ام زوجي وتعاملها السيء

ا

ام الملاكين

New member
إنضم
2009/08/16
المشاركات
56
اهلين حبايبي
انا سبق وكتبت لكم مشكلتي مع خوات زوجي واليوم اكتب لكم عن ام زوجي
ام زوجي تعاملني بقسوة قدام زوجي تحبني وفي وراه تهيني بس مودائما مرات احسها تحبني ومرات انواع الاهانات
مع انو زوجات حميي مايحبوها وقاسيييين معاها ويركبوها وراء في السيارة لكن ولله تحترمهم طبعا قدامهم وفي وراهم دايم تنقدهم
اما انا قدامي انواع الاهانات
تخيلو في مرة كان زوجي مسافر وهي مجتمعه مع بناتها ونا كنت جالسه معاهم
تقول الى ولدي اذا ابوك مارجع وخدكم انا برمي اغراضكم في الشارع
انا انحرجت كثير بس سكتت ماعرف شلون ارد
ونا طبعا اطبخ معاهم دايم تقول لي خلي زوجك يسوي لك مطبخ في السطخ مثل الصندقه علشان تمشي حالك فيه ودايم تقول الى بناتها ونا في المطبخ اوووووف المطبخ ضييق مايكفي>>للمعلوميه المطبخ كبيييييييييييييير
وقبل اسبوع كان في جمعة حريم ووزعون الاكل وكذا الموهم بعد مالجماعه راحو بقت اختي بس


//////////////اختي متزوجه اخو زوجي لكن موساكنه معانا في البيت/////////
الموهم قالت لي ام زوجي روحي خدي لك اكل لاتقولين مابقي لك شي
انا رحت وجبت الاكل وعطيته اختي وقلت لها تفضلي مع انك مو غريبه البيت بيتك ولكن خديه كرم الضيافه ونا اضحك
طبعا انا كنت مقهورة من كلام ام زوجي بس سويت حالي موفاهمه شي
وطبعا انا دائما اسوي روحي موفاهمه لاني مابي مشاكل
وهي دائما تقول لي ليش ولدك كله محبوس في الغرفه اكيييد علشان مايلعب مع بنات عمته
ونا اقول لها انا اقول له بس هو مايبي
وتتعمد احراجي دائما ​
 
اختي خلليك مثل ماانت تغابي وطنشيها لحتى الله ايسهل امورك وتستقللي ببيت لحالك

انت عامليها حلو واللي مايعجبك منها فوتيه ولاتكبري عقلك فيها....
 
لاااتصيرين حساااسه مره ياقلبي طنشي وبردي اعصابك سوي الواجب واللي يمليه عليه ضميرك مع ام زوجك وغيرها طنشي ولاعلى بالك ولاتراك بتتعبين وبيجيك المرض قوي قلبك محد نافعك .. اذا كانت حمولتك كذا .. الله يسخرلك .
 
حطي لك مطبــــــــــــخ وريحي راسك


والله يوفقك
 
كل الشكر لكم حبايبي بس ماقلتو لي اشلون اتعامل معاها علشان تترك سوالفها معاي ابي حل
 
مافيه حل اللي طبعه كذا ما يتغير انتي مالك الا تطنشين ورددي دائما اللهم انا نجعلك في نحورهم ونعوذبك من شرورهم وقولي الصباح حسبي الله لا اله الاهو عليه توكلت وهو رب العرش العظيم سبع مرات صباحا ومساءا من قالها كفاه الله ما اهمه في يومه
 
شكلك طيبة مرة فية اشياء طبيعي اسويها لام زوجي وفي اشياء لا والف لا من لاشياء الضرورية انها تركب قدام في السيارة واني احترمه ولا ارد عليها احترام لسنها وانت ممتازة اطنشيها ولا حاجات الي والله ما اتغضا عنها الاهانة اخرج طوالي من المطبخ ولا اساعدها لا هي ولا بناتها اتحشاها امام الناس اذ جلست مع ولدها اجلس شوي وقوم اروح محل ثاني غرفتي ارتبها ومشط شعري عشان اتجنب الاهانة امام زوجي الله يصبركي ويعينك وانت لية ساكنة معاهم خلي زوجك يسوي لكي غرفة وحمام الله يكرمكي ومطبخ فوق السطوح حتا لو كان من الصندقة ولا اعيش مع الناس ساعة وحدة
 
حبي جززززاك الله خير الجزاء لاحترامك عمتك راح تلقيها في عيالك وحريمهم............... الحل اذا قالت برمي اغراضكم بشارع قولي لها بمزح الله يسامحك تقدرين ترمينا بس بمزززززح وزي كذا وتررررى كل الكبار كذااا يبغى لهم صبررررررررررررر
 
وترى انا دائما اقول الى زوجي هاذي امك لازم تكرمها وتسالها شنو تحتاج ولله اني احبها بس مدري اشلون اتعامل معاها احيانا اقول يمكن غيرة مادري
 
بصراحه هي ما قالت شي غلط انا لو منك اصر على زوجي يكون لي مطبخ خاص فيني اكون على راحتي
وبالاخير هذي تعتبر في مقام الوالده احترميها ولاتردي عليها حتى الله يفرجها عليك ويكون لك بيت مستقل
 
صدقيني هي تحب الخصوصيه لاتستغربين اذا ماتبغاك في مطبخها لازم تقدرين رغبتها
تحب تاخذ راحتها وكمان هيه حاسه انها تقسى عليك بس غصب عنها فعندما تسالك عن ولدك ليش مايلعب معهم يعني تسوي نفسها ان قلبها عليكم وهي ماتبيكم عندها في البيت يقلك المثل خلك بعيد حبك يزيد والله اعلم
 
ولله انا عارفه هالشي لكن موبيدي
موكافي علي متحمله الضيق غرفه وحده بس هي للنوم والاكل والجلسه
وهم دايم يعايروني يقولون لي هاذى بيتنا وهاذى مطبخنا
طيب انا وش بيدي اسوي
 
احسن شي اللي تسوينه خليك كانك مو فاهمه لكن لو تعمدت احراجك اجلسي معها واساليه ليه انا ضايقتك بشي قصرت معاك بشي شوفي ردها عليك ..........واذا هي ماتبيك معاها بالبيت وتبي الخصوصيه كلمي زوجك تطلعون في بيت لحالكم ......بالنهايه احترميها ولايصدر منك غلط حتى لو غلطت اعملي بطيب اصلك...............
 
فعلا انا احااااااااول مااغلط عليها
بس ولله خايفه يجي اللي افقد فيه صوابي
 
ترى دايم اذا اطبخ تناظر شنو تسوين ووف ريحه خايسه ومن هالكلام
لانو هي ماتحب اللحم والمفروم والاجبان
وانا اغلب اكلي باللحم والاجبان وتناظرني شنو رميت في الزباله ونتو بكرامه
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل