خطأ نقع فيه كلنا بداية زواجنا بحن نية و بدافع الحب عندنا عواطف حبسناها بداخلنا سنين و نبي نفرغها بالحلال مو أكثر بس وين اللي يفهمنا !
نظل نجري و نجري ورا الرجال لحد ما يطفش ... طبيعة آدم يحب هو اللي يكسب قلب المرأة مو العكس
ناخذهم على قد عقولهم شنسوي
يعني المفروض تهتمين فيه مو تهملينه و لكن ما تحسسينه بالاختناق ( كثر الحب و الاهتمام تؤدي إلى نتيجة عكسية عند الرجل الله يعيننا )...
تصرفات بسيطة أنا استنتجتها و لاحظت الفرق في الاهتمام و المعاملة....
1- الاتصالات
لا تتصلين له كل شوي بسبب و بدون سبب و ترسلين له مسجات أحبك و أموت فيك و ما راح اعيش من غيرك ... الخ
بحكم انج مخطوبة حددي مكالماتج 3 أو 4 مكالمات في الاسبوع أو أقل بهدف انه تعطينه فرصة يشتاق لج و تستخرجين مشاعر شوق صادقة من عنده .
لما يتصل لا تركضين تردين من أول رنة.. خليه يرن شوية بعدين ردي و بين فترة و الثانية خليه يتصل اكثر من مرة بعدين ردي بهدف انه تحسسينه انه مو كل عالمج و انج غامضة و لازم يكتشفج
لما تتزوجين مو تدقين عليه كل يوم في شغله .. ادري تبين تفرحينه و تحسسينه باهتمامج بس الاتصال اليومي بيني و بينج مغثة... مرة وحدة في الشهر اتصلي عليه في شغله و تطمني عليه و راح تلقين اثر هالاتصال لما يرجع البيت
لو احتجتي اغراض للبيت ماله داعي الاتصال بس ارسلي مسج سريع و عملي
2- في البيت ( لما تتزوجين)
لما يرجع من برة مو ضروري التهليل و البوسات و الاحضان و اللصقة فيه...
افتحي الباب بابتسامة اجلسي معه ( مو تلصقين فيه ) اسأليه عن أخباره اضحكي معه شوي و خلاص قومي سوي لج أي شي انشغلي عنه مرتين و ثلاث راح يترجى فيج علشان تقعدين معه و تتركين شغلج لبعدين
وقت النوم مو كل ليلة تلزقين فيه أو تطلبين انه ينام معاج في نفس الوقت لا نوعي و انتي و ذكائج مرة اتركي بينج و بينه مسافة مرة احضنيه مرة اطلبي انه يحضنج
مرة استأذني و نامي قبله و راح يجري وراج مرة خليه ينام بروحه بعدين انتي نامي عقبه
خلاصة الموضوع لا تحسسينه انج غثيثة
