دمعةحزينة
New member
- إنضم
- 2010/01/03
- المشاركات
- 26
السلام عليكم ورحمة الله وبركاته:icon26:تحياتي القلبية لكن :icon26:بصراحة يابنات اتصلت عليا اخت زوجي وقالت احنا يمكن نجيكم قلت الله يحيكم طبعا هي وزجها واولادهم المهم هي بمدينة وانا بمدينة اخرى بس كل بعد فترة تجيني قلت لها قبل ماتوصلوا اتصلي يمكن اكون نايمة قالت طيب المهم وصلت وبعدين جهزت الفطور وجلست للغداء وبعدها قالت احنا رايحين الفندق والعصر نجيكم قلت خير انشاءالله لانه اخواني كانوا عندي وجاء العصرولما جات قالت ايش رايك نطلع نتمشى قلت لها والله اليوم مااقدرجاراتي مواعديني يجوني لانه كل اسبوع عند وحده قالت اجل انا اروح الفندق سالتها ليش وش صار قالت صعبة بيجوكي وانا مافحالي البس واكشخ صدمتني بس بصراحة هيا انسانة غير مبالية ولا تهتم بنفسها ابدا ودائما تقول انا اقول ليش اخوي بس لاصق عندك ومايبغى يفارقك لحظة ودقيقة وطول الوقت جالس في البيت من الدوام للبيت ومايقوى على زعلك قالت انتي ايش مسويتله مخليته متولع فيك بعدين قلت لها خلصتي كلامك طيب ادكري الله لاتعطينا عين قالت ولاتزعلي ماشاءالله يالله انا بروح قلت انا اعطيكي ملابس قالت طيب بس يابنات انا تعبت وانا انصحها اهتمي بنفسك كل بعد فترة اصبغي شعرك مافي فايدة كاني اكلم جدار مع انه زوجها يحب انها تهتم وتدلعه حتى ملابس يشري لها وادكر مرة كنت عندها وناداها مشتري لها 5بناطيل والله كلها ماركة مع بلايزهم وهدا بدل ماتشكروا تقول انته ماتعرف تشتري ومضيع فلوسك على تفاهات ترى هيا ماعنده دوق في اللبس اي حاجة تلبسها مايهمها حتى اداخرجت اوقات تفشل ومرة صبغت لها شعرها وسويت لها سيشوار زوجها انهبل تدرون وش قال لها ياليت حرمة اخوكي عايشة بنفس المدينة واحين بينهم مشاكل وسمعت انه بيتزوج عليها وهيا زعلانة منه حتى حقه الشرعي ماتعطيه اقولليش تقول طفش بس فالح لهدا الشئ قلت من ابسط حقوقهبس جابتها على راسها حتى اشتكت اخوها وتعرفواايش قل لها من حقه الرجال يبغى وحدة تهتم فيه يبغى يجي البيت يلاقيه نظيف وللعلم الله يصلحها بيتها مومهتمه فيه تخيلوا مره كان عندي موعدمستشفى ووديت ولدي عندها فتحت الباب وشعرها منكوش وملابسها مبهدله قلت زوجك شوي ويجي قالت ايوه على وصول قالت ليش قلت روحي رتبي نفسك حتى لوجاء ينسط لما يشوفك كاشخة صعقتني بردها متعود يشوفني كده واللي انا مستغربة منه طيب ليه زعلانة لانه بيتزج انا نفسي اساعدها واخرجها من الهمجة اللي فيها يمكن تستغربوا سر اهتمامي بصراحة لها مواقف كثيرة معايا ماقدر انساها لها وثاني شئ افكر باولادها انهم ممكن تتعب نفسيتهم لانهم مرة متعلقين فيه بس ياليت اللي تقدر تفيدني ايش ممكن اسو ي لها واعدروني على الاطالة وشكرا:schmoll:
