الي تبي الاجر تدخل ولها مني دعوه من قلب صادق

[بردودفا]

اخواتي الكريمات ساعدوني انا في حيره من امري نفسي احمل بس ا حس بخوف شديد من الحمل

والسنين تمر وبعد3شهور بكمل 37سنه انا اعاني من نوبات هلع من الموت والالم ومن المستشفيات

وعندي قولون عصبي مجنني واكتئاب المشكله الثانيه اني في الولادتين الخيره تعبت وولدت

قيصري وصار عندي نزيف في الولاده بسبب ارتفاع الضغط الدكتوره طمنتني قالت بس احتاج

متابعه للضغط وقت الحمل وزوجي وعيالي يطلبوني اجيب نونو وانا بموت خوف من الفكره

واخاف اندم بعد ما يروح العمر والله هذا الموضوع شاغلني والان صرت لما تجيني الدوره

ومن قبل تنزل اتعب تعب شديد الم في ظهري ورجولي غثيان كتمه في الصدر حتى اني اجلس

في الفراش من التعب ونفسيتي ضايقه لابعد حد كيف احمل بدون خوف انا واثقه ان الله بيساعدني

وان فيه حريم حملوو ولدوا وحالتهم الصحيه اسوا مني والله عانهم بس كيف اقنع نفسي بهذا

الشئ وانا الان على وشك النقل لبيت جديد ومشغوله انتظر لين انقل للبيت الجديد ولااشيل

الفكره من راسي واعيش اعاني من الخوف والهم والحزن ابي شوركم خواتي شدومن ازري
هل فعلا اقدر اتغلب على خوفي واجيب النونو على فكره عندي 5 اطفال 3اولاد وبنتين وتعالجت

نفسيا قبل كذا ومحافظه على اذكاري وصلاتي وحامده ربي على كل شئ

 

[اتعبتني ياقلب]

انا سعيده لاني اول وحده ترد علييك الله يخليهم لك ياارب اذا انتي نفسك تجيبي احملي واذا خايفه من المووت ياقلبي الاعمار بيد الله اهم حااجه تتابعين عند الدكتورره وسالي الدكتوره اذا مافي خطر بحيااتك خلاااص اتوكلي على الله

 

[عطرالصباح]

يالغاليه الله يقر عينك بصلاح اولادك آآآآآآمين

توكلي على الله واحملي والمكتوب والموت ما عنه مفر سواء كنتي حامل ولا غيره

حبيبتي اذا ماراح يأثر عليك الحمل مضاعفات توكلي واحملي

اما اذا انتي شايفه اللي عندك كفايه الحمدالله الله يخليهم لك

وربي يسهل لك امرك

 

[الجواااان]

ياقلبي احملي واللي كاتبه ربك بيصير قبل لايروح عمرك ودعواتك لي بالذريه وكل محرومه

 

[نجوم نص اليل]

توكلي على الله وفرحي قلبك بنونو واذا جتك الوساويس اشغلي نفسك بالاذكار والقران ولا تردين عليها
الله يساعدك

 

[جنتل ومن]

احملي الحين وراح تنشغلين بيتك الجديد وماراح تفكري بالحمل
واستغفري في كل وقت وقومي الليل وصلي ركعتين وادعي من كل قلبك ان ربي يساعدك في حملك ويسره لك ((((((( واستخيري اولا ))))))))

 

[رقيق الإحساس]

إذا انتي شايفه انو ما في خطر ع حياتك احملي وتوكلي ع الله وانشغلي بامور البيت والعيال وان شاء الله ما راح تحسي بايام الحمل .
والله يوفقك ...

 

[آنسة صفاء]

الله ييسر امرك استخيري وادعي ربي وإذا حملك مافية ضرر عليك توكلي على الله واحملي والخوف من الولاده والمستشفى كلنا نعاني منها بس سلمي امرك لله وإن شاءالله ماقدامك إلا العافية

 

[أحب بناتي]

الله ييسر امرك استخيري وادعي ربي وإذا حملك مافية ضرر عليك توكلي على الله واحملي والخوف من الولاده والمستشفى كلنا نعاني منها بس سلمي امرك لله وإن شاءالله ماقدامك إلا العافية

كلامها يريح القلب

 

[بردودفا]

اخواتي الكريمات الله يجزيكم الخير والله كلامكم ريحني وانشاء الله بستخير ربي والله يكتب الي فيه الخير

واسال الله ان يجعل كل ماكتبتوا في ميزان حسناتكم ويرزق كل محرومه بالذريه الصالحه