الناس فرحانه بالعيد الا انا

[مس مي]

السلام عليكم حبيباتي
اولا كل عام وانتم بخير:9: وينعاد علينا وعليكم بالفرح ان شاء الله.
انا يا حلوات عيدي كلو نكد في نكد ما عدا ثاني يوم طبعا لانو اهلي جو عندي وونسوني:20: طبعا اول يوم صلينا المشهد بعد ما نكد علينا زوجي ورجعنا وفطرنا عند اهل زوجي:30: وبعد ما فطرنا نزلت البيت واشوف زوجي معاه اسهال الله يكرمك وجاتو نزله معويه جلس هوه عند امه وانا رحت بعد المغرب عايدت على اهلي مع السواق حق اخوه ومن عند اهلي رحت مع اختي عند جدتي عايدت عليها ورجعت البيت بسرعه مع اخواني ونمت:40: طبعا هوه نايم فوق عند امه وانا نمت في البيت:30: وتاني يوم جوني اهلي وقعدنا واتعشينا وسهرنا ولمن مشيو نمت:40: تالت يوم خرجنا مع اهله خرجه كلها نكد في نكد وانا في جهه وهوه واولادو في جهه يعني ما فيها جمعه ودور على هادا ولا تدور على هاده:30:رجعت البيت ومن القهر صليت الفجر ونمت:40:لاحظوا ال3 ايام كلها نوم جا اليوم الرابع صحي ابو الشباب من النوم على فوق عند اهله على طول ويجيني العصر يقولي لبسي الاولاد باخدهم اسبحهم في بيت اهله الجديد انا سكت استنا دوري هل حروح ولالا عارفين ايش يقولي؟؟ومن غير نفس؟؟ انتي تعالي مع امي بعد المغرب ولا روحي لاهلك:33: واهلي مرضى اليوم :33: دقيت عليه وقلتلو انت تبغاني اجي؟؟ قالي على كيفك فوق مو ساكته 3 ايام منكد عليه
قمت ارسلتلو رساله وهادا نصها
(انا اسفه وراح اضحي باليوم الرابع وحجلس في البيت واسفه اذا نكدت عليك)طبعا ما رد اروح ولالا؟:8:

 

[اصغرزوجة]

اول شي كل عام وانت بخير حبيبتي

ثاني شي معليش روحي ولا تخلي الشيطان ينتصر عليك وحاولي تسلي نفسك

 

[ريتاج الجنوب]

كل عام وانتم بخير
حتى انا زيك ماحسيت بالعيد اول يوم رحنا عنداهله وخربت السياره وصلحها بنفس اليوم وماقال لي عشن مايطلعني وثاني يوم قال بوديك عنداهلك قلت له طيب بس اول نتمشى قال طيب لين وصلنا نزلني عندهم على طول من غير مايمشيني ودحين سافرمع اصحابه وكل ماادق ابغى اطمن عليه يقولي قفلي طفشتيني موقهر وبعدين قفل الجوال من الصباح لمن دحين وانا مرررره مضايقه عنداهلي

 

[ريتاج الجنوب]

روحي لاتجلسي بالبيت الطفش وطنشيه واشغلي نفسك هناك

 

[امنتك قلبي]

حبيبتي انا لو منك اجلس عند زوجي واشوفه وارعيه واخلي مني الزيارات لانه مااحد با يلومني لو انا ما رحت عندهم لانه زوجي مريض تتكلامين وكانك ما سويتي شي من حق زوجك يزعل منك لانك ما اهتميتي فيه حاطه المسوليه على امه 000 وقوق كل ذا تنامين يبرودك الزوجك بيعرف مقداره عندك لما تسيبين الدنيا علشانه يعني لو ما رحتي عند اهلك وضحيتي بروحه ايش بيقول زوجك والله تحبني ما راحت عند اهلها على شاني وفوق كذا اخذ العيال ما اخذك لانه شيل منك وفوق كذا اخترتي انك تجلسي في البيت لم قال بكيفك لا والله بروح معاهم مسويه نفسك زعلانه وانتي غلطانه
حاولي تصلي الامور بينكم قبل ما تكبر وسسسسسسلامي