اليوم بحط حد لخيانته!!!!!!!!

اللهم آمييييين لنا وللجمييييييييييييع
 
اختي.
اولا لازم تعرفين ان الشمالي الغربي ,تجبره شماليته انه يحافظ على بيته..
ويحافظ على اولاده..
وانه موراضي على الي هو مسويه لكن فيه نقص سار ..ولكن غربيته هي الي سهلت له هالفعل..
والغربي..جبان علشان كذا مايحب المواجه ويخاف منها ..
والغربي من اهم صفات الي تظهر في المواقف الي ضده انه مراوغ..ماتقدرين تمسكين عليه شي بسهولة اعتراف.
وسيظل يراوغ معاك علك تنسين السالفه وترجع المياه لمجاريها...
بس احسن حل هوانك اذاتبغي توصلين له سالفه ارسلي له رساله للاعلام فقط انك مثلا بتطلعين واذا دق لاتردين الا خلاص ..يعني مو من اول اتصال..واذا رديتي ردي بصوت مبحوح ورسميه علشان يعرف انها مابردت السالفه
وانصحك مع الشمالي الغربي..انك تلتزمي معاه في هالمده الصمت الين يكون بينكم حديث جدي عن المشكله والا تراه بينسيكي المشكله بذكاه المعرف عن الغربي..
وياليت قبل اي رد منك طبعا بعدكم اتصال وانتي فاتحه الخط تكوني تضحكي ضحكة سعاده وبعدين اذا سمعتي صوته ارجعي للجديه معاه..وكانك تفهمينه اني عايشه ومبسوطه ..
وعلى فكره هو جالس يقلك اوديكي ويستعبط عليك مولشي قد مو انه ينسيكي شروطك وترجعي من دون شي..بس تمسكي بشروطك ولا تطلعين من بيت ابوك الابها..
وقبل كل الكلام.. الجائي لله .واطلبي منه النصر وان يجعلك له زوجه وعشيقه وصديقه...
وقبل مايتكلم معاك قولي اللهم الهمني رشدي وقني شر نفسي...

 
الله يفرج لك همك..ويصلح حالك ويكتب لك الخير..

عزيزتي..انتي الي تعلمي زوجك كيف يعاملك..عن طريق معاملتك لنفسك..

يعني ترفهي عن نفسك وتدلعيها..وكل فتره والثانيه تروحي للصالون..وتتضبطي..لك عالمك صاحبات واشياء خاصه فيك كانثى ..<<تعرفي حركات البنات المراهقات..مناكير ومكياج ولستهبال ودلع اهو يبي كذا

وبعدين اجلسي بينك وبين نفسك..
موشكلة معك 1-الخيانه 2-الضرب ومد اليد
خلاص اذا جا مره ثانيه.. اتضبطي والبسي عادي وحطي مناكير ومكياج مرتب<<اعطيه ايحاء انك مرتاحه عند اهلك ومبسوووطه ومو من يجي تدخلي لا خليه ينتظرك شوي اهم يكرهون الانتظار ويحس انك مو ملهوفه عليه

قولي انا فكرت واستخرت ووصلت لهذه النتايج..انت مديت يدك علي ومشيتها وماترضى احد يمد يده على فلانه<<الي اهي بنتك والله لو مدها لقتلته ..وانا بنت رجال ماقلت لاهلي مابي السالفه تكبر ويثبتونها عليك في المستشفى و يشكونك وخذها حوووسه وتسحيب في الشرطه؟؟

من ناحية الخيانه..شايف شي ناقصني قل يافلانه ابي منك كذا..وهذا مايعجبني..

وامدحي نفسك انا حلوة والف واحد يتمناني يكفي خوفي من الله ..

وخذي ضمانات منه لو رجعتي ..وشوفي لك احد يقره زوجك ويحترمه مثلا ابوه
قولي ابوك شاهد علينا..
ابي مثلا مبلغ<<وانتي حدديه كرضاوة واعرف انك شاريني

وابغى مصروف شهري مثلا الف ريال

واذا مديت يدك مرة ثانيه اعرف انها نهاية حياتنا..

مجرد رايي,,ربي يكتب لك الخير..

نصيحه<<لاتحملي الا بعد ما تتاكدي من استقرار حياتكم..واقري في الشمالي..وطوري من نفسك وخلي اكبر همك نفسك ثم نفسك ثم بنتك:)
 
اقتاس:كفوف الأمل
وياليت قبل اي رد منك طبعا بعدكم اتصال وانتي فاتحه الخط تكوني تضحكي ضحكة سعاده وبعدين اذا سمعتي صوته ارجعي للجديه معاه..وكانك تفهمينه اني عايشه ومبسوطه ..

كلامها صحيييييح ماشاء الله
زوجي شمالي غربي مايل شوي للشرقي
ألا حظ واحنا حتى متصافين بس عند أهلي ومادقيت لفترة طويلة
أو دق وماسمعت الجوال
يرجع يدق ولو كنت أضحك أو سمع في الجمعه ضحك
يتنرفز بسرعة ويقول بضيق:
ماااااشاااااء الله مبسوطة عشان كذا سافهتني مادقيت
أو عشان كذا طنشتيني ومارديتي
فياليت تستغلي هالنقطة
ويارب ينصلح الحاااال
بس معليش قاهرني يمد يده فوق ماهو يخون
يعني شين وقوي عين
والله أحس كل شي ينبلع بالرجال:
البخل
اللسان الطويل
الكذب
وحتى الشك مايهم دام الوحده ماشيه سيده
بس الخيانة
ومدت اليد والله ماتنبلع الله يكون بعونك
الله يسهل أمورك
 
ماشاء الله البنات ماقصروا
بس كونه انبسط انك عارفه انه فيه خير
اعتقد لارم تتعززي الشعور هذا عنده وانه لازم يترفع عن هالاعمال لانه يعرف ربه
لاني لاحظت فشبابنا يتضايقون ويتحسسون من اللي ينصحهم ويحسسهم بانهم معاصيهم كثيره
 
ماشاء الله عليك

والله عجبتني شخصيتك وتصرفك بكل المواقف اللي كتبتيها...اغبطك ع هالشخصيه الرائعه

استمري بكذا ولاتخلينه ينسى الموضوع..واذا كانت مكالمتك له عشان تستاذني للطلعه راح تخليه ينسى ويزحلق الموضوع.حاولي انك ماتتطلعي ابد ...اقعدي ببيت اهلك عشان ماتخسري موضوعك الاهم

هو الحين مبسوط كذا انه بيزحلق الموضوع وبيسولف عادي انو مافي شي..انتي لاتعطينه مجال ينسى موقفك وحركاته

مووووفقه يالغلا..والصــــــبر زين.. باين انه يبيك وبقووووه
 
الله يعطيكم العافيه الكل ماقصر معاي

الله يسعدكم ولا يجعلكم تمرو بالشي الللي مريت وحمر فيه
 
طمنيني عنج؟شو صار؟
عسى الله يهديه ويرد لج ياإاارب





عليج بالدعاء والاستغفاإار
 
اموني اشكر لفتتك الكريمه وسؤالك عني....ويسلمو ع الدعوه ولك مثلها ان شاء الله

الحال كما هو عليه انا عند اهلي......

دعواتكم....الله ييسر لي اموري
 
أختي كان الله في عونك ،، نصيحتي لك اسمعي الي بيقولو إن احسستي من كلامو صدق وندم انسي الي فات لكن بشرووووووووووطك ولا تضعفي قدامو مهما بدالك منو خليكي قويه واطلبي حقوقك بدون خوف وتردد ولاتقولي خلاص ندم و وعدني بخير لا وألف لا حبيبتي شروطك تتنفذ قبل ماترجعي معاه ويكون في رجال عاقلين شاهدين على كلامو وتقولي إن شفت منك شي مايرضيني بعد الي دار بيننا وبشهادة الشهود نكون انتهينا وبدون اي نقاش واسأل الله لي ولك ولكل من تعاني الفرج وراحة البال وأن يجعلنا قرة اعين لهم
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل