اليوم بحط حد لخيانته!!!!!!!!

آ

آحاســ انثى ـيس

New member
إنضم
2011/02/09
المشاركات
73
السلام عليكم ورحمة الله

اخواتي انا عندي مشكله وبدخل فيها ع طول من غير مااطول عليكم

وراجيه من الله ثم منكم ان تساعدوني بالللي تقدرو عليه واقلها دعوه لي



انا زوجي يخونني واكتشفته من قبل سنه لكن ماواجهته عملت اللي قالت عليه الاستاذه الفاضله ناعمه
1- سديت كول فجواتي واخطائي معاها حاولت اعدل من نفسي مع اني ماني مقصره معاه ماشاء الله علي ....لكن مافي احد كامل ومعصوم من الخطأ

2- حددت نمطه ونمطي عشان احاول اكون الانثى اللي يبغاها {زوجي شمالي غربي وانا شماليه شرقيه}

3- جمعت الدلائل هي مهي كثيره لكن وجدت له كدا محادثه ع المسن وطبعتها...وسجلت الارقام اللي يكلم بنت {:33:} جمعت العده

وكثرة علي الضغوط من سنه الين اليوم تغيرت حيانتا للأسواء من كول النواحي مادي ونفسي وكثرت مشاكلنا وكونت اناضل عشان زوجي وحبيبي والعشره وبنتنا...

زاد علي الضغط خسوصن اني ابني واصلح فنفسي وزوجي زاد نقده لي وزادت تصادماتنا في الارى كمان زاد خروجه واهماله لي ولطلباتي

اتراكمت علي الهموم......انا صابره عليه وابغى بيتي يعمر ولا ابغى وحده من الاشكال التعبانه تخرب علينا حياتنا

سار يضربني بقسوه ....ولا يعترف بخطأه ودايم يحط اللوم علي


وقبل كم يوم خرجت عند اهلي وقلت له بستريح لانو كان مانعني من الخروج.....وجلست كم يوم وهو يلاحقني اتصالات {وسار مره يشك فيه واسئلته كثيره}


الموهم مالكم بالطويله


البارح اتصل علي وسمعني كلام جارح جدن واني مااسأل واني ابغى الفكه منه وقذفني بعبارات ماتنقال الا لساقطات كرمتو.....استفزني.....طلب مني اجهز نفسي وهو في قمت غضبه عشان يجي ياخدني من عند اهلي قلت له حاضر وانا جواتي خايفه من ه لا يرجع يضربني ....
فكرت ورجعت اتصلت عليه وقلت له قبل لاتجيني شوف لك شي في درج التسريحه {مكان ماخبيت ادلت خيانته } لانو احس انو فاض بيه!!!!

وقلت له لما تشوف الدرج كلمني.....شاف ورجع كلمني....وهو كلو نااااار كلامه ملخبط وصوته مبحوح.....دار كلام حاد بيني وبينه

خلاصته هو مبرره اني مقصره معه وانه رجال مايعيبه واني اجمع عليه ادله عشان اذله عشان كدا صبرت سنه على خيانته.....

الموهم سكرنا ع اساس اننا خلاص قرر انه يطلقني ويوم السبت يرسل ورقت طلاقي كونت قويه معاه مابينت عدم رغبتي في الطلاق....واني استاهل واحد احسن منه وهو قام يخوفني اني لو بستمر معاه حيتزوج علي ويذلني وانو مافي امل نكون سوا....انهينا المكالمه ع كدا


اخر الليل اتصل وصوته اريح وكأنه فكر.....قال انا كونت بجي اتفاهم معاك بس قولت خلي النفوس تهدأ...كونت اسمعه وانا ساكته....قال بوكره لو ماعندك مانع اجي اتفاهم معاك واحط للوضوع نهايه....قلت خير ان شاء الله بكل برود....


انا ماني عارفه ايش اسوي دحين كيف اواجهه بحكمه ومن غير مايحتدم الصراع.....يعني حابه احد يقلي كيف ممكن اتكلم معاه....واقلل من خسايرنا ....لانو الموضوع شائك وعمري ماتصورت نفسي اواجهه فيه لكن امر الله

ايش الاشياء اللي ممكن اتجنبها.....وايش الاشياء اللي ممكن اقولها....ولو طلب مني فرصه اسمحله وبشروط ايش ممكن تكون الشروط......كيف اضمنه او اقلل من ردة فعله بعد الخيانه والمواجهه.....كيف اضمن انو حيكون معاي.....وكيف اسير حياتي بعد الخيانه؟؟؟؟؟!!!!!!!

والله يخليكم لحد يقلي ويلومني على اني واجهته؟؟؟!!!!!


 
الله يفرج همك ويصلح بينكم
 
أولا شوفي نفسك تقدرين تتحملين أنك ماتشكين فيه بالمستقبل لأن بيقولك سامحتيني عشان تذليني وثانيا شوفي أنت شنو تبين لازم أنت تحطين شروطك لأن محد عايش مكانك وهالله الله بالدعاء والأستغفار ما تدرين يمكن تكونين مقصره بحق الله وهذى خيره لك لأن والله لو أطلعنا على الغيب والله ما أخترنا الا المكتوب لنا واستخيري وخليكي مع ربك والله ييسرلك وعليكي بهذا الدعاء مجرب(اللهم من أراد بي وبزوجي وبيتي وأولادي كيد وشر وفتنه اللهم أجل تدبيرها تدميرها اللهم أجعل كيدها في نحرها اللهم امين ) وأتمنا أكون ساعدتك موفقه
 
اللي صار صار
الله يكون بعونك .. ويصلح مابينكم .. ويعوض صبرك خير
اولا انتي واضح انك لازلتي متمسكه بحياتك ,, رغم اللي سويتيه عشانه وما فاد ,,
لذلك انصحك كأخت لا تلجأي الا لرب العالمين هو وحده كاشف الضر ,, ادعي الله وانتي ساجده ,, ان الله يكتب لك االلي فيه الخير ,, ويرزقك حسن التصرف ,,,

_ أنتي عارفه ان هالنوعيه من الرجال ( الشماليين ) يحبون المرأه القويه ,,, مو العربجيه ’’ لان فيه بنات فاهمين القوة عربجه!!!
خلي قوتك في هدؤك ,, وقوة حجتك .. وقبل لا تنطقي الكلمه أوزنيها مضبوط ,,


خليه يقول الي عنده ,, واسمعيه للاخر,, ولمن تبدأي انتي ,, لا تسمحين له يقاطعك ابدا,, رتبي افكارك وموقفك ,, ولا تضعفي قدامه ولا تبكي نهائيا ,,
خليك عند كلامك .. وقولي له انا فيني وفيني ووووووو عددي مزاياك \ ومن ابسط حقوقي القى انسان محترم ومسؤول يقدر بنات الناس.. وقولي انا اتزوجت عشان القى رجال يحافظ عليه وعلى عياله .. لكن لقيت واحد هو اللي يحتاج مين يهتم فيه ويوجهه .. للاسف ,,
وقولي انا مو مستعده ارجع اعيش مع واحد ما عنده احساس بالمسؤليه ,, وقولي له انا ما اقدر احب او احترم رجال يمد يده على حرمه ..,,,

قولي بالفم المليان ,, وبكل ثقه ,, انا عيشه زي كذا ما كانت طموحي ولا عندي استعداد ارجع لها

اذا انت مفضل بنات الشوارع عليه انا ,, خلك في الوحل ,, وانساني ,,,
مصيري القى اللي يعرف قيمتي ويحطني تاج على راسه ,,,

سكوتي طول الفتره اللي راحت ما كان ضعف ولا كان زيادة محبه ,, كان مجرد صبر ,, لن يتكرر ,,,


كل ما كنتي قويه وموزونه وصاحبة حجه ,, كان الموضوع في صالحك ,,

حتى لو الكلام هذا استفزه وكانت ردت فعله مو كويسه عااادي خليك زي الصخر ولا على بالك ,,

مصيره يفكر ويرجع لك ,,,

بالنسبه لشروطك انتي ادرى ايش اللي ناقصك ,, وايش اللي تحتاجينه ,, بس اطلبي شي صعب شوووويه بس يقدر يسويه \
بس الشروط الضروووريه لازم يكون لك مصروف شهرررري ,, لازم يكون لك خرجه اسبوعيه لا نقاش فيها ,,
ما يمد يده ,, ما فيه خيانه ,,

وإلا ينقلع ,,
الخونه هذولا ما عليهم حسوفه

(( في نقطه كنت بسألك عنها اذا ما عندك مانع )) انتي لمن بدأتي التغيير ,, اهتميتي في نقطة الجنس ؟؟
لأن الشمالي الغربي يعشق الجنس والمرأه الجرررررررريئه ,,,,,

هالنقطه ممكن تغير حاجات كثير,,

آآعتذر عالاطاله ,,,,, الله ييسر لك أمرك ,, ويكتب لك اللي فيه الخير ,,
لا تنسين تطمنينااااا​
 
ماشاءالله اشرف قبايل كفت ووفت رائ سديد الله يكتبلك الخير ويهديلك زوجك
 
اللهم اني اسألك رضاك​
ربي يهديه ويسخره لكـ يااارب ومابعد كلام اشرف قبايل شي كفت ووفت ربي يسعدهاا اشرطي 10 الاف او طقم ذهب على ذوقك بس يكون فخم او جوااال غااااااااالي اهم شي يكسر ظهره السعر حتى يكون له درس ​
سبحانك اللهم وبحمدك اشهد ان لااله الا انت استغفرك واتوب اليــكــ
 
اشكر من انار اشتشارتي برد

الله ينور قلوبكم بالإيمان.....


اشرف قبايل الله يسعدك ويعطيك العافيه احسك رتبتي افكاري المبعثره ....

وبالنسبه لسؤالك

انا الحمد لله ماكنت مقصره معاه خصوصي فدي النقطه لكن طورت نفسي وسرت ابتكر اشياء تبهره ولاحظ هذا وعلق ومبسوط .....



مازلت طامعه في المزيد من كرم البلقيسات......حشوفه بعد المغرب وحاسه بربكه


 
الله يفرج همومكم يارب

فيه نقاط ابغى اطلعكم عليها عشان تشورو علي

1- ماديتنا متوسطه
2-انا جامعيه وعاطله بأمره
3-اهله مايطيقوني وسارت لي مشكله مع امه قبل شهر تقله اتزوج وانا ازوجك وعلى حسابي تقول قدامي تبغى تربيني....مع اني الحمد لله اراعي حقوق الله معاهم قد مااقدر
4- قبل دي المشكله سارت مشكله معاه وخرجت عند اهلي وطلبت منه رضوه خمسه الاف ماسددها الى الان....كتبلي ورقه ووقع عليها....ولي سنتين ماشوفت منه شي.....قلت معليش لاننا كونا نمر بضروف مره صعبه قدرته وماقدرني للاسف....{طبعن قبل مااعرف انه شمالي غربي}
 
الله يفرج همك ويصلح حالك ...
ويكتب لك ولزوجك الخير والسعادة ..
ويسخركم لبعض ..
اللهم آمين ..
 
اكثري من الاستغفار واعرفي نقاط ضعفه واستخدميها لصالحك اذا دخلتي على زوجك قولي(ربي ادخلني مدخل صدق واخرجني مخرج صدق واجعل لي من لدنك سلطانا نصيرا)الله يجملك بالحكمةوراجحة العقل
 
انا من وجهت نظري المفروض نزلتي موضوعج بعد ما جلستي معه وشفتي مبرراته مع انه الخيانه ما لها مبررات , لاني مريت بنفس التجربه تقريبا ... والله يستر عليج ويرد لج زوجج ردا جميلااااااااااااا[SIZE="4"][/SIZE]ااا
 
روح مغليها انا نزلت الموضوع وابغاكم ترشدوني واقلها بدعوه....لاني بصراحه ماكونت مخططه اني اواجهه بالخيانه....وعمري ماحطيت نفسي فدا الموقف,,,,لكن ضروفي اجبرتني وصبري خلاص وصل حد التحمل...


اليوم حشوفه ان شاء الله....واكيد حنزل تجربتي في المواجهه....

اللي ابغاه كيف تكون المواجهه من صالحي اكثر واطلع منها بأقل الخساير....حتى لو انفصلنا ابغا اكون له درس.....
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل