ام زوجـــي الله يهديها لمى اكلمها بالتلفون تقول انت ميـــن ؟؟!!وانا نعومه وصوتي انعم

[غربـــة الالماس]

بنات ماحب المقدمات ام زوجي اقسم بالله اني ماسويت لها شي ابد ابد ابد
والدليل اني ببلده بعيده عن بلدتهاااا هي

اكلم اسلم تصك السماعه وتسوي حالها ماسمعتني احيان تقول مين يتكلم تسمع صوتي تسكر

او المكالمه الدوليه تخلص على مين بيتكلم ميييييييييييين مين بيتكلم ميييييييييييييين

والا انت مييييييييييين لاحضو الله يهداها مخليتني رجال :33:وانا صوتي نااااااااااعم :20:

المشكله لازم اوصلها لاني ماحب اقطع يعني زوجي لمح لي خلاص لاتكلمين واسوي نفسي ماافهم

ويوم اسمعه يكلم امه اقول عطني خلني اكلم الغاليه عاد يقول خذي زوجتي معك تصرفه

او تقول خذ خالك والا خالتــــك

او تصرف او تسكر تسوي حالها بريئه الله يهداها

وهو يقول الشبكات ضعيييييفه خربانه انقطع الخط يرقع لها :23: :24: عاد انا اسوي روحي مو فاهمه عشان مايمنعني من مكالمتها :31: لاني ابغى العلاقات تكون حلوه وماله داعي ليش تقطعني انا ادق عليها بس تسمع صوتي طرررررررررررخ او الوووووووووه مين بيتكلم انت ميييييييييييييييييييييين :30:وانا نعومه وصوتي انعم :10:

انا والله ماسويت لها شي يابنات قبل كم شهر اكلمها واسلم عليها لاكن مدري وش قلبها علي :33:

ادعو ان الله يحببها فيني بخير موبشر
وان الله يحببني فيها بخير موشر


وان الله يألف قلوبنا على بعض بخير موشر :7:

 

[حلمي صعب]

خلاص لاتتصلين اذا هو كلمها قولي له سلم على الوالده

 

[غربـــة الالماس]

مااقدر والله احس حرام

واحب علاقتي تكون حلوه معاها لمى نتقابل فهمتو علي

ومشكوووووووره يالغاليه ودعواتك لنا

 

[صوت صمتي]

أكيد فيه سبب...إسألي زوجك..قولي ليش تتصرف معاي كذا ..ولا تسوين نفسك معصبه..بس قولي ودي انها تصير مثل امي ...يمكن يقول لك ..الله يسخرها لك..

 

[تعبت حبيبي]

ماشاء الله عليكي ربنا يبارك فيكي ويديكي على اد نيتك

 

[غربـــة الالماس]

تسلمون حبايبي الله يجزاكم كل خير

السبب الوحيد اللي مو بأيدي انها رافضه اني اكون زوجه له كانت حاطه وحده من قرايبها وزوجي ماوافق

طيب انا وش ذنبي ؟؟؟؟!!!!

 

[وصية رسول الله]

وش أبغى العلاقات تصير حلوة ؟؟؟؟؟؟؟؟؟؟؟
انتي اسمعي كلام زوجك وتصير العلاقات حلوة .... يا اختي هو يقولك لا تكلمي وعارف انك تبغين الوصل وفاهم حركات امه خـــــلاص انتهى الموضوع ,,,,,,,,لاماله داعي كل مرة يكلم تنطين وتقولين بكلم ...... غصب يعني !!!!
ولاتقولين عشان علاقة أصلآ هي يمكن تفكر انك تبغين تقهرينها ولا تغار منك
عشان كذا خليك في السليم​

 

[غربـــة الالماس]

صوت صمتي

زوجي ماقالي بس يرقع لها

وامه قويه مايتكلمون مع بعض الارسميات يعني احس مابينهم موده ورحمه كل العيله كذا

تخلي حتى الاكل مايجتمعون عليه كل واحد ياكل لوحده


تسلموووووووون والله يسعدكم

 

[reeem.alflaa]

ما شاء الله عليج
الله يبارك فيج
ويعينج على صلة الرحم
ماعليه حبيبتي
مرة وإثنين وثلاث
بروحها بتتكلم
وبتتصل لج وتسأل عليج
إنت داومي على وصلها
الله يزيد من أمثالك
والله إني إستانست عليك
الله يكملك بعقلك
ويحفظ لج زوجج وعيالج

 

[papero0o]

أختي انتي سويتي الي عليك و الحمد لله دامك واثقة من نفسك انك ماسويتي شي
انتي عليك انك تتعاملي بطيب معها
و اذا زوجك كلمها قولي سلملي على امك
بس لاتدقين عليها الين تحسين رجعت زي اول تكلمك عادي ...
ولا تنسين انها كبيرة بسن . لازم تصدر منهم تصرفات.. فلاتزعلين منها او تشرهين
او تتكلمين عند زوجك و تحطينها مشكلة لان مهما كانت ام الزوج غلطانة الزوج مايتقبل الغلط على امة ابدا حتى لو تبينين له
خلية كيذا هو يعذر و خجلان احسن من انك تبينين

و مع الايام راح ترجع و ربي يهديها

الله يحنن قلبها عليك

 

[غربـــة الالماس]

ياقلبي والله مو كل مره
بالشهر مرتين بس:21: :31:


بس لمى انط عشان هي تكلمه وتستحي وتكلمني بس نفس الحركه تعيدها :18:

يعني انا لمى اكلم ام زوجي
زوجي مايكون موجود بس تسمع صوتي تسكر فهمتي يالغاليه


انا انط بالشهر مرتين :10:عشان اقل شي تستحي من ولدها وتكلمني فهمتي يالغاليه

 

[غربـــة الالماس]

تسلموووووووون حبايبي

وجزاكم الله كل خير

ومشكورين على الدعاوي الحلوووه

 

[الهيزعة]

والله انت زي بس الحمدالله تغيرت
انتي تبين تلرضين الناس والناس مترضيك ولا تعطيكي وجه
خلاص لاترمين نفسك عليها انتي سويتهي الي عليك مقصرتي

 

[آفاق بلا حدود]

اختي الغالية.....

وراء كل سلوك قصد إيجابي لكنه لايشفع لصاحبه.....

تصرفها غلط لكن اكيد ان قصدها خير على الأقل بالنسبة لها.....

المهم.....أعتقد ان هناك أشياء أكثر أهمية تفكرين بها وتنجزيها من ان تشغلي بالك بمثل هذه المواضيع

إذا كان التحدث إليها يزعجها فلاتضغطي عليها ...اتركي لها الوقت لتحبك وتعرف معدنك الأصيل....

المعروف إذا لاحقتي شيئا هرب منك.............

أكثري من الدعاء بأن يؤلف الله قلوبكما....وان يرزقكما حبه وطاعته.....

لأن الشئ إذا فكرتي فيه وركزتي عليه..صدقيني بيكبر وبيسيطر على تفكيرك بل على كل حياتك....

اكتفي بالسؤال عنها ,,,,وإحضار هدية قيمة لها عندما تسمح لك الفرصة بزيارتها احضنيها واحبيها بصدق

وأنا متاكدة بأنها سوف تدمن عليكي ..............فقط مسألة وقت غاليتي ..فلاتشغلي بالك

 

[غربـــة الالماس]

الله يسعدكم والله كلامكم درر وخلاني اتنبه

بس والله يابنات اني ماكثر عليها يعني بس مرتين بالشهر وكانت زي العسل فجأه قلبت الله يعدلها هههه

موووووووووووووووووووووووووووووه الله يسعدكم

 

[حلمي صعب]

تصدقين كنت حاسه انه هذا السبب لكن مابغيت اتسرع واتكلم لكن تبين حاجه مجربه اهديها بمناسبة وبدون مناسبه
ترى الهديه لها اثر كبير وثانيا وانتي تسولفين معها ادعي لها وامدحي تربيتها لولدها ومن هالاشياء ولاتتسرعين بالنتايج اصبري وماتشوفين الا اللي يرضيك
الله يوفقك

 

[*..الحلوة..*]

الهدية تكسر الحواجز وتقرب البعيد

 

[قمر بعيونه]

احمدي ربك غيرك يتمنى النعمة اللي انتي فيها اذا انتي حاولتي تكلمينها وهي ترفض عزي نفسك حتى زوجك قالها لك بصريح العباره ادخلي المنتدى شوفي مشاكل المتزوجات مع امهات ازواجهم وانتي تصرين على مكالمتها وهي تصرفك الله يعطيك على قد نيتك استغفر الله العظيم عن كل ذنب عظيم

 

[تشكرات]

حبيبتي انتي سويتي اللي عليكي ..وبعدين انتي تقولي العيله كلها كذا .خلاص اجل بكيفها....خليكي ثقيله ..ترى الركاده زينه على قولة البدو..

 

[الجده الصغيره]

خلااص افهميها........مايحتاج كل مره تلزقين الا تكلمين........سلمي عليها من بعيد لبعيد وبسسسسسسسس