انا بصدد انشاء صالون نسائي راقي تفضلي واكتبي ماتتمنينه في صالونات التجميل..

[ملكه زماني]

الله يوفقك

 

[عسوله معسوله]

الله يوفقك ويسهل عليكي ورأي زي باقي الاخوات الاهم نظافة المكان و الراحه وتعامل الموظفات الراقي واكيد تجنب المحرمات عشان يكون التوفيق من رب العاملين .

 

[كويتيه كيووت]

نا الصراحه مره دخلت انا ورفيجتى صالون اووووووووووووف تخيلى كان الاثاث كله من ايكيا وكان فيه كل الالوان حيل يشرح الصدر وتحسين نفسج مستانسه. وانتى تعرفين ايكيا كا حيلن شكله عصرى ؟ والى لفت انتباهى المرايا الاثاث الاوحات؟ والشى المميز اللى فيه غرفه المساج كانت وحده اسيويه تسوى مساج
اتمنى انج استفتى منى
ثــــــــــــــــــــــانكس

 

[الاميره..]

الله يووفقك ياارب
والخوات ماقصروا كفووا ووفوا ..
الله يتمم لك على خير .. وانا متأكده بإذن الله انه راح يطلع رووعه لرووعتك
مووووووفقه ياقمر

 

[حلا العرب]

دلووعه ممنوعة

فديتك ... اتصدجي إنه حلم حياتي أني أفتتح صالون نسائي... أو بالأخص (سبــا)

بس حاليا المادة ما اتساعدني :dunno:

عموما أخبرك شو أفكاري...

أولا صالونك لازم يكون له شعار
أنتي تكوني مؤمنة فيه و تتبنيه
مثال:
* خدمة راقية و أسعار مناسبة
* أنتي أميرة معنا

وحاجات كذا
يعني الوحدة تجي تدلل عندك... و راح تضمني انها بترجعلك

أنا أحب التخصص في شي معين (مثلا سبا للعناية بالجسم فقط... لا ميكب و لا استشوار )

النظــــــــــــــــافة

الطاقم لازم يكون رووحه مرحة

الابتسامة على الوجه ما اتفارقهم ....

اتحطي موسيقى ريلاكس.... هذه تهدي الأعصاب... الخاصة بصوت البحر و العصافييييييييييير

يااااااااااااااي روووعه

الشمووووووووووع وحميمية المكان

التكييف شغال... بس دفء رهيب في المكان...

أي وحدة اتخلص مساج أو أي خدمة ( ممكن تحصل خدمة تقديم الشاي الأخضر فقط.... )
لأنه عندك رسالة فأنتي بدلعيهم...

يعني مع الشاي تقدمي مثلا وردة حمرا... وقطعة قماشة دافية عشان ريلاكس الظهر....

البنات يكونو راقيات في التعامل و اللطافة

أحلى حاجة المواد الطبيعية... اعملي خلطاتك الخاصة

البقشيش و يا ما أكثروه بيكون اذا تعامل العاملات لطيف....
خصصي صندوق و أظرف تكتب الزبونة عليها اسم العاملة اللي تستحق مع المبلغ...

يعني حااااااااااااجة رااااقية جدا..........

اللخبطة و السرعة و الزحمة تسبب نفور الزباين و أنا منهم...

الكلام الفاضي يسبب لي عدم ثقة في المكان

يعني ما أريد أطلع من بيتي و كأني داشة بيت صاحبتي...
أريد أتعامل كملكة رااااقية جدا


و عساك دايما على الخير.....................

 

[الهانم03]

اتمنى لك التوفيق والرزق الحلال

اقدر اوفر لك الرسم الحواجب
ترسمي لزبونه حواجبها وتبقى لمده شهر كااااامل وهي مرسومه ومرتبه وهذا شي جديدومميز وغير متوفير عند المشاغل

واوفر لك العكر الفارسي الاصلي اللي تبين نتيجته من اول يوم

واغراض الحمام المغربي من مصدرها الاصلي

واشياء جديده ورخيصه ومميزه اذا اردتي ذلك راسليني وانا بالخدمه خصم خااص لطلبات الكبيره والعروسات​

 

[(Shadow)]

موفقه يااارب

 

[امها دلعتها]

انا دائما اتمنى اذا رحت المشغل يكون فيه شوية خصوصية بين الزباين ..يعني تكون الزبونة محاطة بسواتر .. موشرط جدار لأ يكفي ساتر زجاجي انيق او خشبي بحيث تتمتع بالخصوصية شوي مو كل من دخل شافها وعرف وش ودها تسوي.. احيانا احس اني بمدرسة مو بمشغل ..واحيانا يدخلون معارفها وانواع الاحراج..
انا صراحة لو لقيت هالشيء باي مشغل بالرياض كان اعتمده ولا رحت غيره حتى لو غالي..المهم اني مرتاحة واتمتع بكامل الخصوصية
الله يوفقك يارب..اذا فتح مشغلك اعزمينا عاد .. بنصير زباين...

على فكرة باي مدينة ناويا تفتحيه؟؟

 

[strwbarry]

الله يوفقك ويسدد خطاك يالغاليه الاخوات ماقصروا وتقبلي مروري

 

[عبقرية منسية]

انا مع الاخت ـ امها دلعتها ـ اهم شئ الخصوصية
الي نفقدها بالصالونات
حتى صرنا نطلب كوافيرات للبيت تجنب للاحراج
من الزباين الي يدخلون الصالون ويقعدون يبحلقون فيك
والله بعضهن اقوى من نظرة الرجال
وانا اكون بكامل زينتي وهي ببرقعها ماتنزلة
والله يوفقك ويرزقك .....آآآآمين

 

[سمى نجد]

الله يوفقك يارب
والله يطعمك خيره ويكفيك شره
وانا بصراحة قعدت اقراء التعليقات واستفدت
ماشالله عليهم البنات كفوا ووفوا
بس عاد نبي نتابع معك بشرينا عن المستجدات
والله يوفقك

 

[بنت بدر]

هلا فيك اختي دلوعة ممنوعة
اعجبني موضوعك وشكلي ابلطش الطريقة لكن مشرروعي غير:a115:
ومن ناحية مشروعك
الله يوفقك ويطعمك من خيره ويكفيك شره
اذكر صاحبت مشغل كانت تقول هن وحده من العاملات ماتشتغل كثير والثانيه كارفه عمره
فصارت تحدد الراتب على حسب عدد الزبونات الي صلحتهن فسارن يتنافسن على الزبونه

 

[أشواق القلوب]

الله يوفقك يارب

 

[hwaweaih.s]

مممممممممممم

الله يووفقج يارب ويكتب لج كل خيرر

بالنسبهــ لرأي أفضل المعاملة الراقيهـ والشغل المتقن

والتخصص بعد يعني ما تجي حق الشعر تسويلي بودكير .. وحق البودكير تقص شعري

احب احس انه المشغل متخصص .. عشان نشعر نحن بالاماان

بالنسبه للصالونات الراقيهـ الي مرت علي

صالون باريس غاليري التابع لمحل باريس غاليري

كلمة روعه قليلهـ فيه ليه.؟؟؟؟؟؟

اولا شغلهم

ثانياا اول ما تدخلين جنج شيخه حادره عليهم تجي موظفه معها مثل الاوراق تسلم عليج ايد ب أ ايد

تسالج اذا انتي يديده .. او عندج موعد .. ذاك اليوم اختي كان عندها موعد وانا اول مره بصراحه ادخل

ف دخلت اختي على الحجره الي بتسوي فيها شعرهاا

اما انا سحبتني وقالت لي بما انج يديده بنسويلج توور .. يعني جوله

بصراحه مشغلهم كان كبيررررررر

وتمت تقولي وتفهمني وتتفحص شعري وتقول يلبق لج جيه وجيه

ويعني تعطي نصايح على المجاان .. احب الي عندهم تعامل

بس انتبهي لا تكون الموظفه نشبه هههههههه

يعني تتدخل بالمعقوول

وبس

وبالنسبهـ للميك اب اذا ودج تراني ميك اب ارتست :$

ودام مشغلج ف الدماام .. وانتي من هالمنتدى العزيز علي

يشرفني اكون وحده من الطاقم اذا ما عليج امر << طراره وتتشرط خخ

يله بشرينااااااااااااااااااا

 

[هيل وقهوة]

رأيت مشغل بنفس شارع فيه تقريبا ثلاث مشاغل بس سبحان الله أرزاق هاذا المشغل هو الوحيد بذات الي عليهم زهمه جلست في الاستقبال وكانت أمامي صاحبت المشغل
فسألتها عن الأسباب طبعا انا كنت أسولف من ضمن سوالفي قلت ها سؤال
قالت أولا كنت أبتعد عن المحرمات وكنت اعاقب الكوفيره الي تسوي محرم ميرضي الله سبحانه ولا رسول صلى عليه وسلم مثل نمص - كشف العوره لأزاله شعر بعض الزبونه عادي تتعرا عشان تنضفها - طبعا ماعندي حمام مغربي او غيره لانه في كشف العوره00000000000
2-طبعا في سعر مناسب للجميع مافي مبالغه3- اهتمامي بلموضفات وبلأمانه قبل كل شيء الأخلاق
4- وجود مصلا مخصص لصلات

طبعا ها الكلام من 5 سنوات تقريبا والله كانت صاحبتها تقولي اول سنه خسرت كثير وكلما مريت علا سنه ثانيه زاد ربح
الله يكثر من امثالها ...فعلا كل ما الانسان ابتعد عن امنكرات كلما ربي يبارك في شغله ويزيد في رزقه...ياريت اختي دلوعة ممنوعة تخطين خطوتها عشان نقضي عل المنكرات ..الله يهديهم الكوافيرات اكثرهم يدرون ان النمص حرام بس يسوونه..لان الكل يسكت عن الخطا ومن كثر انتشاره صارعاد..واكثر الحريم يتحججون بانهم يسوون هالشي عشان ازواجهم والرسول عليه الصلاة والسلام يقول(لا طاعة لمخلوق في معصية الخالق)) الله يوفقج اختي

 

[سآلفة عشآق]

الله يوفقك اهم شي النظافة والخصومات ممكن توزيع مويا مجانية

 

[البنفسجية]

الله يوفقج وييسر لج ويوسع رزقج ، البنات ما قصروا ، أنا أحب في الصالون اللي أروحه توفر نوع من الخصوصية وطبعا مراعاة الحلال والحرام وتخصيص مكان للأطفال وكوفي شوب وعروض من الصالون وديكور المحل الصراحة يجذبني وألوانه وطبعا النظافة ، ما أحب انه العاملات يهتمون فيني زيااااادة عن اللزوم أحس اني متوهقة ، التجديد مهم خصوصا بالألون والتميز بالديكور، لو أضفتي بعد بضايع نسائية مثل لنجري وقمصان نوم وكريمات خاصة راح يكون صالون مثالي بالنسبة لي
والله يوفقج

 

[جراءة خجل]

الزي المووحد تبتعدين عن المنكررات

تسووين ايام الدرراسه خصم ع الخدماات
بس ايام المووسم لا ترجعين للوووظع العادي
السمعه الزينه ارضاء الزبوونه

لان بعض العاملات تزعل اذا جيتي تناقشينها عندي شي ونفسهاا خااايسه


اذا من السعووديه جيبي عاملات يضبطون المكيااج صح اهم شي الشغل السنع
بيصيروون عندك بالهبل وطبعااا اغلب العاملات اللي يضبطون المكياج من الحجاز بالتووفيق ياااااااااارب

ولاتنسين تصيميم المشششغل يكو ن رااقي

 

[\\بسمه الامل\\]

الله يعطيك خيره ويكفيك شره وربي يوفقك انشاء الله بس لاتنسيني انا ترى خبيره في عمل المكياج ورسامه برضو

 

[pleasures2]

بالتوفيق ياب