ام زوجي وزوجي

[عازفة الغيتار]

السلام عليكم

اسفه بنات دايما لما اتضايق احط مواضيعي هنا بس مالي غيركم بعد الله

بنات انا متزوجة لي سبع شهور ولحد الان ماحملت

ادري انكم بتقولولون بدري بس العروستينااللي اتزوجوا معي بنفس الليلة حوامل وف الخامس ماشالله تبارك الله

وام زوجي صار لها كم اسبوع ماتتكلم معاي احنا نسكبن قبال بعض بعمارتهم

وام زوجي صارت ماتكلمني ولا تناظرلي ومسوية نفسها زعلانه وكانو لي ذنب ؟؟



مع اني ماقصر رغم اننا نتغدى عندها لكن ماحب اكلف عليها اجي واجيب الغدا معاي والمغرب اسوي حلا وكيك

ومع كذا زعلانه ماحملت وللاسف زوجي ولا هامه تصدقون بعد الغدا ينام عندها الين 10 الليل يفشلني والله يخليني اظطر اقعد الين مايصحى وان رحت لشقتي قالوا لي ايش عندك لو حدك وزوجك هنا نايم عندنا

الله يعيني عليهم للاسف زوجي اناني والله الله يسامحه

انا ابغاه يقعد مع امه وكل شي بس مو ينام ويوهقني معاه

ايش اسوي يابنات مالي غيركم بعد اللي الله ..​

 

[ميمو22]

اختي الله يعينك بس كل شي له حدود انا اهل زوجي الله يهديهم طفشوني بدايه زواجي بس قلت باختصرها وماروح لهم الا بالاعياد لاني متزوجه ابغى استقر مو اتمشكل معاهم والحمدلله خف الازعاج وانا لسى ماحملت لانه مو بيدي ولا لي ذنب وماعلي فيهم اللي بيتكلم واللي بيزعل وزوجي اهم شي عندي ..ولازم اقنعه بكلامي..

 

[عازفة الغيتار]

حبيبتي ميمو تسليمن ع الرد


لكن انا ساكنه قدامهم
وزوجي ينام عندها بالقيلوله حاولت اقنعه مااقتنع

تعبت والله لو انا بعيدة عنهم كان بيهون علي مرة ا
و اتنين في الاسبوع لكن دا كل يووووم

كلام وزوجي نايم اضطر اني اقعد الين مايصحى احيانا اتهرب بشغل البيت وروح شقتي واحيانا مالي عذر غير اني اقعد معاه

 

[ميمو22]

لا يااختي المفروض ماتجلسي تطولي عندهم قوليلهم عندي شغل البيت كل يوم انظف البيت ...وبالنسبه لزوجك انتي سوي الغداء وخلاص يجلس معاكي وكلميه قوليله انا مااعرف اتغدى برا البيت مااخذ راحتي ...انا بالنسبه لاهل زوجي ساكنين بنفس العماره بالدور اللي فوق وانا متفقه معاه يروح لهم مرتين بالاسبوع وانا كذلك عند اهلي مرتين بالاسبوع ..

 

[جود العطاء]

الله يفرج همك

 

[مهاجرةبإحساس]

أولا حبيبتي مالو داعي تتأسفين .... صراحه هالمنتدى أفادني كثير ..... ووالله كل اللي ف المنتدى اني احس كانهم صاحباتي حتى لما اكون بمشكله ارتاح لما يساعدوني ويشيرون علي.....
انتي ليه ماتغيرين مكان سكنك بأي عذر كان .... حاولي تبعدين ((خليك بعيد ,,, حبك يزيد))
واذا ع الحمل لاتقارنين نفسك بأحد لله حكمه في كل شي وعسى ان تكرهوا شيئا وهو خير لكم وسى ان تحبو شيئا وهوشر لكم..... خليك واثقه من نفسك ولا تسمحين لأي احد يستفزك .....
مثلا لو احد نغزك بسالفة الحمل قولي لاااااا لسى بدري وقولي اسم زوجك بدلع مثلا ((انا وحمودي اوعبودي او ايا كان )) انا و.......... ما نبغى اطفال الحين نبغى نستانس ونعيش حياتنا وبعدين لاحقين ان شاء الله......
او قولي لسى عرسان خلينا نتهنى .. ومن هالكلام ..
آسفه ع الاطاله لكن الله يسخر لك زوجك ويرزقك من واسع أبوابه.....

 

[شموخ ملكه]

انا مع الاخت مهاجره باحساس اولا محد له دخل فحياتكم وغيضيهم صح بذا الاسلوب وقولي بدلع انا وفلان مانبغى ذحين ولا تفكرين بغيرك ولو حسو او شفوك مهتمه بكلامهم راح يزيدون وينكدون عليك لكن قولي زي كذاوالله ينغاضون والله يعينك عليهم عمى اكره اللي كذا خليهم يكلمون ولدهم مو بس يكلمونك ولا تقعدين عندهم كثير تعذري بشغل البيت وعادي لو حسوا انك مابتجلسين عندهم شي طبيعي انك تطفشين باالذات زوجك نايم وحاولي انك تتغدي انتي وهوا لحالكم في البيت مره وراء مره يعارض بعدين يتعود دايم كل شي اوله ا و البدايه صعبه بعدين يسير عادي والله يعينك ويسهلك ويوفقك ومعليش على التطويل وشكرا

 

[wa7da co0ol]

السلام عليكم ورحمة الله وبركاته

انا مع الاخت مهاجرة وشموخ بالنسبة كيف تسحبي زوجك بعد الغدا قوليله قوم خليني اسويلك مساج في البيت او قوم عندي مفاجاة لك ترى الرجل يحب الدلع المساج او اللعب في الشعر او مساج رجول حتى وبعدهابيتعود بس الله يعينك يعني يوم خليه ينام عند اهله ويوم في بيتكم

وعادي ينام عند اهله ولايجلس على نت او برة او جوال يعني لاتاخدي في بالك هو لانه متعود على بيت اهله ولسه الزواج شي جديد عليكم انتو الاتنين


الله يسخر لك زوجك ويجعله لايرى احدا غيرك ​

 

[ندى العطر]

بصراحة البنت ماقصروا بس شوفي قبل ماتروحين قوليلة اذا تغدينا خلينا نمشي بيتنا نام مع بعض لم اشوفك نايم عند اهلك اشهتي انام بحضنك ومن الكلام الحلو تلقينة اغسل يدةبلبيت عشان مايتاخر عليك

 

[جرح الشوق]

الله يخلي البلقيسيات كفو وفوووووووو

 

[um_reem_1]

الله يعينج
لكن انصحج تحلين هذي المشكلة قبل ما يصير مشاكل اكبر

 

[الشتاء الدافئ]

غيري طبعك مهم واعرفي ان كل شي في البدايه صعب بس ترتاحين بعدين....اكبر خطأ انك تروحين لهم يوميا تدرين ليش يطيح قدرك عندهم ويستهينون فيك ...كوني حازمه ورسميه وقليلة كلام ..الا اهل الزوج الميانه معهم قوه عواقبها وخيمه ...عطي حق وخذي حق ..حاولي مع زوجك يقدر بيته ويقدرك نفع معه كان بها مانفع انتي لاتروحين ..قللي روحاتك بالتدريج ومالهم دخل ايش قاعده تسوين في بيتك .....وانتبهي تتأثر نفسيتك بتفكير ام زوجك المتخلف عشان مايتأخر حملك ...توكلي على الله موزع الارزاق واللي الله كاتبه بيصير وسبع شهور ماتعتبر تأخير ...انا بعد زواجي قعدت سته شهور وبعدين حملت والى الان ام زوجي وخواته يقولون انتي الوحيده اللي حملتي بعد السنه ..واسفهم ماهموني اصلا مااعلمهم اني حامل الا اذا صرت في السادس ...حملي وعيالي لي هم مالهم الا القرقره ...

 

[noorleady]

حبيبتي خففي روحاتك لاهل زوجك ..لان في الاخير ماراااااااااح تلاقي منهم ترحيب أوحتى هلا تدري ليه لانهم تعودوا عليك ....... عن تجربة زوجة أخوي اللى ماتجينا كثير نستقبلها واللي كل يوم عندنا تجي وتروح عااااااااااااادي
تعرفي أناااااااااااااااماروح لاهل زوجي غير في المناسبات يمكن اربع مرات في السنه ...

 

[noorleady]

وماكملتلك ....نفس معاناتك مع الحمل رغم السبب من ولدهم

 

[اصغرزوجة]

اكثري من الاستغفار ورددي دعاء سيدنا زكريا ربي لاتزني فردا وانت خير الوارثين اما بالنسبة للروحه لشقتك

قولي عندي غسيل ابا اعزل البيت وشوي شوي خلاص تقعدي في بيتك الله ييسر امرك

 

[مانقو]

حبيبتي----
اتمنى انك تنفذين كلامي--
الحمل اسمعي من اذن وطلعي مع الاذن الثانيه----
هذا مايعترض عليه الاانسان متخلف الحمل شي بيد رب العالمين-----لانا ولا زوجي الي مانعينه----------
وام زوجك خذيها على قد عقلها حتى لاناشتك في مجال الحمل لاتقولين له شي قولي الله يرزقناااااا فقط

ثانيا--حبيبتي---
كل يوم تسوين غداك وتوديه لمهم هذا غلط واكبر غلط --
سوي غداك وكلمي زوجك تبي تغداء معاي اذا ايه الله يحيك لاالله يساعدك --قولي تعال خذغداك وتغدعند الوالده
وانا اول الامر قولي ماشتهي--عندي شغل وكل يوم على هالسيره---حتى المغرب مو كل يوم رايحه عندهم------
مره فقط في الاسبوع والغداء مره في الشهر التغداء معاهم--------------
حتى لو اعترضوا او هاوشوك
ماعليك منهم هذي حياتك الخاصه ---
حلوه هذي ويش عندك تروحي لبيتك---ابروح التسدح واكل والشرب على كيفي--
بعد حطولي بيت وفيها منه بعد-----------
حبيبتي انتي الغلطانه -ليه تبدين انتي من الاساس كل يوم تاخذين غداك-وتروحين لهم حشى لو امي ماسويت لهااا كذاااا-زوجك مولازم ماتكلين القمه الى معه بالطقاق لاصار يبيني كل يوم التغداء مع اهله وتقهوى-----
حبيبتي
تراا يدوسون على مهابتك لاصرتي كل يوم عندهم
حبيبتي
ارررررجوك
اتركي هالعاده الغداء معاهم كل يوم والقهوه----------

 

[لبيهـ يالغلا]

انا مع الاخت ندى العطر
والله يكون بعونك ويفرجها عليك

 

[NicE-GirL]

اعرف وحدة ساكنو بنفس عمارة اهل زوجها


وما تزورهم الا كل اثنين وجمعة ’’’


وعلاقتهم رسمية مرة ومرتاحة


انتي اعزلي غداك وتغدي لحالك


وزوجل خليه مصيره بيمل وبيطفش


واذا نام ماعليك لا تبررين لاي احد



ذهابك لببيتك هذا بيتك وانتي مرة كبيرة


ومتزوجة مو بزر امس يتحكمون فيك .

يعني لازم تجلسين تتعذرين بشغل البيت

روحي ولا يهمك اطلق شنب

باختصار انتي قللي زياراتك لهم ترتاحين

وخليك رسمية جدآ ,,​

 

[بووسي]

والله حاسة فيكي وعارفة المعانة اللي انتي فيها

انا اول زواجي مثلك كنا ساكنين بعمارة وحدة وكل اليوم عند اهله فطور وغدا وعشا وخميس وجمعة يعني مافي فكة

بالاخر صرت اقول لزوجي نفسي اعملك غداك وننام انا وانت بعد الغدا ماكان يقتنع

لدرجة مرة قلتله تعال اليوم بدري عندي مفاجأ ولما جا كنت لابسة ومحضرة تسالي وكيك وقلت اليوم برقصلك

وسهرنا ونبسطنا من بعدها خفت الروحة عند اهله الى ان صار من الجمعة للجمعة

وخرجنا من العمارة لانها ايجار مو ملك عشان انتقل شغل زوجي والان تركنا جدة كلها

حبيبتي الحال متغير ولا عمره بيبقى مثل ماهو

تفائلي اكيد مابيصير الا اللي تبغي بس استعيني بالله وخلي علاقتك مع امه علاقة حلوة وطيبة

تكسبي زوجك بس خلي حدود وعيشي حياتك

 

[اميرة مميزه]

من ناحية الحمل انا لي سنه و7 شهور ماحملت وام زوجي كل مااروح لهم تقول لي اجيبلك دواء حرمه تسويه الكل ينصحني وحده حملت عليه والمهم رحت كشفت قالو فيك تكيس بسيط لكن مو مانع الحمل لاني استخدمت الكلوميد وكبرت المبيض ولاحصل حمل وخليت زوجي يكشف وطلع الضعف منه
والله بعده مالهم كلمه عندي وانتي ياقلبي روحي اكشفي اذا انتي بالرياض روحي مستوصف حي السلام دكتوره ليلى جدا شاطره وبتكشف عليك وبتسالك وهي نفسها قالت خلي زوجك يكشف ورحت لزوجي قلت له تقول الدكتوره لازم زوجك يكشف عشان نكون نتطمن انه زوجك مافيه شي وعمل تحليل زوجي المهم اقنعيه يحلل زوجك واذا طلع سليم تابعي مع الدكتوره ليلى وقولي ابي كلوميد لانه الكلوميد للي تبي تحمل بسرعه والله يوفقك ويرزق
ومن ناحية ينام عند اهله وتتغدون عندهم المفروض تعودين زوجك انك انتي فبيتك لو يبي يروح لاهله يروح بكيفه لكن انتي فبيتك وقولي عندي غسيل وتنظيف بيت وبجلس فبيتي ماعليك من اهله مالهم دخل ليش مزوجينه اذا يبونه لاتناقشينهم واللي يزعل يرضى بكرا روحي لبيتك وسوي غدء وقولي لزوجك تراني كل يوم اطبخ انا ابي فبيتي واطبخ اللي مشتهيته واللي ابيه وسوي قهوه وشاهي وحببي زوجك للبيت خليه يحس بالراحه والحريه بالبيت سوي حلى وكيك مع الشاي ترا اقرب للرجل معدته
ونصيحه من البدايه خليك قويه وحكيمه مع زوجك واهله لااحد يتدخل بحياتكم والله يرزقك ويرزق كل من تتمنى الحمل يااارب