الي راحت تايلند لحظه من فضلك ارجو المساعده

[يشس]

مرحبا اختي انا سرت الصيف الماضي واخذت بنتى كان عمرها سنه وشهران والحمد لله ماتعبت معها بالعكس ندمت ماخذت باقى العيال معايه لانى كنت افكر فيهم ونكدت بس بالنسبه للاسواق في سنتر طوكيو رخيص وسنتر بلانتينيوم بعد روعه

 

[كلي أنوثه]

أنا بصراحه خذت ولدي معاي وكان عمره سنه تقريبا صح تبهدلنا شوي بس السفره الحمدلله واااااايد كانت رائعه :blush-anim-cl:بس المشكله إلي صارت أنه يوم ركبنا الفيل كان ولدي فديته بيطيح عنا من فوق:tears: والحمدلله الله ستر ومرت السالفه على خير:harhar1:

 

[ام القاسم]

انا ابد ما انصحك تاخذينه معاك اول شي في الطياره بتتعبين وثاني شي في الرحلات خصوصا بوكت فيها رحلات وسط البحر وتدخلين مغارات يعني اذا بتروحين معاه بتنحرمين من بعض الرحلات .
الاسواق هناك تخليش محتاره كل محل غير عن الثاني (خصوصا العاصمه بانكوك)
الاحذيه عندهم رخيصه وشيك حتى الشنط اشكالهم مررررررررررررره حلوه والساعات والاكسسوارات يعني اذا رحت هناك يبغالك ميزانيه حق التسوق

 

[وصاف]

ام القاسم وكلي انوثه ويشس تسلمووووووووووووووووووووووووووووووووون ماقصرتو

بس حتى الان محتارررره اخذ ولدي ولا لا الله يكتب الي به الخيررررره

 

[الدايمن]

انا عن نفسي بسافر مع عيالي الاربع تايلند والصغير بخليه عند يدته:icon1366: لاني
جربت مرتين مره اخذت بنتي ومره اخذت ولدي وكلهم كانو ع السنه ونص
وكنت بصراحه تجربه فاااااااااااااااااااااااااااااااااااااااااااشله :no:

 

[رشة غلا]

انا بصراحة ما انصح با لاطفال دون خمس سنوات

ترا الاطفال ما يتحملون يتعبون ويملون بسرعة

واذا هو صغير ما تفرق معه

وصدقيني السفر بدو اطفال مع ابو العيال والله تجديد
وتحسين كنك في شهر عسل جديد

وفكري كيف تستمتعين بوقتك

وبالمرة خليها رحلة تجديد شهر عسل

ترا الرجال يفرحون اذا قلتلي له يخلي الولد عشان نعيش عرسان جدد

وقبل السفر اقعدي عند اهلك حوالي 3 أيام طبعا بتكونين مجهزة الشنط قبل

وخليه يمرك عند اهلك واطلعوا على المطار وانت تجهزي قبل لايمرك كنك عروس

وخليك قبل شارية ملابس نوم جديدة وتشكيله ملابس بسيطة ونعومة للطلعة وحطيها بالشنطة ((( مفاجأة))

عشان تكونيين تغيرتي علية

واتحمسي للموضوع
وخلي الهدف من الرحلة تجديد شهر عسل

عشان ما تفكرين في ولدك دايم وتدوشين الرجال

ومثل ما قالت الاستاذة ناعمة حبي نفسك أول

وولدك انشاء الله في ايدي امينه

وحطي في بالك دايم عشان تستمتعين

أنه ماراح يصيبة مكروة الا اذا الله كاتبة حتى لو كان معك

وصدقيني راح ترجعين وانتي مبسوطة وما راح تنسين هالرحلة حتى ابو الشباب بيصير يذكرها دايم

هذي وجهت نظري وانتي حرة

بس على فكرة الرحلات الجاية انشاء الله بيكبرون العيال وما راح تقدرين تتركينهم عشانهم كبار


ودمتم بود

 

[اضواء الرياض]

حبيبتي انا العام رحت لها وكان معاي عيالي وكان فيهم واحد صغير
وكنت على طول بالعربيه والحمدلله ما نزعجت
وقبل السفر قالت لي صديقتي ان الفنادق خمس نجوم يوفرون بيبي ستر على مدار الساعه ومدربات على التعامل مع جميع اعمار الأطفال ونفسياتهم
ولا هم غالين وانتي ماراح تحطينه عندهم على طول بس الطلعات الخاصه
تقول ان ولد اختها صياح مره وكانت تخليه عندها تقول والله ان ولدها انبسط مره

 

[!! مريــومه !!]

انا السنة بسافر ماليزيا وتايلاند وبشل عيالي وياي ؛؛ 3 اولاد اصغرهم بو سنتين
الصراحه ماقدر اصبر على فراقهم وعشان يستانسون بعد ويانا