انا اللي كنت اعتقد انه اهون لو يموت ولا يتزوج علي ,, لاتبكون عند قراءة موضوعي

[دلوعـــة نجـــد]

ايــــه انا كنت أقول لو يموووت اخف علي من انه يتزوج​

,,,,,,,,,,,

لكن لاأنسى هذيك الليلة اللي تأخر فيها عن وقته المعتاد​

يعني هو بالعادة يجي الساعة 10 او 11 لكن هاالمرة تأخـــــــــر الى الساعة 1​

واتصل عليه مايرد واتصل بجوالة الثاني مايرد واكرر الاتصال ماااااايرد << ماهي عادته مايرد​

طبعا انا لضعـــــــف موقفي ولأننا بالليل ولوحدي لاصوت ولا شي والحالي بالغرفة قلت اكيييييييييييد فيه شي ,, الا تأكدت انه فيه شي
ومادريت الا انا قاعدة ابكــــــــــــي​

وقعدت افكر كيف حياتي بعده وكيف مصير الجنين اللي ببطني​

تذكرت وحنا نتجادل بالإسم واقول له لا ماابغى الاسم هذا وطااااوعني ماسمى عشاني​

وتذكرت وهو متحمس متى اولد​

تذكرت يوم كان يقول لي شكل النونو بيطلع عليك وقعدنا نضحك​

تذكرت يوم كان يقول لي اخاااااااف تنسيني اذا صار معك طفل واقول له انا بكل دلع اكيييييييييد بنساك ساعتها تضايق شوي وانا مبسوووطة ماهمني
تندمت اني قسيت عليه بذاك اليوم​

تذكرت هداياه​

تذكرت حنانـــــــه​

تذكرت نفقته علي وكان مايقصر مع انه مو ذاك الغني

وجلست ابكيييييييييييييي وابكييييييييي​

وقعدت افكر كيف ردة فعل امه لو درت
واتخيلها وهي نايمة واقول بنفسي مادريت عن فلذة كبدها وش فيه​

وقعدت اتخيل انه صادم وخـــــــــــــلاص ماراح اشوفه ابد وماااراح يشاركني بفرحة النونو ولا فرحة البيت اللي بنستأجره لالالالالالالالالا ​

فرقااااااه صعب صعب صعب مااااتوقعت فرقاه بهاالصعوبه​

المهم اني عاااودت الاتصال ونفس النتيجة مايرد​

صارت الساعة 2​

صارت الساعة 2 ونص​

جلست ابكي مرة ثانية واتخيل كلللللللللللل شي مر بحياتنا واقول صدق الدنيا ولا شي ولا شي
يعني بطرفة عين الواحد يفقد الثاني​

خلاااااااااااااص يعني ماراح اشوفه​

مارح اشوفــــــــــه لالالا صعبة هاالكلمة​

ثيابه قدامي ومكانه بالسرير مازالت ريحة عطره عالقة فيه واشوف كتبه ومذكراته واقول معقــــــــــــــولة مو راجع لهن معقووولة​

تذكرت يوم كان يؤلمه ضهره وقال سوي لي مساج قلت لاااااااااااااا مو وقته وراااح ونام
تذكرتها ورقيت له رقة شدييييييييييييييدة​

جاني رحمة قويـــــــــة له وتحسف على كل لحضة قسيت فيها عليه​

والله تحسفت على كللل لحضة قسيت فيها عليه​

وتخيلت جنيني كيف يعيش بدون اب​

كيف يطلع للحياة وماعنده اب​

تخيلته بالمدرسة وكل الاطفال جايين ابوانهم يمرونهم وهو ينااااااااظر لالالالالالالالا​

كيييييييييييف ابوه اللي ينتظر ولادتي بفارغ الصبر مااايشوف ابنه فلذة كبده​

الدنيا مررررررررة تخووف​

وتمنيت لو يدخل مع الباب واسوي له اي اي اي شي يطلبــــــــــــه واقول سمي الولد عللللى كيفك ووو الخ​

وفجـــــــــأة تذكرت يوم كنت اقول يموت ولا يتزوج علي قلت لااااااااااااااا يتزوج ثلاااث بس اهم شي اشوفه ,, اشوف زوله اشم ريحته اشوف ضلاله​

المهم صارت الساعة 3​

وانا قلت اذا صارت 3 ونص ماراح اصبر بتصل ع واحد من زملاه واسأل عنه والا احد اخوانه​

المهم صارت الساعة 3 وعشر دقايق تقريبا
سمعت صوت الـ​

.. سمعت احد يفتح الباب​

خفت​

من ذاااااااااااااااا ؟​

الا يدخـــــــــــــــل زووووووووجي
ساعتها انهمـــــــــــــــــــرررت شلال دموع وجتني فرحة مااااقدر مااااقدر اوصفهــــــــــا​

قال هو: متصله علي
انا من الفرحة والشرهة عليه قعدت اهااااوش واقول ليش ماترد علي​

المفروض تعلمني اذا بغيت تتأخر​

لييييش تقلقني عليك ولاترد​

هو قعد يعتــــــــــــــذر ويبتسم​

وانا مازلت متشرهة مررررة عليه وخانقتني العبرة​

وعدت الليلــــــــــــــــة على خير​

فأنا اقول لكل زوجة لاتتكبرين ابد على زوجك واعرفي قدر زوجك واحتسبي الأجر في طاعته​

تحياتي​

 

[الملكة ع]

جزاكي الله كل خير

كلامك صحيح
الله ياجرنا ويحفظ لنا أزواجنا

 

[خاطري خاطر وبس]

كلامك درر بس المراءه لانها تحب انها تكون الوحيده في حياه زوجها ماتحب ان ايا امراءه تشاركها فيه فتفضل موته على مشاركته باخرى ..بس حرام ايش ذنب اطفاله اللي بينحرمون منه ولا امه اللي بينقطع قلبها عليه لو مات ..فأنا اايدك في انه يتزوج ولا الموت الله يطول باعمارنا على طاعته الموت صعب بالحيييييييييييييييييييييييل وكمان الزواج صعب بس شي اهون من شي ..
ربي يخليكم لبعض ولا يفرقكم ..

 

[اهـ يانفسي ـواك]

جزاك الله خير
موقفك هزني,,
لك تحياتي

 

[اميره8]

جميل كلامك
والله لا يفرق زوجين عن بعض امين

 

[روووعة انثى]

والله ان عيوني غرت بالدمع واقول يارب انها تكون نصيحه وتذكير مايكون صحيح
سبحاان

 

[الغزاله68]

هذى مشكلتنا يا الحريم
نشدب ونندب واذا صار لازواجنا شى او شفنا منهم الجفا انهبلنا
وصدق الصادق المصدوق حين قال لاينظر الله لمرأه لاتشكر زوجها وهى لاتستغنى عنه أو كما قال عليه الصلاة والسلام

 

[سـهام الجفا]

كلنا كذا يوم يتاخر نسوي البااطل ومن يجي نقلبها هواش خخخخخخخخ كفارات عشير

الله يخلي لك زوجك ولا يحرمك منه يااارب

 

[سعادتي طاعة ربي]

اختي..انتي روماانسية حساااسة وحنوونة..هذي شخصيتك..وعندك قدرة على التخيل جميلة

اتمنى لج السعاادة..والذرية الصالحة..كلامج عين العقل..ربي يوفقك

 

[ثمار]

أي والله كلامك صح وياليتنا نتعظ ههههه بس يجي نقلبها هواش وننسى حالتنا قبل
أنا صارلي نفس الموقف وكنت جايه من السوق وبكيييييييييت لما اتصل مقفل جواله وأنا بكى ودعاء ومعاهدات بيني وبين نفسي ما اتخاصم معاه بخليه على راحته وبحبه أكثر وبدلعه ما خليييت شي وبصير رومانسية هههههه ألين الفجر إلا جوالي يرن طلع هو وقبل السلام بدأ الهووواش والتحقيق
الله يسخرنا لبعض ويصلح أحوالنا

 

[سحابة السعودية]

الله يخلي كل ضعيف قويه
ويخليكم لبعض
ولايفرقكم
بس خليه بغلط عليك شوي
وتنسين خوفك عليه >>>وتحاولين تنتصرين لنفسك
وترجع حليمه عادتها القديمه
هههههههه ههههه

 

[كوب نسكافه]

الله يخلي لكل وحده زوجها ولا يحرمنا منهم

 

[-الحنان]

هذا كلمتي دايم يموت ولا بتزوج علي ومصرة الي الان

 

[كلي تفائل معاه]

وه بس ربي يخليكم لبعض
ويخلي لي زوجي ويحنن قلووب ازواجنا علينا ويبعد الكره والبغض

 

[الناصحه الامينه]

الله يسعدكم ياعمررى ويخليه لك ولعياله واوميمته
ايه كذا التفكير الايجاابى بهالطريقه تعرفين قيمته وتعرفين انه ثرروه
بس اذا سلطتى عيونك على عيوبه يكبرها الشيطاان ويخليها تكرره ولا تعرف قدر النعمه اللى هى فيها والله لو ماله فضل عليك الاانه كاان سبب فى حصولك على نعمه الاموومه وان فيه هبه من الله بيتولاك ويعتنى فيك ويرحمك ويستهلك كل مشاعر الامومه منك ويصرفها مصررف طبيعى لككاان كافيا لان تغضي الطرف عن عيوبه وترين خيرره عليك
والله لو ماكان له الا انه اعفك بالحلال عن الحراام واشبع عاطفه الحب والموده لديك
لكان فضلا عظيماا خوله لان يقوول حبيبى محمد صلى الله عليه وسلم لو كنت امرا احدا ا يسجد لحد لامرت المراه ان تسجد لزوجها
والله لو ماله عليك الا انه يصبر على سوء خلقك
وتقصيررك معه وينفق عليك من ماله ليوفر لك المسكن والماكل والملبس لكاان حقاا له عليك كبير
لا تؤدينه لو فعلت ماقاله حبيبنا محمد صلى الله عليه وسلم
لو ساال زوج احداكن قيحا وصديدا من راسه الى قدمه ثم لعقته ماادت حقه

اخيراا اعرف امرااه لم تكن تتخيل حييتى دلوعه نجد وانما مررت عليها الحاادثه بصدق
توفى زوجها بعد ان كبروا ابنائها وكانت امراه تحسن العشرره وتحفظ المعروف
والله بعد مامات بسنين جلست مع والدتى وهى صديقتها وبكت
قالت ياليته اخذ على عشرر وبقى لى

عندها عرفت ان كل ثرواات الدنيا لاتعدل ذالك العشير الذى جعلك الله لباسا له ولباسا لك لم يفصل بينكما شئ فى يوم من الاياام وراى منك مالم يرره ابوك وامك اقرب النااس لك بل ولا ابنائك
هنا تبرز وتظهر المعدن الطيبه التى لاتقع الاعلى كل طيب وتجنب كل خبيث

اشكررك شكررا جزيلاا ان قدمتى مثل هذا الموضووع
عل اختا قد شوه الشيطاان صوره زوجها فى عينيها تررى الامر من زاويه مختلفه ويصلح الله حالها وتررى النعمه قبل ان يفووت الاواان ويرحل احدهما وقد ختم ملفه مع الاخر ليفتح فى وقت لاحق عند كشف الصحف والملفاات يوم الحسااب

 

[احبةb]

جزاكم الله خير

 

[الملكــROZ ـــه]

والله ان عيوني غرت بالدمع واقول يارب انها تكون نصيحه وتذكير مايكون صحيح
سبحاان

نفس احساسي ما صدقت واجي للاخر لكن الحمد لله طلعت نصيحه

صادقه والله اختي دائما افكر لو ان زوجي يفارق الدنيا ولله اتمنى موت عيالي ولا موته والله العظيم
لان اخاف اعيش من غيره
لكن احنا كذا الحريم ما نفكر الابأنفسنا لا والف لا يتزوج ولا يموت
خاااااااااصه انو زوجي من النوع الناااااااااااادر في الرجال >>تكفين هههههه:31:من جد الله لا يحرمني منه
والله يخليه لي لا احسد نفسي عليه
ويخلي ازواجكم لكم بعد

 

[منووو أم بوبو]

الله يخليهم لنا ويهديهووووووووووووووووووووووووووووم ,,,

 

[خارج السرب]

ماشاء الله
بجد شكلك تحبيه
كلامك اثرني فيني والله
حسيت بينكم شي حلوو ماشاء الله
الله يخليه لك ولطفلك
ولا يحرمكم منه ولا يحرمه منكم
كلامك صحيح واكثر من راح يفقده اولاده

يعطيك العافيه

 

[اخاف الله...]

كلامك درر ماشاء الله تدرين انا تجيني هالحالات اذا طول بمشوار وهو معودني يكون على اتصال ابدء اتخيل هالاشياء طبعا هذي كلها من عمل الشيطان والعياذ بالله منه
الله يخلي لي زوجي ويخلي لك زوجك وكل زوجه بالدنيا عساها ماتذوق حرةغياب زوجها