الى انوثه مغربيه حددي نمط زوجي بليييز جنيييت

اتعتني جروحي

اتعتني جروحي

New member
إنضم
2010/11/21
المشاركات
211
مراحب عزيزاتي ابي اعرف نمط زوجي ساعدوني جزاكم الله خير
قبل كم سنه طلعت نمطي ونمط زوجي بالبوصله الشخصيه من هالمنتدى واستفدت كثيييييير بالاخص من العضوه احساس ماينداس
ومن سنه ونص حالتنا حاله ومتغيرين على بعضنا
حتى انه خطب ??
اليوم حاولت اعرف نمطه واتاكد طلع شمالي غربي وأنا جنوبي غربي
السؤال هل النمط يتغير ردو علي اروجوكم
 
ايوه يتغير لكن ايش مشكلتك بالضبط وليه خطب عليك وايش سويتي معه وكيف بدت مشكلتك بحاول اساعدك بقدر استطاعتي
 
كيــــف يتغير

ممكن تكتسبي صفات من أنماط أخرى

لكن مو ممكن تغيري نمطك بالكامل

لأن المسألة تتدخل فيها الجينات وبرمجة العقل الفطرية
 
مراحب ويسعد صباحكم وبالاخص الي ردو عليي
بالنسبه للنمط زوجي كان شمالي شرقي وهالفتره رجعت عالبوصله الشخصيه طلع انه شمالي غربي مع اني السنين الي مضت تعاملت معاه باستيراتيجيات الشمالي الشرقي وتحسنت اوضاعنا كثير بس من ولدت ببنتي من سنه ونصف بعد ماولدت فيها بثلاثة ايام مدري وش صابه مايطيقني ومايقدر علي ولا عالاولاد بالرغم انه ماكان يرضى عليهم ووجوده هو الأمان
تغيرت حالتنا واحاول اتقرب منه فتره وابتعد فتره حاولت وحاولت بس مافي نتيجه وهو لاحظ على نفسه وقال لي انا مدري اشفيني دايم مضايق ودايم ثاير وماأقدر ادخل البيت قلتله يمكن نظرة حسد لاني من ولدت ماطيق البيت ولا اولادي
وغير كذا احنا تو سكنا ببيت جديد وكل الي يجوني يزوروني يشهقون فيه بكم اخذتوه وكيف اخذتوه وتدينتو واخذتو قروض وووو سوالف الحريم الي مالها نهايه وضلينا على هالحال سنه وبعد السنه لقيت انً رجعنا شوي مثل قبل حب وغرام واحترام شهر ونص الا يفاجئني لو اتزوج عليش تزعلي ونا مفتكرتنه يمزح ضحكت وقلت ولا اهتم
علىًبالب مزحه هو دايم يقول بتزوج وبتزوج
اتفاجأ بعد اسبوع الا الرجال خطب وحلل تحليل الزواج ويتفاخر بهالشي ويتفاخر بأمه واخته انهم خطبو له
انا انصدمت ولقيت لزقة التحليل على ايده انكسرت من داخلي
طلعت عنه شوي طلع وراي اذا الشي يزعجش ترا اقدر اكنسل الموضوع واشتريش وطلع للعمله
وظليت طول نهاري بدوامه
محتاره ليش يبي يخطب ليش امه واخته يخطبون له ليش بدون علمي وووو
المهم رجع من العمل وقال لي لازم تصرفين بنتش ونطلع نتفاهم
طلعنا وتفاهمنا وقال لي انا جاد وكلمتش وقلت ونتي ماهتميتي رحت لامي واختي خطبو لي قريبتي
عاد من هالقريبه وحده بنفس عمره ونا اصغر منها بسبع سنوات وازورهم ببيتهم طوال السنه
انصددمت وقلت له تراها بنفس عمرك
وتفاجأ ليش اهله ماقالو له انها كبيره وصارت نقاشاته نهايتها انه راح يلغي التحليل وبيوهمم ان التحليل طلع موً توافق وانه استعجل وانه مو محتاج وراضي فيني وفحياتي مرتين في يوم واحد يرفعني للسما
وفعلآ قال لهم ترا التحليل مش متوافق وصار الفيلم طاحت الخاله مغمى عليها وطاحت البنت المتقدم لها وماتوتعي وخاف ان ظلمهم وتراجع في كلامه وقال ان بيكمل الموضوع وانه بلش نفسه معاهم
وتم العقد بعد شهر ونص من نتيجة التحليل
عقد ومن ثاني يوم صارت المشاكل
ودخلوني اهل زوجي بسوالف مالي دخل فيها فقرر يطلق
ووكل محامي وصارت الأفلام الهنديه من إغماء ومرض ونوبة سكر وتراجع عن الطلاق وجلس معاي جلسة اعتذار انه ندمان وانه مو مضطر وانه عايش مللك وش الي خلاه يدخل نفسه في متاهه مايقدر يطلع منها ومدحني من .....إلى ومدح أهلي
واقنعني انه بيجبرها تعيفه لان اكثر من كذا مايقدر يسوي شي مرتين عاف وصارت مشاكل وانقسمت العائله
مرت اسابيع
وهو مايروح لها دايم وأمها المصون ادق عليه ماتجي ماتمر مانشوفك وترجع تتصل في أم زوجي مايجي وووو
وصارت مشاده كلاميه بينه وبين اخوانه عشان قريبتهم
نهاية النقاش رموني بالسحر اني سحرته وكرهته في قريبتهم
عاد ثار وأصر يطللقها كرد اعتبار لي على حسب كلامه
وفعلآ باشر بالموضوع وكان بينه وبين الموكل اتصالات واليوم الي راح ينتهي الموضوع ويتم الطلاق صار الفيلم من اهله ان لو طلق ولو ولو وامه مو راضيه عليه ون بيدخل النار ودعو باالسوء على بنتي وأًلادي
مدري خاف من كلامهم ولا خاف ان يكون ظالم والا خاف ان امه موراضيه عليه
ورجع لها
وماعطاني اي اعتبار
انا عرفت وماقلت له اني عرفت لان كرامتي ماتتحمل اكثر عاملت الموضوع عاادي مشييته على طرف المي
وصرت على طول ساكته اذا مره فيها سالفه ابتسمت وهو مستغرب مني وضل يتغزل فيني وفي جسمي وفي صوتي حتى بلمسة ايدي
ونا مو مصدقه لان الكذب بللغ نسبه لاتحتمل
واعدت اختبارالبوصله الشخصيه طلع لي شمالي 17
وغربي13
تفاجأت يعني على هالنتيجه فهو شمالي غربي
ونا جنوبيه غربيه
وحالي كحال اي انثى لما اشوفه متزغرت وطالع تجيني مية حره ومية طعنه وجالسه احاول اصبر نفسي بنفسي
كان يرفض اقص شعري عاد لازم اغير نفسيتي وشكلي قصيته بدون اذنه ومازعل بالعكس الا حظ يسرق النظر لي بهالقصه ونظفت وجهي وسويت تاتو مؤقت
وهاديه ورايقه واسوي لي جو بالورد والشموع واكون جالسه للوحدي
ومع الموسيقى
بس لاحظت كثرت جلسته بالبيت
وختى لما يروح لها مايتأخر
ويجي ويلمني ويمدحني قدام الأولاد
والحين مسافر رحلة عمل للمدة اسبوع
ومالي خلقه بالمره كلما جلست للوحدي تذكرت افعاله
وتذكرت ان اهله مايحبوني وهو عارف ووقف بصفهم وخلاني
ومحتاره بنفسي مدري اسوي له جو جيته من السفر ولا اطنش
شيرو علي اهل الخبره لاني مرهقه ومحتاجه مشورتكم
وجمعه مباركه عالجميع
 
ما هي فصيلة دم زوجكِ؟؟؟؟؟؟
ما هي فصيلة دمكِ؟؟؟؟؟؟
 
مرااحب
فصيلة دميO_
فصيلة دم زوجيA+
هل الانماط لها علاقه بفصيلة الدم
 
ارجو الرد عزيزاتي عجزت اتعامل معاه ومو متاكده هو من اي نمط ارررجوكم ياحكيمات ردو
 
أختي زوجكِ من فصيلة دمه نمطه الغالب شرقي.....
هل أتعبكِ صمته و تجاهلكِ رغم صراخكِ؟؟؟؟؟؟ لأنكِ شمالية و لا تستطيعي الكتمان....
 
أختي لازم تتاكدي عن طريق فصيله الدم من قسم انماط الشخصيه هنا
أنا تخيلي مع زوجي سنوات وكنت احسب انه جنوبي لانه كان يأجل بعض الامور لخاصه في بيت ولانه كان يحب يحضني اول الزواج وينومني قريب منه واشياء كثيره
لكن بعد فتره تغير عليييي مرررررره

اتاريه كان غارق بالحب الرومنسي اول الزواج وتوها تتطلع حقيقته

بعد ما قرأت عن النمط عن طريق فصيله الدم كان شمالي شرقي ..
ولمن قرأت الصفاات تفااااااااااااااااااااااااااااااااااااااااااااااااااااااجأت

كانت كلها في زوجي الحالي الجديد الي حسبته تغير
ما يحب الالتصالق
يحب الانجاز
سريع الحركه والكلام
متسلط غيووووور
يكره المرأه الضعيفه في نفس الوقت مايبغاها تستقوي عليه

والله الصرااحه تفاجات مره مره

عشان كذاا انصحك تحددين النمط عن طريق فصيله الدم


اما بالنسبه لمشكلتك ........يتبع ....
 
أنا ما اعرف تفاصيل مشكلتك بالضبط ولا نمط زوجك
ولا ابيك تاخذين بكلامي ميه بالمييييييييييييييييييييييييييييه

لكن أقرأي وانتي أحكمي ..

واضح ان سبب زواج زوجك هو ضغط من اهله وتخطيط من خالته كمان
يعني انتي شكل لك فتره طويله يا غافل لك الله وهم يخططون من وراك

عشان كذا اوصيك اول شي بالدعاء والقرب من الله
أدعيييييييييييييييه من كل قلبك انه ينصرك ويرد كيدهم بنحرهم
ترى الايمان واليقين بنصر الله يفتح لك كل الابوااب المغلقه

ثاني شي دامهم يضغطون على زوجك وشايفه أنتي ان هذا الاسلوب يمشي معاه لو انا مكانك أكون أقوى شوي من كذا ..

هذا اذا كان فعلا هم يضغطون عليه ولا هو مقرر وماشي بالموضوع
اتوقع يقولك هذا الكلام عشان يهديك ويخليك تطمني وهو براسه شي ثاني.. إذا كان شمالي او شرقي
الا مستحيل يقولهم التحاليل ماهي متوافقه وعشان اغماء وتفاهات يتراجع ..الا اذا كان جنوبي والله اعلم هو الي تمشي معاه الحركات هاذي :)

عشان كذا اقولك حددي نمط زوجك وشوفي كيف تكسبينه بصفك حتى لو كان بافلام هنديه زي ماهما سوو ههههههه
او بالضغط عليه مثل انك تتركين له اولاده او البيت وانا ما انصحك طبعا نصييحه قطعيه لكن اقولك كمثال ...


الله يكفيك شرهم وينصرك يارب
 
ياحياتي جد دمعت عيني من قريت كلامج الله يسخر لج اياه و الله يفرج كربج ويفرحج باقرب وقت
و اجر ان شاءالله
بصراحة ماني عارفة شلون اساعدج لان ماعندي خبرة .. بس بدعيلج
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل