flower on the m
New member
- إنضم
- 2008/08/27
- المشاركات
- 75
بسم الله الرحمن الرحيم
السلام عليكم و رحمة الله و بركاته
اخواتي الغاليات مشرفاتنا المحترمات .... اقدم بين يديكن قضيتي لعلي اجد المشورة الراجحة فانا محتاره..موضوعي من بداية زواجي كتبته في هذه المملكة الرائعة قبل حوالي 4 اشهر وهذا الرابط اتمنى اني اضعه بشكل صحيح لاني اول مرة احط رابط في موضوع...http://www.niswh.com/vb/showthread.php?t=90306
بعد تقريبا شهرين من زواجنا و بالتحديد في نهاية شهر 12 هجري انتهى عقد الشقة المفروشة اللي كنا جالسين فيها .. و تركني عند اهلي الى الان يقول ما معه يستاجر و عنده ظروف بالعمل احيانا يتركني بدون اتصالات واذا اتصلت الومه يقول ليش ما تتصلين انت انا مشغول ...اول ما تركني في شهر 1 و 2 كنت في اجازة من العمل لكن الان من شهر 3 رجعت للعمل انا في منطقة وهو في منطقة ثانية انا مو مشكلة عندي اقدر ظروفه اذا كنت مرتاحه ل و مصدقته في كلامه لكن المشكلة الثقة فيه انعدمت احس حياتي معه بنتهي باقرب وقت.. ابو تكلم له قال الوضع هذا ما ينسكت عليه ما عندك بيت الى متى كذا تعذر ان ما معاه مادة الايام اللي فاتت وانه ينوي يسكني عند بيت اهله في غرفة الين يبني لان قرض البناء جاء له الشهر اللي فات لكن ما عنده ارض والى الان احسه يبي اي فرصة و يستغلني يقول الارض عليك قلت بشرط البيت باسمي و اسمك و زعل قال تبين ضمانات انتي ما تثقين بي ... ما يدري ان الثقة انعدمت فيه من اول يوم بعد زواجنا...
اسبوع كامل ما اتصل علي ولما اتصلت اعاتبه واسأل عنه يقول المفروض انتي تتصلين اذا ما اتصلت بس هو اول مرة يغيب ما يتصل كل هالمدة .. فضفت كل اللي بقلبي له و واجهته اني ما اثق فيه و مو معقولة حتى لو مشغول ما يرفع الجوال يسأل عن زوجته و احوالها.. قال هذي ظروفي راضية فيها و بتصبرين ولا ننفصل معك شهر فكري ... انا مو مشكلة عندي الصبر اذا انسان يستاهل مو اضيع عمري عنده بدون فايدة .. اتمنى بيت واطفال و استقرار و امان و حب بس كل هالاشياء ما لقيتها عنده على الرغم انها يتكلم في كل هذي الاشياء فترة الملكة بس طلع وجهه الحقيقي الكاذب بعد الزواج ما سمعت ولا كلمه حلوة منه تخيلوا عروس ما تسمع في شهر العسل ولا كلمممممممممممة حب... صبرت الشهرين اللي كنت معاه الان انا محتاره و يائسة احس اني ودي ارد عليه اليوم و اقول بننفصل بس خايفة اني متسرعة..و خايفة اني اصبر بدون فايدة و العمر يجري. انا عمري 31 ..
الله يعافيكم اللي عندها مشورة لي والدعاء لي بظهر الغيب ان يكتب لي الله الصالح...
