الى متى يستمر زواجي المسيار!

  • بادئ الموضوع بادئ الموضوع *جووجو*
  • تاريخ البدء تاريخ البدء
ج

*جووجو*

New member
إنضم
2010/09/22
المشاركات
29
السلام عليكم ورحمه الله


انا متزوجه لي 6 سنوات وماعندي اطفال
زوجي اول زواجنا 3 سنين مافارقني ويحبني ولله الحمد بعدها تغير صار كثير السفر مع اصدقاه بعدها اخذني لديره اهله وجلست فيها شهور بس ماتحملت سهره وطلعاته مع انه ملتزم بس دايم مع جمعات الشباب واتعبني لاني حاولت اغيره ولافاد بعدها رجعت عند اهلي وكان يزورني بين فتره وفتره واستمر لفتره زواجنا الاخيره وصرت كأني متزوجه مسيار وتعبت من هاذي الحاله الصراحه اخر شي ارسلت له رساله قلت له لاتجي لين تفرش شقتي واذا جيت تاخذني نرجع لشقتنا مادق بعدها وانتظر اتصاله ولااتصل بعدها بكم يوم ارسل لي رساله انه توه مخلص عمره وبعدها انقطع عن الاتصال وهذا طبعه من زمان لايمكن يدق ولايرسل الا بالموت مع انه يحبني بس تغير حييييل بتصرفاته



الحين زوجي ارسل رساله انه يتاسف ويطلب مني احلله واني مااستاهله واستاهل رجال افضل منه يستحقني لاني ماقصرت معه وهو من تقصير لتقصير وانه ماراح يكمل حياته معي (زوجك السابق)

صدق اتعبتني رسالته لاني كنت انتظر تعويضه لي بعد صبري بأنه يفرش لي البيت

المهم انا مارديت عليه بعدها اخر الليل ارسلي (مارديتي الرساله )

ارسلت له (انا احبك)مازدت عليها شي

بعدها ارسلي لي

(الحب معروف ولكن ماقدر استمر وشكرا)

للمعلوميه الحين صارلي شهر وزود ماشفته ولاكلمنا بعض زين وزوجي شرقي جنوبي وانا غربيه جنوبيه

انا ابي تفسرون لي رسالته هو صادق ولايبني اضعف واتنازل عن البيت والفرش ويخوفني بتركه ولا صدق ضميره مئنبه وبيتركني تعبت من التفكير تعبت

الرزق عند رب العالمين بس انا مابي اذل نفسي اكثر من ذلها اذا هو مو صادق بعدم استمراره بس يبي يخوفني

ابي حلول واسشارات مفهومه لاتقولون طلاق ابي حلول ممكن تغير وضعي وتغير زوجي للاحسن الله يجزاكم خير
​
 
ربما أنه وجد بديل

اطلبي من الله كل شيء وعليك بالثلث الأخير من الليل
 
الله يعينج ويفرج همج حبيبتي استخيري بستمرار وعليج بدعاء اذا كان خير لج راح يرجعلج واذا شر لج راح ربي يصرفه عنج وراح يعوضج عنه خير
 
الله يفرج همك ويجعل لك من كل ضيقا مخرجا بالنسبه لرسالة زوجك غريبه وماحد يدري وش نيته يمكن تخويف ويمكن صادق بس اكيد في اسباب اذا كان صادق يعني ممكن صح شايف نفسه غلطان معاك بس اتوقع مو كافي اكيد في شئ ثاني مضايقه هل يمكن سبب الحمل واعتذر من تدخلي بالخصوصيه بس انا بقول احتمال بس اكبر خطأ انك تاركه زوجك ومنتي عارفه اش نيته شوفي اختي الانتظار صعب خاصه ان مابينكم خلاف الفتره الاخيره لازم يكون موقف حاسم ممكن يكون منك وممكن من اهلك بس الي تعلمته من دنيتي من جد البعد الكثير يسبب جفاء وممكن يتعود على غيابك واذا ربي كتب لك رجعه له غيري من نفسك للافضل وربي كريم ييسر لك وييسر لامة محمد
 
الله يكون بعونك استخيري والخيره فيما اختاره الله
وانتي والي تحسينه
 
شكله لاقي بديل غيرررررك مو قصه تانيب ضميررررر فتحي اعيونك ومخك كويس ما يقول الرجل تستاهلي غيري الا انه بااايعك حسبي الله عليه ولو اي رجل مكان زوجك ما يقول هالكلمه لانها مو سهله ولا يمكن يتخيلك مع واحد غيره
 
لا خلود الحمد لله الحمل عمره ماصار سبب بس هو اليي اختار البعد انا تعبت وانا اقوله خذني معك هو اللي يروح ويوعدني الاسبوع الجاي ولايوفي موانا اللي تاركته انا ادري ان الجفا سبب بس مو يجازيني بتركه
 
والله زوجك غرريب
مدرري المشكله 6سنوات وتحسين انك كانك متزوجه مسيار يعني من زمان زوجك مهملك ومهمل البيت
والله ياختي استخيررري وزين ان ماعندك اطفال لان مثل زوجك مو راعي مسؤليه ولااهتمام
الله يفرجها عليك ياررررب​
 
والله حبيبتي اللي مايبيك لاترمين روحك عليه وعزي نفسك ودامك ماقصرتي اجل هو الخسران وادعي الله يعوضك باللي احسن منه..الله يوفقك
 
بنات اتمنى انكم تدعولي ان ربي يهديه ويصلحه ويسخره لي
 
ياشيخة عزي نفسك مادامه مهمل فهو صادق تستاهلين رجل ثاني --يحبك ويدللك
بعدين لو رجعك تراه يبي يحتقرك ^^اسمحي لي على هالكلمة --عيشي حياتك وانبسطي
 
انتي عليك بالدعاااااااا ء
وقيام اللليل
الله يسخر لك زوجك
 
الله المستعان
حبيبتي عليك بالدعاء وقيام الليل والصدقة اذا تحبينه وتبينه صدق
ادعي ربك والجاي له
 
قصده واضح هو مايبغاك اكيد حط عينه على وحده ثانيه لا ترمين نفسك عليه صدقيني هو الخسران
اتركيه لا تترجينه ابد ..مصيره بيندم ويعرف قيمتك وانتي صبرتي على تقصيره 6 سنوات وخيره ماجبتي منه اطفال
لان مو راعي مسؤوليه حق سفرات ..لا والمصيبه بعد انه ملتزم والله بكيت من جد حتى الملتزمين صارو يخوفون
اجل وش بقو لشباب الله يهديهم بس ..الزم الاستغفار والدعاء اختي ودخلي اهلك في الموضوع اما يرجعك ويحط بيت ولا يطلقك ..الله يكون في عونك يارب​
 
بوقتنا هذا كل الرجال يخوفون لا الملتزم ولا العادي لهم امان
بس ليه ترسلين له انا احبك بعد رسالته البايخه
اتركيه وان شاء الله يرجعلك بس لاترسلين ولاتترجين ولا شي
احس انه من رسالته لك منتظر الزله منك الله اعلم عاد بالنوايا
 
الله يجزاكم خير يالغاليات على الردود والدعوات الصادقه

للحين ماجا جديد وباذن الله ربي بيفرج لي وينصرني برحمته سبحانه
 
الله يفرج همك وييسر امرك وادعي الله انه يبين لك طريق الخير

والله دايم مع عباده

الله يوفقك اختي ويهدي شباب المسلمين وبناتهم
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل