ام زوجي الطيبه ووصفها للنساء امام زوجي..مالحل ؟؟يامجربات

[ام نايف2009]

السلام عليكم
كيفكم يالغاليات
حبيت تساعدوني بشي يريحني
اذا تقدرون
طبعا انا موجوده معاكم دائم بالمنتدى
ولكن دخلت بنك نيم جديد
المشكله بام زوجي (خالتي ) عن طيب نيه منها تسولف لزوجي اذا كنت موجود ه او مو موجوده عن فلانه محترمه وكلامها ينقط عسل
انتهينا منها خلاص عايرني فيها يقول ليه ماتكونين مثل فلانه كلامها عسل ومحترمه
ونسيت موضوعها
وفلانه الثانيه تسوي كذا وكذا وماشاء الله عليها ماعمري شفت مثلها وووو
خلاص !!!
ويجيني يوم ويقول لي فلانه بنت فلان ابوها وداها تدرس باالجامعه ..
كم عمرها ؟
اذكرها صغيره !!!!
ووووو
طيب خلاص ماعلي سكتت واذا خير ياطير
بس المشكله امس وعن طيب نيه منها قالت له فلانه تسلم عليكم وتسلم عليك يا(.........)اللي هو زوجي
وهي فعلا قالت وصلي سلامي لزوجك واوالاده
وماقصرت وصلت السلام لزوجي
بنات واش اسوي واش اقولها؟
وبصراحه سكتت وزعلت وتكلمني بكلمات بسيطه وماارد طوال امس الليل
سويت نفسي ماسمعتها لاننا عزمناها تتمشى معانا
وعرفت انني زعلت وهي عارفه انها مالها داعي توصل السلام
حتى زوجي يقول واش فيك ساكته ماتتكلمين ؟قلت له ولا شي
وحس انني زعلت من هالحركه يقول عادي
فكرت ارسل لها رساله بالجوال واقول لها ياخالتي الحبيبه تكفين
لاعاد تذكرين النساء قدام زوجي وماكنت اتوقع منك انك توصلين سلام فلانه
وماادري واش اكتب!!!
وفكرت ارسل لهذه اللي ارسلت بالسلام واقول لها :وصل سلامك لي انا (وزوجي) وشكرا ماقصرتي على السلام والمواصله <<المح لها<<
والله يابنات مقهوره وعلى فكره ترى احب ام زوجي ولا ابغى ازعلها
واش السواة؟؟؟
​

 

[متحطمه]

ياعمري وانا بعد ام زوجي تجلس توصفي الحريم عند زوجي وهي نيه مو قصدها بس مالها داعي مره تخيلي مره كانت عندها جارتنا وبنتها المهم البنت عاديه جدا بس بيضا حتى بياضها مايفلت لانها عاديه المهم لمن راحو جا زوجي على طول وطلعنا قهوتنا وجلست تسولف معي تقول وشرايك في البنت والله لو انها من جماعتنا كان قلت اخطبيها لاخوك وانا ساكته ومتنحه فيها وقالت شفت رجولها كيف ناااعمه وصغيره يازينها انا هنا خلاص وصلت معايه وبينتلها بس بطريقه اني مو غيرانه بطريقه اني مصدومه وهي تقول شفتها قلت بصراحه ماهي حلوه مره عاديه وسكتت بس انا ودي افاتحها بالموضوع مو عارفه كيف وحده قالتي وانتو في جماعه وبنتها جالسه قولي للبنات شفتي يافلانه امك توصف الحريم لمن اخوك يكون جالس وش اسوي انا قالت قوليها بمزحه بس مشكله اخت زوجي في مدينه ثانيه يعني وين وين قلت اذا جات الفرصه بسويها مع اي احد وهي جالسه واقولها جربي هالطريقه وبعدين بعد النزحه قولي والله جدا ياخالتي اولا مايجوز توصفيني الرسول قاله ثانيا في رجال كثير تزوج على حريهم من وصف امه تعلق فيها وحبها وجيبلها قصه من راسك يعني يعني صارت لوحده من صديقاتك وسلامتك

 

[حبيبة ميرو]

حببتي قولي لها خالتي حببتي لا عاد توصفين اي حرمة جدام رجلي لانه يجي يقااارني فيهم ثااانيا الرسول حرم هالشيء وانا اعرفك انك تحبين لي الخير وما ودددك نتزززاعل انا وولدك حبيبك

تحياتي

 

[بتوته توته]

انا كنت اطنشها هى مع بناتها ولااهتم فى كلامهم اسوى نفسى ماسمعت مع انى كنت اسمع كل كلمه وصف تكوله كانت خالتى الله يسامحها جدام زوجى تكولى صديقتى فلانه تكول جنتج مو حلوه الى هى انه وانه اكولها عادى خالتى الناس اذواق واضحك وطنشها والحمد لله انما البقره سوداء لكن حليبه ابيض

 

[عزوتي يااهلي]

مادامك تحبها راح تقوليله بسلوب هذا غيبه او اشي بشرف عيب من هذا نوع الله يوفقك

 

[RedRose]

اذا علاقتك معاها زينة اجلسي معاها وقوليلها على اللي في خاطرك

اما البنت اللي قالت سلمي على فلان لا ترسلين لها مسج ولا شي ,, يمكن حتى هي نيتها طيبة ومو قاصدة شي

بالتوفيق

 

[وهج الامواج]

عادي كلميه وبيني لها انك ماتبينها توصل سلامات من اي حد لزوجك واذا كان زوجك موجود لاتسولف له عن الحريم وعاد انتي وشطارتك
والله يسعدك ويكون بعونك

 

[تفدآهـ]

الاه من العماااات
حتى انا بعد عمتي وبناتها يمدحووون قداام رجااالي
بس وش اسوي اطنشهم لان انا عارفه هم يغااارون مني
الله يعين بس

 

[sarh]

الله يكون بالعون
انا اعاني نفس المشكلة ....لكن نظرات خالتي لي لما توصف الحريم قدام زوجي توحيلي انها مو حسن نيه انها قاصده اني اغار
والمصيبه انها توصف شعرها وسيقانها ووحجم مؤخرتها وبنتها جنبي تقولي مو هذا كله
خالتي تحبني بناء على علاقتي معها
لكن بسبب بعد المسافه بيننا فيه نوع من الحدود
مادري وش اسوي خاصه انها من وراي تاصف بنفس الطريقة قدام زوجي واخوانه
وحمواتي زوجات اخوانه نفس المشكله عندهم
ياليت الدكتوره ناعمه تشوف لنا حل ...وعادتها ماتقصر وياليت بسرعه لأني صرت ماحب اروح عندها بسبب هذا التصرف
سااااااااااااااااااااااااااعدوني ارجوكم
خالتي حرمه كبيره وغير متعلمه (يعني ماقدر ارسل لها رساله على جوالها)

 

[أرجواان]

عادي
قوليلها برد مؤدب ياخاله انا سمعت شيخ يحرم وصف المراه قدام الرجال يلحقك ذنب ياخاله يمكن انتي ماتعرفين هاشئ وحبيت انبهك الله يطول بعمرك


وصحيح حرااام وصف النساء امام الرجال الاجانب

وربي يسعدك يا غنااااتي انتي وزوجك

 

[خجلے]

عاادي يالغلا دام علاقتكم حلووة (والله يديمها)
زي ماقالوو البنات فاتحيها باالموضوع
والله يكون بعوونك​

 

[حلآووه]

أتمنى من كل كل كل قلبي
الأستاذة الفاضلة :ناعمة

ترد علينا...

آآآآآآآآه لأن من جد تعببببت منها ومن وصفها

الدائم للنساء وذكرها بالأسماء وخصوصآ

حريم أصحابة أتضايق لآمدحتهم لأنها ماتذكر الا أحلى الأوصاف

وتبالغ بس الرجال وش دراة

يانااااس وربي تعبت أم زوجي حتى أجسام أخوتي توصفها

الرقص توصفلة الشعر أشياء وربي ماتتصورها

تمدح فحريم أخوانة وفدلعهم

انا إنسانة مو مقصرة ولله الحمد واللي عندي عندهم لكن تعرفون لمن توصف انسانة وتوصف رومانسيتها وجمالها

وش بيكون ردة فعلك....؟

أتمنى يآأستاذة ناعمة تقوليلنا وش الحل مع العلم ان أم زوجي جدآ زعولة لو أقلها وأفاتحها بالموضوع يمكن معد تكلمني نهآئيآ

وأنا مآأبغى أخسرهآا عشان مآأخسر زوجي

 

[ام نايف2009]

متحطمه
حبيبة ميرو
بتوته توته
عزوتي يااهلي
RedRose
وهج الامواج
تفدآهـ
sarh
أرجواان
خجلے
حلآووه
ارحب فيكم بنات جميعآواشكركم على الرد
انا مره صارحتها بموضوع ماعاجبني وحسيتها ارتبكت
وكان موقفنا مايحسد عليه وتقول انه ماكان قصدها وانها ماراح بعد اليوم
تجيب طاري هالموضوع وتقول ماكنت اتوقع انك تزعلين
ووقتها تمنيت انني سكت ولاكلمتها
واخاف المره هذي اذا كلمتها بطريقه سياسيه
تقول انا ماعمري وصفت احد وانا مستحيل اسوي كذا بحسافه يعني عرفتوا مو بزعل
لانها ممكن تنسى وبتاخذ مني موقف
وانا احبها ومحتاره فيها الله يهديها
واشكركم يااغلى اخوات الله يوفقكم
ابي حل يحسسها بغلطها اما برساله!!!!او اي اسلوب ثاني
بس بتحسب اني ماصرت صبوره وحبيبه مثل اول واني تغيرت عليها ومن هالكلام
ساعدوني
​

 

[حلآووه]

وولله مدرري شقولك أخاف نقدم ع خطوة نندم

خصوصآا اني فاتحت الموضوع مع زوجي

بسس أمة مآأدري كيف يوصل الموضوع لها

أبية طريقة مآتأثر ع العلاقة بسس تدرين

بأقووم أصلي الفجر وبأدعي من كل قلبي لي ولكم

وأنتوا بعععد خل كل وحدة تدعي لأختها

وعندي أمل الأستاذة ناعمة ترد علينا

الله يحرم يدينها ووجها ع النار ويجمعنا فيها

في جنات الفردوس الأعلى ولله اني أحبها فالله...وأحبكم بعععععد...

أستغفر الله عدد زخات المطر أستغفر الله عدد حبات الرمل

اللهم فرج همي وكل مهموومة

 

[ام نايف2009]

حلآووه
اشكرك ياقلبي
الله يفرج همومنا يارب
انا اتذكر هنا في المنتدى
ان الاستاذه ناعمه تكلمت عن هالموضوع بس ناسيه واش قالت
وضيعت استشارتها
بس بدروها
الله يجزاها الجنه
اشكرك غاليتي حلآووه​

​

 

[حلآووه]

وجزآك ربي ألف ألف خير وفرج همومنآا

أمآا الأستاذة:نــآعمهـ نزلت استشااارة,,

ولله مقد قريت تصدقين واااو ياليت نلقاهاا بسس ماتدرين شو اسم الموضوع عشان أدور معآاك,,

 

[اتعبني هواك]

والله انا مثلكم بس موخالتي اخوات زوجي وكل هذا يبون يقهروني ... انا قدامهم عااااادي ولااهتم وابين لهم اني ولله الحمد وااااثقه من نفسي صح اني اتضايق بس انا عارفه مقصدهم واطنش

واللي تقول خالتي تتكلم بنيه قدام زوجي طيب ياقلبي علاقتك معها زينه خلاص كلميها قولي لها مايجوز ياخالتي انك توصفين فلانه قدام زوجي حرام عليك ولاتقولين انه صاريقارني فيهم لاء لاء لاء
بس وضحي لها انه مايجوز وبيني انك متضايقه من هالامر .. وبعدين ياقلبي الرجال عسى بس مايسمع تواصيف حرمه الاوخشته:c028:
عاد انتي اذا شفتيه بهالشكل سويله كذا:a049:
علشان ينتبه معك خخخخخخخخخ امزح ياقلبي الله يريح بالك ان شالله....

 

[الصداقه]

فهميها من النا حيه الدينيه انه حرام وصف المراه للرجل صديقيني الحريم الكبار كلهم كدا ترى ما تقصد:18:

 

[tune]

هذه المشكله مشكله اغلبيه الحريم ما في وحده اعرفها الا تشتكي من دي المشكله الا من رحم ربي وهى مشكلتي انا الاساسيه ومو لايقه حل عجزت بصراحه !!!نفسي في حل عملي ما يخليها تعرف اني اغار عشان لا تفتكر انو عندي نقص يعني ما افكر اكلمها وافضفضلها او اني انصحها ابدا مو حل:33: بس كيف ما اعرف ؟؟؟

 

[عذبةالوصف]

أتمنى من كل كل كل قلبي
الأستاذة الفاضلة :ناعمة

ترد علينا...

آآآآآآآآه لأن من جد تعببببت منها ومن وصفها

الدائم للنساء وذكرها بالأسماء وخصوصآ

حريم أصحابة أتضايق لآمدحتهم لأنها ماتذكر الا أحلى الأوصاف

وتبالغ بس الرجال وش دراة

يانااااس وربي تعبت أم زوجي حتى أجسام أخوتي توصفها

الرقص توصفلة الشعر أشياء وربي ماتتصورها

تمدح فحريم أخوانة وفدلعهم

انا إنسانة مو مقصرة ولله الحمد واللي عندي عندهم لكن تعرفون لمن توصف انسانة وتوصف رومانسيتها وجمالها

وش بيكون ردة فعلك....؟

أتمنى يآأستاذة ناعمة تقوليلنا وش الحل مع العلم ان أم زوجي جدآ زعولة لو أقلها وأفاتحها بالموضوع يمكن معد تكلمني نهآئيآ

وأنا مآأبغى أخسرهآا عشان مآأخسر زوجي

متحطمه

حبيبة ميرو
بتوته توته
عزوتي يااهلي
RedRose
وهج الامواج
تفدآهـ
sarh
أرجواان
خجلے
حلآووه
ارحب فيكم بنات جميعآواشكركم على الرد
انا مره صارحتها بموضوع ماعاجبني وحسيتها ارتبكت
وكان موقفنا مايحسد عليه وتقول انه ماكان قصدها وانها ماراح بعد اليوم
تجيب طاري هالموضوع وتقول ماكنت اتوقع انك تزعلين
ووقتها تمنيت انني سكت ولاكلمتها
واخاف المره هذي اذا كلمتها بطريقه سياسيه
تقول انا ماعمري وصفت احد وانا مستحيل اسوي كذا بحسافه يعني عرفتوا مو بزعل
لانها ممكن تنسى وبتاخذ مني موقف
وانا احبها ومحتاره فيها الله يهديها
واشكركم يااغلى اخوات الله يوفقكم
ابي حل يحسسها بغلطها اما برساله!!!!او اي اسلوب ثاني
بس بتحسب اني ماصرت صبوره وحبيبه مثل اول واني تغيرت عليها ومن هالكلام
ساعدوني​

قريت قبل كم يوم للاستاذه ناعمه هالكلام فـ شفت انه من المناسب ان اضعه لكمـ هنا​

http://www.niswh.com/vb/showthread.php?t=221264​

امـ نآيفـ ...عزيزتي

لابد من موقف حاسم انتي المتضرره
ولكن هذا مايعني انك تزعلينها ... اختاري من الكلام احسنه
ام كنت تعرفين ان اسلوب ضرب المثل ينفع مع ام زوجك استخدميه
وهاجمي بقوووه المراه الموجوده بالقصه
وان كنتي تعتقدين انه مارح ينفع ...
فلابد من الصراحه فالنقاش الهادي افضل حل للمشكله
(ولا يهمك ردة فعلها وقت النقاش لانك تبين توصلين لها رساله معينه)
كلنا يعرف قصة الرسول صلى الله عليه وسلم مع الرجل اللي جاءه يطلبه اسمح بالزنا
لا هواش ولا صراخ ولا تعنيف .... حوار فقط حواااار بكلمه طيبه
ارجعي للقصه رح تساعدك باذن الله



تحيااااااااااتي وتقديري​