اليمين الحاسمة ياجماعة

[بنتي غلا روحي]

انا رفعت قضية مدنية على ابو بنتي عشان يرجع لي فلوسي اللي صرفته عليه وعلى بيته طول الثمان سنوات وطالبة 100 الف درهم فقط لاغير

طبعا الاخ مب راضي يدفع لي شي قال مالك شي عندي حسبنا الله ونعم الوكيل ووكلت محامي في هالامر

والمحامي قال مافي طريقة غير اليمين الحاسمة انه يعترف ويعطيج واذا حلف كذب في ذمته واذا ماحلف يمكن يوجه لي انا اليمين وانا صادقة والله يشهد اني عطيته دم قلبي وحلفاني ماراح يكون كذب بس انا الصراحة ماحب الحلفان

والله حرام حقوقي تضيع في هالبيت انا اجهز كل شي وتاخذ الثانية كل شي مب حرام لي حق اني اطالب ولا لا .

واذا في حالة هو رفض الحلف وانا حلفت خلاص بكسب القضية وهو يخسر .


يارب حقي مايضيع يارب عطوني رايكم بليز

 

[تشكرات]

مــادام زوجك ماخاف الله داخل نفسه وحسب حساب لحقوق

الخلق ....أعتقد والله أعلم أنه راح يحلف كذبآ !!

والمثل يقول :

( قــالوا للحرامي أحلف ...قــال جانــي الفرج ..) ..

لكن لا تخــافي حبيبتي فربّك موجود ( ولا يظلم عنده أحدآ )

حتى لو زوجك حلف زورآ وبهتانآ ..فثقي تمامآ أنّــــه لن تهنأ لــه

الحياه أبدآ ...ولن يهنأ بالعيش في هذا البيت الذي ساعدتيه في

بناؤه ...

لكن تفــائلي بالخير ..وأدعــي الله أن يلهمه رشده وصوابه لكي

يعطيكي حقّك ..فالـــدعـاء سلاح المؤمن ...موفقه ..

 

[رازيا]

مع تشكرات
الدعاء هو الحل والله ينصرك عليه ويهديه ويصلح حاله

 

[بنتي غلا روحي]

up up

 

[الشتاء الدافئ]

ماشاء الله تعجبني المرأه القويه ..لن يضيع حقك وانتي متوكله على الله وتعملين بالاسباب والدعاء في اخر الليل والسجود وبين الاذان والاقامه وفي اخر ساعه من الجمعه مع كثرة الاستغفار وتقوى الله في السر والعلن سترد لك مالك وتعوضك خيرا وان لم يعد البيت او المال في الدنيا فرددي ربي اجرني في مصيبتي واخلفني خيرا منها ولعل الله يخلف عليك ببيت في الجنه وعلي وعلى المسلمين والمسلمات ..الله ينصرك ويفرج همك

 

[دموعي شي معتاده]

اتكلي على الله وحلفيه واذا ماحلف
من صالحك
قولي للشيخ انه عارف انه كذاب عشان كيذا مايبغى يحلف

 

[دموعي شي معتاده]

اتكلي على الله وحلفيه واذا ماحلف
من صالحك
قولي للشيخ انه عارف انه كذاب عشان كيذا مايبغى يحلف

 

[ناصرة المظلوم]

عجبتني شخصيتك القوية وأخذ حقك من زوجك لأن أغلب النساء تفتقر ه الشي وتقول أبو عيالي والله يعوضني لكن أنتي قوويه وأستمري والله ينصرك علية

 

[قطـــــريه]

لا تستهينين بالحلفان ترى مب بسيط .. بس اختي في نقطه لو انتي معطيته الفلوس من طيب خار وما اتفقتوا يرجعها مايجوز تحلفينه عليها لانها تعتبر هبه .. لكن لو قالج سلف وبيرجعها ! خله يحلف .. **

 

[بنتي غلا روحي]

انا يوم كنت اعطيه الفلوس من باب المساعدة صح لكن ماكنت اقول لاترجع لي وهو كان يقول لي الله يقدرني وارجع لج الفلوس وليش يعني اسكت عن حقي ان شاء الله ماراح يضيع دام اني على حق واني فعلا دافعة وانا مابجذب .
مب حرام انا ادفع وتشرف وحدة ثانية تاخذ كل ببلاش وانا سألت في الهبة يجوز أستردها دام اني ماستمتعت فيها .
يعني يدفعني في البيت واخر شي يطردني ويقول يالله مالج شي عندي هل هالشي يجوز يعني انا لو مكانه والله برجع له كل حلاله حرام هذا اسمه نصب واحتيال .

 

[بنتي غلا روحي]

صح انا قوية بايماني وبسعى ومابيخيب ظني ان شاء الله

 

[بسكوت بالقشطه]

البنات ماقصرو الله ييسر امورك ويوفقك ان شاء الله ويعوضك خير ​

 

[s@سوسو@s]

الله ييسر امرك يارب
وان شاء الله ترجعلك حقوقك

 

[بنتي غلا روحي]

يارب تفرجها علي يارب والله هم على قلبي

 

[يالبى راشد وبس]

الدعاااااااااااااااااااااااااااااااااااااااء والاستغفااااااااااااااااااااااااار

 

[نحمدة ونشكره]

والله يا اختي احلفي ماطول عارفه انك الحق معاكي واخذي حقك منه على داير مليم ليش انتي تتعبين وتيجي بنت اللذبن تاخذ كلشي حتى لو مو ذنبها بس هي رضت انه تجلس على اثاث غيرها واغراض غيرها فمن حقك ان تاخذين حقك

 

[بنتي غلا روحي]

يعني تنصحوني احلف ولا لا

 

[بنتي غلا روحي]

up up

 

[بنتي غلا روحي]

ادعولي

 

[umm yusuf]

اختي عملت مثلك وطليقها حلف قدام القاضي ( قالوا للحرامي احلف... قال جاااني الفرج) واختي لما حلف قالت خلاص ماابي شي المهم انها بذمته والله بيرد لي حقي من عيونه والحمدلله ربنا نصرها ورجعت لها كل فلوسها وهو خسر دينه ودنيته والله المستعان