فاقدة للأمل
New member
- إنضم
- 2009/12/08
- المشاركات
- 57
مرحبا
انا خلص مش قادرة اتحمل انا منهارة كتير
و الله من القهر و التعب لا قادرة اوقف على اجريي و لا احكي
بدي اشكيلكم همي و يا ريت الاقي عندكم حل يريحني
الظلم مش بس علي صرت حاسة انه ابني كمان مظلوم
عمره 3 شهور و اذا بكى ابوه بيضربه و ضرب مش خفيف
صدقوني
عمركم شفتو طفل صغير بينضرب
حكيت معه كتير و تزاعلت معه كتير و فهمته انه هاد طفل و ما بيفهم لحتى تضربه و عالفاضي
لأ و بكون مبسوط و بقول للناس انا بضرب ابني
مفكر انه الناس بينبسطو منه
الكل بيحتقرو و بيحكي عليه و بيستغرب منه كيف قلبه قاسي هيك على طفل 3 شهور
زوجي رح يجنني و انا ما بحب يشوفني مبسوطة و لا دقيقة و لا ثانية
حاسسته صار يعشق دموعي و يحب يشوفني على طول متدايقة و مخنوقة و بدي اموت
بصراحة عقله صغير و كل همه يقولي لا و أقوله حاضر على اي شي من دون أي تفكير
حتى عند أهلي صار يمنعني أروح
قلبي بيتقطع لما يكونو كل اهلي متجمعين و انا محرومة
و اذا اتصل فيي أحد من أهلي يقولي تعالي عنا
بيعملي مشكلة كبيرة لإنه كان لازم أهلي يتصلو فيه و يستأذنو منه
بكون مع اهلي ما في احسن منه و لا أرق من هيك و لا ألطف و بس يروحو بيغلط عليهم و ما بخلي كلمة مش منيحة إلا و بقولها عليهم من دون سبب
و انا بختصر و بسكت و ما بحكي شي بس خلص انا مش قادرة اتحمل اهلي يغلط عليهم و يغلط عليي و اسكت
هلأ عشان خزانتي ما رتبتها عمللي مشكلة كبيرة و كان رح يضربني
رغم انه خزانته مرتبة و البيت كله بيلمع من النظافة و مش مقصرة بحقه و لا بشي بس خزانتي انا دائما هيك بخربها و برجع برتبها اكتر من مرة بالأسبوع
بيتدخل بشغل البيت كتير و المشكلة إنه ما بيطلب الطلب مني بهدوء
بيطلب مني الطلب و هو يصرخ و يغلط فيي
انا بحبه و ما بنكر هالشي بحبه كتير و هاد اللي مخليني اسكت بس بنفس الوقت ما بدي الحب يخليه يهين كرامتي و يجرحني
و الله دموعي ما بنشفو ليل و لا نهار و مشكلتي لما نزعل من بعض بحس حالي محتاجة لحدا يحضنني و ما بلاقي قدامي غيره بورح يحضنه و ببكي بحضنه
عمره ما صالحني دائما انا اللي بصالحه
و ما تقولولي ما تبكي قدامه و قوي قلبك انا حاولت كتير كتير بس ما في مجال
انا صارلي سنة و نص متزوجة و من يوم ما تزوجت و انا على هالحال كل يوم بكى و دموع و قهر و ظلم و نكد و مشاكل ما شفت يوم حلو و الله
امبارح ابوي اتصل فيي و قاللي بدي تروحي مع مرتي على الصالون اللي بتروحي عليه عشان تقص شعرها و روحي معاها و بدي تقصي شعرك على حسابي
يا الله شو بكيت و تعذبت مع زوجي على هالمكالمة
يا ريته ابوي ما اتصل و لا قاللي
زوجي عمللي مشكلة كبيرة و فكر انه ابوي بهالشي بيقصد مثلا انه زوجي حارمني او ما معه لحتى اقص شعري او شي
و الله ابوي ما هيك قصده بس اي اب عادي بحب يعمل هيك شي لبنته يعني ما غلط
و قال كان لازم ابوي يتصل فيه و يستأذن منه و ما يسألني أنا
هلأ لو بدي احكي الباقي ما بخلص بس باختصار انا ابوي قاللي اي شي او اي مشكلة بتصير ما تخليه يهينك و يذلك بتتصلي فيي و بتقوليلي لحتى يعرف انه في وراكي حدا
بس انا ما بتصل و لا شي لإني خايفة أتطلق
طبعا مش خوف من الطلاق و لا شي بالعكس الطلاق أرحم بس علشان ابني مين بدو يصرف عليه ؟؟
ابوي متزوج من وحدة تانية و مش عايش مع امي و ما بيصرف عليه
وامي بيصرف عليها اخوي و هو هلأ خاطب و اذا رحت له انا و ابني عمره ما رح يتزوج لإنه اصلا خطب بقرض من البنك و لولا هيك كان عمره ما خطب
انا بالجامعة لو تطلقت مين رح يكملي دراستي ؟؟
قولولي شو اعمل احكي لأبوي يريحني من هالعذاب و الا اسكت و اصبر ؟؟؟
انا كل ما جيت بحكي بتذكر انه ربنا قال اللي بتطيع زوجها بتروح عالجنة و بسكت
بس ربنا بنفس الوقت ما قال خلي زوجك يذلك و يهينك و اسكتي صح كلامي و اللا لا ؟؟
و كمان بكرة العيد و ما بدي اعمل مشاكل على وجه العيد و الناس يجو عندي بالعيد ما يلاقوني و الكل يعرف بالقصة
ساعدوني
الله يوفق كل من بترد علي و بتساعدني
انا خلص مش قادرة اتحمل انا منهارة كتير
و الله من القهر و التعب لا قادرة اوقف على اجريي و لا احكي
بدي اشكيلكم همي و يا ريت الاقي عندكم حل يريحني
الظلم مش بس علي صرت حاسة انه ابني كمان مظلوم
عمره 3 شهور و اذا بكى ابوه بيضربه و ضرب مش خفيف
صدقوني
عمركم شفتو طفل صغير بينضرب
حكيت معه كتير و تزاعلت معه كتير و فهمته انه هاد طفل و ما بيفهم لحتى تضربه و عالفاضي
لأ و بكون مبسوط و بقول للناس انا بضرب ابني
مفكر انه الناس بينبسطو منه
الكل بيحتقرو و بيحكي عليه و بيستغرب منه كيف قلبه قاسي هيك على طفل 3 شهور
زوجي رح يجنني و انا ما بحب يشوفني مبسوطة و لا دقيقة و لا ثانية
حاسسته صار يعشق دموعي و يحب يشوفني على طول متدايقة و مخنوقة و بدي اموت
بصراحة عقله صغير و كل همه يقولي لا و أقوله حاضر على اي شي من دون أي تفكير
حتى عند أهلي صار يمنعني أروح
قلبي بيتقطع لما يكونو كل اهلي متجمعين و انا محرومة
و اذا اتصل فيي أحد من أهلي يقولي تعالي عنا
بيعملي مشكلة كبيرة لإنه كان لازم أهلي يتصلو فيه و يستأذنو منه
بكون مع اهلي ما في احسن منه و لا أرق من هيك و لا ألطف و بس يروحو بيغلط عليهم و ما بخلي كلمة مش منيحة إلا و بقولها عليهم من دون سبب
و انا بختصر و بسكت و ما بحكي شي بس خلص انا مش قادرة اتحمل اهلي يغلط عليهم و يغلط عليي و اسكت
هلأ عشان خزانتي ما رتبتها عمللي مشكلة كبيرة و كان رح يضربني
رغم انه خزانته مرتبة و البيت كله بيلمع من النظافة و مش مقصرة بحقه و لا بشي بس خزانتي انا دائما هيك بخربها و برجع برتبها اكتر من مرة بالأسبوع
بيتدخل بشغل البيت كتير و المشكلة إنه ما بيطلب الطلب مني بهدوء
بيطلب مني الطلب و هو يصرخ و يغلط فيي
انا بحبه و ما بنكر هالشي بحبه كتير و هاد اللي مخليني اسكت بس بنفس الوقت ما بدي الحب يخليه يهين كرامتي و يجرحني
و الله دموعي ما بنشفو ليل و لا نهار و مشكلتي لما نزعل من بعض بحس حالي محتاجة لحدا يحضنني و ما بلاقي قدامي غيره بورح يحضنه و ببكي بحضنه
عمره ما صالحني دائما انا اللي بصالحه
و ما تقولولي ما تبكي قدامه و قوي قلبك انا حاولت كتير كتير بس ما في مجال
انا صارلي سنة و نص متزوجة و من يوم ما تزوجت و انا على هالحال كل يوم بكى و دموع و قهر و ظلم و نكد و مشاكل ما شفت يوم حلو و الله
امبارح ابوي اتصل فيي و قاللي بدي تروحي مع مرتي على الصالون اللي بتروحي عليه عشان تقص شعرها و روحي معاها و بدي تقصي شعرك على حسابي
يا الله شو بكيت و تعذبت مع زوجي على هالمكالمة
يا ريته ابوي ما اتصل و لا قاللي
زوجي عمللي مشكلة كبيرة و فكر انه ابوي بهالشي بيقصد مثلا انه زوجي حارمني او ما معه لحتى اقص شعري او شي
و الله ابوي ما هيك قصده بس اي اب عادي بحب يعمل هيك شي لبنته يعني ما غلط
و قال كان لازم ابوي يتصل فيه و يستأذن منه و ما يسألني أنا
هلأ لو بدي احكي الباقي ما بخلص بس باختصار انا ابوي قاللي اي شي او اي مشكلة بتصير ما تخليه يهينك و يذلك بتتصلي فيي و بتقوليلي لحتى يعرف انه في وراكي حدا
بس انا ما بتصل و لا شي لإني خايفة أتطلق
طبعا مش خوف من الطلاق و لا شي بالعكس الطلاق أرحم بس علشان ابني مين بدو يصرف عليه ؟؟
ابوي متزوج من وحدة تانية و مش عايش مع امي و ما بيصرف عليه
وامي بيصرف عليها اخوي و هو هلأ خاطب و اذا رحت له انا و ابني عمره ما رح يتزوج لإنه اصلا خطب بقرض من البنك و لولا هيك كان عمره ما خطب
انا بالجامعة لو تطلقت مين رح يكملي دراستي ؟؟
قولولي شو اعمل احكي لأبوي يريحني من هالعذاب و الا اسكت و اصبر ؟؟؟
انا كل ما جيت بحكي بتذكر انه ربنا قال اللي بتطيع زوجها بتروح عالجنة و بسكت
بس ربنا بنفس الوقت ما قال خلي زوجك يذلك و يهينك و اسكتي صح كلامي و اللا لا ؟؟
و كمان بكرة العيد و ما بدي اعمل مشاكل على وجه العيد و الناس يجو عندي بالعيد ما يلاقوني و الكل يعرف بالقصة
ساعدوني
الله يوفق كل من بترد علي و بتساعدني
