الي راحت تايلند لحظه من فضلك ارجو المساعده

[وصاف]

:icon26:
اهلين حبيباتي بدخل للموضوع على طول:no::no:
انا انشاء الله ناويه تايلند بالصيف بس متمشكله :in_love: عندي ولد بسم الله عليه عمره سنه ومتعوده ماافارقه ابد بحكم اني مو عند اهلي الحين
وانا متردده اخاف اذا مااخذته يضيق صدري واشتاق له وتخرب الرحله لاني مره متعلقه فيه :icon26::icon26: واخاف بعد اذا اخذته معاي تنحاس السفرهويعصب ابو الشباب:shutup::shutup: فالي راحت تايلند وش رايها وهل يمكن اتبهذل انا والعربيه حقته محتااااااااااااره مره وش رايكم




وثاني طلب وش الي اشتريتوه من سوق تايلند وبالاخص عندهم ملابس حلوه ولا بسيطه زي الي بماليزيا ووشو احلى شي موجود عندهم الملابس ولا الشنط ولا ايش:blush-anim-cl::blush-anim-cl:


وربي يوفق الي تجاوب على اسئلتي :shiny:

 

[فراشه]

اختي انا رحت تايلند مع ولدي كان عمره شهرين..

ما تبهدلت في الروحة والاسواق ابد..

بس شي واحد.. هو كان مزعج وكله يصيح وسوالي صدعة في مطعم الفندق :icon1366:

لكني اشوف الروحة مع طفل صغير ما فيها شي..

بالنسبة للاسواق ما اقدر افيدك وايد هذيك كانت اول روحه لي ولزوجي وما عرفنا وين نروح

سناترهم غالية وايد مثل اللي عندنا ويمكن احلى شي المعارض اللي عندهم

سألي في التاكسي او الفندق عن اماكن المعارض لأنها موسمية مش دائمة << مثل ما سمعت

بس يقولون ان الاسواق في بتايا وحواليها رخيصة وايد واحلى من بانكوك..

 

[وصاف]

مشكوره اختي فراشه الله يعطيك ويرزقك الي تتمنيين شجعتيني اخذه في الطياره طبعا ماله مقعد فماتعبت من شيله لان الرحله طويله:idea::idea: طيب انا سامعه انه فيه رحلات على الفيله وقوارب :flex::flex:وش سويتي مع طفلك والله يجزاك خير

 

[ام رهايف]

انصيحة خلية عند اهلك ترى بيطفشكم وبعدين يطفش ابوة ويسافر الحالة انا اخذت طفلين واحد 3 سنوات والثاني شهرين واللة ماتمتعت بالسفرة وصار الرجال يسافر لحالة مايبغاني انا والعيال

 

[فاتنة نجد]

وانا بعد انصحك ماتاخذينة معك وسعي صدرك ولاحقة على ولدك ان شاللة لان الاطفال يبهذلووووووووووون في كل شي في النوم في الطلعة

 

[فاتنة نجد]

اهم شي روحي بوكت فندق ميرديان روعة ماراح تطلعين من الاوتيل من جمال المكان موقعة على قمة زي الجبل وحواليك البحر بجد روعه وبالنسبة لاسواقهم رخيييييييييييييييييصة مرة ولايفوتك الاسواق الشعبية وعندهم تقليد شنط الماركات ماتفرقينها عن الاصلي واللة يوسع صدرك بالعافية تروحين وتجين بالسلامه

 

[وصاف]

الاخوات فاتنه نجد وام رهايف شكرا حبيباتي ماقصرتن :icon26::icon26::icon26::icon26::icon26:واحاول مع نفسي اني ماخذه

فنق مريديان على رايك ان شاء الله لاننا احترنا كثير بالفنادق في فوكت :blush-anim-cl::blush-anim-cl:

والاسواق الشعبيه وين في بانكوك وتقصدين سوق الاحد ولا فيه شي غيره؟

 

[مدخن ودخون]

بذمتك ولد عمره سنه مال سفر؟؟
كيف تبينه يجلس لج في الطياره ؟ عيال هالعمر همهم وغمهم الاستكشاف والحبو والمشي والركظ، مافي ياهل في عمر السنه اذا ربطتيه في الطياره قعد بهدوء.. حتى اذا فكرتي اتنوميه، كم ساعه بينام لج؟؟ الرحله تقريبا 6 الى 7 ساعات.. شكثر بينام بذمتج ؟؟؟ ووين بتنومينه؟؟ البيبي كوت في الطياره ماينعطى لفوق الاربع شهووور... واذا نومتيه على ريلج الله يعينج
هذا بالنسبه للطياره,,, اما السوق وما ادراج مالسوق في تايلند، مع احترامي ، شوارعهم نوعا ما مكسره في بعظ الاماكن فيها طلعات ونزلات وصعب انج ادزين عربه طفل عليها... وهناك عندهم التك تك الي هو احلى وسيله مواصلات،، مافيه وسع لعربه طفل يدوب لاكياس التسوق...


مولاتهم هناك حلو مثل مولاتنا، كبيره وممراتها واسعه لكن وين بتروحين بولدج في السوق الليلي؟؟ السوق هذا في الفرجان وقته بالليل حرام تلعوزين الطفل معاج،، والجو هناك نوعا ما حر وزحمه ودخنه مطاعم حتى لو لحفتي العربه وايد بيحر وبيعرق...
ولازم تخافين من الخطف.. يقولون صرقه الاطفال هناك تجاره
وغير هذا انتو اكيد رايحين كذا منطقه هناك يعني بتركبون كذا طياره،، يعني السالفه فيها شل البيبي وحط البيبي .. وياهل في هالعمر يباله طبيخ، كيف بتأكلينه لاتقوليلي باخذ معاي خلاطه مونيلكس ( مثل وحده من ربيعاتي خذت معاهاخلاطه للاكل تطبخ لولدها في الفندق.. ندمت وعمرها مابتعيدها على قولتها بعد ما تبهدلت وانهزبت من بو العيال)
وهناك في عروض للفيله والافاعي والقرود وركوب الفيل ودخول النهر في المركب، كيف وانتي معاج بيبي؟
هذا رايي في الموضوع وانتي برايج
وغير هذا انتي عضوه في منتدى مملكه بلقيس الي يعلم الحريم كيف يديرون بالهم على رياييلهم ويحافظون عليهم،، يختي دوسي على قلبج ودري الولد عند اهلج وسافري وتفسحي وعسلي مع بو الشباب والله بتردين ايام العسل والوناسه.. سويلج برنامج مع بو الشباب كله حب ومغازل وسهر كوني البطله معاه ومن ترجعين البلاد بتحظنين ولدج وبتبوسينه بترد روحج وبتدعيلي

 

[الآمال الكبيرة]

أختي وصاف انا رايحة تايلند مرتين اول مرة كان ولدي الكبير عمره سنة ونصف سوى جو لطيف في الطائرة والمضيفات اتهبلو عليه والمرة الثانية عندي ثلاثة والطفل الصغير عمرة سنتين ما سولي مشكلة ، إذا كان طفلك من النوع الهادي فخذيه معاك عشان تستانسي وما تصير كل شوي متصلة في أمك تسألي عنه .

 

[الفردوس]

انا سافرت تايلند اول شي شنغ ماي وبعدين بانكوك وكان عمر بنتي سنه ونص بس خذي نصايحي عشان ترتاحين

1_ الحجز في طيران الخطوط التايلنديه لأن ما تقلع إلا في الليل يعني الساعه 9 اول 10 احسن توقيت وإذا قدرتي تحجزين في البزنس ايكون احسن ما انصحك تسافرين في طيران الامارات .

2_ عربة الطفل خذيها سهلة الطي وفيها سلة كبيرة من تحت والكرسي تقدرين تنزلينه للنوم . بنتي كانت تنام من الحشره إذا رحنا السوق وانا اخذ راحتي .


3_شنطة صغيره للطفل اتكون في ايديج بس لا تكبرينها وايد ( حطي فيها بامبرز _اكياس البامبرز _مناديل تنظيف الحفاض ومناديل الوجه _ حطي مرضعه فيها ماي ومرضعه فيها عصير قبل لتروحين المطارومرضعه خليها للحليب فارغه _ وعلبة للحليب بأربع طبقات ونصحك تشيلين علبة صغيره للحليب اتخلينها للأحتاط _ملابس وصدريات للأكل _دلة صغيره للماي الحاروانصحك تاخذينها من الكارفور ويكون حجمها مثل عبلة الماي الصغيره _ ولا تنسين علبة الماي .وجبة العشاء وجبة الفطور لا تنسين الألعاب )

4_هذي نصيحه من طبيب قبل الرحلة بساعتين عطيه مهدئ اسمه (كالبول) عشان جسمة بيتعب ومن اذنه من ضغط الطياره وفهذا الدوا بيخليه نايم إن شاء الله من اول ما تقلع الطياره . مثل بنتي اول ماركبت ربع ساعه نامة لين وصلنا مطار بانكوك الحمد الله ارتحت ونفس الشي في الرجعه نامت .


الصراحه رحلتي كانت وااااااايد حلووووه واستانسنا وإن شاء الله تستانسين

 

[][ الدلع ][]

اقدم لكم الاسواق الرخيصة واللي راح تستفيدون منها

1- بوبي شوب

( هذا سوق شعبي (( للأطفال )) عجيب بمعنى الكلمة ورخيص جداً جداً ) للأطفال فقط )

ملاحظة : هذا السوق بالجملة .. ويمنع فيه المفرق .. قد تجد من يبيعك مفرق ولكن نادر

مثال البجامة للطفل في دولنا اسعارهم 20 درهم وطالع

اما في هذا السوق 12 حبة سعرها 100 درهم او 120 درهم

2- السوق الصيني ( جاينا تون )

هذا السوق كبير جداً جداً جداً ... ولكن اكثر العرب لا يعلمون بأن هذا السوق مقسم الى مجموعات

1- مجموعة : أدوات مدرسية ومكتبية
2- مجموعة : ملابس أطفال و اولاد
3- مجموعة : أحذية
4- مجموعة : هداية وتغليف
5- مجموعة : أغراض الرحلات والغوص
6- مجموعة : للسيارات والدرجات (( كل مايخص السيارة )) مسجلات + سماعات + والله كل شي موجود اللي في بالك واللي ما يمر في بالك راح تشوفه
7- مجموعة : الكترونيات ( كل شي كمبيوتر تلفزيونات المهم كل شي واسعارهم روووووعة )
8- مجموعة : للأقمشة ... الخام الكشميري المتر ب 300 درهم عندهم المتر لا يتجاوز 15 درهم
9- مجموعة : للألعاب النارية
10- مجموعة : لألعاب الأطفال
11- مجموعة : تلفزيونات + Dvd للسيارات ... أسعار خيالية انا اشتريت Dvd للسيارة على السقف ب 480 درهم... مثلة بالضبط يباع في الاماارات 1900 درهم

ما ابي اطول عليكم بهذا السوق لكن اتمنى من يزور هذا السوق ان يلف فيه لو لانه مساحتة اكبر 30 كيلو

3- سوق الاحد ( ساندي ماركت )

هذا السوق يفتح فقط يوم الاحد من الساعة 6 الصبح الى 6 المغرب ... والله يعينكم على الزحمة

كل شي موجود في هذا السوق انا بقول الاشياء الحلوه اللي فيه

ملابس للجنسين صغار وكبار + ديكورات + احواض سمك روووعة ورخيصة + شموع + اباجورات + واشياء كثيرة

4- باتونام

أكيد الناس وفت وكفت عن هذا السوق (عبارة عن سوق شعبي يقع في منطقة باتونام)

5- كمبيوتر ستي

هذا مجمع مكون من 5 طوابق فقط للكمبيوتر واكسسوارته رووووعة + أفلام

الدور الرابع : يباع فيه كمبيوترات مستعملة وقطع غيار مستعلمة ولكن رخيص جداً

لاب توب مميزات حلوه ب 600 درهم نفسه جديد سعره 3800 او 4000 ... اذا زرتوا هذا المجمع سوف تعرفون

وأكثر المحلات في الخليج تشتري الاغراض من هذا المجمع

6- مجمع Mbk او طوكيو
غني عن التعريف يتكون من 7 ادوار مختلفة ملابس اثاث منزلي ومكتبي الكترونيات وهواتف متحركه صالات عرض سينمائية وصالة بولينغ ومطاعم مختلفة واسعاره بمتناول الجميع.

هذه الاسواق والمجمعات جميعها في بانكوك

 

[][ الدلع ][]

السلام عليكم
تعرف تايلند بshoppes paradiseاو جنة المتسوقين اذ تتنوع اشكال التسوق بدءا من الاكشاك الصغيرة ووصولا للمراكز التجارية والمجمعات الفخمة.
والتسوق في تايلند ليس مجرد ضرورة حياتية وانما متعة مفيدة وتجربة تعليمية تثقيفية تجعلك داءم التوق الى ارتياد مراكز التسوق التقليدية والحديثة على حد سواء.
وايمانا منا بضرورة توفير المعلومات المفيدة لكل الاعضاء والزوار الكرام اكتب لكم اليوم الدليل الشامل لمراكز التسوق في كل من بانكوك وفوكيت وباتايا وتشانغ ماي.آمل ان يستفيد منها اكبر عدد من الزوار .
المعلومات اخذت من هيئة تايلاند للسياحة لعام2006
التسوق في بانكوك: المراكز التجارية:
سيام باراجون عند محطة سيام ستيشن SIAM PARAGON siam station
ذ امبيريوم محطة بروم بونجTHE EMPORIUM phrom phong station
سنترال وورد بلازا محطة شيت لوم CENTRAL WORLD PLAZA chitlom station
جاي سورن بلازا محطة شيت لوم GAYSORN PLAZA chitlom stathon
امارين بلازا محطة شيت لومAMARIN PLAZA chitlom station
ايراوان بلازا محطة شيت لومERAWAN chitlom station
بيننسولا بلازا محطة راتشا دا ماريPENINSULAR PLAZA ratchadamari station
اول سيسون بالاس محطة بيلون شيت ALL SEASONS PLACE ploenehit station
سيام ديسكفري محطة سيامSIAM DISCOVERY CENTER siam station
ام بي كي او الطوكيو سنتر محطة الناشيونالMBK TOKYO CENTER national station
سنترال شيت لوم محطة شيت لوم CENTRAL CHIT LOM chit lom station
سنترال بلازا محطة شيت لومCENTRAL PLAZA chit lom station
سنترال سيتي محطة اون نتسCENTRAL CITY onnuts station
سي كون سكوير محطة سريناخارين SEA CON SQUARE srinakharin road
اولد سيامOLD SIAM
لوتس تيسكو محطة اون نتسLOTUS TESCO on nut station
ذمول كومبليكس شارع رام كامهانج THE MALL SHOPPING COMPLEX ramka mhaeng rood
روبنسون سوكوموفيت رودROBINSON soko movet rood
بلاتينيوم سنترPLATENYOM CENTAR
بيج سي THE BEG SEE
بانكوك الاسواق الشعبية والمفتوحة:
جاتو جاك ماركت او سوق الاحد CHATUCHAK MARKET
بات بونج ماركت PATPONG NIGT MARKET
البراتونام ماركتPRATUNAM
باي يوك ماركت BAI YOKE MARKET
بانج لامبو BANG LAMPHU MARKET
بوبي ماركتBOBE MARKET
اموليت ماركتAMULET MARKET
باك خالونج ماركت (سوق الزهور)PAK KHLONG MARKET
ميموريال بريدج نايت ماركت MEMORIAL MARKET
تشاينا تاونCHAYNA TAWN
سامبنجSAMPENG
خاو سان روودKHAW SAN ROOD


التسوق في باتايا:
بيج سي THE BEG SEE
رويال جاردن ROYAL GARDEN
مايك مولMAIK MALL
توبس TUPPAS
كارفور CAR FOR
لوتسLOTUS
التسوق في بوكيت:
اوسيان شوبينج مول OCEAN SHOPPING MALL
سنترال فيستيفل بوكيت CENTRAL FESTIVAL PHUKET
روبنسون سنترROBINSON
بريجنت سنتر BREGENT CENTAR
باتونج بيتش نايت بازار PATONG PECHE NIGYT BAZAR
التسوق في تشانغ ماي:
موانج ماي MUANG MAI
تون باجومTON PAGOM
ثيبانيت ماركت THIPANET MARKET
واراروت ماركت WAROROT MARKET
جات مارك GAT MARKET
سان با كوي SAN PA KOY
نايت بازارNIGT BAZAR
سومبهيت ماركتSOMPHET MARKET
موانج ساموتMUANG SAMUT
خوانج سنجKHUANG SING
كومتينج فلاور ماركت KOMTIENG FLOWER MARKET

 

[][ الدلع ][]

و هذي هدية لج خريطة مراكز التسوق في بانكوك

و ان شاء الله نكون كفينا و وفينا

 

[فراشه]

اختي يعتمد على طفلك.. هو في عمر السنة صح الطفل ما يحب يقعد، بس نصايح اختي الفردوس

وايد مفيدة.. وانا سويت نفس الشي، في الطيارة مثل ما قلتلك ولدي كان صغير، يعني يقوم

وينام وما احاتي الا الرضعة وتبديل البامبرز..

اما في الاسواق فالعربة الخفيفة ساعدتني وايد وكنت اشل في الشنطة مالته كل احتياجاته..

بس انا اغلب روحاتي كانت سناتر (ما عرفنا وين الاسواق الشعبية الا واحد وما تعبني مع ولدي

فيه الا الحر)

وما رحنا عروض او سفن مع انا كنا ناويين، بس ما صارت :icon1366:

بس رحنا حديقة الحيوانات وكانت كلها في السيارة يعني مش مشكلة..

**************

اختي الدلع يزاج الله خير على ها المعلومات.. احنا احترنا في روحتنا لأن محد عطانا معلومات كافية

عن الاسواق..

بحفظ كل اللي كتبتيه وان شاء الله نستفيد في روحة ثانية..

يعطيج العافية على تعبج هذا..

 

[rtg]

انا رحت لتايلند ومعي ثلاثة اطفال والرحلة كانت جداً رائعة .....وتقدري تاخذي معك عربية سهلة التنقل...اما بنسبة للأسواق حلوة لكن افضل شي الشنط لأنها تقليد ماركات درجة اولى

 

[الحقيقه]

ابغي اعرف يسمحوا للسعودين انهم يروحوا لتايلند
ولا

 

[*الحنونة*]

هلا حببتي تعرفين أنصحج لا تودين الياهل لإن عندي اربيعتي راحت
إلى تايلند مع بنتها و تبهذلت وايد

 

[وصاف]

حبيباتي الي اتحفني بأرائهن الله لايحرمكن الجنه ماقصرتوووووو

اختي مدخن ودخون ماقصرتي افكر بكلامك :in_love: والفردوس والامال الكبيره والحقيقه والحنونه بعد انتم ماقصرتو تسلمووووووووووون
اخت الدلع مشكووووووووووووره على الوصف :icon26::icon26:الدقيق للاسواق ماحصلت الوصف هذا باي منتدى :shiny::shiny::shiny: طيب بذوقك انت وش ترجحين من الاسواق و وايش الاشياء الي جبتيها من تايلند مو موجوده عندنا؟ تعرفين اسواقنا الحمد لله متروسه من كل البضايع ابغى شي مميز وحلو من عندهم ؟؟؟


طيب خواتي الفردوس والامال الكبيره وrtg انتم اخذتو اطفالكم طيب ابغى اسال بالنسبه للرحلات وركوب الفيله والقوارب شلون قدرتوومعكم اطفالكم انا متردده اخذه معاي عشان هذي والا الطياره مقدور عليها


اسفه على الاطاله :blush-anim-cl::blush-anim-cl::blush-anim-cl::blush-anim-cl::blush-anim-cl::blush-anim-cl:

 

[anwaar77]

نصيحتي لج لا تاخذينه معاج خليه مرتاح ترى تايلند ماتنفع لطفل صغير لانها زحمه طوووووول الوقت ,,,

 

[al.noha]

انا عن نفسي رحت واحمد ربي اني مارحت ببنتي
رغم ان عمرها 3 سنوات بس بصراحه إذا تبين الوناسه
لاتروحين بطفلك فيها رحلات بحر وقوارب وركوب فيله
انا عن نفسي احس صعبه
اما الأسواق كثيييييييييييييييييييييييره في بانكوك
بس مافيها هذاك التميز والرخص اللي سمعنا فيه
يعني ممكن تلاقين أشياء حلوة مثل شنطه او حزام
ب20 او 25 ريال سعودي
بس مو كثر اللي سمعنا فيه
واتمنى اني افدتك