امي طالبه الطلاق وابوي وافق بشرط تطلع من البيت

[**قاطعه قلبه**]

:tears:السلام عليكم

المشكله كبيره فهي تضرب مصالحنا جميعا

امي تطلب الطلاق بسبب عدم اعطاءها حقوقها كزوجه وهجرها من سنين طويله واتهامها من قبل الزوجه الثانيه بالسحر والبغاء واتهامنا نحن بناته بالبغاء ايضا .....

وعدم التكفل بالمصاريف اليوميه من غذاء ودفع فواتير التليفون وغيره من مستلزمات الحياه اليوميه التي نحن بأمس الحاجه اليها..


نحن في حيره من امرنا ابي وافق على الطلاق بشرط ان تخرج من البيت هي ليس لها عائل في هذا البلد

والزوجه الأخرى لم تبقي ولا تذر اموال في المؤسسه فهي تقضي على كل الأموال لحسابها الخاص ...للعلم : نحن متأكدون انها تسحر ابي وتتهم اخواتي بالسحر وابي اصبح يكرهنا..

العيد قريب وليس لنا اي مال لنشتري ملابس العيد وهو يرفض ان يعطينا بعذر ليس عندي مال..

ماذا نفعل ومن نستشير ؟؟؟

وكيف نتخلص من الظلم ..سنتشرد لامحاله

ارجوكم خلصونا من العذاب :tears:

 

[القلب الرؤوم]

الله يهدي ابوك ياااااارب ويرد كيدها في نحرها ...

وادعوا الله كثير كثير هذا الشهر فضيل والله يتقبل يااااااارب.

 

[**قاطعه قلبه**]

شكرا القلب الرؤؤم

احبك يالقلب الرؤوم

رديتي قلبي فيه احد سمعني الله يوفقك وينصرك على من عاداك

ويسهل امورك قولي آآآآآآآمين

انا عالنت ماراح اسكره ابي اسمع صوتكم واطمن انا خايفه مو عارفه شسوي

ياأ/ناعمه الحبيبه ياأ/ موزه ابي اسمع مشورتكم انا بأمس الحاجه اليها

الله ينور دربكم ويلهمكم الإله حل لمشكلة عائله على باب التشرد

 

[وحيده بهالكون]

الله يكون بعونكم حبيبتي
الله يجازيها اللي سوت لابوك السحر عاجلا غير اجل
وربي بدعيلكم بكل صلاه وبقيام الليل وحاسه فيكم لاني تقريبا مريت بنفس تجربتكم لاكن الحمد الله الامور صلحت اكثري من الدعاء..



اختك وحيده..

 

[اسال الله الجنه]

ياختي اتصلو على الاستشارت التابعه لابن باز اسال الله ان يفرج همكم

 

[اوراق متناثره]

الله يفرج همى وهمكم يــــــــــــــــــــــــااارب العالمين
ويردلكم ابوكم رداا جميلا عاجلا غير اجل
وجعله مايشوف غير امك الحبيبه
والله يردكيدها فى نحرها زوجة ابوك
حسبنالله ونعم الوكيل

 

[مس رسم]

لاحول ولا قوة الا بالله
اختي الغالية ما فية ساحر بالعالم يقدر يقرب من بيت فية ذكر الله سبحانة وتعالى

لازم ابوك يقراء عند شيخ عشان يبراء من البلا اللي فية

اسمعي انا عندي لك خطة وش رايك تسوي نفسك مريضة وتعبانة حيل وتخلي وحدة من خواتك تقول لابوك اختي تحتاج شيخ يقراء عليها اخاف فيها عين والا شي وانتي عاد قومي بالدور مضبوط عشان ما تنهار عائلتك المهم اذا راح ابوك للشيخ لازم يكون داخل معك عندة لحظتها اثناء القراية للقراءن الكريم راح ينوبه من الآيات شي سبحان الله يكون فية علامات للشيخ يعرفها من الشخص اللي امامة اذا كان طبيعي او لا يعني ينعس او يدوخ او يمكن يستسلم للاذكار وراح يركز على ابوك وان شاء الله راح يعرف الوالد انه حس بتحسن شوي وراح يكمل كذا بدورك انتي انتهى لان ابوك راح يعرف انه يحتاج لشيخ يقراة ويروح لوحدة وبرجلية ان شاء الله تبين زوجتة على حقيقتها ويتلم شمل اسرتكم بدون اعداء وانتي عاد تكلمي مع الوالدة خليها تهدي الى ما تعدي هالمرحلة الصعبة وان شاء الله سحابة صيف واتعدي
والله يكشف ضركم وكل مستضر

يااااااااااااااارب وتمسكي بالدعاء وبقرآة سورة البقرة فالسحرة يكرهونهاالله يردلهم كيدهم لنحرهم
الله يوفقك

 

[حمضيات]

حسبي الله على زوجته الثانيه ان كانت ساحرته ومغيره ابوكم عليكم..هذي نتايج الزواج الثانيه يشتت أسر ويشرد عيال حسبي الله ونعم الوكيل..شوفي حبيبتي انتم لكم حقوق وطالبيه فيها مو ع كيفه يكون أسرة ولا يتحمل مسؤليتها الدنيا فوضى؟ واذا كنتي متخرجه دوري وظيفه عشان تعزين نفسك واذا طالبه كملي دراستك ولا تتأثرين بالاجواء المحيطه عندك..واتكلي على ربك..

 

[مسك القلوب]

حبيبتي اكثري من هذا الدعاء بيقين تام ان الله راح يفرج همكم ويخلصكم من همكم

اللهم ياولي نعمتي وملاذي عند كربتي اجعل مانخاف ونخشاه بردا وسلاما كما جعلت النار بردا وسلاما على ابراهيم

صدقيني الدعاء له اثر عظيم واهم ترديده مع يقين تام

واكثروا جميعكم من الاستغفار حتى علمي اخوانك الصغار

قبل ما يجي شغلو سورة البقره حتى لو خليتو الصوت مره واطي
عشان مايصير للشياطين مجال فب بيتكم

رددوا دائما حسبي الله وكفى ..لاحول ولا قوة الا بالله

حافظوا على الادكار اليوميه

مهما كان لا تخلون المشكله تنسيكم الاشياء اللي كتبتها لك
وصدقيني راح يكون الله معكم ماراح يتاثر ابوك لا بسحر ولا غيره

صدقيني حبيبتي مره وحده من صديقاتي تقريبا نفس مشكلتك اتصلت علي
قالت لي ابوي جاي معصب ويتوعدنا وقلتلها نفس اللي قلتلك
اتصلت علي بعدين قالت شئ مو معقول دخل ابوي يبتسم ويسلم ولا كأنه هو اللي جاي يبي يخرب عيشتنا

وحاولوا تهدون امك و تغير رايها وتشيل فكرة الطلاق

حنا معك بعد الله
وطمنينا
وان شاء الله نسمع اخبار حلوه

 

[**قاطعه قلبه**]

اختي وحيده بهالكون شكرا حبيبتي لردك الله يعطيك مرادك ياحي ياقيوم

مريتي بنفس التجربه قولي لي كيف حليتها وانا اختك؟؟؟

الله لايضيع تعبك

 

[**قاطعه قلبه**]

اختي اسأل الله الجنه

والله من امس وانا عالنت ادور مركز استشارات واستشارات هاتفيه بس فترتها محدوده يعني ساعه باليوم مره او مرتين بالإسبوع وانا ابي حل عاجل

اشكرك ولا هنتي حبيبتي واذا عندك رقم تقدرين تفيديني فيه ارجوك تردين علي

 

[**قاطعه قلبه**]

اختي اوراق متناثره

اللهم آآآآآآآآآآمين وجزاك الله الف خير

والله ضحكتيني هو تاركها من سنين وهو عمره كبير بقولك السالفه كامله

 

[**قاطعه قلبه**]

حبيبتي مس رسم

من جد اشكرك على تعبك اسعافك لي بالخطه

بس حبيبتي ابوي عمره بالثمانين وهي ببيت مع ابوي واحنا ببيت ثاني مع امنا وهي حابسته بالبيت مقفله عليه البيبان ومانقدر ندخل نسلم عليه ولا نكلمه لأنها ترد عنه وتلعن وتسب وتسكر بوجهنا

آآآآه والله تعبت وابي استشاريه ترد علي

 

[**قاطعه قلبه**]

اختي حمضيات

امي شخلاها تطلب الطلاق لأنه طول هالسنين لايعاشرها معاشرة الأزواج ولا يبي يطلقها يعني معلقها ولا يعطيها مصروفها كزوجه ولا يحسب لها حساب بأي شي...

وقاعده تشتغل عشان تكد على عياله وتربيهم مجانا عبده عنده حتى الخدامه يعطونها راتب وعلى فكره الأدهى والأمر انه مايخليها تسافر لأهلها الجواز مخبيه عنده واذا طلبت السفر قال سافري وهو يضحك يعني مانتي قادره تسوين شي بدوني لأنه مايعطيها تصريح بالسفر اي مهانه وذل تعيشه معاه وتبونها ترجع على ايش قولو لي عالمعاشره ولا المصروف ولا الكلمات البذيئه والإهانات والرفس وبعد كبير في السن مو قدها على ايش شايف نفسه مادري؟؟؟

 

[**قاطعه قلبه**]

حبيبتي مسك القلوب

مشكوره جدا على الدعاء واكيد الله مايردنا خائبين بآذن الله وانا مبسوطه انك رديتي علي

بس سالفة الطلاق لابد منها ياختي امي اهانت نفسها واجد وانا من اللي استفدت منه في هذه المملكه العظيمه من أستاذتنا ناعمه جزاها الله الف خير وكل عضوات المملكه ومستشارينها

انك لابد تقدرين ذاتك وامي مو ماقدرتها الغتها بالمررررررررره ومن اللي استفدت منه وقيمته على ابوي انه من الشخصيات المتسلطه يعني اذا بينتي ضعفك داسك اكثر واكثر وامي تعبت كثير وجا الوقت اللي لازم ترتاح فيه
انا كثير شجعتهاعلى هالشي واقولها اعيش سعيدا مكرما معززا او لاأعيش

وقلتلها بنقلب الدنيا احنا شخسرانين اكثر

واحنا معاها وش مايصير

الله ينصرنا ويبعثلنا ببنات الحلال وعيال الحلال اللي ينورون لنا دربنا شرواكم ويعلمونا الطريقه الصحيحه لاسترجاع جميع حقوقنا ونعيش معززين ومكرمين ويحترمونا الناس بعدها ويعملون لنا الف حساب

انا متفائله جدا

 

[عنقود عنب]

عزيزتي

الله يكون في عونكم

عزيزتي ...الطلاق في هذا الوقت ما راح يجيب الا نتيجة عكسية

لا تقولين لي كرامة او ذل

هو طول عمرة هامل امكم ...الان وش راح يفيد الطلاق ؟؟؟؟ غير انه راح يشردكم

على الاقل انتوا الان في بيت حاويكم

لكن اذا تطلقت امك وش راح يكون وضعكم ؟؟؟؟

ما عندكم اعمام تكلمونهم ..او اي احد من اهل ابوك يكون حكيم و كلمته مسموعة عند ابوك يمكن يقدر يساعدكم

ما عندك اخوان ذكور كبار في السن يقدرون يشتغلون و يساعدونكم

اذا ابوك رجل في الثمانين ...امك كم عمرها ؟؟؟؟

لا تستعجل امك في الطلاق لان ليس هذا بالحل السليم الان

وربي يعينكم

 

[أبرار سالم]

اختي حمضيات

امي شخلاها تطلب الطلاق لأنه طول هالسنين لايعاشرها معاشرة الأزواج ولا يبي يطلقها يعني معلقها ولا يعطيها مصروفها كزوجه ولا يحسب لها حساب بأي شي...

وقاعده تشتغل عشان تكد على عياله وتربيهم مجانا عبده عنده حتى الخدامه يعطونها راتب وعلى فكره الأدهى والأمر انه مايخليها تسافر لأهلها الجواز مخبيه عنده واذا طلبت السفر قال سافري وهو يضحك يعني مانتي قادره تسوين شي بدوني لأنه مايعطيها تصريح بالسفر اي مهانه وذل تعيشه معاه وتبونها ترجع على ايش قولو لي عالمعاشره ولا المصروف ولا الكلمات البذيئه والإهانات والرفس وبعد كبير في السن مو قدها على ايش شايف نفسه مادري؟؟؟

أختي أسمحيلي هذا أبوك ومهما فعل مع أمك لا تنزلين من قدره حتى مع نفسك مهما
يكون يمكن انت صغيره وما تدرين هو شلون عايش وصابر .. وشدعوه ليش تضنين انه مقفله
عليه الباب .. هو يمكن ما يبي المشاكل تكبر بين البيتين والله كريم
الحين اذا انت تحبين أمك وتبيلها الخير حاولي تقربين من أبوك وتوددين له حاولي في مكان
بروحكم تعاتبينه وتحاسبينه يمكن يكون صعب عليج بس كل شي يهون علشان أمك ،،
يمكن هي ما قدرت تاخذ حقها وما عندها أسلوب وشخصية قويه فأنت خلي المنازعات تولي
وفكري بس شلون تاخذين حق أمك شوي شوي توددي له وتقربيله وان شاء الله كل شي ينحل

 

[تحيه للعلم]

وليش ساكتين ؟؟ اقصد ليش امج ماتطلب الطلاق والا ماعندكم محاكم ...

المحكمه بتاخذ لها حقها كامل اذا هذا كلامج عن زوجها اللي هو ابوج....

لا معاشره ولا فلوس ولا كلمه حلوه ولا حتى معامله تفتح النفس وبعدين؟؟؟؟؟

اقعد انطر الناس تعلمني شسوي ؟؟

شدعوه مايبيلها تفكير اختي قاطعه امج وايد عندها ادله تكفيها انها تطلب الطلاق وخلي المحكمه تشوف لها

حقوقها المغتصبه منها يعني بمعنى حلالكم حق غيركم وانتوا ساكتين شوفي اختي صار معاها نفس الشي

بالضبط اخذ ثانيه ونسى اختي ونسى انه هو المتصرف بفلوس اختي بس اختي ما سكتت اللي خلقها سبحانه

موجود توكلت عليه وعندها يقين بانه سبحانه راح ينصفها والحمدلله الله ثم المحكمه رجعت لها حقها كامل

والحين ريلها يحسب لها الف حساب مو اشوف حلالي حق غيري واسكت انتوا وامكم تعينونه على انه

يستمر معاكم جذي لا يا اختي امج لها حق مثل ماغيرها صار له كل الحق لا تسكت تتوكل على اللي خلقها سبحانه

ولا تخاف من احد ابد وعليكم انتوا بالدعااء واكثروا من الاستغفار ولا تخلون هالمشكله تنسيكم ان الله موجود

الجئوا له سبحانه مو مقصر معاكم وتقبلي مروري

 

[نبع الحنين]

الله يكون بعونكم ويهدي ابوكم .

 

[نافله]

لا تخافين حبيبتي الحين في قانون يحمي بعد الله ..... استشيرو محامي او محاميه علشان اتكونون على نوووور الله اينور دربكم ...... ربي يحميكم