معلومات ابتسم دوما
- إنضم
- 20 يوليو 2015
- المشاركات
- 51
- مستوى التفاعل
- 0
- النقاط
- 0
الى كل صاحبة رأي واستشارية ساعديني قبل الطلاق
السلام عليكم..
اول مره بحياتي اكتب مشاركة
انا محتاجة فعلا ناس تشور علي
مابي ناس تاخذهم العزة بالاثم والغرور والكبرياء يردون علي
ابي ناس فاهمه وواعية وتقدر كل اللي سويته ابيه تساعدني لا تأنبوني ولا تلوموني
قصتي تزوجت في 2013 زواج تقليدي
ما عندنا سوالف خطبه وملجة ويكلمني واكلمه
هو جامعي وصاحب شهادة وتخصص متميز ومثقف وكان مقدم على الماجستير لما تقدم لي فطلب انه يتأجل الزواج لين ينتهي وأمه زادت انه بتبني له شقه قالت امي ماعندنا مانع لان البنت شارطة تخلص دراستها كانت باقي لي سنه ونص
خلصت السنتين والثلاث وكانوا يجون كل عيد يعايدوني بعيديه متواضعة
زوجي ترك الماستر وفتح له مشاريع نجحت وأصبح صاحب مشاريع
تزوجنا في 2013
الحمدلله انا ما ينقصني شي مو غرور ولا كبر لا حقيقه ماني ملكة جمال لكن حلوه وجسمي متناسق جدا وشعري طويل وذربه واعرف البس ومثقفه ولي كتابات وخواطر
كنت ليله العرس بشهادته ملكه بدلتي ناعمه موديل من اسبانيا ناعمه جدا مسكتي تصميم اختي جدا ناعمه والورد روعه مكياجي ناعم مافيني ولا غلطه اللهم لك الحمد كنت جد روعه
وانجن علي
انا فرحت فيه لان طريقة تفكيره وحجيه وأسلوب قريب لي حتى طريقة حجيه لان انا بدويه بس متحضرين واهله بدو بدو
بس هو لا متحضر ومتحضر جدا
المهم راح اذكر لكم مشكلتي مع اهله وعقب مشكلتي معاه:
مع اهله:
للأسف الشديد ان الناس وقت الخطبه لما تسألين عن العايله الفلانيه ما يذكرون مساوئها ابدا
اقرب الناس لي مرت اخوي كانوا اهل امه مناسبين اهل زوجي وعارفين ققصهم وما قالوا
1. خواته معقدات جدا ابوهم معقد ممنوع بنات يدرسون غير الشريعه تلفزيون بس عن الشباب بدارهم وعند الابو بالصاله
التلفونات ممنوعه ( كانت عندهم بالخش والدس)
راعيات مشاكل صج عوب وخالتي مصريه ومايعيبها كونها مصريه لو كان يعيبها او ما ارضاه جان رفضتها للحين انا عند رايي انها زينه بس يشيشونها عمي كان اكثر إنسان احبه بهالبيت كله يقعد معاي ويسولف ويمدحني عند زوجي
ماكان في البيت الا انا وخالتي وحماتي الصغيرة وحمويني اثنين بعمري
اخوانه اربع متزوجين كملت سنه ونص ما شفت حريمهم الا بالعيد ومو كلهم شفت ثنتين بس
شقتي مالي خصوصية كل ما طلعت ادخلوها
والغريب كل ما دخلت الحمام طفا الليت ولما قلت لزوجي عَصّب قال اوريج فيهم الجهال (بيني وبين نفسي اتذكر ماكو جهال بالبيت)
لما قلت قصه الليت عند امي تكلمت مرت اخوي ونبهتني ان هذول طبعهم يطفشون المره ووحده من حريمهم تعالجت حاله نفسيه من وراهم والله أعلم
بس من قالت لي صرت ما اخاف واتوقع كل شي
شقتي ماكو خصوصية كانوا يتعمدون ياخذون منها اي شي ( ماينويز عصير اشياء يعني مو فلوس بس عشان انخبل اني متأكده فيه واختفى)
المهم اول سالفه صارت من ثاني اسبوع مع حماتي مطرشه لي ع الواتس احنا ما زوجناه عشان نخدمج انتي وياه كان واحد صاروا اثنين وكلام واحد ليش لان الخدامه مصعده لي غدا
ويومها كنت راده من الدوام ويايبين غذانا معانا ما دريت الا الخدامه أطق الباب وتحط الغدا ماطلبت او شي
سكت ومارديت عليها وخنقتني العبره مو متعوده ع الوضع وانزف بعد المهم دخل زوجي وشايفني ومعاي التلفون شفيج سكت وابتسمت ماكو شي حس ان وراي شي اخذ التلفون وقرا كلام اخته
وطبعا انا وحده عندي قناعه ان اي شي يصير ما ادخل زوجي وبيتي فيه مشاكل مع اي احد عند باب الشقه ما يدخلها
حلفت هذي اختك وصغيره جاهل ماعليه لا تواخذها قال لازم أكلمها قلت خلاص موضوع سخيف ما يسوى
وكانت ارسلت لي ترا عادي اقولج مافيها شي وماله داعي اخوي وامي وأبوي يعرفني قلت اي عادي ولا يهمج انتي حسبة اختي الصغيرة واهي صج بعمر اختي الصغيرة
ومن يومها رفعت خشمها شهرين
حملت محد بارك لي لا امه لا خواته بس اللي كبري بَارَكْت لي وكان مبين حاقدين عليها
عمي كان حبيبي كان اكثر شخص يقعد معاي
كان يحب قهوتي وانا وحده صج راعية مزاج وقهوة وكان كله يمدحني وانا طبعي وطبع اهلي ان الحما عنده مو محرم لازم نقابي علي وعباتي مفتوحه لانزلت وزوجي كان معجب بهالشي
بس هم مو عاجبهم
ماعلينا بيوم اقهوي عمي الا تزفني خالتي ليش تبين تذبحينه مو زين عليه المراره جدامه وعادي سكت وبلعتها
ومن ثاني يوم قالي لا عاد تجيبين قهوتج انا ما اتحمل فيني مر بجبدي المشكله كل يوم جدامه القهوه قلت كيفهم
طبخت مره اول شهر لي سويت غدا طبخي عادي مو توب
ثاني يوم عمي ناداني يا بنتي خلج ملكة آكلي وامسحي ايدج بالطوف المطبخ مهمة هالعجوز قلت عيب مايصير
المهم عطوني الطرده الصريحة مره ثانيه من خالتي الخدامة تتأذى منج
وصارت حياتي وحياة زوجي ريوق وعشا مطاعم والغدا مو دايما ألقى
وهم ماعجبهم
ومشاكل تعد ولا تحصى
ولا كنت اقول لزوجي لان هدفهم اني اعكر مزاجه ونتناجر
كنت انسى كل شي وأتكشخ وارتب واتبخر
وطاف ما اقول قالوا وقالوا مهما كان بظل الغريبه وهم اهله
وربي كانت تقول كلام وكنت لا خلصت احب رأسها واقول بقا بقلبج شي عادي انتي حسبت امي الحمدلله عندي قدرة كبيره أكتم غيضي وابتسم
لين اليوم اللي طردني عمي من البيت كانت صدمة عمري بشهر 1/2014
قعدت الصبح الدوام نزلت س7 بروح وانزف انزف وطلعي بره
اي اللي قهرهم مني اني سويت لي ركن بالشقه اطبخ فيه وكنت ليلة الطردة مسويه صينيتن توست بالدياج وحده لنا وحده لهم بس ماكان عندي فرن
فنزلت تحت حطيتهم بالفرن وقلت لهم عشاء بسيط
وكنت يومها يايبه حلو لعمي
فما في سبب يطردني مني والطريق الا انه تشيش علي ليش شلون كيف ما ادري
انطردت وانقذفت بعد ومت حرة وقلت لزوجي ما رضا ووداني بنفسه بيت اهلي وقال لا تعلمين اهلج انا تحل الموضوع وخلاص نطلع انا ادري ان اهلي اهل مشاكل وشفتها من قبل مع اخواني بس بجت عندي امي انت غير والله لاخط مرتك ع راسي والا كنت بطلع بروحي
قلت اوك
وتبدي مأساتي الجزء الاول
اول مره بحياتي اكتب مشاركة
انا محتاجة فعلا ناس تشور علي
مابي ناس تاخذهم العزة بالاثم والغرور والكبرياء يردون علي
ابي ناس فاهمه وواعية وتقدر كل اللي سويته ابيه تساعدني لا تأنبوني ولا تلوموني
قصتي تزوجت في 2013 زواج تقليدي
ما عندنا سوالف خطبه وملجة ويكلمني واكلمه
هو جامعي وصاحب شهادة وتخصص متميز ومثقف وكان مقدم على الماجستير لما تقدم لي فطلب انه يتأجل الزواج لين ينتهي وأمه زادت انه بتبني له شقه قالت امي ماعندنا مانع لان البنت شارطة تخلص دراستها كانت باقي لي سنه ونص
خلصت السنتين والثلاث وكانوا يجون كل عيد يعايدوني بعيديه متواضعة
زوجي ترك الماستر وفتح له مشاريع نجحت وأصبح صاحب مشاريع
تزوجنا في 2013
الحمدلله انا ما ينقصني شي مو غرور ولا كبر لا حقيقه ماني ملكة جمال لكن حلوه وجسمي متناسق جدا وشعري طويل وذربه واعرف البس ومثقفه ولي كتابات وخواطر
كنت ليله العرس بشهادته ملكه بدلتي ناعمه موديل من اسبانيا ناعمه جدا مسكتي تصميم اختي جدا ناعمه والورد روعه مكياجي ناعم مافيني ولا غلطه اللهم لك الحمد كنت جد روعه
وانجن علي
انا فرحت فيه لان طريقة تفكيره وحجيه وأسلوب قريب لي حتى طريقة حجيه لان انا بدويه بس متحضرين واهله بدو بدو
بس هو لا متحضر ومتحضر جدا
المهم راح اذكر لكم مشكلتي مع اهله وعقب مشكلتي معاه:
مع اهله:
للأسف الشديد ان الناس وقت الخطبه لما تسألين عن العايله الفلانيه ما يذكرون مساوئها ابدا
اقرب الناس لي مرت اخوي كانوا اهل امه مناسبين اهل زوجي وعارفين ققصهم وما قالوا
1. خواته معقدات جدا ابوهم معقد ممنوع بنات يدرسون غير الشريعه تلفزيون بس عن الشباب بدارهم وعند الابو بالصاله
التلفونات ممنوعه ( كانت عندهم بالخش والدس)
راعيات مشاكل صج عوب وخالتي مصريه ومايعيبها كونها مصريه لو كان يعيبها او ما ارضاه جان رفضتها للحين انا عند رايي انها زينه بس يشيشونها عمي كان اكثر إنسان احبه بهالبيت كله يقعد معاي ويسولف ويمدحني عند زوجي
ماكان في البيت الا انا وخالتي وحماتي الصغيرة وحمويني اثنين بعمري
اخوانه اربع متزوجين كملت سنه ونص ما شفت حريمهم الا بالعيد ومو كلهم شفت ثنتين بس
شقتي مالي خصوصية كل ما طلعت ادخلوها
والغريب كل ما دخلت الحمام طفا الليت ولما قلت لزوجي عَصّب قال اوريج فيهم الجهال (بيني وبين نفسي اتذكر ماكو جهال بالبيت)
لما قلت قصه الليت عند امي تكلمت مرت اخوي ونبهتني ان هذول طبعهم يطفشون المره ووحده من حريمهم تعالجت حاله نفسيه من وراهم والله أعلم
بس من قالت لي صرت ما اخاف واتوقع كل شي
شقتي ماكو خصوصية كانوا يتعمدون ياخذون منها اي شي ( ماينويز عصير اشياء يعني مو فلوس بس عشان انخبل اني متأكده فيه واختفى)
المهم اول سالفه صارت من ثاني اسبوع مع حماتي مطرشه لي ع الواتس احنا ما زوجناه عشان نخدمج انتي وياه كان واحد صاروا اثنين وكلام واحد ليش لان الخدامه مصعده لي غدا
ويومها كنت راده من الدوام ويايبين غذانا معانا ما دريت الا الخدامه أطق الباب وتحط الغدا ماطلبت او شي
سكت ومارديت عليها وخنقتني العبره مو متعوده ع الوضع وانزف بعد المهم دخل زوجي وشايفني ومعاي التلفون شفيج سكت وابتسمت ماكو شي حس ان وراي شي اخذ التلفون وقرا كلام اخته
وطبعا انا وحده عندي قناعه ان اي شي يصير ما ادخل زوجي وبيتي فيه مشاكل مع اي احد عند باب الشقه ما يدخلها
حلفت هذي اختك وصغيره جاهل ماعليه لا تواخذها قال لازم أكلمها قلت خلاص موضوع سخيف ما يسوى
وكانت ارسلت لي ترا عادي اقولج مافيها شي وماله داعي اخوي وامي وأبوي يعرفني قلت اي عادي ولا يهمج انتي حسبة اختي الصغيرة واهي صج بعمر اختي الصغيرة
ومن يومها رفعت خشمها شهرين
حملت محد بارك لي لا امه لا خواته بس اللي كبري بَارَكْت لي وكان مبين حاقدين عليها
عمي كان حبيبي كان اكثر شخص يقعد معاي
كان يحب قهوتي وانا وحده صج راعية مزاج وقهوة وكان كله يمدحني وانا طبعي وطبع اهلي ان الحما عنده مو محرم لازم نقابي علي وعباتي مفتوحه لانزلت وزوجي كان معجب بهالشي
بس هم مو عاجبهم
ماعلينا بيوم اقهوي عمي الا تزفني خالتي ليش تبين تذبحينه مو زين عليه المراره جدامه وعادي سكت وبلعتها
ومن ثاني يوم قالي لا عاد تجيبين قهوتج انا ما اتحمل فيني مر بجبدي المشكله كل يوم جدامه القهوه قلت كيفهم
طبخت مره اول شهر لي سويت غدا طبخي عادي مو توب
ثاني يوم عمي ناداني يا بنتي خلج ملكة آكلي وامسحي ايدج بالطوف المطبخ مهمة هالعجوز قلت عيب مايصير
المهم عطوني الطرده الصريحة مره ثانيه من خالتي الخدامة تتأذى منج
وصارت حياتي وحياة زوجي ريوق وعشا مطاعم والغدا مو دايما ألقى
وهم ماعجبهم
ومشاكل تعد ولا تحصى
ولا كنت اقول لزوجي لان هدفهم اني اعكر مزاجه ونتناجر
كنت انسى كل شي وأتكشخ وارتب واتبخر
وطاف ما اقول قالوا وقالوا مهما كان بظل الغريبه وهم اهله
وربي كانت تقول كلام وكنت لا خلصت احب رأسها واقول بقا بقلبج شي عادي انتي حسبت امي الحمدلله عندي قدرة كبيره أكتم غيضي وابتسم
لين اليوم اللي طردني عمي من البيت كانت صدمة عمري بشهر 1/2014
قعدت الصبح الدوام نزلت س7 بروح وانزف انزف وطلعي بره
اي اللي قهرهم مني اني سويت لي ركن بالشقه اطبخ فيه وكنت ليلة الطردة مسويه صينيتن توست بالدياج وحده لنا وحده لهم بس ماكان عندي فرن
فنزلت تحت حطيتهم بالفرن وقلت لهم عشاء بسيط
وكنت يومها يايبه حلو لعمي
فما في سبب يطردني مني والطريق الا انه تشيش علي ليش شلون كيف ما ادري
انطردت وانقذفت بعد ومت حرة وقلت لزوجي ما رضا ووداني بنفسه بيت اهلي وقال لا تعلمين اهلج انا تحل الموضوع وخلاص نطلع انا ادري ان اهلي اهل مشاكل وشفتها من قبل مع اخواني بس بجت عندي امي انت غير والله لاخط مرتك ع راسي والا كنت بطلع بروحي
قلت اوك
وتبدي مأساتي الجزء الاول
اسم الموضوع : الى كل صاحبة رأي واستشارية ساعديني قبل الطلاق
|
المصدر : الأستشارات الزوجية العامة