راح ارد عليك اختي فجرية انا مصرية وعايشة في السعودية وبقالي ست سنين منزلتش مصر وامي ماتت وانا هنا مشفتهاش وحابة اقول لكل الي ردوا علي انا والله ندمانة وبندم في اليوم الف مرة على الي بعملة بس والله غصب عني انا حاسة بوحدة رهيبة وفراغ انا خلفت ولادي الاربعة في ست سنين لان زوجي رافض اني اخد وسيلة لانه معتبرها حرام وكنت علطول لوحدي من غير امي اواخواتي بولد واقوم تاني يوم اعمل الي ورايا وزوجي عمرة ما حسسني او عوضني بحنانه او حسسني انه حتى مشفق على وعلى حالي عارفة ان في رجالة كتير كدة ودة مش مبرر للغلط انا عارفة اني كدة بزني انا والله حتى الصلاة معدتش قادرة اصليها لاني خايفة اقف قدام ربنا انا حاولت كتير امنع نفسي وابعد بس اول ما اسمع من الشخص ده كلمة حلوة بضعف واحس اني ولا حاجة عارفة ان كتير حكمو علي اني جريئة ومبخفش من ربنا لااا والله انا مش جريئة انا اجبن من الجبن وعايشة في رعب ان جوزي يعرف او يحس بحاجة لاني والله بحبه ومقدرش ابعد عنه بس هو السبب هو صعب قوي وعلى العموم انا قررت دلوقتي حالا اني معدتش اتكلم معاه تاني بس محتاجة دعواتكم لي بالثبات على كدة والاخت الي اسمها ضوء1200القمر انا بشكرك جدا ردك كان مقنع اوي معرفش حضرتك ست كبيرة ولا صغيرة بس انا حسيت بيك زي والدتي الله يرحمها هو ده الي كان ممكن تقلهولي انا بشكرك ربنا يكرمك ويباركلك في جوزك واولادك وبقول للاخت الي قالتلي العرق دساس ربنا يسامحك انا امي كانت اطهر ست في الدنيا وهي في رحمة ربها هو هيرد غيبتها انا والله من بيت مسلم وامي كانت منتقبة وخالاتي واخواتي كلهم ناس محترمين بس انا الي ضعفت وتعبت من الغربة والخلف والعيال والاهمال الي انا حاسة بي من جوزي انا كنت اصغر اخواتي وكنت مدلعة وفجاة اتجوزت وبقى عندي اربع اولاد وزوج صعب بس اوعد كل الي دعولي بالهداية اني هاتغير وعد بس ادعولي كمان وجزاكم الله كل خير
