشفه لج قبل العرس


ودعواااااتج لي ياقلبي

اللهم ربي لك الحمد كما ينبغي لعظيم وجهك وجلال سلطانك
 
جزاكم الله خير حبيبايب قلبي

انا اتخذت قرار اني ماراح اتصل عليه من البدايه وكتبت لكم مشكلتي لأني بس بشوف هل قراري صح او يمكن اتخذته وانا منفعله بزياده

مشكورين حبايبي ما تقصرون على النصايح
 
اليوم مسحت كل اغنيه اهداني اياها و كل مسج غزلي دزه لي وهداياه ركنتها على جنب

مابي اشوف اي شي يذكرني فيه
 
خطيبك عاشق لامراءة

يحبها الى النخاع من راسه

والي هذا اوله ينعاف تاليه
 
كوب ماي قال:
اختي ما انصحج بلانفصال صح ريلج اسلوبه مب حلو بس ان شاء الله بتقدرين اتغيرينه انتي دلعيه و بينيله انج تشتاقيله وبوسيه وانتي اتكلمينه بالتلفون ما فيها شي ترى الرياييل شرات اليهال يحبون اللي يدللهم وحاولي تتصليبه وقوليله خلنا نتفاهم وخبريه انه اول ريال اتكلمينه عشان جي تستحين منه وقوليله بيدك اتشل هالمستحى مني وعن الخيانه فهميه من الحين انج بتسامحينه اذا خانج
أنقر للتوسيع...
لاتزعلي مني مااأايد كلامك :dunno:لسه توها في البر ومو كل رجال تقدر المراه تغيره هاذي طباع
 
السلام عليكم ورحمة الله وبركاته ... اختي الغالية اتمنى أن تستخيري ولاتستعجلين تكفيييييين أكتب لك رأيي من خلال تجربتي كان زوجي يتصرف معي مثله ويزعل على شي تافه ويقفل الخط وبعدين صار يتحكم في طلعاتي للسوق أو لخالاتي حتى مع مين أركب في السيارة وبعد الزواج قدم أستقالته وصرت أصرف عليه وعلى البيت ويزعل ويخلق مشاكل لو مااساعده حتى تطور الوضع وصار يتسلف ومايرجع للناس وصار مكانه ممل لأن أخلاقه سيئة وماله صديق واخوانه مايعطونة وجه لأنه استغلالي ويبي يتحكم في كل شي فيني أو في غيري تصدقين ياأختي حتى في مكالماتي لأهلي أو زميلاتي لو تزيد عن 10 دقايق سبب مشكله يقول تحشون فيني لأنه ماهو واثق من نفسه لو اكتب لك عن تصرفاته طلع الصبح ماخلصت بس المهم تطور الوضع يوم صرت ماأرضى بتصرفاته واحاول اوقفه عند حده صار يمد يده علي لدرجة ان حرارتي ترتفع وانا اللحين عند اهلي ومستحيل ارجع لواحد عندة اضطرابات نفسية على حسب كلام مختص نفسي استشرته عن اسباب تصرفاته . احسمي موضوعك قبل ماتندمين لأن هالأشكال متعبين مرة وعندهم بعض التصرفات السيئة مثل :الاستغلال والاحتيال لدرجة ماتحسين انه جالس يستغفلك ويلعب باعصابك . والله يكتبلك اللي فيه خير
 
الله يهديج يا اختي صباح ومساء قسم بالله اني يوم شفت ردج قلبي انتفض بمكانه

شوفي حبيبتي هو من النوع يحب اصدقاءه ويحب الطلعات مع اصدقاءه ما يستغني عن شي اسمه ديوانيه وغير ان دوامه شفتات وهذا اللي دايم يخليه مشغول او يكون نايم في الفترات اللي اكون فيها قاعده ( هذا اذا قصدج ان انشغاله يدل عل خيانته )
وثاني شي هو صريح يقول الصراحه ولو على نفسه انا هذي الصفه حبيتها فيه.. وصراحته صارت عكسيه عليه لما قال لي وبشكل مباشر اذا ما سويتي لي اللي ابيه راح اخونج

انا اللي كرهني فيه هو انه قال لي هالكلام في لحظة غضب من غير ما يراعي مشاعري وقالها بكل سهوله هذا اللي متعبني.. انا ملاحظه فيه التسرع بقراراته اذا كان غضبان هذا قبل ما ازعل وياه حتى مع اصدقاءه يسوي وياهم نفس الشي اذا زعل بعدين يرجع يندم يعني عيبه انه متسرع ( وانا هالطبع ما اتحمله كلش )
 
اختي موظفه مكافحه هو عيبه العصبيه وانه يثور بسرعه ويتصرف تصرف وبعد ما يهدأ يتحسف

بس ولا عمره سبني او تلفظ على .. واللي حبيته فيه انه من يحس اني زعلانه من شي ياخذ على خاطري ويواسيني ويشجعني دايم يقول لي احبج تكونين قويه مابيج تصيرين ضعيفه هذا لما اشتكي له من مشكله صارت لي من البنات اللي وياي في الدوام

بس اللي ذابحني انه يقول لي كل شي بيننا انتهى بكل سهوله والله تعبت من هالكلمه
 
اختي الغالية..هل قصدت بكلامج انج مالجة من 3 شهور..وانج تيلسين معاه ويطلب منج اتبوسينه..
إذا هذا اللي قصدتيه..اقولج هذا ما يعرف يتعامل معاج..وابسط شي لازم يعرف كيف يتعامل مع النثى لأن مافي ريال ما يعرف إن البنة تستحي..بس أنت لا تمصخينها..وكل ما يطلب منج تغيرين الموضوع..نزلي راسج وحاولي اتبوسينه..أو سوي حركة انج تبين وانج مستحية ..حسسيه الحياء مب الخجل..وبعدين انت إذا اتحبينه بتبوسينه من غير حيا..وليش تستحين منه..هذا زوجج حلالج..
بس حركته مب حلوة ليش ترضين ايصك التيلفون في ويهج ليش وين الاحترام بينكم؟
إذا تبين رايي أنا لو مكانج ما اتصل عليه لو الموت..لا تقولين أنا أدري انه يحبني ..الحب أوله احترام..
وبعدين توكم مالجين ليش ايقول كل واحد يروح في طريقه..والله إللي خلقه خلق ألف غيره..منو سمح له يصك التلفون في ويهج..
منو سمح له يقول لج ما تستحين..
راجعي حبج..وراجع نظرتج لزوج المستقبل..وأحلامج ورغباتج مادام أنت على البر..
واتمنى لج من كل قلبي التوفيق والسعادة
 
يالغالية كان كذا وبصراحة كنك تعيدين الشريط اللي مر علي لا تعطينه فرصة يلعب باعصابك صدقيني بيجي يوم وتعرفينه على حقيقته حاولي تجيبين عذر عشان يتأخر الزواج أنا ندمت يوم اخذته ليتي رفضته من البداية أنا مرة وصلني للدوام وقال انقلعي خلي اهلك ياخذونك وعفشك وورقتك بتجيك ويوم خذوني اهلي قال لأ
 
قال لاهلي آسف مادريت كنت أمزح وش رايك بتصرفه . وبعدين جا مع اهله اخذو عيالي وانا في الدوام وقالو تبينهم تجين كيف اجي وولدهم طاردني في نفس اليوم بعد مااحترقت جابو عيالي وبعدها بكم يوم جت امه اتصيح وابوه قالوا تراه يحبك ومادرا وعقل ولدنا صغير خذيه على قد عقله . هاه تتحملين ذا السخافه وقلت الحيا وش رايك ردي علي؟؟
 
موظفه مكافحه بصراحه الله يعينج

ولا تخافين يا اختي انا متأنيه ومابي اتخذ قرار يخليني اتحسف طول عمري

الله يكون بعوننا ويسهل لنا الخير كله


اختي قلبي أحمر..انا عادي ودي احضنه عندي اسهل من البوس يعني اشويه تصير بالبتدريج .. بس بالله عليج رجل يقول لبنت قاعده جدامه بوسيني مو المفروض هو يبدأ علشان يصير سهل عليها
وبالنسبه لتسكيرة التلفون بوجهي هو كان مسويها فيني قبل هالمره و زعلت عليه وراضاني واشوفه نفس الحركه عادها مره ثانيه
واتصال انا ماراح اتصل فيه خلاص
 
شوفي اختى خذيها نصيحه من مجربه

خطيبك لازم يتأدب قبال الزواج واذا مرجع عن اللي براسه وزعل وخيانه

اتمنى تفكري بواحد يسعدك مو رجل يحب يلوم المراءه على كل تصرف من اجل انه قدمها شوى كلام حلووو

فيه رجاجيل مدلعين زوجاتهم حيل ولا يهتمون بالمقابل لاتحسبين هو الوحيد
استخيري كل بعد صلاه فجر
انتي انتبهي لتصرفاته وانسى سالفه الحب ترا بعد الزواج انتي بحاجه للحب اكثر
قاطعيييييه خليه لين هو يجيك ويعتذر ويعرف انك عنيده وان عندك كرامه ولا تقبلين بمساوماته السخيفه
قولي انا ماحب هيك تفكير من تصرف بسيط بدون قصدتفكربالخيانه شلون اذا مليت اذا كبرت وانهبلت
اثقلي انتى طريقك واضح وعلى سنه الله ورسوله
مو بنت شوراع عشان تركضين له وانتى بفتره خطوبه وخلى في بالك يمكن يختبرك
والله اعلم
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل