بسم الله الرحمن الرحيم
انا عندي مشكلة ويليت تساعدوني انا وحدة متزوجة وعندي اطفال وساكنة في العمارة حقت اهلي انا وزوجي وفي شقتي درج تطلع على بيت اهلي يعني زي الفلا المهم صارت لي مشكلة مع امي >انا كنت نايمة في بيتي الا زوجي جا وصحاني من النوم وقال امك تبغاكي ضروري والله يااخوات واقوم مفزوعة واطلع واشوف ايش فية الى هي تقول بالحرف الواحد <لاتحلفي ببزورتك ولا بزوجك لاني ماراح اصدقك قلتلها ايش صار وانا قلبي بيطير من الخوف الا تقول كان عندي طقم في الخزنة وماني لاقيتة قلت دورتي علية مزبوط الا تقول هذا الطقم غالي علي يعني فين راح وتروح على غرفتها وانا الحقها الا هي متحت الخزنة وقالت يعني انا عمية شوفي ما في والله انا قعدت ادور وهي خرجت من الغرفة الا وانا ادور لقيت علبة وافتحها الا فيها الطقم اخذت العلبة ورحت لها قلت لها هذا هو وقالت ايوة كيف ما شفتة وجلست تتكلم انا سبتها ونزلت بيتي وانا قلبي بينفجر من القهر ومر على هذا الموضوع اسبوع وانا ما طلعت لها ولا هي كلمتني بس انا خايفة اني بكدة اكون عقيتها وفي نفس الوقت نفسي مي هاينة علي بالله يا اخواتي ايش الحل انا ما ابغى ازعلها وابغى رضاها بس هي مرة زعلتني ايش الحل انا حاسة مخي راح ينفجر ابغى رايكم وشكرا
