الى كل المغتربات :علمتني الغربة

[احاسيس بريئة]

اما من الناحية المادية عليكي بالحيلة ، انا الحمد لله زوجي كريم علي ، لكن تعلمت من صديقة لي بالغربة انها تاخذه للتسوق و تشتري كل شيء اوقات حتى تشتري اشياء و تعرف انها سترميها ، لانه بخيل فبالتدريج يتعلم ان المصروف كبير و كل فترة زيدي شوي .

كلامك وكلام صديقتك صح .سبق ان نصحتني قريبتي بنفس النصيحة, بس التطبيق صعب جدا

عندما اطلب منه شيء ضروري هو ايضا يقوم بالمحايلة والتأجيل والتعذُّر وانتظر ايام واسابيع وأحياناً شهور

ثم اتحدث معه فيتحول الحديث الى مشاجرة فيمطرني بالاهانات والكلام الجارح

حتى صرت اكره ان اطلب منه شيء

حاولت كثيرا ان اطلب منه تخصيص مصروف لي لكنه كان يرفض بحجة انني ازا لزمني يمكنني ان اطلبه منه

هكذا !!!

نسي همجيته معي عندما اطلب منه شيء.

المشكلة عندما نذهب الى بلدنا بإجازة يعطيني ما اريد, ولكن هنا بالعكس. حتى عندما يطلب اهله مصروف يعطيهم

حتى على حسابنا. ويردد(انت ومالك لأبيك). ولكن اين العدل؟

لاحظت انه يحب ان يكون بفضل صورة امام الناس ,كما كان يفعل ايام الكذب.. اقصد ايام الخطوبة

اسفة طولت عليكي
--------------------------------------​

اما معنويا فليه نحنا هون ههههههه

تسلملي حبيبي صدقيني انتِ وكل الاخوات احبكم في لله

اسأل الله ان يجمعنا جميعاً في الفردوس الاعلى.

 

[سلمى العمر]

طبع زوجك هو طبع كل الرجال ، حتى زوجي ايضا عنده هذا الطبع ، يعني اذ اشترالي اي شي جاكيت هدية اي شي ، يقلي اكيد بدك تتصلي بالماما تقليلها اي امي ، يعني بدو يتحالا قدام اهلي انه هو يشتريلي ، تعرفي اللي حكيتلك عنها عانت كتير هي و زوجها نفس وضعك الان تماما ، بخيل على بيته و اهله يبعتلهم دون حساب ، كان يحاسبها على كل شي لكن اخدت القصة معاها شي سبع سنين لقدرت تاخد منه مصروف ثابت لها و ان كان يعطيها باليمين و ياخد بالشمال على اساس دين ، لكن يرده و لو جزء منه ، و اتبعي معاه اسلوب غير مباشر طالما انه يحب يتحالا قدام الناس ، اذا اشترى اي شي و لو عصير متلا عندكم ضيوف قوليلهم بدي دوقكم عصير كتير طيب اشتراه ابو فلان ، او اذا مثلا كان معاكي و اشتريتي كنزه حتى لو ما عطاكي رايه فيها ، انطري لتكوني لابستيها و يكون معاكم حدا رفيقتك مثلا ، وقليلها قدامه مش حلوة هالكنزة ابو فلان اشترالي اياها الله يخليلنا اياه ، يعني من هذا الاسلوب انصبي عليه ، غير بالحيلة مش رح يمشي اسمعي مني ، اصلا اي رجال بدك منه شي لا تطلبيه بشكل مباشر يهرب ، يهمني اسمع رايك بكلامي و لي عوده ان شاء الله

 

[احاسيس بريئة]

كلامك كلو صح ماشاء الله عليكي, واضح انك واعية وفهمانة

بس المشكلة ان اختلاطنا بالناس قليل جدا, يمكن من سنة ماحدا دخل بيتي, وما رحت عند حدا

بس مبارح اتعرفت على زوجة صديق زوجي واعتقد رح يصير زيارات

رح بحاول طبق شيء من كلامك مع انو صعب عليي لاني خجولة وانطوائية نوعا ما ,يمكن من الوحدة.

والمشكلة اني ما بحب صير نسخة عنو يعني التباهي امام الناس بكره جداً هي الصفة عندو ,بحس بالسخافة

والله شي متعب لما تعيشي حياتك كأنها معركة

شكرا الك يا سلمى :a194:,متل ما وعدتك رح بحاول اخد بكلامك بس بدها وقت طويييييييل وصبر والله يهدي هالرجال

 

[سلمى العمر]

هدا الخجل لا تقليلي عنه لاني يمكن اخجل اكتر منك بس بدك تتعلمي ، على الخجل تصدقي مرة صار معي موقف هون يدلك على خجلي ، كنا بلمة عرب ، وحدة من النسوان قعدت تحكي قديش ابنها بيحبني و مسمس كل العابه على اسمي و كل يوم يقلهم امتى تجي خالتو سلمى و ما يترك سيرتي، فوحدة من الموجودات جارتي و كمان ولادها و الحمد لله بيحبوني كتير ، فشو بتقول هي الاخت ، الولاد بيحبوها على الفاضي يا حرام الله ما عم يطعمها ولاد و قدام الكل تخيلي مع انها تعرف تماما انو انا و زوجي ما بدنا هلق و مأجلين الموضوع ، و الله اخجلت و لا عرفت رد كلمة . فبدك اكتر من هيك ، بس مع زوجي لقيت انو هذا الاسلوب كتير ينفع معاه اول ما يشتريلي اي شي اتصل باهلي و خبرهم و ضل لابسة القطة اذا اقدر كل النهار و العب فيها و امدح بللي اشترالي اياها و انه كتير مذوق و اقله مارح اقلك مين اشتراها ، طبعا هوي يعني و من هذا الكلام ، انتي لما تبدأي تصيري تبدعي و كلها شهرين تصيري تعلميني، هههههههههه

 

[سلمى العمر]

اخطاء املائية كتير، يالله المهم المعنى يوصل ههههههه

 

[احاسيس بريئة]

بالنسبة للموقف اللي صار معك فلا تهتمي كتير احيان بيمر بحياة الانسان ناس قليلة ذوق

بس بيكفي انك ما رديتي عليها , بتكون صارت قد النملة ادام الناس(مع احترامي للنملة) هههههههه

انا زوجي ما بيحب لمات العرب ,بيؤلي كل الناس بتحكي عن بعض وكلو مختلط رجال ونساء, ولا مرة حضرت جلسة او سهرة ,

بس فعلا مافي من ورا ألسنة الناس غير وجع الراس

بس عجبتني جلمة( بتضلي لابسة القطة وتلعبي فيها كل النهار) هههههههههه

بعرف اصدك قطعة الملابس..بس كنت بمزح هههههه

 

[احاسيس بريئة]

، بس مع زوجي لقيت انو هذا الاسلوب كتير ينفع معاه اول ما يشتريلي اي شي اتصل باهلي و خبرهم و ضل لابسة القطة اذا اقدر كل النهار و العب فيها و امدح بللي اشترالي اياها و انه كتير مذوق و اقله مارح اقلك مين اشتراها ، طبعا هوي يعني و من هذا الكلام ، انتي لما تبدأي تصيري تبدعي و كلها شهرين تصيري تعلميني، هههههههههه

بس عزيزتي انا ازا بدي اشتري شي الي بشتريه لوحدي يعني على زوقي. فكيف بدي اول

ابوفلان اشتراها وابو فلا مزوق و من هالكلام

هيك سلبات ما بتمشي عليه ههههههه

ببداية زواجنا كان يجيب كل شي بيخصني على زوقه عانيت كتير لان زوقه ما بيعجبني

وحاولت كتير حتى صرت اقدر اشتري لوحدي

بس الاولاد بحب هو يجبلهم على زوقه بس كمان ما بيعجبني

بس رح بضل بحاول حتى يتركلي هي المسؤولية بس الي

قصدي شراء كل شي بيخصهم.

 

[سلمى العمر]

تعرفي انا نفس وضعك اول زواجي كمان ذوقه بهدلة ما تتوقعي ، حتى على تيابه ، لكن شوي شوي مشي الحال و علمته على الالوان اللي بحبها ، احكيلك موقف صار معي يمكن يفيدك ، زوجي يحب الاحمر او النبيتي يلفت نظده ، فمره كنا بمحل و عجبني مانطو خمري على احمر انيق جدا لكن غالي ، فحملته و علقته مقابل الدرج اللي ينزل من الطابق الثاني الرجالي ، و كان زوجي فوق طلعت لعنده و لما بدنا ننزل نزلته من نفس الدرج طلع بوجهه لفت نظره ، فجربته ، طلع بيطير العقل بس انا طبعا عملت اني متردده و قله عن جد حبيبي انت شايفه حلو انا بوثق بذوقك هوي كبرت براسه و دفع ثمنه هوي عم يضحك و كل الطريق يقلي بكره شوفي قديه رح تحبيه بس تتعودي عليه ، طبعا انا كانت عيوني طالعة عليه ، بس وصلتله اللقمه لتمه و هوي بلعها ههههههههههههه يعني بدك حيلة ، كل ما شفتي لون يعجبك قوليله شوف هاللون غير شكل او الموديل يتعلم ذوقك ، اي انا حتى تيابه صرت اختارها عذوقي

 

[احاسيس بريئة]

ههههههه ماشاء الله عليكي ,فكرة خطيرة :icon30:

بس فعلا هيك فُرص ما بتتعوض لازم نستغلها لصالحنا هههههه:a115:

وكل انسان لازم يكون عندو نقطة ضعف.

شكرا سلمى على هالأفكار :wink:

 

[SћŏSћŏ]

السلام عليكم
ما شاءالله ملتقى جميل تلتقي فيه قلوب الاحبه الحنونه لتحس بالدفئ في غربة باردة

أختي أحاسيس بريئه لم تفعلي الرسائل الخاصة فأحببت ان انبهك هنا
عدلت على الصورة المتحركه وهذه بعد التعديل

في توقيعك اسماءالله الحسنى استغربت كلمتان
الاولى المنتمم والثانية المقيت
الاولى على مايبدو انها خطأ بالاملاء اما ان تكون المتمم او المنتقم
والثانية لا اعلم انها من اسماءه واحسها اهانه ان كانت قرائتي لها صحيحه
وان كانت مأخوذه من الوقت فلا احس انها تنتمي اليها
اوقت وقت يوقت ايقات فهو موقت وليس مقيت
كلمة مقيت من المقت >يكره بشده
امقت يمقت ممقوت فهو مقيت
سامحيني فهي اسماءالله
وارشديني ان كان المقيت كلمه صحيحه
لاني لم احذفها لاني قد اخطأ
فتكون من وقّت ايقات فهو موقت
فان كانت من الوقت سأعدلها لتكون الموقت
وقد تكون صحيحه المقيت بالضم اي دقة بالوقت

 

[الفقيرة الى لله]

ملتقى انتبهت له أخيرا فيه كثير من الحب و الوئام وفقكن لله.