معلومات مرجوجه ع الأخر
- إنضم
- 23 فبراير 2010
- المشاركات
- 274
- مستوى التفاعل
- 0
- النقاط
- 0
الي زوجها شمالي شرقي الله يكووون بعونها
مراحب فيكم وكل عام وانتو بالف خيررررر
من جد محتاره في هذا الي يقولون عنه شمالي شرقي والله صرت ارحم اي وحده زوجه شمالي شرقي ,
يعني مافهمته وتعبت وانا ابي افهمه مع العلم اني لي اكثر من16 سنه متزوجه من هذا الكائن الغريب قولا وفعلا ياربي والله عمر راح .استغفر الله المهم يا اخواتي وادخل منتديات واطبق كل شي لكسب رضاه مانفع طنشت ومانفع كل شي سويته وتعبت واخيرا وبعد جهد جهيد ومن فضل هذا المنتدى فهمت ان فيه انسان يطلق عليه الشمااااااااااااااالي الشرقي ولقيت كيف تتعاملين معه وكيف تفهمين وش يبي وش مايبي وياليت مالقيت على كثر ماحست معه ودووووخ راسي الا ان حتى الطريقه المطلوبه بالتعامل معه تدوخ اكثر يعني بيني انك تحبينه وانه اهم شخص ولاتبينين خليك مستقله عاطفيا كيف تجي والله من جد لحسه مخ ... يحب القويه والي ماتسكت عن حقها وبنفس الوقت استكي وانطمي ترى يحب الزوجه المطيعه وهذي مدري كيف تجي!!!اسفه على الالفاظ بس من الحره الي فيني قاهرني:30:
واشياء كثيررررر وخاصه صراحه ضحكت لما سمعت نصيحه اذا بتطلبين منه طلب ركزي بعيونه يعني انتبهي عيونك لاتدور :22:هههههههههه والله حاله حتى عيوني لازم اشوف حركاتها لاتروح منا ولا منا عشان حضرته يرضى بنات انا من جد خلالالاص بيجيني انهيار عصبي لالا خلينا على طبيعتي احسن مع ان مانفع معه شي ابدا احيانا اكون واثقه من نفسي معه اقول يالله هذا الشخص رزق من الله امي اكيد داعيه لي بلليله القدر واتشقق من الوناسه واحيانا يمكن تكون بنفس اليوم ينقلب 180 درجه وانا منصدمه اقول لا اكيد متلبس بسم الله الرحمن الرحيم بقولكم موقف يلا اضحككم معي
مره كان زوجي شاري سياره جديده وفرحان ومتشقق لو اقول ابي نجوم السماء قال ابشري المهم كانت الساعه 1 بالليل قال وش رايكم نروح نتمشى على السياره يعني نسافر (لشرقيه )قلت تم قال خلاص نمشي الحين طبعا ماعنده وقت قلت اوكي واروح اركض اجمع اغراض عيالي والله يمكن نص ساعه اجاري سرعته طبعا لانه يمكن يزعل المهم رحنا وصلنا الصباح واخذ لي فندق رااقي وانا مبسووطه من معاملته واسلوبه واقول الحمد لله انه زوجي مو واحد غيره:32: المهم دخلنا ونمناوصحينا متاخرين وطلبنا اكل ولبست عيالي وتعرفون الوقت يرووح بسرعه طلعنا يمكن على المغرب من الفندق وركبنا السياره تذكرت قلت معليش حبيبي قبل لانروح البحر ابي نمر على اي محل اخذ ملابس سباحه لعيالي الي هي شورتات يعني والله حاجه تافهه ومارد وسكت انا ..وبعدها وهو يلف على الشوارع وشوي يبي يوقف على البحر قلت ابو فلان العيال ماعندهم شورتات وانت عارفهم لازم بيلعبون بالبحر وكان اسلوبي هادي تخيلو وش صار مادريت الا الرجال عصب وانقلب وحش وهواش ويمشي بالسياره بسرعه ويلفلف وانا نفسي اقول لعيالي اربطو حزام الامان حسيت اني بملاهي معه الا يوقف عند الفندق قال انزلي ضفي اغراضكم انتي ماتستاهلين احد يمشيك!!!!!! برجعكم لبيتكم احسن !!!! وانا على راسي علامات تعجب :33:هو كل هذا مني والا في راسه شي ويفرغ علي سكت وبكل هدوووء نزلت ولميت اغراضي ورجعنا طبعا الاخ ماقصر يوم جاء يسلم المفتاح تهاوش معهم فرغ فيهم ورجعنا من سفرتنا السعيده هع مدري التعيسه تخيلو ماكملنا الا 12 ساعه هههههه واخر شي يوم تناقشنا بعدين قلت ليش تسوي كل هذا؟؟؟قال ليش قبل لاتلمين اغراضك جيتي وتأسفتي مني وراضيتيني عشان نجلس ونكمل تمشيتنا !!!!!!!!! من جد انسان غريب يبي اجيه وهو معصب مره وابوس راسه واقول بنجلس !!!والله حاله . ويلا كل وحده تعطينا مواقف مع الشمالي الشرقي واسفه ادري طولت عليكم
من جد محتاره في هذا الي يقولون عنه شمالي شرقي والله صرت ارحم اي وحده زوجه شمالي شرقي ,
يعني مافهمته وتعبت وانا ابي افهمه مع العلم اني لي اكثر من16 سنه متزوجه من هذا الكائن الغريب قولا وفعلا ياربي والله عمر راح .استغفر الله المهم يا اخواتي وادخل منتديات واطبق كل شي لكسب رضاه مانفع طنشت ومانفع كل شي سويته وتعبت واخيرا وبعد جهد جهيد ومن فضل هذا المنتدى فهمت ان فيه انسان يطلق عليه الشمااااااااااااااالي الشرقي ولقيت كيف تتعاملين معه وكيف تفهمين وش يبي وش مايبي وياليت مالقيت على كثر ماحست معه ودووووخ راسي الا ان حتى الطريقه المطلوبه بالتعامل معه تدوخ اكثر يعني بيني انك تحبينه وانه اهم شخص ولاتبينين خليك مستقله عاطفيا كيف تجي والله من جد لحسه مخ ... يحب القويه والي ماتسكت عن حقها وبنفس الوقت استكي وانطمي ترى يحب الزوجه المطيعه وهذي مدري كيف تجي!!!اسفه على الالفاظ بس من الحره الي فيني قاهرني:30:
واشياء كثيررررر وخاصه صراحه ضحكت لما سمعت نصيحه اذا بتطلبين منه طلب ركزي بعيونه يعني انتبهي عيونك لاتدور :22:هههههههههه والله حاله حتى عيوني لازم اشوف حركاتها لاتروح منا ولا منا عشان حضرته يرضى بنات انا من جد خلالالاص بيجيني انهيار عصبي لالا خلينا على طبيعتي احسن مع ان مانفع معه شي ابدا احيانا اكون واثقه من نفسي معه اقول يالله هذا الشخص رزق من الله امي اكيد داعيه لي بلليله القدر واتشقق من الوناسه واحيانا يمكن تكون بنفس اليوم ينقلب 180 درجه وانا منصدمه اقول لا اكيد متلبس بسم الله الرحمن الرحيم بقولكم موقف يلا اضحككم معي
مره كان زوجي شاري سياره جديده وفرحان ومتشقق لو اقول ابي نجوم السماء قال ابشري المهم كانت الساعه 1 بالليل قال وش رايكم نروح نتمشى على السياره يعني نسافر (لشرقيه )قلت تم قال خلاص نمشي الحين طبعا ماعنده وقت قلت اوكي واروح اركض اجمع اغراض عيالي والله يمكن نص ساعه اجاري سرعته طبعا لانه يمكن يزعل المهم رحنا وصلنا الصباح واخذ لي فندق رااقي وانا مبسووطه من معاملته واسلوبه واقول الحمد لله انه زوجي مو واحد غيره:32: المهم دخلنا ونمناوصحينا متاخرين وطلبنا اكل ولبست عيالي وتعرفون الوقت يرووح بسرعه طلعنا يمكن على المغرب من الفندق وركبنا السياره تذكرت قلت معليش حبيبي قبل لانروح البحر ابي نمر على اي محل اخذ ملابس سباحه لعيالي الي هي شورتات يعني والله حاجه تافهه ومارد وسكت انا ..وبعدها وهو يلف على الشوارع وشوي يبي يوقف على البحر قلت ابو فلان العيال ماعندهم شورتات وانت عارفهم لازم بيلعبون بالبحر وكان اسلوبي هادي تخيلو وش صار مادريت الا الرجال عصب وانقلب وحش وهواش ويمشي بالسياره بسرعه ويلفلف وانا نفسي اقول لعيالي اربطو حزام الامان حسيت اني بملاهي معه الا يوقف عند الفندق قال انزلي ضفي اغراضكم انتي ماتستاهلين احد يمشيك!!!!!! برجعكم لبيتكم احسن !!!! وانا على راسي علامات تعجب :33:هو كل هذا مني والا في راسه شي ويفرغ علي سكت وبكل هدوووء نزلت ولميت اغراضي ورجعنا طبعا الاخ ماقصر يوم جاء يسلم المفتاح تهاوش معهم فرغ فيهم ورجعنا من سفرتنا السعيده هع مدري التعيسه تخيلو ماكملنا الا 12 ساعه هههههه واخر شي يوم تناقشنا بعدين قلت ليش تسوي كل هذا؟؟؟قال ليش قبل لاتلمين اغراضك جيتي وتأسفتي مني وراضيتيني عشان نجلس ونكمل تمشيتنا !!!!!!!!! من جد انسان غريب يبي اجيه وهو معصب مره وابوس راسه واقول بنجلس !!!والله حاله . ويلا كل وحده تعطينا مواقف مع الشمالي الشرقي واسفه ادري طولت عليكم
اسم الموضوع : الي زوجها شمالي شرقي الله يكووون بعونها
|
المصدر : منتدى الأنماط الشخصيه