اناني لو شووو

[الاماني]

سلام عليكم بنات
بسالكم سوال
شو رايكم بالريال الي تعطي كل شي ووووهو مايعطيج شي اقصد زوجيج طبعا
يعني الحين احنا بفتره ملكه و عقدنا و زواجنا شهر 7
تدرون للحين ماعطاني مهري و لو طلبت منه مصروف شهري حتى احسيسه انه ريلي و مسؤل عني يقولي ماعندي و هو كل يوم يطلع كوفي شوبات مطاعم طلعات مع الشباب و يصرف باليوم 500 درهم بنات ريلي بخيل علي انا بس و انا ولله مو مقصره معه بشي ولامضايقته بشي
بنات من كثر ما اطلب منه و يقولي ماعندي او يعطيني مبلغ 100 درهم يقولي بعدين اعطيج الباقي كرهت نفسي قمت ماحب اطللب منه احس نفسي طراره ولله تدرون عمره ماتصل و قاله تبين شي تامرين علا شي بنات احس بس اقوله ادفعلي شي يجن و يتحسر
ممكن تعلموني وش اسوي ابي طريقه اعامله فيها بنفس التعامل حتى يحس علا عمره و انا كلمت اهله بس مافاد ............:no:

 

[عيون العين]

خيبه

شو يااباا يااخذج ببلالاش

ياا امي اذا للحين ما عطااج المهر ويتبخل عليج


خلاص لا تغلطين واتعرسين به من اللحين فركشي الساالفه

عنبووهاا سنه ماعطاج المهر ويعطيج 100
شوو تتشحتين منه

قهر وربي

 

[@بنت أبوها@]

إذا طبعه جيه
بلا من هذا الزواج والله يعوضج بالأحسن منه والي يستاهلج
لانه المسأله مب سهله بعد الزواج بتيج عيال ويبون مصاريف (وخاصه إذا ما كنت تشتغلين)
حرام تنظلمين وينظلمون عيالج فالمستقبل​

 

[ارياف]

وكيف يكون العقد بدون مهر؟ اجل منين بتستعدين للزواج ؟من اهلك؟
وزواجك في شهر7 ماتقضيتي شي اجل ولا فصلتي ولاتجهزتي للعرس متى بتخلصين؟
هذا من هالحين كذا
اجل بكرة بعد العرس وش بيسوي
مااقدر اقولك غير تاكدي من هالرجال قبل لايطيح الفاس بالراس
انت على البر هالحين
الله يكتب لك اللي فيه الخير

 

[مرمورة]

والله الذي اعرفه أن البخل من اصعب المراض النفسية ولاعلاج له , اما اذا كان بخله عليك فقط فهذا يعني وأنا آسفة انه غير راغب بك كما يجب ولافرحان بزواجه منك ففي الحالتين ليس لك مصلحة في اكمال الزواج
والله لو قلت حالته ضيقة ولكنه لايبخل بقدر استطاعته لقلت لك تمسكي به وخذوهم فقراء يغنهم الله
ولو كان هذا الرجل خطيبا لأختي لنصحتها بتركه قبل فوات الأوان يقول المثل عندنا ألف قلبة ولا غلبة
وانشالله رب العالمين يعوضك بأحسن منه على كل أنت استخيري ربك في اتمام هذا الزواج فهو سبحانه وتعالى يعلم الغيب
والله يوفقك

 

[الاماني]

مشكوره بنات علا نصايحكم بس المشكله انه بخله بس علي احس يوم اطلب منه كاني اخذ من لحمه لا ويقولي ان شاء لله عقب العرس بيصرف و يعيطيني مصروفي
طيب كيف انا الحين مب زوجته لو كيف الي اعرفه بينا عقد زواج لا والمهر قال ماعندي بالاول و اهلي ماطلبو منه الا الشي القليل لان قالو حرام طلبنا بس 50 الف تخيلو بالاول رضا يعطيني بس الحين يقول مهرج 20 الف غيره ماعندي زين شسوي
لا وللحين مو محدد بالضبط متى زواجنا و اهله مشكله ثانيا بعد ابوه مب راضي علا زواجنا و قال ولا احد من خواته يحضرون العرس زين شلون كيف اتصرف
بصراحه حايره و كاره عمري ولله اطلبب منه احس روحي اتشحد منه

 

[توليب]

حبيبتي000على قولة المثل"الكتاب باين من عنوانه" واذا هذا اوله ينعاف تاليه00اجل هذا وش بيسوي بعدين اشتري راحة بالك وافسخي العقد00والله يوفقك ويعوضك احسن منه00واتخذي القرار بسرعة ولا تترددين

 

[الصبوره]

إذا تبغين نصيحتي أقولك حاليا مب من رأيي تتسرعين في الحكم ولكن لابد من وقفه ا فتحي معاه هذا الموضوع في حوار هادئ وهادف يعني تقوليله بالذي تشعرين به وتبينيله ان تصرفه هذا انت غير راضيه عنه ومخيف وشوفي شو بتكون ردة فعله إذا قالك أنا أحبك وكلام من هذا قوليله أفعالك هي التي بتبين إذا كنت قاصد هذا الكلام أم لا وحاليا إذا تقدرين وقفي شراء أغراض العرس لين ما تشوفين حل وياه. تعرفين هو يتبع معاك أسلوب التماطل عشان تحرمين مره ثانيه تطلبين لأن عرفك انك عزيزة النفس فاحذري.
أنصحك اقرأي موضوع الأستاذه موزه رضينا بالهم

 

[لولوكاتي]

اهلة ماهم راظين وهوة بخيل وتبغين النصيحة بعد واللة ياعمري مافيها نصيحة اصلا الرجال بهلفترة يلبي كل طلباتك ولاينكشف الابعدين اما هذاماخلاشي لبعدين

 

[الاماني]

هلا بنات
انا اليوم قررت اطلع معه اتكلم بالموضوع لان بصراحه مابي ادخل اهلي قلت اذا كلامي ماجاب نتيجه ادخل اهلي
بس قولولي كيف اكلمه و افتح معه الموضوع هذا ........... خايفه يفكر اني طمعانه فيه او استغله و مابي احس اني اطر منه طر
مو عارفه انا قلت له اذا ماتبيني ماله داعي تعذبني معك اتركني مادام احنا من اول الطريق بس هو يقولي احبج و من هالكلام و يقول بعضوج بعدين طيب متى بعدين اذا انت الحين كذا معي
ساعدوني

 

[ألماسة]

حبيبتي الأماني
رح أكون صريحة جدا معك وان شاء الله ما تزعلي من صراحتي صدقيني انت مثل أخت لي
انت الحب عامي عنييك وبكره بس تتزوجي رح تطير غشاوة الحب عن عنيك وتلاقي حالك امام كل سلبيات زوجك
من خلال مواضيعك هاذ واللي قبله
الصفات السلبية اللي انت ذكرتيها فقط عن خطيبك

أولا راعي بنات على قولتك ومع خطبتكم بعده عنده اتصالات ومسجات مبهمة
(وطبعا لا تتخيلي بين يوم وليلة رح يستوي الانسان الشريف العفيف) وبعدين و بيقولك انه البنات ما بتفك عنه ..... انت بتصدقي هاد الحكي


ثانيا انسان مو هالكثر مع اهله يعني كمان ولا يهتم لهم وذول اهله اللي ربوه وعلموه وصرفوه عليه وكبروه ماله ولاء لهم


ثالثا بتقولي بخيل عليك ويصرف على نفسه ولا هامه انه يحسسك انه هو بيصرف عليك حتى حقوقك من مهر ومصروف متجاهلهم مع القدرة يعني اذا يصرف 500 درهم باليوم يعني لو وفر ب 3 شهور بيعطيك مهرك وزيادة

رابعا اهل زوجك مو عاملينلك اي تعبير حتى حفلة عرس مستخسرينها فيك

اقلك الصراحة مو عارفة شو الشي المشجع بهذي الجيزة يمكن انت بتعرفي قوليلنا شو في صفات ايجابية بزوجك تخليكي تحبيه

كمان انت مثل ماقلتي طالبة طب يعني ما شاء الله عنك اكيد مستواك العلمي ممتاز لو تحسبينها بعقلك بتلاقيها جيزة خسرانه من أولها



حبيبتي اقل شي انصحك فيه لا تتسرعي في الزواج واطلبي مده اطول تنفصلي عنه هلا اهون من ما تنفصلي وانت معك منه اولاد صدقيني والحب عند اول مشكلة صدقينهي بينط من الشباك

 

[الاماني]

مشكلتي اني متعلقه فيه لان بينا قصة حب يعني احبه و ثاني شي بالنسبه للبنات الي يتصلون عليه او يرسلوله مسجات هو يقول انا ما رد عليهم يعني خلهم يطرشون كيفهم
ووووووووو ثالثا اهله بدايه قبل العقد بالعكس هم الي ساعدوه يرتبط فيني لان كانت علاقتهم مرا حلوه بس عقب ماعقدنا و خلاص صرت بسمه تغيروا
و انا ريلي هو الي بيده يعيطيني قدر لي و يخيلي اهله يعطوني قدر الشي بيده

 

[زهرة البوادي2006]

اختي هذا من اول شي بخيل لا وبعد ما دفع المهر ويش هذه الحالة وبعدك تنتظري من هذا الشخص شي ارجوك اختي لا تكملي معه هذا شكله مو بزواج ولا مسؤلات اسره احنا عندنا مثل عند الخطبه اللسان رطبه لكن زوجك من اولها هذه صفاته نصيحة انفصلي عنه والله يعوضك خير منه الا اذا بغيتي تكملي وتتعبي نفسك والله الموفق

 

[الصبوره]

حبيبتي خلي الريال هو اللي يسعى لنيل حبك ورضاك مب انت بتنازلاتك وكل شئ يبدأ من البدايه فإذا تهاونت عن هذه الأمور قد ينتهي بك المطاف لا سمح الله إلى ما معظمنا وصلنا إليه .حبيبتي فكري وفكري وفكري ترى هذه حياة زوجيه مب يوم تقضينه مع انسان وخلاص.

 

[سلسبيل]

اختي

فترة الخطبة هي دراسة للطرف الاخر.. وليس للوقوع في العشق والحب

تدرسي منه ان كان يستحق ان تقضي معه بقية حياتك!!!!

في الخطوبة.. افتحي عينيك واذنيك جيدا !! جيدا!!

وبعد الزواج.. افتحي عينا واغلقي اخرى..

انت هنا تفعلين العكس!!

وفقك الله في زواجك او عدم زواجك!!

 

[بدار]

أختي الغالية ..

عسى الله ييسر أمرك ، ويرشدك للصواب .

أهم شيء صلي صلاة الاستخارة حبيبتي ؛ فالله أعلم بما فيه الخيرة لك .

وكثري من الاستغفار ؛ ففيه فرج لكل هم .

وأتمنى تكتبي بقائمة بإيجابياته ، وسلبياته ، ورجحي الكفة . والبنات ما شاء الله ساعدوك بمجموعة من النقاط .

وأخيرا .. اقعدي مع نفسك ، وتخيلي أنك نحيت قلبك بعيد ، وخليت عواطفك على صوب ، يا ترى شنو بهالحالة رأي عقلك ؟​

أتمنى لك التوفيق ​

 

[عســـــولة]

بصراحة رفعتى ضغطى الله يهديج

اغلب اللي ردوا عليج ما شاء الله خبرة سنيييين زواج يعنى مو توهم بفترة الملجة

يعنى ياختى انتى توج في البداية الله يعوضج بأحسن منه ،، واذا اهله مو راضين انسي تعيشين مرتاااااحة

اتمنى تتفهمين وجهة نظرنا مو كل شي بالدنيا الحب؟؟؟؟؟؟

 

[سمينة طيب]

عزيزتي هذا كشف لك نفسه في الملكة و قبل الدخلة بأنه:
1. بخيل
2. ماعنده ذمة... و الا اشلون يكتب كتاب بدون مهر ؟؟؟
لحقي نفسك و صارحي اهلك بسرعة و الا ترا يسويها و يقول ماتزوجك الا لما اتدفعين لي انتي المهر

 

[أم هزاع2]

حبيبتي أنا أقول تكلمي معاه بصراحة و فهمي منه كل شي و ليش يتصرف هشكل يمكن في شي انتي ما تعرفينه وصدقيني انتي الوحيدة ألي تقررين اذا تستمري معاه ولا لا . الله يعينج وينور طريقج.

 

[الاماني]

هلا بنات
مممم طلبتو مني ايجاببيات ريلي و سلبياته
ايجابياته ممممام
حنون طيب يحبني صبور ممم طموح يحاول يغير حاله كلمته وحده مايرد عن كلامه صادق لانه من البدايه ققالي عن حاله و عن ماضيه و عن مستواه

سلبياته غامض ممممممم مشكلتي شكاكه وايد بسسب البنات الي عرفهم قبلي الي قالي عنهم احسه بخيل
اما بالنسبه للمهر هو قالي تبينه الحين لو بعدين قبل العرس بشهرين انا قلت له بعدين علا طلب اهلي بس وووو بالنسبه لي انا طلبت منه مصروف و هو قالي اعطيج بس عمر ه ماعطاني الا لمن اطلب منه و اذا عطاني عطاني شي بسيط عمره ماقالي تامري علا شي فخاطرج شي مممممم


احسه عايش بحيره بسسب ابوه لان كل اهله يحبوني بس ابوه مايعرفني ولاعمري كلمته ووولدهم فرضني علا اهله لان هو اختارني بس امه حبوبه بس احيانا تقط كلام
امه اخر مره طلبت مني اجي مع ريلي و اتكلم مع ابوه بس المشكله بنات ماعرف وش اقول و لو جرحني كيف برد عليه انا لازم اصلح الموضوع لا ن ريلي خذني غصب عن ابوه طيب كيف اصلح بيني وبين الولد و ابوه و اخلي ابوه يتقبلني هذا الي محيرني
اما عن ريلي ترا يابنات انا احبهههههههههههههههههههههههههههههههه و هو نفس الشي و سبق قلت لكم هو ضحى بكل شي عشاني و يوم تعرفني علا كلامه عننده ديون ووو مصاريف و امه قالت محد يقدر يغير الريال غير حرمته و انتي و شطارتج مثل ماخليتي يحبج و ياخذج غغصب عن ابوه خلي خاتم بيدج بطريقتي علا فكره امه معاي و خواته معاي بس المشكله مايكدرو خواته يجون عرسي لان ابوهم حارمهم عشان كذا ابي اكلمه
علموني وش اقول انا خايفه و ماعندي اسلوب اكبم ابوه وو علموني كيف اغير طبع ريلي ترا لو هديت اموت هذا ريلي و لازم اصبر عليه و اغير بس مااطلب طلاق لا هذ ا شي حرام نصحوني كيف اقرب لي و اخلي علا قولت امه خاتم بيدي نصحوني