الى جربت الزواج مره ثااانيه بعد الطلاق تدخل (للمطلقاااااات فقط)

[اشتقت لودي]

السلام عليكم
احب اسالكم اخواتي وحبيباتي
انا مطلقه لسا باقي لى طهر واحد وتنتهي عدتي بعد معاناه الله وحد علم فيها
ابي اسال كل مطلقه كيف تجاوزت مرحله ما بعد الطلاق ؟
طبعا اذا كنتي تحبيه ..
وكيف اقدمت على خطوه الزواج ؟
خاصه اذا كنتي صغيره وعندك طفل او طفلين ...
والخطاب الى يجوكي ما نوعيتهم مطلق ارمل متزوج ؟
وهل الزوج الثاني معاملته واخلاقه معك افضل .. يعني ما ندمتي من زواجك الثاااني ...
افيدوووني انا في حيره من امري
اخاااااااااااااف من المستقبل وفكرتي عن الزواج سلبيه جدا ...
اخاف يجيني اردا منه الله يعلى قدركم ..:30:

 

[مايصحش هالحتسي]

الي يحب مايطلق انسيه واصلن مايسوى ظفر رجلك دامه تخلى عنك
اوعي تفكرين فيه مايستاااهل وشغلي نفسك بشي تستفيدين منه والهي بحياتك وحبي نفسك وارعي اطفالك وعوضيهم
وان جاك نصيب اقبلي اذا راعي خلق ودين وقبل استخيري بس اوعي تاخذين واحد مزوج لان حياتك تصبح تعيسه

والله يعوضك بواحد يدللك ويسخره لك وعليك بالاستغفار واشغلي نفسك بالي خلقك الله عشاانه!!
ولاتنسين الوتر

 

[اشتقت لودي]

مشكووووره اختي ما قصرتي
بس ابي الى امجربااااات الله يخليكم لا تخلوني

 

[دنيا كئيبه]

انا مثلك لسا متطلقه ومدري ما اقدر اتخيل نفسي مع رجال غير الي كان زوجي انا احبه ... وانا لسا صغيره بس فكرة الزواج مره ثانيه تقرفني غصب عني مع انه هو طلقني بكل برودة دم منشان مشكله صغيره انا لله وانا اليه راجعون اللهم اجبرني في مصيبتي واخلف لي خيرا منها

 

[اشتقت لودي]

دنيا كئيبه انا صغيره عمري واحد وعشرين وعندي ولد وبنت واحب زوجي لاكن النفس طاااااااااااااابت منه واخاف من المستقبل ............ يا بنات ثلاثين وحده دخلت ولا ردت حرام عليكم

 

[في صمتي ألم]

الله يصبرك
عيشي حياتك كانك اول مره تتزوجين انسي الماااااضي واستمتعي مابقى من حياتك
العمر مره وحده
طليقك بيتزوج ويشوف حياته
لاتفكرين بالماضي وتفاءلي كذا وحده تتطلق وتتزوج وتعيش احلى حياة الله يعاوضك

 

[دحومتى]

لكل المطلقات عيشوووو حيااتكم بحلوها و انسو الماضى انسوووه او تناسوه بحلوه و مره
قولى الحمدلله طلااق ولا مرض ولا مصيبه ولا فقر ولادين يهدد حياتكم ولا حوادث
الطلاق هو انطلاق و انفتح لك و اقبلي الطلاق ولقب مطلقه ولاتنكرى بتفكيرك زواجك و طليقك من احاديثك و تجربتك لا فقط لاتحنين و لاتشتاقين لشى سرااب صار انسيه وتناسيه وعيشى يومك وادعى ربك والدعاء مخ العباده و صلاة اخر الليل ياااااه كم اشتاق لاخر الليل لاصلى ركعتين ابوح الى بخاطرى لربى و اطلب منه الجنه بدنيا والاخره

عيشى الفرص الى تجيك و حبى نفسك وحياتك
والله الحياة قصيره والله يعين و يسهل ويوفق

 

[**درب الزعل**]

أسلوب قبيح للصيد في الماء العكر​

 

[عتوشه]

الطلااق معاناة ويسبب لك عقدة من الزواج
الله يعوضنا بس

 

[حظي واعرفه]

حبيبتي انا متزوجه الزواج الثاني
زولي ولد وبنت من زواجي الاول .تعبت وعانيت من الزواج الاول والثاني
الاول كان كذاب وانتهازي والشك مالي قلبه.والثاني غيور واناني وبخيل وتجربته الاولى مع طليقته دمترت نفسيته يغار من عيالي مع انهم يقولوله بابا ويبوسو راسه وايده.له اولاد 7 من زوجته الاولى لكن الرجال من فئه واحده .كلهم من نفس المستوى حتى لو وصلو من العلم والثقافه الى اعلى المستويات حاليا انا بمنطقه وهو مع عياله بمنطقه اخرى وحاليا قاعده اسعى للطلاق .نصيحتي عيشي لنفسك وعيالك. صدقيني مافيه رجل يستاهل تعيشي معه التجربه الثانيه
مااخفي عليك اثنينهم يحبوني بدرجه كبيره لكن حب بالكلام لايجدي .واعذريني عالاطاله

 

[سلسله الغرباء]

انا تزوجت الزواج الثاني من متزوج والحمد للة شبة مرتاحة .تفاصيل طلاقي وزواجي الثاني كثيرة وانا حامل الان وللة الحمد والمنة بسسسسسسسسسسسسسسسسسس العبرة بالاخير.وتاكدي ان كل شي مكتوب ولكل قاعدة شواد,ادعو لي بالتوفيق

 

[اشتقت لودي]

حظي واعرفه والله خوفتيني من الزواج مره ثااااانيه هاذا الى انا خايفه منه على قول المثل امسك قردك لا يجيك اقرد منه لاكن انا حاطه في بالى اني لما اتزوج ما راح اخذ واحد متزوج او مسيار ابداااااااااااااااااااااا باخذ مطلق او ارمل لاني وانا متزوجه ما كنت ارضى على زوجي يتزوج على فكيف ارضاها على غيري والحمد لله على كل شي

المشكله اني اخااااااف ارجع لزوجي ولا يتغير ويرجع كما كان واخاف اخليه يجي اخس منه وش السواااااااااااااه محتااااره

 

[رحله السلام]

انا عن تجربه كنت اصلي استخارة 7 مرات باليوم يمكن واقول ياربي امحي من قلبي وشيله من حياتي الى ان حسيت بثانيه انه طلع من قلبي وكنت قبلها طالبه الطلاق ب 6 شهور بس هو رافض بس بعدين انا اصريت انه اتطلق ورحت للمحامي وتطلقت

لازم اول شي تسوي تنسي وتتذكرين بس الشي المو زين فيه بس لا تكرهين عياله في لانه حرام هذا ابوهم بس انتي ادعي من الله انه يطلعه من قلبج

 

[ضحيه]

صعب تنسيينه اكيد بالذات اذا كان سبب طلاقك الناس انا اعرف وحده مطلقه لها 15 سنه مطلقه والسبب مارتاحت معه تقول اخلاقه معي ماهي كذا ولا بد بس تقول عشقته زياده بعد ماصار بعيد بس صدقيني الرجل اللي عند كلمته ميطلقكي ويتنازل عن حياه عظيمه بما تحويه من ذكرايات واطفال ومصاعب الا واحد مايبيكي ولا يحبك وهذا كلام اغلب الرجال العاقله يقولوا مايطلق المراه الا اذا لم يكن يحمل لها ذرة حب المراه شاعريه وصعب تنسى الماضي فلا تتزوجين وانتي في قلبك ذرة حب له لانك بتتعبين اكثر طبعا المطلقه هذي تزوجت بعد اجبار الاهل واحد تقول اخلاق وعسل بس احن لطليقي بالذات على الفراش وطلبت الطلاق مره ثانيه بعد 7 شهور فنصيحه فكري اذا بتعيشين بس كذا عيشة قانون بدون شعور وحب تزوجي واذا عيشة زواج وحب خلاص لايمكن تتكرر فالكثيرات يتزوجن مره اخرى تقول ابي عيال او ابي احد يصرفني وتلاحظين ذي الالفاظ يعني ماهو زواج بمعنى الزواج الاول .

 

[الدنيا كلها وجع]

حبيبتي شيكي الخاص

 

[ماليزيا]

الطلااق معاناة ويسبب لك عقدة من الزواج
الله يعوضنا بس

ليش عتوشه هالنظره التشاؤميه ,,,
الله يوفقك ويعوض عليك ياااارب عاجلا غير آآآجل
وانت بعد يااشتقت لولدي لاتفكرين كثير بالمستقبل
هذا كله في علم الغيب والله يكفيينا شر مافي الغيب
ويعوض على كل مـطلقه

 

[ابتسامة الزمن]

الله يعوض كل مطلقة خيرا مما فقدت

 

[سجى ريحان]

وضعي متل وضعك تقريبا الله يهونها بس