ام الغالين8 شوفو وش جرا فيهااااااا

الحالة
مغلق و غير مفتوح للمزيد من الردود.
انا لله وانا اليه راجعون حياتي لازم تحطين حد لحياتك معاه بصراحه عيشتك مهزله لاتزعلي من كلامي بس والله انقهرت عليك من كلام ابوك وزوجك كيف فتره وتعدي ؟؟؟
لاتخليه يلمسك لو جاب لك الامراض اول من يتبرا منك ابوك استغفر الله يارب ..
الجئي لله الذي عينه لاتنام الله يكون بعونك
 
الله يعينج ياقلبي

والله مايستاهل ظفرك

بس لو انا منك جان اطنش فيه ولا اعتبره شي في حياتي

واعيش لعيالي

لانهم هم اللي بيظلون لي

وحاولي تشغلين روحج بأي شي

حتىلو تدورين لج شغلة

قهريه بالحقران

وخليه يشبع فيها

لفظيه من حلجج خلاص هذا انسان عليه العوض

وان شالله اعيالج يعوضونج خير يارب

الصبر مفتاح الفرج

 
اللهم اني اسألك في هذه الليلة ان تفرج هم اختي ام الغالين8 وتنور بصيرتها وترد عليها قوتها وصحتها
وتكتب لها الخير في حياتها وتجعل ابنائها بارين بها وتهدي زوحها وتجزيها خير الجزاء,​
 

اللهم ااجرها في مصيبتها
واخلف لها خيرا منها​
 
الله يعينك وربي عورني قلبي عليك لكن زوجك وقح او هي مسويه له شي والا ايش نزوه على حساب ام عيالك
اوكي لنفرض انها نزوه لما عرف انك عرفتي وابوك عرف مابرد وجهه ماحس على دمه ماقال ينخرب بيتي
انتي هدي نفسك ياقلبي الزم ماعليك صحتك وعيالك والا هو باللي مايرده لاهو ولا هي
شغلي قران واسمعيه وفكري بتركيز ايش اللي بصالحك وسويه ولاتتهورين الله يفرج همك
 
لاحول ولاقوة بالله
الله يفرج همك وييسر امرك
ويلبسك لباس الصحه والعافيه
​
 
حبيبتي عيشي حياتك ولاهمك منه ومرده يرجع لك لاتفكرين فيه والله يفرج همك يارب والله قطعتي قلبي
 
اللهم انت قلت و قولك الحق ادعوني استجب لكم....

يا ربي فرج هم اختي ...... يا رب اجرها في مصيبتها و اخلف لها خيرا منها
 
الله ينصرررك ويفرج همك ويصبرك
ويسخر زوجك لك قار على كل شيء سبحانه

دعوت لك من كل قلبي
 
حسبي الله عليهم و نعمى الوكيل
الله يفرج همك و ينزل على قلبك الصبر وينصرك على بنت الحرام لا تخافي والله ما تعمر علاقتهم
لان الي مبني على حرام مستحيل يستمر
 
شوفي يا قلبي .. اللي يجي بالساهل يروح بالساهل .. ووحدة جت بمكالمة بكرة يرميها في الشارع .. بس بكرة هذا في يدك يا تقربينه يا تخلينه بعييد وما يجي ... صح انه تزوج عليك صدمة كبيرة ..ومافي وحدة ما راح تنهار او تنصدم وتلخبط الدنيا اذا عرفت ان زوجها تزوج .. لكن خلاص اخذتي الصدمة وانهرتي وشفتي موقف ابوك ابدأي الان وفورا لملمي نفسك واستجمعي قواك لحياة مختلفة ...

1- تستمرين في صلاتك ودعائك واستغفارك وتؤمنين بالقضاء والقدر خيره و ( شررررره) .. ما اصابكم لم يكن ليؤخطكم وما اخطأكم لم يكن ليصيبكم ..

2- طنشييي زوجك مرررة من ناحية التعامل فقط .. لا تدلعينه ولا تعطينه جنس تهربي منه .. لكن في المقابل اهتمي ببيتك ونفسك وقومي بواجباتك العامة من طبخ ونظافة للبيت وغيره على اكمل وجه ..

3- ارجعي لنفسك وهذا اهم شي .. مع زحمة الحياة والاطفال تنسى الوحدة نفسها ويصير شغلها الشاغل زوجها واولادها .. حتى اهتمامنا بانفسنا فقط من اجل الزوج ... لا عودي لنفسك واهتمي بذاتك .. اكيد انك بعد صدمة الزواج انقشعت عنك غشاوة واكتشفتي اشياء كثير وكم مرة ضحيتي وكم مرة قصرتي في حق نفسك عشانه بس ... الرجل ما يفهم لغة المرأة من تضحية وسمو روحي .. يفهم انك تبين تعطينه وعطيتيه وشكرا لك .. نادرا ما يهمه يحفظ لك عطاياك خصوصا اذا شمالي غربي مثل زوجك .. عودي لنفسك وابدأي بالظهور بشخصية مرحة وقوية وواثقة .. ارجعي لمواهبك اذا ماكان عندك موهبة ن اول تعرفي على اشياء جديدة تعجبك واندمجي فيها ..

3- كوني انانية معه .. بس بهدؤؤ لا يحس بتغيرك فجأة .. اذا عطيتي شي اطلبي المقابل .. يعني انتي تتعبين طول الايام حددي يوم مايكون تكوني فاضية فيه واطلبيه تطلعون تتعشون برا .. او تتمشون .. او تبين السووق .. هالاشياء لا تخلينها بس في المناسبات ياعيد يامدري ايه .. لا باستمرار كل اسبوع اسبوعين .. تعرفي على صديقات وروحي لهم ويجونك وخليها فلة ووناسة .. انبسطي في حياتك العمر يمر لا تنتظرين زوجك يرجع عشان يطبطب عليك ويقول اسف غلطت عليك وانتي روحي وانتي وانتي .... لا المفروض الان انت سعيده بيه ومن غيره .. لا تخلينه مصدر سعادتك .. سعادتك لازم تنبع من داخلك .. من رضاك عن نفسك وعن انجازاتك وحياتك .. لا تتطالعين لورا وتقولين راح عمري وانا اضحي واتعب .. لا طالعي للامام وقولي قدامي عمر لازم اقضيه بسعادة وانسى التعب الللي راح..


4- طبعا لاازم تطنشين زوجك وتجذبينه بنفس الوقت .. طنشيه ظاهريا لا تجلسين معاه ولا تتكلمين معاه ولا تعصبين ابدا مهما حاول يستثيرك بكلامه خذي كل كلامه بسخريه .. لكن خليك جذابة بلبسك واسلوبك العام مع اولادك مع الناس .. اذا حاول يراضيك ابتسمي ابتسامة ساخرة ولا ترضيين روحي وخليه بصمت بدون نقاش .. اذا حاول يتكلم معاك اسمعي له للنهايه وردي على قد الكلام .. لكن اذا كان الكلام في زواجه لا ترديين خليك صامته واذا تبين تتكلمين 0لا تقولين صبرت وضحيت وسويت وهاذي جزاتي0 خطا .. قولي بكل ثقة ( انا كنت مغرورة فيك وافتخر فيك عند كل الناس لكن انت حطمت غروري بك وضحكت علي الدنيا كلهم يقولون هذا حبيبها اللي تمدحه دايما ماتوقعتك تحطمني كذا) . ووبس قولي هالكلام بهدؤؤ وثقة وبعدها صمت مبهم محير يصير مايعرف ارضه من سمااه .. حتى هالكلام لو ترسلينه له برسالة .. وخليك كذا ماله داعي الانهيار والعصبية لانك بتتعبين نفسك بدون نتيجه ..
 
من استعان بالله اعانه .. ومن استهدى بالله هدااه .. واسأل الله ان يعينك ويهديك لما فيه الخير والصلاح لك ولزوجك وبيتك .. لا تنسين الدعاء .. ودائما هوني الامر على نفسك ..
 
وقال انا طالبك يابنتي لا تطلعين من بيتك اصبر وحتسبي
وشو كسر ظهورنا غير الصبر والاحتساب
حسبنا الله ونعم الوكيل
اللهم ارنا في كل ظالم عجائب قدرتك امين
 
عساااااا الله يفرج ياقلبي والله ان قلبي ضاق وعسا الله يبلها بنفسها ويشغلها عنك ويردلك زوجك عاجل غير اجلا ويسخره لك ياارب دايم استغفري وانشالله راح تنفرج عسالله يصبرك اللهم امين
اللهم فرج هم اختنا ام الغالين وفرج هم المسلمين اللهم امين
 
الله يحاسب كل ظالم


زوجك حب في عشيقته (( حبها لنفسها ))

مشكلتنا الزوجات اذا تزوجنا نحط قلوبنا ورقابنا بين ايادي ازواجنا ,, وننسى انفسنا ..

هذا اللي يخليهم يطاردون ورا بنات الشوارع ..

الوحده لازم تهتم بنفسها وتدلع نفسها ... وتهتم باولادها .. واذا ربي قدر عليها وابتلاها بواحد خاين .. تخليه على الرف .. بين فتره وفتره تكت عنه الغبار .. وووووووووبس ...

مصيره يصحى .. مع الدعاااااااء ..

وكل صبرك اللي صبرتيه .. في موازين حسناتك ..


وانا اسمحيلي .. مو مع اي وحده تكلم عشيقة زوجها ابدا ... ليش تنزلين نفسك لمستواها ... دقيقه من وقتك مع هالاشكال خسااااااااره ..

خليهم لهم رب يحاسبهم في الدنياااااااا قبل الاخره ..
 
الحالة
مغلق و غير مفتوح للمزيد من الردود.
عودة
أعلى أسفل