بادئ الموضوع تاريخ البدء
  • المشاهدات 1,059
  • الردود 10

@ بسمة أمل @

New member
إنضم
1 ديسمبر 2006
المشاركات
1,076
مستوى التفاعل
0
النقاط
0
مكتوب بهالمنتدى ان اسمه (((((حديث الاميرات والملكات )))) وانا اميره لا واميره فضيه بعد !! يعني من حقي اتحدث ؟؟؟





ابغى اتكلم ابغى اسولف ابغى افضفض مو لزوم احد يرد علي لكن ملزومين ياللي تقرون كلامي هذا تدعون لي بالتوفيق ايوه ملزومين لاني اختكم المسلمه ؟



احس راسي بينفجر فيني بكاء كثير وعيا يطلع من راسي فيني الم لالالا فيني انفجار اي والله انفجار تعرفون الابريق لما تحطين فيه مويه ويبدا بالغليان ايش يكون حاله ؟؟؟ لالالا اقرب من كذا واوضح اكيد كلكم شفتوا افلام لبراكين في بدايه انفجارها كيف تكون ....................




هـــــــــــــــــــــــــــــــــــــــــــــــــــــــــذا بالظبط بالظبط اللي احسه بصدري اللحين ...............................



كلش صراع كلش جهاد كلش تعب تعب تعب تعب تعب ...............



ياربي مافيه سلام ســـــــــــــــــــــــــــــــــــــــــــــــلام هدوء سكينه راحه محبه صافيه ؟؟؟؟؟؟؟؟؟؟؟؟؟؟؟؟


الزوج ــــ جبهة قتال ـــ لازم تكونين منتبهه لها دايم علشان ماتخسرين هم ونكد .. ياربي


العيال اهــــــــــــــــــــــــــــــــــــــــــــــه منهم تعب هم تعب هم تعب هم تعب هم مامنهم راحه ابد مامنهم راحه ابد مريض عل قلبس بالخوف عليه وبنكده وهو مريض طيب وصحيح حفر كبدس بعناده ودلعه وخرابه ................


البيت وااااااااااااااااااااااااااااااوه الا البيت كله تعب وبس


وتقولون كوني انانيه هالكلام تقدرون انتوا تسوونه لان عندكم شغالات وسواقين وفلوس ورجاجيل يوافقون لكم تروحون مع اي احد واحنا يهالتعبانين مالنا الا نقرا ونموت بالحسره.....................



ودي ارووووووووووووووووووووووووووووووووووووووح في جزيره خاليه مافيه مخلوق


لو اني اظمن الجنه ـــ لكني اعرف نفسي مقصره ــ كان تمنيت اموووووووووووووووووووووووووت


رجاء لاتقومون تنصحون فيني احسن علاقتي بربي الحمد لله مصليه وموديه فرضي



واذا جاء على التفلسف فانا اكبر متفلسفه على وجه الارض كل الكلام اللي ممكن تقولونه لي انا اعبر فيه احسن منكم



بصرااااااااااااااحه انا منتهيه ......لا الا قربت انجن اصير ...........مجـــــــــــــــــــــــــــنونه رسمي؟؟؟؟؟؟؟؟؟؟؟؟



:icon1366: :icon1366: :icon1366:
 

aldana

New member
إنضم
5 ديسمبر 2006
المشاركات
1,271
مستوى التفاعل
1
النقاط
0
وسعي صدرك حبوبه ..........................
على فكره توني داعيه لك بالتوفيق :)

شكلك والله أعلم نمط شخصيتك جنوبي مع وقف التنفيذ ههههههههههههههه صار عندي خبره بالشخصيات كلها وأدمنت على تحليلها

خليني أبربر هنا ...وأنا بعد من حقي أسولف حالي حالك .

ترى كلنا نمر بضغوط يوميه ومستحيل يخلى الأمر من منغصات الحياة ومرات تزيد ومرات تنقص وهذا حال الدنيا .

بس وشو اللي يخفف عنننا بعد الله ؟

التــــنفيــــس وعدم الكبـــت .

الكبت معروووووف يولد الإنفجار .... وفي حالة غليان الإبريق ....معناها الوضع أسهل بكثييييييييييييييير من قدر الضغط ...

على الأقل في مجال يدخل هواء ...وتلقين الغطاء يرقص من الغليان وهذي ظاهره طبيعيه نوعاً ما

البلا لو طالت مدة الغليان ...وجف المااااء ... وش يبقى ؟؟؟

يبقى إبريق فارغ بيصير أسود مع الوقت . الحمدالله رب العالمين .... ماكان قدر ضغط وأنفجر إنفجار هااائل ممكن يصيب كل من حولك بالأذى ..


معناها غليانك هذا ....مارح يأثر على أحد غيرك ...وبالنهايه وش مصيرك ؟؟

إنسانه تالفه نفسياً غير صالحه للإستعمال . نفس الإبريق الأسود التالف .

ونستخلص من تجربة الإبريق الأسود قانون جديد ( إغلي تحترق وحدك ... إضغط و ستفجر كل من حولك )


يا عزيزتي الغليان شي طبيعي و لكن إذا زاد عن حده مثل أي شي ثاني ممكن ينقلب ضده ...

ليش ما نكون متوازنين ..!! نعرف نوضع حد للغليان اللي فينا .... وليش ننتظر أحد يطفي النار من تحت الإبريق ؟

** لو أنا بمحلك وش ممكن أسوي في حالتك ؟

وياكثر ما تمر علي حاله مثل حالتك بالضبط .... أول شي أقنع نفسي أني اليوم مبسوطه ....أبعد عن نفسي الشعور الإنهزامي وأتجاهله ...

حتى أوفر طاقتي للتفكير بالحل .

أبتعد عن مصادر القلق والنكد ...أصرف العصافير الماصخه الدلوعه (الأطفال) وأشوف نفسي ... أنا وش أبي وكيف ممكن أساعد نفسي .

أحدد النقاط وأسجلها على الورق ...وأطرح عدة حلول مرضيه لكل نقطه ... (لازم عدة حلول )

بعدين أشعر أكيد بسعاده مؤقته وهذي اسمها ....الأمـــــــــــــــل ( وخلي أملك بالله قوي )

بعدها أتزين وأشوف نفسي وش حلااااتي قمرررر بسم الله علي ...

أنادي أبو العيال وأقوله هذا اللي عندي ... يبي يقول ... بس ما يصير ........أقوله عندك الحل الفلاني والحل الفلا ...وعطني رأيك الآن . أو أعطيع فرصه للتفكير بعد ما أشوفه مستعد للتفكير طبعا وفي ملامح اقتناع مبدئي .

أتركه يومين ...وأرجع أسأله .....وأستمر أسأله لحد ما أوصل لطلبي .


*** همسه أخيره

ما ضاع حق وراه مطالب .
 

@ بسمة أمل @

New member
إنضم
1 ديسمبر 2006
المشاركات
1,076
مستوى التفاعل
0
النقاط
0
فعلا ماضاع حق وراه مطالب


اللي انا مقهوره منه ليه انااعطي كل الحقوق بدون مطالبه

ولما يجي على حقوقي احتاج اطالب فيها !!!!!!!!!!!!!!!!!!!!!!!!!!!!!!!!!!!


دنيا دنيئه ..................................................................فقط ياااااااااارب
 

الدانه

New member
إنضم
20 نوفمبر 2006
المشاركات
133
مستوى التفاعل
0
النقاط
0
عسى ماشر يالحياه اسمك الي مختارته عكس الكلام الي قريته ليه هالتشاؤم كله حبيبتي الدنيا حلوه بس نفهمها كلنا جنس حواء نمر بنفس الحاله بــــــــــــــــــس حبيت اقولك شي الكتمان يولد الأنفجار شوفي عدل الأخت Aldana شنو قالت وقريه على مهلك ومراح يقصرون البنات غاليتي
هذه وصفتي السحريه لك انا مجربتها لما تجيني هالحاله مادري شنو اسوي ودي اصيح مضايقه من شو مادري احس الدنيا مسكره بويهي والله انا مأهديج يعني ماريحج بكلام بس
اسأل مجرب ولاتسأل طبيب الحين توضي وصلي ركعتين وعليج بسور يــــــــس واستغفري الى ماتحسين انج تعبتي خلاص وراح اتحسي بفرق (الآ بذكر الله تطمئن القلوب) واذا قدرتي عليج بسوره البقره41 يوم وانشاءالله ماتشوفين الاكل خير
 

aldana

New member
إنضم
5 ديسمبر 2006
المشاركات
1,271
مستوى التفاعل
1
النقاط
0
فعلا ماضاع حق وراه مطالب


اللي انا مقهوره منه ليه انااعطي كل الحقوق بدون مطالبه

ولما يجي على حقوقي احتاج اطالب فيها !!!!!!!!!!!!!!!!!!!!!!!!!!!!!!!!!!!


دنيا دنيئه ..................................................................فقط ياااااااااارب
لأنك ........ تقدمين لغيرك ولا تقدمين لنفسك ....عارفة الإيثار ؟ أنت مثال حي للإيثار ..


ما أقول أنها صفه سيئه ولازم تتخلين عنها !! لاااااااا بالعكس صفه رائعه وتميز صاحبها ..

بس خلك معي شوي ......


صفة الإيثار تحديداً مستحيل نصنفها على أنها صفة أساسيه ونعيش على أساسها ...

لأن بهالحاله نكون ساذجين ...وبتضيع كل حقوقنا أكيد .

الإيثار لازم يكون بنسبة قليله عشان غيرنا يشعر فيه أولاً ...وعشان نتمتع بصحه نفسيه سوية


لا توهبين نفسك للي تحبينه .... وأعطيه على جرعات ....لأن الدواء إذا شربتيه كله مارح يفيدك بالعكس بيمرضك أكثر
أما لو أخذتيه على جرعات ... بتستعيدين صحتك بشكل أفضل .

قدمي تنازلات ...بشرط @ أن يعرف الشخص المقابل أنك قدمتي التنازل وأنت على علم بحقك ....وليس سذاجه أو إنهزام .

المرأه بمجتمعنا خصوصاً .... تتغاضى عن حقوقها في سبيل إسعاد الرجل .... حنا ندعم الرجل ...وبنفس الوقت ننتظر دعمه ....والنتيجه تكون

رجل أناني وزوجه واهبه حياتها وكل عافيتها له . وليته مقتنع ...إلا بالعكس ........ ينظر لك على أنك أداة تصدير وغير قابله للإستيراد .

و بعد ما تضعفي وتنهزمي وتنكسر قدراتك على العطاء .... سيحكم عليك بانتهاء صلاحيتك ...

ومي هي المرأه التي لا تحتاج لدعم الرجل ؟ من هي المرأه التي بإمكانها التصدير طوال حياتها بدون أن تستورد ...

يا شيخه حتى أكبر الشركات العالميه ضروري تستورد عشان تصدر ...ولا بضاعتها بتنفذ وتتوقف عن التصدير .... ذيك الساعه حالها بيوقف

ومستحيل أحد يلتفت لها .


همســــــــه *******
إلى كل من هم مثلي من جنس حواء ....

حتى تنجحي في حياتك الزوجيه .........بعد أن تأسسوا الشركه الزوجيه ...استوردي من زوجك الحب والدعم ...علميه على العطاء ...

حتى تتمكني من تصدير حبك ودعمك ...وبالتالي لن يكون عطاء إلا بعد الأخذ ...

لا تشعريه بسذاجتك وتبدئي بالإيثار ..... إقبلي بقليل من التنازلات ولكن بعد توضيح وجة نظرك وسبب قبولك ....

كوني واضحه مع نفسك أولاً ....ولا ترضي إلا بما يرضيكي فعلاً . أو عقد إجتماع طارئ لإقناع أحديكما .
 

@ بسمة أمل @

New member
إنضم
1 ديسمبر 2006
المشاركات
1,076
مستوى التفاعل
0
النقاط
0
الدانه الله يجزاس الجنه ...........تقريبا سويت مثل ماقلتي وصدقيني مفعولها معاي مثل السحر صدق ارتاح لكن احيانا يكون التعب اللي حوااااااااااليك كثير .............................


aldana..................................................


والله انكي بارعه بالفعل ....................................اشكر لكي الوقت الذي اخذته منك ..............



اشكر لاناملك الجهد الذي بذلته في كتابة الردود علي ............................


اشكر لروحك الجميله بالتفاعل مــــــــــــــــــــــــع >>>>>>>>هذرتي<<<<خخخخخخخخخخخخ



عزيزتي كلامك رائع بالفعل اشكرك عليه مرة اخري
 

aldana

New member
إنضم
5 ديسمبر 2006
المشاركات
1,271
مستوى التفاعل
1
النقاط
0
عزيزتي .... بل أنا من يشكرك على حسن تقبلك لهذرتي هههههههههههه

والله يا أختي الغاليه أني أكتب الرد وأنا في قمة سعادتي ...لأنني أحب الهذره فهاتي جديدك خلينا نسولف حنا ...ما إسمنا إلا أميرات .. ههههههه
 

@ بسمة أمل @

New member
إنضم
1 ديسمبر 2006
المشاركات
1,076
مستوى التفاعل
0
النقاط
0
الله يسعدك يارب عالهدره اللي تهبل ......................


بس تبين الحق كلامك مرتب جدا ومنظم وتوصلين المعلومه بطريقه ((( سهله ومختصره ومقنعه ))))


ماشاء الله تبارك الرحمن ...............


عندي موضوع بالاستشارات العامه .. احتاج لــــــــــ هدرتك !!!!! فيه >>>>>>>هههههههههههههه


الا على فكره متزوجه انتي ؟؟ وكم عيال عندك ؟؟اكيد اذا كانت الاجابه نعم !!! ومن وين انتي ؟؟؟ وهل انتي موظفه ؟<<<<<<<<<<<<خخخخخخخخخخخ حرمه وانفتح لها باب سوالف ..خخخخخخخخخخخخخخ
 

aldana

New member
إنضم
5 ديسمبر 2006
المشاركات
1,271
مستوى التفاعل
1
النقاط
0
يا قلبي كم حياة عندنا .....؟ هي وحده بس مالنا غيرها ...تامرين أمررر يا قمررر

شوفي يا عزيزتي أنا متزوجه وعندي ثلاث أولاد وعسوله وحده
وانا طال عمرك سعوديـــه ... في الرياض ..

ووظيفتي هم عيالي الله يخليهم ويحفظهم . ويصلحهم .. تخرجت من علم نفس الطفل ... وأعشق شي اسمه طفــــــــل ...أعشقهم بجنون .

لدرجة أني أحب أي شي صغير ... لو ملعقه صغيره أنهبل عليها هههههههه حتى الخداديات الصغيره أشتري منهم بالهبل ... في هسترة بعالم الطفوله هههههه

واموووت على علم النفس عموماً وأغلب وقتي أبحث بالنت عن مواضيع تخص علم النفس ..والتربية . والعلاقات الأسرية .

أعشق النقاش في المنتديات ... وقرائة المواضيع الهادفه .

وهذا أنا بكل وضوح ...عرفينا بنفسك لا هنتي يالحياة .
 

قلب حر

New member
إنضم
19 نوفمبر 2006
المشاركات
1,823
مستوى التفاعل
0
النقاط
0
اختي الرائعة حياة .......يكفي اسلوبك الحلو في الكتابة ....لكن نحن وانت نحتاج لوقت خاص نتأمل في حياتنا ونستمتع بما نحب ...وسيخف التعب الذي تحدثت عنه ...ولا تنسي الاجر الذي ستحصلين عليه ان شاء الله .........شرح الله صدرك ويسر امرك ...انا اشعر تماما بماتشعرين به انه شعور مميت ...لا تنسي انك اميرة .واي طلب احنا حاضرين .................
 

@ بسمة أمل @

New member
إنضم
1 ديسمبر 2006
المشاركات
1,076
مستوى التفاعل
0
النقاط
0
حياس الله ياقلب حر في موضوعي ...... واثابني الله واياك الاجر .... تبين الصراحه هذا الشئ داااااااااايم انساه وماطبقه (((( اللي هو مساله احتساب الاجر ))))))))))) الله يسامحني ويعيني على نفسي .....كلامك اسعدني جداااااااااااااااااااااا

ياحياالله >>> الدانه بالعربي <<<< ......................


اخجلتيني عزيزتي .............


ماشاء الله عليك تبارك الله الله يهنيك ويسعدك يارب حقيقه شخصيه متالقه ........................


ابشرك الحمد لله انا اهدا هذي اليومين .....اخذت لي دفتر جديد وكتبت فيه اللي ابي ............ وارتحت فعلا ............


كتبت سلبياتي واتهاماتي لنفسي في ورقه ثم مزقتها اربا الى قطع صغيره جدا ورميتها في سلة المهملات ...ارتحت ..


كتبت الذكريات الجميله في ايام دراستي ..كتبت اسماء صديقاتي ..يااااااه كانني اعيشها .... وارتحت ...


استحميت واستشورت شعري ولبست وتكشخت كاني باطلع وماني طالعه فقط عشان نفسي ...وارتحت ...



.......................سويت اشياء كثيره وعقبها ارتحت .. وهذا في الغالب مايحصل دائم ..

لكن الجديد انني كتبت لكم في المنتدى ............. وربحتكم وربحت >>>>>هدرتي معكم <<<<<<هههههههههههههههه


عزيزتي تحليلك لشخصيتي صائب فانا شخصيه جنوبيه احب العائله والجو الاسري ولكن مايؤرقني ويتعبني المشاغل الكثيره ومسؤليات البيت والغسيل والكوي والــــــخ .... وتنعكس على وضعي بشكل عام ...........

ام لثلاثة اطفال والرابع بعد 7شهور ان شاء الله قادم اكبرهم توه اول ابتدائي ...........

سعوديه من دار ابو متعب ربي يطول بعمره الرياض .>>>> يعني احنا جيران <<< لاتكونين جارتي صدق <<<خخخخخخخ



ربة منزل ....ولا ادري لماذا اتضايق من هاذا السؤال عندما يوجه لي ومع ذلك يكون من اوائل الاسئله اللي اسئلها للناس؟


واللحين ماعاد اقول الا >>> ســـــــــــــــــــــــــــــــــــــــــــــــــــــلام ...........
 

المواضيع المتشابهة

المواضيع المتشابهة


كلمة المدير

جميع المواضيع والمشاركات المكتوبة تعبّر عن وجهة نظر صاحبها ,, ولا تعبّر بأي شكل من الاشكال عن وجهة نظر إدارة المنتدى .

عن منتديات نسوة

نسوة أكبر تجمع نسائي في العالم العربي لكل ما يخص عالم حواء والحمل والولادة والزواج والثقافة الجنسية والسعادة الزوجية وطرق الجماع وقصص وحكايات رومانسية وتسريحات وكياج لكي أن

تابعنا على المواقع الاجتماعية


إتصل بنا

 

أعلى