انا ضليت ابكي من الصدمه اخذت الجوال وتصلت عليها ردت علي قلت فلانه الله ينتقم منك قالت مين قلت انا ام فلان قالت هلا حبيبتي شلونك اهدي وشفيك قالت ما عليك مني انتي قولي الي وش علاقتك بفلان
بنات وش رايكم وش يناسب لهم اسماء سموهم الي اسهل لي من فلان وفلانه
قالت مابيننا شي قلت الا هو قالي على كل شي قالت ايه هو انسان طيب وحبوب (حبتك القرده )قالت شوفي انتي وحده دخلتي حياته باساهل اطلعي منها بالساهل قالت ليش انتي وش يضرك قلت شوفي انتي وحده موصغيره اوجاهله انتي وحده متزوجه وعندك اولاد وتعرفي كل شي وما يجهل عليك مضرة دخول وحده في حياة اسره راح تشتتين اسره كامله وتضيع بسببك قالت و سكرت الخط وجلست في حاله الله اعلم فيها جاء الصبح صحيت الاولاد لمدارسهم هو صحى وكان يحاول يهديني
راح لدوامه انا على نفس حالتي دقيت على ابوي واول مره يحياتي من 22سنه اتصل عليه اشتكي له قلت يبه ابو فلان تزوج وحده كذا كذا قال يابنتي ماعليك منه خليه نزوه وتعدي صدقيني هذا سمه وراح تقضي انا يابنتي جربت كل شي والله لا يعض اصابع الندم بس انتي اصبري علي عيالك ومرده لك انتهت ماكلمتي لبوي ومازلت تعبانه
انا يابنات صدمتي كانت صدمتين انه زواجه كوم وانه وشلون يتزوج وحده زي كذا كوم معقول ابو فلان يرضي بوحده زي كذا وين الي كان يقولي مستحيل اتزوج وحده كانت تكلمني في التليفون وشلون يرضي بوحده خانت زوجها وترسله صورها ومتحرره وعايشه في بلاد غير بلاده لوحدها واولادها ولا موظفه ولا شي يعني من يصرف عليها وشلون ياثق فيها وحده خانت ابوها واهلها وزجت نفسها لك من غير علم اهلها وشلون ياثق فيها ياربي ارحمني برحمتك راسي بينفجر هذا ابو فلان الي ما يرض بكذا وكذا اااااااه والله امشي بلبيت وادور مثل المجنونه من هول الافكار الي براسي
مادريت الا ابوي وزوجي دخلو علي مع بعض على بالي زوجي مكلم ابوي واثاريهم صدفه ابوي قالي بعدين انه هو جاء من نفسه يقول شفتك يعبانه منغثه قالت ابروح اهديها دخلوالمجلس ونادوني وقال زوجي يابو فلان اتزوجت وانا اعاهد ام فلان ما اجيبه لها ولا انجب منها انا ابيها متعه بس قلت طيب انا صابره طول السنين
وهذا ابوي قدامك سأله اذا مره شكيت له عنك وعن حياتي معك يابوفلان صبرة علي هالبيت الي ماحده يصبر عليه لا موقعه مناسب وصبره علي معاملتك لي وقسوتك علي امل الفرج يجي وتأمن لعيالك بيت مثل الناس وتعدل حالك بس انت للاسف همك نفسك وبس عزالله ما قصرت فيها متعتها وزياده يابوفلان اناعندي شروط قال وش عندك قلت له شروطي من ضمنهم مبلغ من المال قال لان ماعندي شي اصبري علي شوي قلت مو صحيح انت ما امداك قلتي عندي ملغ فعلا هذا الكلام كان قبل يتعرف غعليها بس هي مصت الي وراءه والي دونه وكله عسل علي قلبه
قال ابي يابنتي اصبري على زوجك واذا ما رضاك انا يابنتي ارضيك قال زوجي طلع ابوي جلس عندي شوي تكلم معي وهداني وقام وحب راسي وقال انا طالبك يابنتي لا تطلعين من بيتك اصبر وحتسبي
انا مر يومي كله في حال الله اعلم فيه نقاش ومشادات والرجل متمسك برايه ورجع ادق عليها احاول فيها مره ثانيه لعلها تتركه جبتها بأسلوب الين والمسايس وجبتها بأسلوب الشده وقحه بمعني الكلمه وتدوش تقول انا وحده غنيه وسيارتي اخر مديل وكل اولاد عشيرتي يتمنوني والله لو تقولين لبو فلان تقصدق زوجها
وش تعطيني علي شان ارجعلك فلانه كان قال لك كل ابي تطلبيه
قلت طيب طالما انتي عايشه بالهيلمنا هذا كله والكل يتمناك من اولاد بلدك وش حادك علي وحد مثل ابوفلان وين وين متي يجي لعندك قالت رب صدقه خير من الف ميعاد هو شفته وحبيته وخلاص
يابنات تدورن وش كانت تسوي طول المكالمه الي بيني وبينها وارحت دقت علي زوجي وحطته سبيكر وسمعته كل الي داربيننا شفتو الئيمه وش نواياه وان كنت استغرب من بعض اسألته وثريها كانت تبيني اسب فيه
انا مليت من الكلام معها وسكرت مامن وراى هانوعيه من الشكال جدوى بعد الموضوع بيومين راح لها ترجيته يجلس انا كنت في قمت تعبي وصدمتي ولا انام قالت انا اولى منها قدر نفسيتي والله يابنات ولا هميته اااااااااه من الرجال الازم ماعليهم سعادتهم والله لو كانت محبتك مثل ماء عيونه
قال يأم فلان انا فتره واوعدك وتعدي انا ماني مقتنع في اكثر تصرفاتها واناانا وجلس مثل العاده يسكتني بكلامه وانا لا حولي ولا قوة غير البكاء والحزن
حبايبي اسمحولي تعبت انا حاليآ صحتي ونفسيتي تعبانه
قسم بالله اني منحرجه منكن ودي ارد علي كل وحده منكن واشكرها بأسماها بس قسم انا تعبانه
وفيني حاله سرحان غريبه اجلس واسرح كثير حتى لو كنت وسط العالم واهلي وكل الي حولي مبسوطين
شي خارج عن ايرادتي حتي لو اب اكتب رساله بالجوال اجلس عليها وقت بس اطالع فيها واسرح عصب علي ولا اكتب ولا اسوي شي
وسامحوني علي كثرة اخطاء الاملاء من عجلتي واعاني من عدم التركيز في هالفتره
تكفوووووووووووون ادعولي
