الولاده المبكره وعملية الربط<<تكفون اللي تعرف تطمني..

[سحر البراءه]

السلام عليكم ورحمة الله وبركاته​

كييفكم حبااااااايبي​

حبيييييييييت اسالكم انا ولدت ولاده مبكره كان باقي لي 5 ايام وادخل السابع​

طبعا كذا فجاه حسيت بالم فضييييييييع وكل شوي اروووح الحمام ولاني بكريه ​

ما اعرف الطلق ما ادري ايش اسوي بس شفت نقطة دم على طول رحت المستشفى ​

وقالولي ولاده وولدوني وجبت بنت بس طبعا ماتت لانيها كانت مرررررره صغيره​

انا ولدت في مكه الحين انا في الشرقيه رحت المستشفى اليوم عشان اشوف ايش سبب ​

التسقيط قالي الدكتور ما نقدر نعرف بس امكن يكون عندك ارتخاء في الرحم ويحتاج لعملية ​

ربط اذا حملتي تعالي راجعي عندي..​

يعني الحين لازم اسوي العمليه وترى الدكتور ما كشف علي ولا شئ ولا يعرف حالتي ​

لانه الدكتوره اللي كنت اراجع عندها مو فيه​

مع العلم اني طوووول فترة حملي كانوا يقوووولون كل شئ سليييم وتمام وحتى لما رحت ​

حللت للحمل وعرفت اني حامل اعطتني الدكتوره حامض الفوليك وحبوب تثبيت من غير​

لا تكشف علي استمريت عليها شهر تقريبا ورحت موعد ثاني في مستشفى ثاني​

والدكتوره سوت لي سونار ووصفتي بس حامض الفوليك قلتلها والتثبيت قالت لاااا انتي ما ​

تحتاجينه ورحت مستشفى ثاني ولما سوى لي سونار كمان بس وصف لي حامض الفوليك​

وسالته عن حبوب التثبيت قال لا ما تحتاجينها كمان..​

وطوووول فترة الحمل ما كنت اعاني الحمدلله من اي الام او نزيف او اي شئ..​

بس الشهر السادس رحت عند دكتوره ثانيه في مكه لاني نزلت عند اهلي بس ما كشفت​

علي بس جلست تسالني ايش تاخذين ادويه وقالت استمري عليها..​

وكمان هذا الشهر كنت اسافر كثير بين مكه وجده عشان اهلي واهل زوجي واهلي كانوا في ​

الدور الرابع ..​

تتوقعووون اني احتااااج للعمليه؟؟​

وطيب علي اي اساس يحكم الدكتور احتاج ولا لا اخاف يسويها لي وانا ما احتاجها..​

اسفه مررررررره طولت عليكم​

بس خاااايفه وابي اطمن​

 

[سحر البراءه]

ما فيه احد يعرف حبااايبي؟؟

 

[جنون بيبي]

اعتقد اللي سار لك بسبب الدرج وكثره السفر ..

انتي حكيتيه انو كنتي تسافري وتطلعي درج كثير؟؟

 

[انتوا سموني]

الف الحمدلله على سلامتك

والله يعوضك خيــــــــــــــــــــــر

كثرت السفر في فتره الحمل مرررررررره شينه

لهاضرر عليك وعلى الجنين

بس قدر الله وماشاء فعل

أنا من رأيي تروحين لدكتوره ثانيه شاطره

واسأليها :

لأن بعض الدكاتره يبغون فلوسك قبل صحتك

استشيري وحده ثانيه وشوفي وش تقول لك

اذا طلبت منك نفس الشي

مالك الا تسوينها

والله يرزقك بالحمل السليم ​

 

[@@الجوهره@@]

عملية الربط صديقتي سوتها
حملت وسقطت بعيدين
قالها الدكتور لازم نسوي لك عملية ربط لو تفكرين تحملين مرره ثانيه لان عنق الرحم عندك قصير ويجيها طلق بدري
وسوت عملية الربط وفكو الربط قبل الولاده اعتقد بفتره وتقول كان يجيني طلق والرحم مفتوح من الشهر الخامس عشان كذا فادها الربط عشان ماتولد بدري بالشهر الخامس

 

[رايقه ومتضايقه]

انا جاني الم ورحت المسشفى وكشفت علي وقالت ولاده
وكان هاذا حملي الاول قلت لها ليه وش الاسباب قال عندك ارتخاء في عنق الرحم وكل مره تحمليين سوي ربط
انا مثل تقرببا حالتك ولدت ببداية السادس لكن مات الولدعلشانه صغير والرائه مااكتملت
بعدها حملت ببنتي وسوتلي الدكتوره وانا في الشهر الثاني كشف وتحاليل وقالت كل شي سليم بس قالت لي اخاف لما يكبر الجنين بسوي ضغط على الرحم وتجيك ولاده مبكره والافضل انك تسوينها علشان ناتخسري البيبي والحمدلله سويته وكانت بسيطه الحمدلله ماتخوف لاني تحت بنج كامل والعمليه مدته 20 دقيقه يعني ساعه من البنج وانتي صاحيه بيجيك نزف قليل من اثر غرز الرحم والام زي الدوره القويه بيعطونك مسكنات
لا تخافي والله تراها سهله بس يبغى لها راحه

 

[زرقاء#]

الحمدلله على السلامه والله يخلف عليك بالذريه الصالحه..
اناسويت عمليه ربط الرحم3مرات والحمدلله كل شي تمام بس نصيحه إياك والارهاق دائما ارتاحي وادلعي ....انا عندي 6اولاد والحمدلله الثلاثه الاخيرين سويت فيهم ربط ليش؟؟؟؟؟
أقولك القصه....
ان اصلا حملي صعب يعني لازم راحه من البدايه يصير عندي نزيف واذاماارتحت على طول باي باي مع الطفل الثالث سكنى في بيت ملك جديد وطبعافرحانه فيه..وهات ياشغل المهم حصل عندي نزيف في السبع فجاة وولادهمبكره وسوء تصرف الطبيب سببت ارتخا ء في عنق الرحم ...الولادات اللي بعدها رحت مستشفى ثاني (إذا انت في الشرقيه...السعوديه طبعا )راجعي مستشفى المانع بالخبر عند د.عمر بانافع _الله يطول عمره هذامو طبيب هذا اب حنون وهادي وخلوق ولايمد ايده ابدا إذالزم الامر يحول على طبيبه او الاجهزه تبين اذافيه ارتخاء المهم ان الموضوع مايقلق كثير ...وتاكدي ان كل شي باجره وعلى فكره لاتكثري مشاوير بالسياره لان أقل هزه موزين ......طمنينا عليك.:34:

 

[سحر البراءه]

ياااااااااااا بعد عمري تسلللللللموووون ع التفااااعل

الحمد لله طمنتوووووني

وربي كنت خاااايفه على اني لسى ما حملت بس خفت احمل يسووون لي العمليه

خلااااااص توبه ما فيه سفر ولا فيه درج على انه الحين بيتي كمان في الدور الرابع

بس خلاص ما في طلعه من البيت

حبيتي زرقاء# معليش بسالك مستشفى المانع خاص ولا حكومي

وبكم يسوي لي كشف

وكيف يكون الكشف عشان يعرف فيه ارتخاء ولا لا>>تكفين لا تقولين يدخل يده اخاااف

وصح الحين خلصت الاربعين عادي لو افكر اني احمل ولا لازم استنى كمان؟؟


ومشكوووووووووووورين الله يوفقكم ويسعدكم دنيا واخررررررره ويحرم جلودكم عن النار ويحقق كل امانيكم..​

 

[رايقه ومتضايقه]

معليش انا بجاوبك لاني انا ساكنه بالدمام
مستشفى المانع خاص مو حكومي
والكشف سويته انا في مستشفى سعد التخصصي عند الاستشاريه حنان السبيعي بالسونار المهبلي مو باليد يعني رحي بالك
وبالنسبه لحملك افضل انك ترتاحيين 4 او 5 شهور بعديين تفكري انك تحمليين
اتمنى اني افدتك والله يرزقك بالذريه الصالحه وييسر حملك الجاي ان شاءالله

 

[زرقاء#]

مستشفى المانع اهلي وفتح الملف ب 200تقريبا أرخص من السعد بس نصيحتي زوري د.بانافع ماراح تندمين أنامن14سنه نصحتني صديقتي فيه وللان انا اراجع عند روحي له بعد ماتطلعين بالسلامه واساليه كل اللي تبين ....بالنسبه للكشف مافيه كشف كله بواسطه الجهاز ..بس الدكتور هو اللي يسوي عملية الربط يعني تحت المخدر توكلي على الله وفك الربط بتفكه الطبيبه مايحتاج تخدير ...مافيه الا العافيه انشالله .وقت العمليه بيوقف الدكتورعلى راسك وبيسمي عليك أناحسيت انه ابوي لماقلت للطبيبه بعد العمليه قالت هذا ابونا كلنا.....ربي يعطيك العافيه.

 

[thank you]

اذا هو اول حمل لك اللي سقطتيه لازم تاخرين الحمل واكشفي وسوي تحاليل انت وزوجك مستحسن انه يكون مستشفى حكومي لان التحاليل غالية عليك شان تشوفين سبب التسقيط ياقلبي الله يخلف عليك بعدين اذا قررت حمل كولي فوليك 5 جرام واول ماتحسين ان الدورة تاخرت عليك على طول حللي حمل وراجعي عند الدكتورة واذا قربت تدخلين الرابع اربطي وسوي مثل ماقالوا لك الاخوات انا كذا سويت بس عقب 4 تسقيطات مع ابر الهيبارين والحديد واسببرين مع انهم قالوا مافيه سبب للتسقيط بس استمريت علهم الى الولاده والحمد لله عندي بنت الله يعوضك وكل محروم يارب